Text Box: بسم الله الرحمن الرحيم Khutba Jummah HAZRAT AMIR’UL MOMENEEN MUHYI-UD-DIN AL KHALIFATULLAH Munir Ahmad Azim 13 Novembre 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  Inna balawnaahum kamaa balawnaa ‘As-haabal-Jannah, ‘iz ‘aqsamuu layas- rimunnahaa musbihin, Wa laa yastas- nuun. Fataafa ‘alayhaa taaa-‘ifum-mir-Rabbika wa hum naaa-‘imuun. (Ch. 68 V. 18-20) « Nous pou éprouve zotte couma Nous ti éprouve certains propriétaires jardins, qui ti faire serment qui zotte pou faire récolte ene matin, mais sans faire aucaine réserve (c-à-d, sans dire : ‘Si Allah oulé’). Ene calamité envoyé par to Maître ti frappe li (jardin là) pendant qui zotte pé dormi ». A travers ça Khutba Jummah là nous pou apprane couma la Gourmandise li détruire reconnaissance envers Allah et amène aussi vers l’arrogance. Au milieu de so Jardin ki ti bien joli, ti ena ene vieux missié ti pé fer va et vient, li ti pé réfléchi lors la puissance de so Créateur, ki fine donne li tout so bane du bien, Celui ki fine donne li paradis lors la terre et en plisse de bane paradis ki ti réservé pou li dans l’au-dela et ainsi pou so ban semblables aussi. Li ti pé remercié Allah ki chaque fois ki divent ti pé soufflé, li ti pé amène parfums bane fruits. Li ti pé montré so reconnaissance envers Allah par l’amour ki li ti pé montré envers bane pauvres. Li ti pé réserve ene partie de so bane produits de so jardin zis pou bane pauvres. Vieux missié là pas ti pé manqué pou dire so bane garçons ki secret pou préserve zot du bien. Temps en temps, li ti pé réuni zot en bas ene pié, kot li ti pé assizé et ti pé dire zot : « Mo bane garçons ! Zot bizin conné ki secret ki pou capave préserve zot du bien ki Allah fine donne nous, séki nous bizin remercié Allah souvent et addresse Li coume ça : « Allah Li Grand, tout la force zis avec Allah. » Couma li ti pé allé, so trois garçons ti pé reste étonné par comportement de zot papa. Pou zot, li stupide, zot pas ti trouvé ki zot papa ti bizin donne ene partie de bane produits de sa jardin là à bane pauvres. Zot ti croire ki zot papa ti pé fer sa dibien là perdi, pé alle dans vide. Zamais, zot ti gagne comprend ki sa bane pauvres là, zot aussi zot ena ene droit lors sa jardin là et so bane productions. Sa vieux missié là lerlà fine mort, après ki li fine convenablement rempli so mission pou laquel Allah fine créer li. Li fine lègue sa jardin là à so bane zenfants. Ça verger là, li même li ti extra joli et li ti bien productif. C’était jardin de sa missié ki ti content bane pauvres. So bane héritiers pas ti respecté sa secret pou capave préserve sa jardin là. Zot ti vine bien gourmands et zot ti fine occupe ça jardin là dans zot manière. Zot ti décidé pou interdit bane pauvres pou gagne ene parti de ça dibien de zot verger là et même fine empêche zot pou assisté la cueillette (récolte). Zot ti libre pou fer ça parski zot papa fine fini mort. Zot ti aussi libres de bane engagement vis-à-vis bane pauvres là. Dans zot la case zot ti fer ene plan. Zot ti décidé ki à l’aube, zot pou alle fer la cueillette. Zot fine fer serment ki zot pas pou donne nannié ban pauvres. A mesure ki zot ti pé vine près avec ça jardin là, zot leker ti pé batte vite. Zot ti pé guette dans tout directions. Zot ti pé peur, ki bane pauvres là trouve zot. Létemps zot fine arrive devant zot jardin, zot pas fine croire séki zot pé trouvé. Zot fine trouve zot jardins complètement ravazé. Zot fine gagne shock et fine dire : « Non, ça jardin là pas capave pou nous. Nous fine bizin prend ene mauvais chemin. Sur, sur ça », zot pé dire are zot même. Zot ti pé étonné de plus en plus. « Sa jardin noirci là, ki ene incendie ine ravage sa totalement, estcequi sa capave pou nous ? Sa jardin là pas capave pou nous ! ». « Peut-être ! Mais non, c’est bien pou nous même ça ! Malheur lors nous ! Malheur lors nous ! » Quand zot fine ré-saisi zot, zot dire : « Nous fine succombe à l’avarice et à la haine. Sa fine fer nous oublié testament de nous papa ki ti bien généreux. Nous ti pé peur pou perdi ene parti de nous cueillette, mais nous fine oublié ki nous fine gagne ça grâce à li ! Par sa jardin là, Allah ti accorde bane du bien à nous papa. Sa jardin là li même li ti meilleur. Azordi, nous pas fine fer séki nous papa ti recommande nous pou fer. Nous fine oublié ça testament kot chaque mot li ti ene trésor ki zamais ti pou fini. » Deuxième frère ki ti pli raisonnable là dire : « Mo ti conseille zot dépi longtemps pou tire l’avarice dépi dans zot leker et pou remercié Celui ki fine donne zot di bien. Mais à chaque fois zot pas ti pé donne moi raison et en même temps zot pas ti pé donne raison à nous papa - ki Allah accueille so l’âme en paix - Voilà résultat de séki zot fine fer. Nous fine oulé prive sa bane pauvres là zot droits, alors ki nous ti pé jouir ene grand di bien. Alors, Allah fine prive nous de So biens parski nous pas mérite li. Nous fine vine couma bane transgresseurs, nous fine alle dépasse limite. Nous fine être récompensé à la mesure de nous action. Nous ti fautifs. Insha’Allah Allah pou accepter nous repentir. Li Miséricordieux. » Alors dans ça façon là, bane là ti reconnaît zot fautes. Allah fine dire dans Quran à ce propos : « Nous pou éprouve zot couma Nous ti éprouve certains propriétaires jardins, qui li ti fer serment qui zot pou fer récolte ene matin ; Mais sans fer aucaine réserve. Ene calamité envoyé par to Maître ti frappe li pendant ki zot pé dormi. Et li ti vine, le matin couma dire so récolte fine fini fer. Chacaine ti crié so camarades, le matin : ‘Alle de bonne heure dans ou champs si ou ena l’intention faire récolte.’ Zot fine sorti, causant entre zotte même à voix basse : ‘Pas laisse bannes pauvres entre chez ou, azordi.’ Zot ti sorti le matin avec ene résolution, qui zot pou capave fer séki zotte oulé. Mais quand zot ti guette li (sa jardin là), zot dire ; ‘Nous fine sûrement perdi nous chemin. Mais non, pas ça, nous fine ruiné plito.’ Le plus juste parmi zot ti dire : Est-ce ki mo pas ti dire ou : Kifer ou pas glorifier Allah ?’ Alors zot dire : ‘Gloire à nous Maître ! Nous vraiment fine fer du tort’. » Ene ti approche so camarades, faisant des reproches, et zot ti dire : « Malheur lors nous ! Nous ti vraiment pé dépasse limite. Nous souhaiter ki nous Maître donne nous en échange ene meilleur jardin ki sa. Nous oulé donne nous Maître satisfaction. » Coumsa zot punition ti été. Mais punition dans la vie future pou plus grand. Si seulement zot ti conné ! (Ch.68 V.18-34) Ena là-dans bane signes et bane leçons : Premier, la charité li contribué pou protège ene bien et pou fer li fructifier. Deuxième, la reconnaissance envers Dieu contribué pou augmente du bien. (Si zot remercié Moi (Allah), Mo pou donne zot plisse encore). Le Saint Prophète (saw) fine dire : « Si to dire : ‘Merci Dieu de tout bane lé mondes’, to pé remercié Allah. Li pou donne toi encore plisse ki ça. » Allah Li grand, tout la force trouve zis avec Li ; Allaho Akbar La Hawla Wala Kuwata Illaa Billah. Sa musulman ki prononce ça phrase là pou trouve so dibien préservé, so la santé et so bane zenfants aussi. Li pou aussi être guidé sur le bon chemin. La gourmandise fer perdi du bien, tandis ki bane bonnes dépenses augmente du bien. Le Saint Prophète Muhammad (saw) fine dire : « Jour kot pas pou ena aucaine humains, deux anges pou déssane, ene là-dans pou dire : « O Allah accorde ene héritage à celui ki ti pé dépensé. » L’autre là pou dire : « O Allah, pas donne nannié à celui ki ti avare. » L’homme bizin bien comporte li envers bane pauvres. Pareil couma Allah dire : « Vine serviable pareil couma Allah fine été envers toi. » Allah puni pli vite bane ki ena mauvais l’intentions. Li capave aussi pardonné. La désobéissance li conduire à ene perte dans du bien. Le Saint Prophète (saw) fine dire : « Pas désobéir. L’homme ki commette ene péché pou privé d’ene du bien qui destiné à li : Ene calamité fine surprendre zot quand zot ti pé dormi. » Allah dire : « Ena là-dans ene droit ki bane pauvres ena et aux musulmans... Dépense ce qui Allah fine donne ou en héritage. » Ki Allah aide nous pou pas tombe dans catégorie bane avares, bane gourmands de bane du biens de ça le monde là et bane arrogants dans zot approche envers Allah et bane pauvres. Nous comme bane Musulmans, nous bizin suivre l’exemple parfait de nous bien-aimé prophète et guide « Rahmatul-lil-Aalameen » et dépenser en charité de séki nous possédé pou ki Allah content avec nous et mette barakat (bénédictions) dans nous bane richesses et béni nous dans ça le monde là et dans Aakhérat. Insha-Allah. Ameen.