|
بسم الله الرحمن الرحيم
KHUTBA JUMMAH
HAZRAT AMIR’UL MOMENEEN MUHYI-UD-DIN AL KHALIFATULLAH
MUNIR AHMAD AZIM
11 Septembre 2009
RAMADHAN MUBARAK
(Résumé du Khutba Jummah)
Après ki le Khalifatullah fine saluer zot tous, li fine commence lire le Tashahhud, Taouz, le Surah Al Fatiha et le Surah Al-Qadr ; nek ene coup Allah fine déverse So Révélation lors So Khalifatullah au début même du Khutba pendant plus de 30 minutes. La Révélation ti en Ourdu et compte tenu de ça et de la longueur de la Révélation, Insha-Allah, ça révélation là pou plus tard metter lors le Website. Ci-dessous, c’est ene résumé du suivi du Khutba.
« La Nuit du Qadr li supérieur à ene milliers de mois. Bane anges dessane ainsi ki l’Esprit (Ange Jibreel) pendant ça la Nuit là avec permission de zot Seigneur (et Créateur) et zot apporte le Message partout. La paix partout: li persister ziska le lever du soleil. » (97:4-6)
Du moment ene croyant fine commence garde Roza dans le mois sacré de Ramadhan, li bénéficier de so bane attributs dans tous façons : ki li spirituel, morale et physiquement parlant.
Allah Ta’ala fine classifié ça mois là en trois partie : premier partie c’est kot ene croyant li recevoir la miséricorde d’Allah, deuxième partie kot li recevoir Allah So pardon et troisième partie kot li gagne libération dépi difé l’enfer.
Après ki li fine garde vingt jours Roza pendant ça mois béni là, ene croyant ressenti ene connection bien fort entre li et so Rab (Maître). Li arrive dans ene stage kot li bien content, satisfait ki li fine réussi accomplir bane commandements de so Rab, kot li fine sacrifié plusieurs aspé de so la vie pou le plaisir d’Allah, so Créateur. Ça sentiment de réussite là li ene encouragement pou li pou faire encore plisse z’éfforts pou profite au maximum bane derniers jours kot Ramadhan pou fini, et pou laisse ene grande vide dans so la vie. Comment mo fine dire avant, Ramadhan li ene mois d’entrainement ; ene telle mois kot ene croyant li prefère consacrer li dans rode faire plaisir Allah à travers l’accomplissement de plusieurs actes d’Ibaadat, pou ki li gagne aussi le pardon d’Allah et So protection contre difé l’enfer.
Allah fine divise ça mois là en trois partie ki mo fine mentionné avant. Kan le croyant fine soumette li complètement à Allah, en recherchant So pardon pou sak péché ou erreur ki li fine capave faire, sois avec conscience ou dans l’ignorance, alors ça semaine de pardon là dans ça mois béni de Ramadhan là vine attirant pou li kot li capave faire encore plisse Tauba (répentir) pou ki li sure ki Allah pardonne et accorde li ene libération de bane torture ki li gagner kan li senti li coupable de so bane mauvais actions et pou li libérer d’ene sentiment ki li tousel, sans ene kikaine pou comprend li. Alors kan li regagne ene la force spirituel ki faire li reprend la force et regagne le goût à la vie, alors li gagne pou profite ça bane grand la joie là ki li gagner kan li gagne connection avec Allah. C’est le cas pou ene Messager d’Allah ki, kan li délaisse bane attractions temporaire de ça le monde là, et li attache li avec Allah dans tous aspé de so la vie, alors sak jour de mois de Ramadhan apporte li l’essence d’ene jour et la nuit spéciale : spécialement le « Laila tul Qadr » (la Nuit du Destin).
Hadiths: Rapporté par Hazrat Aisha (ra) : Le Messager d’Allah (saw) ti ena l’habitude pratique Itikaf (retraite spirituelle) dans derniers dix jours de Ramadhan, et ena l’habitude dire : « Cherche la nuite de Qadr dans dix dernier la nuite du mois de Ramadhan. »
Hadith rapporté par Ibn Abbas : Le Saint Prophète (saw) fine dire : « Recherche la Nuit de Qadr dans dix derniers la nuite de Ramadhan ; la nuite kot kan sois neuf, ou sept ou cinq la nuite resté de ça dix dernier la nuite de Ramadhan là (c-à-d, 21,23 et 25 respectivement). »
Dans ene lotte Hadith fine même dire ene parmi tous bane la nuite impair de dix derniers la nuite de Ramadhan – c-à-d, 21, 23, 25, 27 et 29 respectivement.
Le « Laila tul Qadr » c’est ça la nuite spéciale dans dix derniers la nuite Ramadhan parmi tous bane la nuites dans ça mois là. Ça la nuite là amène dans so venue bane signes spéciales de la grâce et miséricorde d’Allah ki bane ki dans chemin droite, ki pure et près avec Allah recevoir et témoigné. Ça bane signes là zot révélé à ça bane dimounes là ; bane même signes ki avant ti invisible à zot lizié et le cœur. Ça bane dimounes ki Allah content là, Allah faire zot trouve ça bane signes là avec zot lizié physique et même avec zot lizié intérieur (zot le cœur), et zot témoigne la lumière et bane faveurs ki Allah envoye lor zot sois par ene vrai rêve, ene vision ou même révélation. Ça la nuite là li témoigne aussi le fait ki bane anges, avec le Saint Esprit « Ruhil Qouddouss » dessane du ciel pou illumine bane ki Allah fine choisir pou envoye So la lumière.
Allah, Celui ki possède la Gloire et la Majesté fine dire :
« Bane anges dessane ainsi ki l’Esprit (Ange Jibreel) pendant ça la Nuit là avec permission de zot Seigneur (et Créateur) et zot apporte le Message partout. La paix partout: li persister ziska le lever du soleil. » (97:5-6)
Bane anges et le Ruhil Qouddouss aussi dessane kan ene Messager d’Allah vini et appelle bane dimounes vers l’adoration d’Allah. Allah faire ça bane anges là et le Ruhil Qoudouss dessane lor le cœur et l’âme de ça Messager là pou ki zot donne li bane mangé spirituel ki vine du ciel ; ene telle mangé ki li ena pou distribué à so l’entourage, c-à-d, so bane disciples ki autour de li et l’humanité en générale.
Ça bane anges là aussi dessane couma ene la lumière bien brillant lor l’âme de bane croyants, et rassure zot pou zot fermeté dans la vérité parski zot fine accepté bane révélations de côté d’Allah comme étant vrai. Ça bane dimounes spéciales là zot gagne pou ressenti ça la lumière ki bane anges émette.
« Allahumma innaka A’fuwwun tohib’bul afwa fa’afu anna. »
Insha-Allah, le Khalifatullah pou continuer so Khutba la semaine prochaine. |
