|
بسم الله الرحمن الرحيم
KHUTBA JUMMAH
HAZRAT AMIR’UL MOMENEEN MUHYI-UD-DIN AL KHALIFATULLAH
MUNIR AHMAD AZIM
17 Juillet 2009
(Résumé du Khutba Jummah)
Après ki le Khalifatullah fine saluer zot tous bane membres de la Grande Comores à Bambadjani, li fine commence lire le Tashahhud, Taouz et Surah Al Fatiha et ensuite li fine dire:
Ça faire moi ene grand plaisir aujourd’hui le 17 Juillet 2009 ene date historique pour moi pour la première fois pou être présent devant ou, pou mo donne ou le message ki Allah fine envoyé à travers moi pour donne à l’humanité. Au fait, ça message là, tous bane prophètes avant fine apporter, inclus nous Bien-Aimé Prophète Muhammad (saw) et le Messie Promis du siècle passé Hazrat Mirza Ghulam Ahmad (as). Couma zot tous conné, depi l’année 2001, ene sois-disant Amir fine comploté avec so bane alentours pou mette moi en dehors du Nizam-é-Jamaat. Zot fine faire la tête lipié pou mette obstacles dans mo chemin, mais par la toute puissance d’Allah, Allah fine toujours à mo côté comme mo Protecteur, mo Guide et mo Camarade. Aujourd’hui, le fait ki mo devant zot aujourd’hui, li ene source d’inspiration pour tous nous bane les autres membres à travers le monde et ki en contact constant avec moi, ki arrive séki arrive, moi mo là pour soumette moi à la volonté d’Allah et pour obéir bane instructions ki Allah seul donne moi, et en conséquences de ça travail pour ki l’Islam Insha-Allah retrouve so la gloire perdu.
Allah fine révèle le secret concernant system de So décret et détermination du destin mais ena dans So manifestation même plusieurs points de sagesse. D’après so l’expérience, le Messie Promis – la paix lor li, trouvé qui personne pas capave atteindre ene haute degré spirituel sans qui li faire zeffort. A travers bane tests qui Allah envoyer lors zot qui zot bizin subir (avec patience) qui pou amène zot plus près avec Allah. Qui sanla capave donne ene correction sévère avec ene rotin ? Allah Li plis gracieux et plis miséricordieux (alors bane épreuves qui vini depuis Allah Li pas sans récompense). Le Messie Promis (as) fine dire :
« Mo fine découvert ça mo-même qui après qui ene dimoune li passe par ene ti peu de difficulté, Allah donne li bane grand récompense et bénédictions. »
L’au-delà li eternel – Ceux qui fine quitte nous pas pou capave zamais retourner mais nous pou alle joinde zot bientôt.
Muraille de ça le monde là (qui sépare l’au-delà avec ça le monde là) li pas solide et même, mo bizin dire ki li prêt pou tomber. Le point à réfléchir c’est qui péna nannié lors ça le monde là qui nous pou capave amène avec nous dans l’au-delà et, en plis de ça, personne pas conné quand est-ce qui li pou mort. Quand ene dimoune ine mort, alors nous capave penser ki so le temps (de la mort) li pas bon et ki li fine alle la main vide – seulement so bane actions qui pou alle avec ça dimoune là ! Mais, li pas drôle pou trouver qui exister bane tel kalité dimoune ki même lors zot lili de la mort zot encore désire conner combien zot posséder – même ça l’heure la zot encore pense zot bane zaffaires matériels.
Ena beaucoup même dans nous communauté (Islam) qui agir dans ça façon là. Zot adoration pou Allah ena certains conditions ki attacher. Ena les autres demande Duah avec Allah et zot désir pou gagne beaucoup l’argent ou ene lotte zaffaires qui zot désiré, et si Allah exauce zot duahs, alors zot pou prêt pou accepter l’Islam ; et ça ti exister dans l’époque du Messie Promis (as), kot bane dimounes ki ti pé envie conne la Communauté Ahmadiyya, et zot ti pou rentre dans Jamaat à condition ki Allah exauce certain de zot bane duahs. Ça bane imbéciles là pas réfléchi qui Allah pas bizin de zot soi-disant bai’at dans ça Communauté là – c’est-à-dire, l’Oummah de Hazrat Muhammad (saw) en entier, et particulièrement la Jamaat Ul Sahih Al Islam. Le Messie Promis Hazrat Mirza Ghulam Ahmad (as) fine aussi cause lor là à propos so Jamaat.
Nous Communauté (Jamaat Ul Sahih Al Islam) bizin ena la Foi dans bane compagnons du Saint Prophète (saw) de l’Islam qui fine offert zot dans le chemin d’Allah.
Pendant ene conversation général, certain dimoune fine soulève le point qui ene destruction capave arriver et ki capave éloigné en faisant le Sadqua et la charité. Le Messie Promis (as) fine dire à ça propos là:
« Ça li correct. Mais, certain dimoune ine faire bane objections kifaire ena deux parties concernant la définition du décret d’Allah.
Réponse à ça c’est qui nous l’expérience ine témoigne bane faits qui parfois dans bane situations extrêmement difficile ene dimoune li perdit l’espoir mais par le moyen de la prière, de la charité et Sadqua, ça bane situations extrêmement difficile là en dernier lieu zot éloigner. Alors, nous bizin croire que le décret d’Allah qui appelle ‘Mo’allaq’, qui veut dire, ene décret ki capave arriver, li exister. Si li ti le cas qui ça type de décret là pas exister et seulement le décret qui pas capave prévenir (le décret ‘Mubram’) exister et qui la prière et donne charité pas ena aucaine l’effet, couma alors, bane situations bien difficiles zot éloigner (à travers la prière et la charité) ? » (Volume 7, pg. 87-88)
Le Messie Promis (as) fine aussi dire ki c’est le cas qui certains intentions d’Allah c’est pour crée la crainte (d’Allah) dans le cœur et pour faire bane dimounes croire encore ene fois dans l’efficacité de la prière. Par la grâce d’Allah, à travers la prière, donne charité et bane les autres bons actions, beaucoup peur et danger ki menace bane dimounes fine éloigné. L’efficacité de la prière li couma ene relation entre ene homme et ene femme, kot juste si li dans le temps approprié et bane conditions zot approprié (pour la procréation) zot realisé et pas fine ena aucaine intention entre le résultat désiré pou atteindre (à ça l’objectif là) et le résultat pas désiré, alors le résultat finale pas pou prend existence. Mais, quand pas capave empêche le décret divine arriver, kot ça décret là li vine inévitable, c’est-à-dire, à travers le décret ‘Mubram’, alors li arrivé qui même bane la prières approprié zot pas éloigne ça décret ki Allah fine metté là. Bane dimoune oulé prié mais zot manque full concentration et zot le cœur pas développe bane sentiments nécessaires couma bane douleurs et tristesse. Ena ene manquement de concentration dans bane prières approprié et aussi dans cinq fois Namaz quand zot prosterner devant le Créateur. Tous ça bane zaffaires là montrer qui le résultat ultime de la situation kine faire face li pas pou meilleur et ça li le décret qui appelle Mubram, c’est-à-dire ene décret inévitable, ene décret d’Allah ki pas capave barré.
Mais ena certains exceptions kot Allah enlève So décret ‘Mubram’ à travers la prière de So bane Messagers, Messies, Réformateurs et Prophètes. Ti ena ene cas kot le Messie Promis (as) ti supplié Allah en faveur d’ene garçon, ki ti le fils de Nawab Muhammad Ali Khan Sahib ki ti sévèrement malade. Le Messie Promis (as) ine recevoir ene révélation d’ene décret ‘Mubram’ à propos ça garçon là et qui la mort fine décrété pou ça garçon là. Mais, malgré ça, le Messie Promis (as) fine supplié beaucoup ziska ki Allah (exceptionellement pour So Messie bien-aimé) fine éloigne ça décret ‘Mubram’ là.
Dans l’époque de Muhyi-ud-Din Abdul Qadir Jilani (ra), ti ena beaucoup de fois kot Allah fine éloigne So bane décret ‘Mubram’ à travers so la prière. Ena deux types de décret Mubram: Ene li vraiment ‘Mubram’ et l’autre li paraitre ‘Mubram’ mais en fait li pas ‘Mubram’.
Le décret vraiment et absolument ‘Mubram’ (c’est-à-dire, inévitable – pas capave barré) pas capave éloigner sous aucaine circonstances, par exemple qui tous être humain pou bizin faire face à la mort. Ça décret là pas pou capave empêcher même si ene dimoune oulé reste en vie jusqu’a la fin des temps et ki li prié afin pou gagne la vie éternelle lors la terre. L’autre type de décret qui pas vraiment Mubram (mais ki li paraitre Mubram) arriver quand ene situation dangereux vine grave et li paraitre couma dire ça danger là pas pou capave empêcher. Alors, ça bane situations là li faire référence à bane décrets qui paraitre ‘Mubram’ – mais en fait, li ene décret ‘Mo’allaq’ et alors ça décret là capave éloigner à travers bane la prières et donne charité). Le décret VRAIMENT Mubram li pareille couma même si nous mette tous bane Prophètes ensemble pou prié pou qui empêche ça décret là arriver, alors même dans ça situation là Allah pas pou éloigne ça qualité décret là et Li (Allah) pou faire ça décret là arriver arrive séki arrive.
Le Quran Shareef ine mette de l’avant certain sujets pou l’établissement du grand principe ki Allah Li Le Tout Puissant, Li seul et Li la source et Le but de tous mais par ça, certains critiques imbéciles ine déduire bane croyance (dépi Quran) ki fine établir avec la force (kot dimounes zot dans l’obligation pou suive ça). Allah Li la cause principale pou tous kitchose et Li donne nous tous nous bane nécessités. C’est la raison pourquoi Allah Le Tout Puissant, dans certains cas, ine décrire Li dans le Saint Coran couma la Cause de tout bane causes, sans l’intervention de bane moyens sécondaires. Mais, ene l’étude du Saint Coran pou révéler qui bane les autres moyens zot intervenir et ça li clairement spécifier dans Quran pou qui bane dimoune porte l’attention lors là. Et surtout, le Saint Coran fine spécifié bane punitions de bane mauvais (dimounes) et d’autres punitions. Si ti ena ene system de décret et détermination divine ki zamais pou capave changer, et si tout bane dimounes ti pou sous ene contrainte totale, alors qui bane justifications ena ki ena bane punitions ?
Nous bizin rappelle qui le Quran Shareef pas renferme tout kitchose dans système de bane causes physiques mais li cherche pou dirige l’humanité vers l’unité de Dieu (d’Allah). Beaucoup dimounes pas realise vraie nature de la prière et aussi zot pas comprend relation entre la prière et bane décret d’Allah (dans zot la vie). Allah Le Très Puissant, ouvert chemin pou bane qui ena recours à la prière et Li pas rejette zot bane supplications. Ena d’ene côté, la prière et de l’autre côté, le décret et prédestination divine – Allah fine établir bane le temps approprié pou tous les deux. (À travers la prière) ena ene manifestation d’ene l’aspé de l’attribut de providence (c’est-à-dire, l’attention ki Allah ena pou bane être vivants) ki Allah fine fine accepter de bane qui prié Li. Allah fine dire dans le Quran Shareef :
« Prié-Moi, Mo pou réponde zot la prière » (Ch. 40 : V. 61)
C’est à cause ça même qui mo toujours dire qui le Dieu de bane Musulmans réponde zot supplications mais le « dieu » qui pas fine même crée ene particule ou qui fine mort par bane mauvais traitements dans la mains de bane Juifs, couma eski li capave réponde ?
Li pas raisonnable pou essaye réconcilié entre bane choix et la force lors base logique et lors base de raisonnement. Li pou initile pou essaye comprend bane mystères d’Allah. Pas zis ça, mais li pas pou respectable aussi (pour essaye faire ça). Couma le Saint Prophète (saw) ine dire: ‘Le chemin de bane chercheur de la vérité li bien respectable’. Le décret et détermination divine ena ene relation bien proche avec la prière. La prière li capave postpone ou suspand bane décrets, c’est-à-dire, bane décrets ‘Mo’allaq’. La prière li ene moyen plis efficace pou éloigne bane dangers et difficultés. Bane qui démenti l’efficacité de la prière zot pas fine comprend (ça réalité là). Le Quran Shareef ine cause lors deux l’aspés de la prière. Dans ene l’aspé, Allah Le Très-Puissant Li faire ce qui Li oulé et dans l’autre l’aspé Li réponde la prière de So bane serviteurs.
« Et nous pou tester zot avec la peur et la faim » (Ch.2, V. 156)
Dans ça verset là Allah Le Très Puissant content l’obéissance de So Volonté. Li veut dire qui réponse de bane hommes à ene décret divine absolu bizin :
« Assurément, nous appartenir à Allah, et nous pou retourne à Li » (Ch.2, V.157)
Le temps de la monter de bane vagues de grâce et de miséricorde d’Allah Le Très Puissant li indiqué dans Quran Shareef couma mo fine déjà dire :
« Prié Moi, Mo pou réponde zot la prière » (Ch.40, V.61)
Ene croyant bizin ena la connaissance de tous les deux aspé ki le Quran Shareef fine décrire. Bane Sufis dire qui quand ene dimoune absolument dépend lors Allah li pas vine parfait tanque qui li pas faire ene distinction entre ene place approprié pou so supplication et le moment pou faire so supplication. Fine rapporté qui ene Sufi pas prié tant qui li pas reconnaitre le temps approprié pou faire so supplication. Muhyi-ud-Din Abdul Qadir Jilani (ra) ine dire qui la prière capave faire ene dimoune ki ena ene le cœur dure vine ene bon dimoune. Li alle plis loin pou dire qui à travers la prière bane dangers extrême qui paraitre couma bane dangers du décret absolu (Mubram) capave éloigner.
Nous bizin tout le temps garde à l’esprit bane pouvoirs ki Allah fine metté dans la prière, et alors Allah content bane ki obéir Li complètement et soumette à So Volonté. Dans bane les autres moments Li accepter bane supplications de So bane serviteurs. En d’autres mots, Li deal avec So bane serviteurs couma bane camarades, c’est-à-dire, Li faire camarades avec So bane serviteurs et Li réponde à zot l’appel. Bane la prière du Saint Prophète Muhammad (saw) ti ena plus beaucoup chances accepter et li ti ena le plus grand position (dans lizié d’Allah) à cause so l’obéissance à la Volonté d’ Allah et li ti accepter la Volonté d’Allah avec contentement.
Ki Allah donne nous ça grand bonheur pou soumette nous complètement à Li, à So Volonté, à bane biens ki Li fine décréter pour nous, et pour prend patience dans bane telle moments kan Li tester nous avec bane difficultés et bane les autres grands épreuves ki bien douloureux. Nous contentement li seulement dans obéir Li (Allah) complètement et pou prier ki Li accorde nous So Miséricorde et ki Li considère nous couma So bane serviteurs et camarades sincères. Ameen.
En dernier lieu, mo prier pour zot tous bane membres ki fine prend le Baiat avec moi dans Mbéni; ki Allah béni zot tous ici, illumine zot, et donne zot la capacité pour travaille corps et âme pour le Deen-é-Islam sous la bannière de l’humble serviteur d’Allah, le Khalifatullah Muhyi-ud-Din ki fine vini pour rétablir ça la gloire perdu de l’Islam là et redonne à l’Islam so valeur dans nous lécoeur même et dans le cœur de bane les autres dimounes assoiffés de la vérité, assoiffés de la spiritualité. Ameen. |
