Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 16 Janvier 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: Azordi aussi mo Khutba pou consacré lors sa évènement triste et dramatique de Imaam Hussein (r.a) so Shahadat dans la main soldats (l’armée) de Yazid à Karbala. Et couma zot fine manifesté zot contentement lors la mort de Imaam Hussein (r.a) et zot ti dire ki Yazid so victoire sa ! Mais Allah (swt) So punition pas tarder lors bane malfaiteurs ki touche So bane humble serviteurs, et sa bane qualité dimounes ki cherche l’honneur, grandeur, pou vine chefs, ki dimounes capave courber devant zot et donne zot tous l’importance ki bizin, même si zot alle à l’encontre l’enseignement d’Allah et So prophète (s.a.w). Dépi création ça l’univers là exister, ou pou comprend ça, quand ou lire le Quran Shariff, avec l’arrivée d’ene messager d’Allah, ki vini pou prêche le Tawheed et guide dimoune dans le droit chemin pou zot propre bien être, kot zot gagne le salut et so récompense dans sa le monde là et dans Akhérat. Sa bane humble serviteurs d’Allah, ki vini pou faire le travail sous direction Divine, zot gagne toutes sortes persécutions, attaques et zot vine ene cible pou bane opposants. Avec la manifestation Divine ki ou trouve tous ça bane kitchose la arrivé ; fine exister dans le passé, li exister maintenant et li pou continuer exister dans l’avenir. Après Shahadat Imaam Hussein (r.a) pendant sept jours, le temps fine reste noir et la pluie fine tomber et par sa la pluie là, bane bâtiments ti vine couleur rouge de sang. Six mois, le bord du ciel ti reste rouge et couleur là fine disparaître doucement, doucement. Après Shahadat de Imaam Hussein, ti ena ene seul homme Zainul Abedine (r.a), quelque madames et zenfants fine rester kot zot fine passe ene la nuit très dure ; zot le cœur fine déchiré par la chagrin et tristesse quand zot fine trouve zot propre familles Shaheed devant zotte. Le matin, soldats Yazid fine approche kot ça la tente, kot sa bane familles la pé resté, zot fine brule la tente là et zot fine oulé assassine Zainul Abedine (r.a) mais certains parmi zot même fine empêche pou assassine Zainul Abedine parceki li ti gravement malade. Mais zot fine emprisonne bane ki fine reste vivant et Ibn Sa’ad fine donne l’ordre pou crase le corps bane Shaheed là avec cheval. Lerlà Ibn Sa’ad fine donne l’ordre pou prend cadavres de tous bane soldats Yazid ki fine mort pour faire zot Namaz Janaza et enterre zot. Ibn Ziyad fine prend ene bâton et fine tape lors la lèvres Imaam Hussein (r.a). Dans sa moment là bane ki ti avec Imaam Hussein (r.a), ki vivant et emprisonner fine pleuré boucou et parmi ti ena ene Sahabi ki appelle Hazrat Zaid Bin Arqam (r.a) et li fine ordonne Ibn Ziyad pou arrête faire sa qualité action la ; li dire mo trouve Allah et Rassool (s.a.w) pose so la lèvres dans sa place kot li pé tape bâton là. Quand sa Sahabi la fine dire li sa, Ibn Ziyad fine déconcerté et li fine pli en colère encore et li trouve ene madame parmi bane ki fine emprisonné là ; li (Ibn Ziyad) fine demander ki sanlà sa madame là sa? Zot fine répond c’est Hazrat Zainab (r.a) ti fille de Hazrat Fatima (r.a) et la sœur de Hazrat Imaam Hussein (r.a). Ibn Ziyad avec boucou de fierté et l’arrogance fine cause avec Hazrat Zainab (r.a) et fine ena grand débat entre zotte deux. Ibn Ziyad : « Mo remercier Allah ki zot fine déshonoré et nous fine remporte la victoire. » Hazrat Zainab (r.a) : « Par faveur Allah Ta’ala, nous bane famille fine Shaheed lors la vérité et déshonneur pou zot bane menteurs et bane grand gunehgaar (pécheurs). » Ibn Ziyad : « Est-ce ki to fine trouver comment Allah, fine réagir envers to famille? » Hazrat Zainab (r.a) : « C’était zot destin pou Shaheed comme sa, maintenant prépare toi et to l’armée pou rendre réponse devant Allah pou zot bane cruauté ki zot fine faire. » Ibn Ziyad fine choquer par la réponse de Hazrat Zainab (r.a), li fine donne l’ordre pou assassine Zainul Abedine (r.a). Hazrat Zainab (r.a) fine enveloppe so neveu avec li et fine demande Ibn Ziyad : « O Ibn Ziyad, est ce ki la quantité di sang ki nous famille fine verser pas suffit et to pas encore satisfait ? O Ibn Ziyad, si to pou assassine li, donc touille moi aussi ensemble avec li. » Ibn Ziyad fine déconcentré et fine dire laisse Zainul Abedine et li donne l’ordre prend la tête de Imaam Hussein (r.a) et zot tous pou alle vers zot plus grand chef, Yazid. Zot fine manifesté de contentement jusqu'à zot fine arrive kot ene l’église. Prêtre de sa l’église là, fine approche avec l’armée Yazid et fine demande zot pou donne li la tête Imaam Hussein (r.a) pou li garder pendant la nuit, mais zot fine refuser. Sa prêtre là fine paye boucou d’argent (environ 80,000 dirhams) et finalement zot fine donne li. Pendant la nuit, sa prêtre là fine nettoye figure Imaam Hussein (r.a) et fine parfume li. Sa prêtre là raconter ki durant la nuit li fine trouve sa figure là pé éclairer comme si pleine lune et sa prêtre là fine converti en Islam. Cela montré nous ki même après so Shahadat, Hazrat Imaam Hussein (r.a) so mission pé continuer et seulement en regardant la tête de Imaam Hussein (r.a), sa prêtre là fine amène Imaan. L’armée Yazid, zot le cœur fine scellé avec péchés et hypocrisie et le lendemain, sa prêtre là fine retourne l’armée Yazid la tête de Imaam Hussein (r.a) et sa bane malfaiteurs là fine continuer faire zot manifestations. Yazid so château trouve dans la Syrie à Damas et Yazid fine conner ki tous dimounes pou blâme li saki li fine faire, et quand so l’armée fine arrive kot li avec la tête de Imaam Hussein (r.a) et bane ki ti emprisonner, Yazid fine commence pleurer par hypocrisie et li fine accueillir bane familles de Imaam Hussein (r.a) avec boucou l’honneur et li fine jette tous blâmes lors Ibn Ziyad. Yazid fine donne l’ordre pou envoye ene dimoune avec la famille de Imaam Hussein (r.a) et aussi avec la tête de Imaam Hussein (r.a) à Madina Shariff. Et quand caravane fine arrive à Madina Shariff, bane Sahaba fine accompagne la famille de Imaam Hussein et bane là fine raconte tous saki fine passer, zot tous fine commence pleurer à chaude larmes et entier Madina en deuil. Le garçon de Imaam Hussein ki zot ti appelle par le nom Zainul Abedine (r.a) et bane les autres Sahaba fine faire so Namaz Janaza et fine alle enterre so la tête dans Jannatul Baqui. Après événement Karbala, Yazid fine gagne terrain libre pou faire saki li envie et li fine faire preuve de so l’hypocrisie et lâcheté et en récompense pou so bane soldats ki ti alle la guerre, li fine donne zot trois jours de liberté totale et sa trois jours là connu comme « Ayyamul Hurrah ». L’armée Yazid fine alle Madina Shariff, zot fine touille boucou bane Sahaba et Tabein innosament et fine attache zot cheval dans Masjid-e-Nabawi et pendant plusieurs jours aucaine musulman pas fine capave alle Masjeed et donne Azaan (pareil couma zordi nous pé vivre sa dans Pakistan, ki nous bane frères et sœurs Ahmadis pas capave donne Azaan et ni déclare zot la foi comme ene Ahmadi ki fine amène Imaan lors Hazrat Massih Maoud (a.s) et sa bane Zaalim dans Pakistan la, fine efface et retire Kalima lors bane Masjid Jamaat Ahmadiyya dans Pakistan. Péna aucaine différence entre zot saki zot pé faire et Yazid et so bane l’armée malfaiteurs la.) L’armée Yazid avec so complicité fine faire boucou désordre et ensuite zot fine alle vers Mecca Shariff. Sans aucaine hésitation, zot fine envoye roche lors Masjid-e-Haraam, fine brule rilaaf Ka’aba Shariff, et bane souvenir ki ti ena dans Ka’aba Shariff, zot fine manque du respect bane lieux saints de l’Islam et après zot fine alle dans bane les autres l’endroit, avec la force zot fine force bane les autres l’endroit, avec la force zot fine force bane les autres musulmans pou accepté Yazid comme Khalifa. De l’autre coté Yazid fine passe bane la loi Anti-Islamique, kot li fine bafoué l’enseignement de l’Islam et li fine introduire bane mauvais la loi tel que l’adultère légaliser, boisson alcoolique, prend l’intérêt, prend l’argent lors l’intérêt permettre et comme Namaz, Roza, Zakaat etc. pas obligatoire. Sa suffit pou montrer ki Yazid ti contrairement à l’enseignement de l’islam et c’est pou sa raison là ki Imaam Hussein (r.a) fine préfère donne so la vie pou islam, kot li pas fine accepter Yazid comme chef pou bane musulmans. Yazid pou tous so bane cruauté ki li fine faire la, la punition d’Allah tombe lors li dans sa le monde la même, li fine reste comme Khalifa seulement 3 ans et 7 mois et li fine commence gagne ene quantité maladie, toute sortes kalité maladies, ki jamais so la santé fine vine normal ; plutôt fine plus aggraver aller même jusqu'à ki li fine joindre so la mort le 15ème Rabi-ul-Awwal en l’an 64 Hijri à l’age de 39 ans et au moment de so la mort, li ti pé boire rhum et dans sa l’état là même li fine mort et tous so bane l’armée fine choquer quand zot fine appranne la mort de Yazid et fine faire arrête zot bane massacres contre bane musulmans (ki ti ensemble avec Imaam Hussein) et zot tous fine retourne à Damas. Après la mort Yazid, bane musulmans de Yémen, Iraq, Khurasan etc, fine prend Baiat lors la main Hazrat Abdullah Ibn Zubair (r.a). Bane habitants de l’Égypte et la Syrie, zot, zot fine prête serment lors la main le fils de Yazid ki ti appelle Muawiya Bin Yazid. Garçon de Yazid (Muawiya Bin Yazid) ti ene dimoune différent avec so papa (Yazid), et li ti ene garçon bien honnête, respectable, péna family feeling et li ti ena la foi dans Allah et so Rassool boucou quand li fine prend pouvoir, li fine reste au trône pendant seulment 40 jours et li pas ti ena aucaine désir pou reste au pouvoir et li ti conseille so bane famille pou choisir ene l’autre dimoune dans so place et sa garçon là fine mort à l’age de 21 ans seulement. Après so la mort, bane habitants l’Égypte et la Syrie fine prête serment dans la main de Hazrat Abdullah Bin Zubair (r.a) kot li fine vine chef de bane musulmans à sa l’époque là.