بسم الله الرحمن الرحيم

 

KHUTBA JUMMAH

 

À RODRIGUES

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

10 Avril 2009

 

(Résumé du Khutba Jummah)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:

 

 

SURAH AL-IMRAN VERSET 104

 

 

Wa A`taşimū Bi ĥablillāhi Jamī`āan Wa Lā Tafarraqū Wa Adhkurū Ni`matallāhi `Alaykum 'Idh Kuntum 'A`dā'an Fa'allafa Bayna Qulūbikum Fa'aşbaĥtum Bini`matihi 'Ikhwānāan Wa Kuntum `Alaá Shafā Ĥufratin Minan-Nāri Fa'anqadhakum Minhā Kadhālika Yubayyinullāhu Lakum 'Āyātihi La`allakum Tahtadūn.

 

Attrape la corde Allah ferme, tout dimoune ensemble, et pas cause division parmi ou. Rappler faveur qui Allah fine accorde ou. Ou ti ennemis et Allah fine mette l’acorité dans ou lécoeur et ou fine vine frères par So grâce. Ou ti lor bord difé et Li fine sape ou depuis làdans. Comme ça Allah explique ou So verset, afin qui ou trouve bon chemin.

 

En connection avec ça verset là, mo pour explique ça en référence avec ene commentaire de Hazrat Muhammad (Ki la Paix et la Bénédiction d’Allah lor li). Donc mo pé commence ça Khutba Jummah là avec explication de Hazrat Muhammad (Ki la Paix et la Bénédiction d’Allah lor li) en référence ça même verset là. Hazrat Hass Ashari (Ki Allah satisfait avec li) rapporté ki Hazrat Muhammad (Ki la Paix et la Bénédiction d’Allah lor li) fine dire ki : « Allah fine ordonne 5 commandements à Hazrat Yahya fils de Zakariyya (la paix lor li). Donc fine dire ki fine donne Yahya bin Zakariyya (la paix lor li) 5 commandements et moi aussi mo donne zot l’ordre pour exécute 5 commandements ki Allah fine donne moi. »

 

Ça 5 zaffaires ki Allah fine dire li là, en fait c’est zaffaire ki fine dire à tous bane prophètes, spécialement pour Hazrat Muhammad (Ki la Paix et la Bénédiction d’Allah lor li) en gardant en vue ene certaine sagesse fine mentionne ça en référant avec ça deux là. Alors en connection avec ça, li fine explique aussi ça verset de « attrape fermement et collectivement la corde d’Allah. » Fine dire moi aussi mo donne zot instructions pour 5 zaffaires. Ça zaffaires là li capave éna deux interprétations, c’est pourquoi nous bizin prend tous les deux en considération.

 

Mais le 4^ème Calife du Mouvement Ahmadiyya dans éne so Khutba avant so la mort, dans l’année peut être 1998 ou 1999 et bane Ahmadi aussi fine traduire ça comme suite : Ki premièrement reste avec Jamaat et deuxièmement attache oû avec Khalifa. Mo dire ki bizin faire beaucoup attention à bane traductions de bane Hadiths, mais zaffaire ki Hazrat Muhammad (Ki la Paix et la Bénédiction d’Allah lor li) pas fine dire, li pas correcte pour attribuer ça are li.

 

De ça 5 commandements ki Allah fine donne Hazrat Muhammad (Ki la Paix et la Bénédiction d’Allah lor li) : Écoute et obéir Allah et So prophète, faire Jihad dans le chemin d’Allah, reste attacher avec l’Islam, éne religion ki Allah même fine parfaire et Li même fine donne le nom de l’Islam. Séki trouve li dans l’Islam, li senti li en sécurité de so la foi et so la vie temporaire dans ça le monde là. Couma dire l’Islam fine cramponne are li d’éne tel façon à so licou ki li pas capave alle en dehors ça. Donc, fine dire ki garde ça zaffaire ki dans ou licou là bien, si li pas fine obéir Allah et So Rassool (Ki la Paix et la Bénédiction d’Allah lor li), li fine alle en dehors de ça limite là, c’est-à-dire, li fine dévié complètement avec l’enseignement de l’Islam (Allah et So Prophète), li fine enlève de l’Islam ki ti dans so licou là.

 

Bane Sahaba (Ki Allah satisfait avec zot) fine demander : « O Prophète d’Allah (Ki la Paix et la Bénédiction d’Allah lor li), est-ce ki, même si ça quelqu’un faire le Namaz, li garde Roza et li considère li Musulman ? » Hazrat Muhammad (Ki la Paix et la Bénédiction d’Allah lor li) fine réponne « Oui ».

 

Ça trois kitchoses là pas suffit aux yeux d’Allah. N’importe kan éne dimoune tourne le dos avec bane signes d’Allah et la manifestation divine et malgré li pé faire Namaz, garde Roza et en même temps li éna la crainte bane dimounes plisse ki Allah, pé donne l’homme so bane parole et l’instruction pli important ki parole et l’instruction d’Allah, ça qualité dimoune là so lécoeur, l’amour attaché plisse avec zot idole ki Allah, définitivement li pé commettre le Shirk. Si ou attrape « Laa Ilaaha Illallah » fort, pas pou arrive oû aucaine problème et ou pas fine commettre aucaine tort. Alors si ou reconnaître bane signes d’Allah et la manifestation divine ki Allah même manifesté à travers So serviteur choisi, bé l’heure là oû Namaz, Zakaat, Roza et bane bonnes actions ki ou pou faire pour gagne la vie. Tanque ki éna éne chef pieux ki pé amène oû vers le Tawheed (l’unicité d’Allah) et pé enseigne ou séki Allah et So Rassool (Ki la Paix et la Bénédiction d’Allah lor li) fine ordonner pour faire et en même temps éna la crainte d’Allah, toujours ou lors chemin de Sahih Al Islam là. Mais kan ça chef là fine prend li comme dieu lors la terre, et li commence juge la foi dimounes, li applique so l’autorité et so bane l’instructions vine pli important ki Quran et Sunnah (pratique du Saint Prophète - Ki la Paix et la Bénédiction d’Allah lor li), lerlà même ça Namaz, Roza, Zakaat etc., vine ene routine pou li, et péna aucaine la crainte d’Allah là-dans. Li pé présente li-même comme-ci dirai dieu lor la terre et li faire dimounes gagne peur de li-même et de l’autre côté bane dimounes ki auprès de li, zot aussi donne li éne tél l’importance plisse ki Allah (Tabaarak Wa Ta’ala) et zot aussi zot dévié de ça vrai l’enseignement de l’Islam là, et zot attrape so la main avec la force, plisse ki zot ti bizin attrape la corde d’Allah fort. Kan éne tel situation gâté coumsa, Allah (Tabaarak Wa Ta’ala) pas pou laisse ça coumsa même l’heure là même Li envoye So serviteur choisi. Avec l’arrivée de ça Messager là lor la terre beaucoup bane signes et manifestations divine manifesté.

 

Ça Messager ki vini là, li travail sous l’instruction divine et li pas là, pour laisse li diriger par bane créatures. Et l’heure là même, li passe par bane épreuves, kot bane dimounes ignorants, persécute li, traite li de menteur, fou, sorcier etc., et ça c’est éne la loi établi par Allah (Tabaarak Wa Ta’ala) kot ça pour continuer jusqu’à le Dernier Jour (Qayamat). A chaque fois ki la loi divine bafoué dans la main de l’homme, Allah pour continuer envoye So serviteur Choisi. Alors ou bizin lor ou garde si vraiment ou éne croyant d’éne Dieu Unique, kot surtout l’immoralité et corruption fine prend place dans tous so façon, et Allah pé manifester même So bane signes dans plusieurs façon. Alors ou bizin cherche ça Jamaat Allah là, ça Jamaat Sahih là.

 

Dans éne Hadith ki fine prend dépi Musnad Ahmad Bin Hanbal, Hazrat Abu Salab (Ki Allah satisfait avec li) rapporté ki Hazrat Muhammad (Ki la Paix et la Bénédiction d’Allah lor li) fine dire ki Allah fine mette quelques obligations et pas gaspille zot.

 

Ensuite fine dire ki Allah (Tabaarak Wa Ta’ala) fine mette bane limites kot pas rode dépasse bane limites là et éna bane zaffaires ki Allah pas fine mentionner, juste parce ki Li éna pitié pou ou. Alors pas bizin pose question lor ça bane zaffaire là. Ena plusieurs bane zaffaires ki Allah pas fine mentionné dans le Shariah et d’après capacité dimounes fine laisse ça ouvert. Ena ene bane dimounes ki bon, éna capacité pour faire du bien, pour zot, n’importe ki chemin zot pou choisir li pour beaucoup pli droite et ferme. Mais dimounes ki so capacité faible, alors zot pour choisir éne bane chemin un peu pli souple pour zot.

 

Dans ça façon là pas capave accuse zot ki zot fine faire péché, Non. Pas capave dire ki zot pas fine écoute l’enseignement du Quran. C’est ça sujet là même ki pé mentionné dans ça Hadith là. Allah de par pitié fine laisse quelques bane zaffaires un peu souple, afin ki chaque dimoune d’après so capacité adopter éne chemin, éne chemin d’après so nature pour ça pas pour ena aucaine objection de côté d’Allah lor li.

 

Mo cite ene l’autre Hadith ki trouve dans Bukhari kot Hazrat Abu Burda (Ki Allah satisfait avec li) rapporté dépi so papa Hazrat Abu Musa Ashari (Ki Allah satisfait avec li) ki li fine entende Hazrat Muhammad (Ki la Paix et la Bénédiction d’Allah lor li) dire : « Mo l’exemple et l’exemple de bane zaffaires ki Allah fine donne moi et fine envoye moi, li pareil couma ene dimoune ki fine alle vers so peuple et fine dire so peuple ki avec mo lizié, mo fine trouve l’armée de bane ennemies et mo fine vine averti zot clairement. Alors zot bizin sauvé. A ce moment là quelques dimounes fine écoute li et le soir même zot fine sauver. Li pareil couma l’histoire de Hazrat Lut (la paix lor li), li ti averti so peuple clairement, mais fine éna quelques dimounes ki fine écoute li et le soir zot fine quitte l’endroit là zot fine aller. Mais le reste du peuple pas fine porte attention à séki li fine dire, quelque dimounes fine dire ki « Ça c’est éne menteur ça, pas bizin nous aller et reste dans nous place » et effectivement zot fine reste dans zot place. Finalement le lendemain matin l’armée de bane ennemies fine vini et fine détruire zot. Maintenant en connection avec Hazrat Muhammad (Ki la Paix et la Bénédiction d’Allah lor li) l’armée de bane l’ennemies veut dire, ki pareil couma le Saint Prophète (Ki la Paix et la Bénédiction d’Allah lor li) ti averti so peuple ki mo pé trouve éne l’armée de bane ennemies, so peuple pas ti pé trouve l’armée de bane anges.

 

Donc n’importe kan bane l’ennemies fine détruire, c’était en fait l’armée de bane anges ki fine détruire zot. Ça bane vieux Musulmans ki ti pé la guerre là, kot zot ti ena la force pour détruire ça bane l’ennemies puissant là ?

 

Dans l’époque de Hazrat Muhammad (Ki la Paix et la Bénédiction d’Allah lor li), punition là ti éna éne l’autre couleur. Dans l’époque du Messie Promis (la paix lor li) punition là aussi ti éna éne l’autre couleur et laisse mo dire oû ki dans ça siècle présent là aussi punition d’Allah pour éna éne l’autre couleur.

 

Li pas possible ki kan éne Avertisseur d’Allah vini avec bane l’instruction divines et li gagne révélation de côté so Créateur pour li donne le message d’Allah à tous le peuple et zot traite li menteur, fou, malade, sorcier etc., et envoye bane émissaires surtout ici à Rodrigues kot zot fine cause contre nous ici, pour ki ou l’attention pas vine vers moi et kot ou capave gagne éne mauvais l’opinion lor loi et ou pour baze ou lor séki zot fine dire, zot soi-disant Amir et à so alentours. Ki vrai ki menti oû pas pou conné. Zot fine tourne le dos et lor là zot fine dire ça fausse ça et zot fine faire toute sorte propagande. Est-ce ki Allah pas pou attrape zot ? Définitivement Allah pour attrape zot pour zot bane menti ki zot fine causer et zot complot ki zot fine faire et kot fine induire zot dans l’erreur. Mo dire zot attane, moi aussi mo pé attane avec zot. Insha-Allah, mo pour continuer bane réunions ki mo pour faire à travers l’île. Mo termine mo Khutba là-même.

 

Ki Allah aide nous tous ensemble comme éne seul lécorps et l’âme pou reste ferme avec la vérité ki vine de côté d’Allah. Après beaucoup d’éffort la vérité fine éclater. Insha-Allah Allah garde zot tous bien à Rodrigues et faire de zot bane Sahih Al Islam toute au longue de zot la vie, ki li lor la terre et dans Akhérat aussi. Insha-Allah…Ameen…