Text Box: بسم الله الرحمن الرحيم Khutba Jummah HAZRAT AMIR’UL MOMENEEN MUHYI-UD-DIN AL KHALIFATULLAH Munir Ahmad Azim 16 Octobre 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  « Yusabbi-tullaa-hullaziina aamanuu bil-Qawlis-saabiti fil hayaatiddunyaa wa fil Aakhirah. » Allah renforci bane ki ena la foi par ene parole ferme, lors la terre et dans la vie future (Surah Ibrahim Ch.14 V.28) Bane ki ena ene la foi ferme lors Allah et So bane commandements et aussi zot faire bane bonne actions et zot faire la justice. Allah même vine zot soutien dans ça le monde là et dans Aakhirat (l’Au-delà). La fermeté et la sincérité dans la religion d’Allah, li ene condition de base pour tous bane musulmans sincères ki pé cherche la vérité, le salut et la paix dans ça le monde ici-là et dans l’au-delà. Azordi jour situation actuel dans nous société ki nous pé vivre, li bien déplorable, kot ou guetter ena bane tentations ki exposé partout, ena aussi bane doute ki rentre dans la tête, ki faire ou gagne bane confusion et lerlà même li rende ou chemin travers et amène ou vers l’égarement et ou plisse attiré avec bane tentation de ça le monde là. Alors pour ene croyant reste pli ferme dans so la foi et kot li renforci so la foi plisse et en retour li gagne l’amour d’Allah plisse. Lors ça sujet là bizin ena ene relation totale seki ou dire lors ou la lèvres, bizin reflecter dans ou le cœur aussi. Ça deux zaffaire là bizin marche ensemble, ce ki ena dans ou le cœur bizin reflecter lors ou la bouche. Faudé pas ena ene clash entre ou le cœur et ou bane parole lors ou la bouche, lerlà même so résultat seki ena ene remord dans ou le cœur ce ki ou la bouche fine dire et li vice-versa. Alors le Saint Prophète Muhammad (saw) fine dire à propos ça sujet là, li dire le cœur change beaucoup plisse ki de l’eau ki pé bouilli dans ene marmite ; li faire bane boule dans plusieurs formes. Hazrat Muhammad (saw) fine donne ene l’autre l’exemple à propos le cœur, kot parfois ena le haut et le bas; li dépanne couma so le cœur réalisé lors bane situations de nous la vie tous les jours, parfois ou en forme et parfois ou trouve ou upset (ou down moralement et même physiquement). Alors dans ça même Hadith là le Saint Prophète (saw) dire le cœur pareil couma ene ti plume poule lors ene z’arbre et avec du vent li tournée et li retournée lors ene du vent bien fort kot li tombe enbas. (Rapporté par Ahmad No. 408) Alors leçon là-dans seki nous bizin rende nous bien ferme, malgré ki nous balloté par bane du vents des épreuves, de palabre, de bane doutes ki bane dimounes faire lors ou et ça doute là li mette ça bane dimounes là dans ene confusion totale, alors bane croyants bizin prend ça bane problèmes là au sérieux et porte bane attention considérables. Nous bane musulmans, nous bizin trouve nous bien heureux ki c’est par la grâce et la miséricorde Allah (swt) ki Li fine envoye nous So livre, ki rempli avec bane la lumière pour illumine nous la vie et pou résoudre tous nous bane problèmes. Chaque problème ena so solution dans Quran Shariff, et aussi Allah fine envoye nous ene pli grand prophète ki l’univers fine conné et li ene modèle parfait pour tous l’humanité en entier et particulièrement pour bane musulmans. Alors Allah (swt) fine mette beaucoup moyens pour nous reste fermes dans l’Islam. Ene conseil ki mo donne nous bane zenfants (Mujtaba, Muntaqa, Sahib-al-Faraj et jeunes Siraj Makin) et nous-mêmes bane grands, pour reste toujours ferme dans la voie d’Allah. Mo pour cite 9 moyens kot nous pour reste ferme dans la voie d’Allah. Insha’Allah. (1) Nous bizin pas rate nous bane Namaz et si possible faire bane Nafil ki pou plaire Allah. Namaz (Salaat) li empêche dimounes faire bane kitchoses dégradants. Namaz bizin faire avec ene grand concentration. Zot, et surtout bane jeunes du Jamaat Ul Sahih Al Islam Insha-Allah bizin développe ça l’habitude pour dévouer zot complètement à Allah dans zot Namaz, et faire en sorte ki zot dévotion à Allah li continuelle, à tel point ki chaque moment de zot la vie vine ene Ibaadat (la prière à Allah). Nous pou recolter bane joli fruits si seulement nous faire z’éfforts pou sème bane la grains de la spiritualité dans nous propre le corps. (2) Nous bizin reste toujours attacher avec le Quran Shariff. Le Quran Shariff li ene moyen primordial pour reste ferme dans l’Islam. Li ene la corde bien solide et ene la lumière d’Allah ki donne grand l’éclairage. Ene kikaine ki lire so Quran Shariff tous les jours, Allah Ta’ala protège li. Ene kikaine ki suive seki Allah Ta’ala fine dire dans le Quran Shariff, Allah sauve li avec difé l’enfer, et ene kikaine ki conseil les autres pour lire et suive seki fine dire dans Quran Shariff, Allah guide li dans la bonne voie, dans le chemin droite. Raison pour laquelle le Quran Shariff fine rélévé dans plusieurs étapes et ça fine établi par Allah même, seki Allah Ta’ala aide So prophète pour reste ferme dans la foi (gagne ene la foi solide). Allah dire :  « Wa qaalallaziina kafaruu law laa nuzzila alayhil Quraanu jumlatanw-waahidah ? Kazaalika linusabbita bihii fu-‘aadaka wa rattalnaahu tartii-laa. » (Ch.25 Surah Al-Furqaan V.33) Bane ki rejette la foi dire : « Ki faire tout Quran pas fine dessane lors li ene eul coup ? (Nous fine faire li comme ça) afin ki Nous renforci to le cœur et Nous fine envoye li peu à peu (pou capave lire li, appranne li et étudier li facilement). Alors pour bane ki envie reste ferme dans la voie d’Allah, li bizin connecté so la vie en permanence avec le Quran Shariff, quand li lire le Quran tous les jours, li récite bane versets, li mémorise bane chapitres, li étudier le Quran en entier et li réfléchi lors so bane signification et li prend ça comme le point de départ dans so la vie et cherche refuge avec Allah contre tous tentation satanique. (3) Persévérer dans bane bonne actions. Le Saint Prophète (saw) ena l’habitude persévérer beaucoup et régulièrement et même dans ene l’autre Hadith Tirmidhi No. 273, rapporté kan même minime et li dire si quelqu’un persévérer pour faire douze Rakaat Sunnah régulièrement couma le Saint Prophète (saw) ti pé accompli ça régulièrement, li pour gagne le paradis et (ça Hadith rapporté dans Nassaï aussi No. 388) (4) Étudier la vie du prophète Muhammad (saw) et so bane prédécesseurs.  « Wa kullam-naqussu alay-ka min ambaaa-ir-rasuli maa nusabbitu bihii fu-‘aadak: wa jaaa-aka fiihaa-zihil-haqqu wa maw-izatuwwa zikraa lil mu-miniin. » (Chapitre 11 Hud Verset 121) Tout seki Nous raconte toi dans zistoires bane prophètes, Nous renforci to le cœur avec ça. Là-dans to gagne la vérité et des conseils, et li ene rappel pou bane ki ena la foi. Ça verset là fine révélé dans ene but important ki ti renforce le cœur du Prophète (saw) et de la même façon bane les cœurs bane croyants. C’est ça ki Allah Ta’ala ti donne nous l’instruction ki nous étudier la vie de tous bane prophètes (as) pour ki ça capave renforce nous le cœurs aussi. (5) Du’aas (Supplications) Ene de bane caractéristiques de bane pieux, serviteurs d’Allah c’est ki zot tourne vers Allah par bane du’aas (couma mo fine expliqué avant) et demande Allah aide ki pou reste fermes, sincères dans la foi – c’est-à-dire, obéir tous bane l’instruction ki Allah fine dire à bane croyants, ki fine amène Imaan lors Allah et so Rassool, et suive seki le Rassool d’Allah ti pé faire, et nous aussi, nous mette (le Saint Prophète) so bane action ki li ti pé faire, mette en pratique et c’est li-même nous modèle parfait. Alors sans aide Allah Ta’ala et si nous pas faire duah, définitivement, nous pas pour réussi dans la vie spirituel. Alors nous bizin faire ça duah là :  « Rabbanaa, afrig-alaynaa sabran wa sabbit aqdaamana » - O nous Maître, verse patience lors nous, rende nous lipié ferme. » 2ème duah kot Allah fine enseigne nous dans Surah Al-Imran (Ch.3 V.9) :  « Rabbana laa tuzig quluubanaa ba’-da iz hadaytanaa. » - O nous Maître, pas laisse nous le cœur prend le mauvais chemin après ki To fine guide nous.  Dans ene Hadith (Tirmidhi No. 349) rapporté ki Hazrat Muhammad (saw) souvent ti pé faire ça duah là : « O Contrôleur de bane les cœurs, faire ki mo le cœur reste toujours ferme dans To religion. » (6) Zikrullah (le rappel d’Allah) Couma zot pou rappel, mo fine faire plusieurs Khutba Jummah et discours lors Zikrullah, alors en résumé, c’est ene moyen pour reste toujours pense nous Rab matin et soir et aussi li ene moyen pour reste ferme dans la religion d’Allah (l’Islam). Le Zikrullah li permette nous, surtout bane ki pas habitué faire li pou découvert ene relation intimement secret avec Allah. A travers le Zikrullah, Allah dévoile ene partie de So bane secrets ki renfermé dans bane attributs par ki nous appelle Li. Nous capave récite ça bane attributs d’Allah là, ou sois récite bane tasbih, non pas comme ene routine, couma ene machine, mais nous concentrer lors ce ki nous pé dire et laisse ça signification là pénétrer nous, ziska ce ki Allah ouvert nous le cœur vers ene connaissance, ene compréhension de So grandeur et de So Majesté. (7) L’Éducation (Tarbiyyat) et Formation Tarbiyyat li très important, si sakaine parmi nous, nous conne faire nous propre Tarbiyyat et suive bane conseils ki Allah fine donne bane croyants dans Quran et le Saint Prophète Muhammad (saw) so bane conseil et li pou profite nous spécialement et aussi nous capave faire Tarbiyyat nous bane zenfants et donne zot aussi bane bon formation. L’éducation et la formation, ene l’entrainement dans la foi (Imaan), kot nous gagne ene bon l’éducation et ene bon formation spirituel. A travers ça, nous apprane couma combatte bane bas de la vie et ça renforce nous la foi plisse. (8) Appelle bane les autres vers Allah (Dawah) Ene l’âme ki pas active dans invite bane les autres vers le Dieu Unique, li ene l’âme flétri, sans l’importance. Ene domaine ki pli important dans la vie ene dimoune kot li investi dans le Dawah, appel les autres vers Allah. Si ene Musulman pas mette li en active pour faire bane acte d’adoration et d’obéissance, définitivement li pour alle faire bane kitchoses ki pas bizin, kot li pour faire bane péchés, et li pour ene dimoune désobéissant et ça qualité dimoune là so Imaan pou alle à la dérive (décliner). (9) Toujours reste proches avec bane dimounes ki pou aide ou, pou reste ferme dans ou Imaan (la foi). Ça bane qualité dimounes là fine mentionné par le Saint Prophète (saw) dans ene Hadith Ibn Majah No. 237 kot li dire : « Parmi bane dimounes, ena ki ouvert le chemin de la bonté et zot ferme le chemin (du mal) mauvais chemin. » Toujours reste en compagnie de bane dimounes pieux, bane véridiques, bane ki content faire la justice et reste attacher avec Allah So bane commandements et pratique du Saint Prophète (saw) et ça ene grand aide pour nous reste bien ferme dans nous Imaan (la foi). Insha-Allah, ki Allah aide sakaine parmi nous, petits et grands ki présent azordi pour réfléchi lors ça bane paroles là et mette zot en pratique aussi. Insha-Allah, Ameen – Soumma Ameen. Le monde ki nous pé vivre azordi, li en même temps ene paradis et ene l’enfer. Paradis pou bane ki fine accepter la véracité de la manifestation d’Allah dans ça siècle là et l’enfer pou bane ki fine écarte zot de l’Islam et fine fine tombe dans bane vices de toutes sortes, si tant ki zot fine noyé là. Nous tous nous bizin conne ça l’aspect de ça paradis là et écarte nous de ça ki ça l’enfer là pé propose nous là. Insha’Allah, la semaine prochaine dans mo Khutba mo pou cause plisse en détails lors là et nous rôle, ki grands et moins grands nous devoir dans ça situation actuelle là. Ameen.