Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 17 Octobre 2008 (Résumé du Khutba Jummah de plus de 1½ hrs) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça bane versets suivants là, ki ene continuation de Khutba Jummah lor Taubah de la semaine dernière: AT-TAWBA (LE REPENTIR)  Innamat tawbatu alal laahi lillaziina ya’maluunas suuu’a bi jahaalatin summa yatuubuuna min qariibin fa’ulaaa ika yatuubullaahu alayhim’ wa kaanallaahu Aliiman Hakiima. « Pardon Allah, li seulement pou bane ki, kan par ignorance zot fine faire kitchose mauvais, répentir tout de suite après. Ça bane là, Allah pardonner. Allah conne tout et Li Sage. » (Ch.4 An-Nisah V.18)  Wa innii la’ Gaffaarul liman taaba wa ’aamana wa ‘amila saalihan summah tadaa. « Mais Mo rempli de pardon pou celui ki tourne vers Moi, gagne la foi, faire du bien et puis reste dans bon chemin. » (Ch.20 Taha V.83) BANE AMIR, IMAM, MAWLANA, MOTAWALLY, PRESIDENT ET BANE LES AUTRE RESPONSABLE DE LA RELIGION « DEEN-É-ISLAM » – ZOTTE ROLE ENVERS L’UMMAH, C’EST PAS POU JUGE LA FOI DE BANE LES AUTRES, NI CRÉER LA HAINE DANS LE CŒUR DE BANE MUSULMANS, NI FAIRE METTE BOYCOTT ET PAS FAIRE SALLAAM A BANE MUSULMANS. AU CONTRAIRE ZOT TRAVAIL C’EST KI ZOT BIZIN PRECHE L’AMOUR POUR TOUS, ET LA HAINE POUR PERSONNE. ET BANE FRERES ET SŒURS KI FINE TOMBE DANS LE PÉCHÉ, AU CONTRAIRE ZOT TI BIZIN ASSIZE ENSAM ET DISCUTER COUMA POUR RETIRE BANE FRERES ET SŒURS DANS BANE PÉCHÉS ; NON PAS DELAISSE ZOT NI MÉPRISE ZOT, NI GUETTE ZOT AVEC ENE REGARD MÉFIANT, NI REJETTE ZOT DANS LA SOCIÉTÉ. ÇA C’EST PAS L’ENSEIGNEMENT DE L’ISLAM, QURAN ET L’ENSEIGNEMENT DE NOUS BIEN-AIMÉ PROPHETE (S.A.W). AU CONTRAIRE KAN MO TROUVE SA BANE SITUATION LA NOUS BIZIN FAIR ETOUT NOUS ZEFFORT POU LA CAUSE ET LE PLAISIR D’ALLAH, NOUS ALLE JOINDRE SA BANE DIMOUNE LA. NOUS FAIRE TOUT NOUS ZEFFORT POSSIBLE ET ENSAM AVEC DUAH POU KI ALLAH AIDE NOUS POU NOUS RETIRE NOUS BANE FRERES ET SŒURS DANS SA BANE KALITÉ PÉCHÉ LA. Nous bizin pense bane frères ki fine tombe dans péché jusqu’à la gorge, zotte pé attend ene l’espoir quelque part ki pou capave tire zotte. Ene la voix vine vers zotte ki pou essaye tire zotte dans le mal ki zotte été. Partout, partout dans presque tout coin la rue, bane droguer pé assizé. Dimoune dans restaurant, casino, lécourse, transaction l’intérêt, la malhonnêteté (kot pran dimoune zot l’argent et pas render) – ena faire dimounes travail et pas paye zot zot la sueur – et transaction CD pornographique et bane les autres filmes, li malheureux pour dire ki cent pourcent musulman là-dans. Ena aussi beaucoup bane les autres mal ki exister encore. Mais sa banes dimounes là zotte croire zotte fine condamner pou vivre comme sa jusqu'à la mort. Non ! L’Islam ene religion rempli de flexibilité. Allah ena pitié pou So bane créatures et Li content si sa bane créatures là tourne vers Li sincèrement avec répentance, définitivement Allah pour pardon zot couma Li fine mentionner plusieurs places dans Quran Shariff. Allah même possède bane attributs de « Ghaffour », « Ghaffaar » et « Tawwaab » - Celui Qui accorde le pardon en abondance. Imam dans contexte mauricien ki nous comprend c’est ene personne ki dirige Namaz et en même temps faire banes causerie pou invite banes dimounes vers le bien. Mais faire chagrin pou dire ki banes Imam restreint zotte causerie juste dans Masjid. Sa aussi ena juste jour Jummah. Et pli terrible encore parfois ene langage ki boucou dimounes pas comprend. Ou bien banes Imam nek critique banes dimounes ki fine tombe dans péché sans faire narien pou tire zotte. Est-ce qui le prophète Mohammad (s.a.w) ti faire Dawa juste dans Masjid ? Nek critique ? Est ce qui Li (s.a.w) ti attend dimounes vine vers Li ou bien Li ti alle vers zotte ? L’Islam pas zis pour faire Namaz et causerie zis dans Masjid. Bizin sorti lor terrain, alle joindre sa bane dimounes ki fine perdi l’espoir ki pena pardon pour zot depi kot Allah pou zot bane péché. Banes Imam bizin alle vers la masse de bane dimounes dans la société et prêche zot l’unicité d’Allah et Allah So pardon et donne zot sa l’espoir ki Allah Li le Grand Pardonneur malgré tout ou bane péchés ki ou fine commette. Amène zot vers la spiritualité, okipe zot spirituellement, et retire sa chagrin de désespoir là de zot lecoeur pour ki zot gagne ene grand motivation pour ki zot tourne zot vers Allah avec repentance et rapproche zot Li. C’est sa ki le vrai travail d’ene suivant du Saint Prophète de l’Islam Hazrat Muhammad (s.a.w). Aujourd’hui c’est ene la honte pour la communauté musulmanes kot nous pé trouve nous bane frères et sœurs pé commette bane péchés ouvertement. Et bane Imams, Mullahs, Amir, Mutawalli etc. zot lizié fermer lor là, zot lizié fine voilé couma dire zot pas pé trouve nannié. Et zot pas penser ki zot aussi ena ene compte pour render devant Allah (twa) concernant sa situation là, kan zot même zot à la tête, zot ena l’autorité pour faire sa bane bons travails là avant ki zot quitte sa le monde là pour ki Allah capave satisfait avec zot. Et nous but lor sa la terre là, c’est pour faire bane travails pour faire seulement Allah plaisir et non pas pour lizié dimounes. Et nous faire bane bonnes actions pour ki demain kan nous quitte sa lemonde là, nous prend nous bane bonnes actions ki nous fine faire avec nous, pou nous présenter devant nous Créateur. Nous pas capave trouve di feu pé prend dans ene la caze ene dimoune que ce soi so religion ou so la foi et nous, nous reste loin avec sa. Nous nek dire les autres dimounes alle teigne di feu la sans ki nous faire bane zeffort pour nous alle teigne difé là et lor là nous insulter, tire défauts, commande bane dimounes ki pé faire zot zeffort le maximum pour zot teigne difé là et sans ki nous nous même nous lever ene sceau de l’eau pou teigne di feu là ! Ena ene l’autre vérité ki bizin dire, séki la classe Imam, Amirs, Présidents dans Maurice c’est couma dire ene l’autres banes catégorie dimounes. Si temps zotte retire zotte dans Masjid et faire zot l’autoritaire, cause avec dimounes avec l’arrogance ki bane dimounes même hésite pou approche avec zotte. Si quelqu’un ena problème, li guette ene dimoune ki conne Imam la pou alle explique li. La plupart du temps c’est banes dimounes dans Masjid ki ena contact avec banes Imam etc. Et nous conner commié dimounes fréquente Masjid ! La grande majorité en dehors. Est-ce qui le prophète Mohammad (s.a.w) ti prêche l’Islam comme sa. Bane dimounes pas bon la, ki ti pé commettre boucou péché, le prophète (s.a.w) ti pé faire ene devoir alle vers sa bane kalité dimounes là. Bane la donne li toute sorte qualité nom, zotte dire Li fou, zotte batte Li. Du sang pé couler lors Li. Mais sa pas fine faire li quitte la masse. Et finalement boucou ki ti so l’ennemi fine vine so pli bon compagnons de Deen tel couma Umar Ibn Khattab, le deuxième calife de l’Islam. Maintenant si ena Imam etc. ki pé rempli so rôle comme doit être, Alhamdolillah. A ce moment là li pas pou figure dans sa catégorie ki mo fine mentioné en haut. Enfin mo fine faire mo devoir comme ene musulman et comme ene Khalifatullah. Couma le prophète (s.a.w) fine dire ki ene musulman li ene miroir pou so frère. Si li trouve kitchose pas bon dans li, ki li enlève li. Mo fine dire séki mo fine observer et celui ki interprète li dans ene mauvaise façon ki li prend so responsabilité ! ADAM PREMIER DIMOUNE KI ALLAH FINE CRÉER LI MEME FINE COMMETTRE ERREUR. Nous (Allah et So bane anges) fine dire : « O Adam ! Rester, toi et to femme, dans Jardin, et mangez séki ena là-dans, librement et couma ou envie ; mais pas approche ça pié là, parceki alors, ou va faire ene tort. » Alors Satan fine faire zot faire ene faux pas, et fine faire zot deux sorti depi kot zot ti été. Nous fine dire : « Descende (lor la terre) et faire la guerre l’un à l’autre. Lor la terre ou va gagne ene place pou rester et tout ou nécessité, mais pou ene temps. Alors Adam fien apprane de so Maître certaines paroles et li fine demande pardon avec Allah, car c’est Li Qui pardonner et ena pitié pour nous. (2 : 36 – 38) Li claire à la lumière de sa bane versets Quran la, ki Adam fine commettre ene erreur en approchant vers ene pié ki Allah ti empêche li. Mais malheureusement li fine être victime de satan. Et satan li là pou montrer dimoune le mal, pou faire li tombe dans la désobéissance d’Allah. Mais la leçon ki fine frappe nous séki tout de suite Adam fine reconnaître so erreur et li fine faire Tawbah. Allah fine accepte so Tawbah. TAWBAH ENA TROIS ÉTAPES. Quand ene dimoune faire Tawbah li bizin prend sa trois étapes la en considération : 1) Li bizin reconnaître ki sa action ki li fine faire la pas ti bon. 2) Faire Tawbah sincèrement 3) Faire nécessaire qu’à l’avenir pas ré-commettre péché là encore. Quand ene dimoune reconnaître saki li fine faire pas bon, c’est quelqu’un ki ena la frayeur d’Allah. Li reconnaître l’existence ene Créateur. Sa faire li tourne vers le Créateur. Et ensuite avec tous sincérité, li demande pardon. Non pas sa qualité pardon ki bien souvent nous faire sans ki vraiment au fond de nous le cœur ena sa penser Tawbah la. Pas nek dire faire Tawbah simplement pou montre li yeux dimounes. Et puis quand ene dimoune faire Tawbah, li bizin faire so mieux ki plutard li pas faire même erreur. Ena plusieurs versets Quran et Hadith ki montre ki quand faire Tawbah, bizin couvert sa trois étapes la. Mo pou cite quelque uns. « A l’exception de bane ki demande pardon, ki repare zot fautes et declare zot bon l’intention. Sa bane là, Mo pou pardonne zot. C’est moi ki pardonner et ki ena pitié pou dimoune. » (2 : 161) Dans ene hadith ki trouve dans Sahih Bukhari et Sahih Muslim, Aisha (r.a), la femme du prophète (s.a.w) pé raconté ki le prophète (s.a.w) fine dire : « Quand ene serviteur (d’Allah) reconnaître so péché ensuite li faire Tawbah, Allah accepté so Tawbah. » TROUVE ENE BON ACTION APRES TAWBAH Après ki ene dimoune fine faire Tawbah, le temps li arrête faire sa mauvais travail après ki li fine faire Tawbah la. Tout de suite li besoin remplace sa vide là par ene bon action. Faudrait pas li laisse li vide, ou bien li capave être victime ene deuxième fois de bane péché. C’est en accomplissant bane bon actions avec sincérité ki montrer ki vraiment sa le cœur là fine changer. TAWBAH PREPARE A L’AVANCE, PAS ACCEPTER Si ene dimoune, li prépare pou alle faire mauvais travail mais en même temps li faire plan aussi, ki aussitôt li fini accomplir so mauvais action, li faire Tawbah c'est-à-dire ene Tawbah préparer à l’avance. Sa qualité Tawbah la, Allah pas accepter. Parceki Tawbah pas ene badinage. Besoin ena sincérité dans ou Tawbah parceki seulement Allah ki conne ou lecoeur dans ki façon ou pé faire ça Tawbah là! ALLAH PARDONNE BANE PÉCHÉ KI COMMETTE PAR L’IGNORANCE « Kan bane ki accepter nous signes vine vers toi, dire zot : ‘La paix lor ou.’ Allah fine prescrire pou Li-même rôle pou pardonner. Celui ki parmi ou faire mauvais sans conner, mais ki ensuite tourne vers Allah, et améliore so conduite, alors Allah pardonne li et gagne pitié pou li. » (6 : 55). Souvent de fois dans l’ignorance, dimoune arrive tombe dans péché. Parfois dans bane grand péché même, tel couma Chirk. Apres sa dimoune la apprend sa kitchose ki li fine commettre dans l’ignorance la mais ensuite li faire le bien couma dans verset Quran la pé dire : « ensuite tourne vers Allah, et améliore so conduite. » Nous prend ene l’exemple, ene dimoune so ti bébé malade, ki li faire ? Li prend bébé la so bonnet et li alle mettre li lors ene Qabar (soit disant ene Peer) avec l’espoir ki zenfant la pou gueri. c’est Chirk ! Apres ki dimoune la fine apprend sa pas bon, li alle faire Tawbah. De la même façon pou bane dimoune ki alle kot Qabar Bibi Amina à La Saline et bane les autres Darga dans Maurice et dans le monde entier. C’est purement Chirk ! QUAND FAIRE PÉCHÉ BIZIN FAIRE TAWBAH VITE ! Nous bizin mette sa bien dans nous la tête kan nous faire péché nous bizin répentir le plus vite possible, parceki attention la mort joinde nous et nous pas réussi repentir, et définitivement nous pou paye so consekances devant Allah. Et si arriver nous repentir le plus vite possible, couma Allah dire dans le Quran Shariff, Ch.4 V.147, kot Allah dire : « Excepté bane ki repentir améliore zot conduite, tini ferme avec Allah, et rendre zot religion pure, pou Allah seul ; alors zot vine parmi bane ki ena la foi. Et surement Allah pou donne bane croyants ene grand récompense. » Quand ene moteur, soit pou ene avion, ene camion ou ene bateau ou n’import ki les autres machine, quand ena ene défaut dans moteur là tout de suite nous répare li vite, pli li dans ou l’avantage. Dimoune aussi li pareil. Si li fine faire ene péché tout de suite li demande pardon. Li pas tarder, li pas dire plus tard mo ava faire Tawbah ! Réfléchi bien si la mort arriver joindre ou et ou pas encore faire Tawbah, parceki la mort pena l’âge, pena jour, pena l’année, et li pas guette figure ! Seul zaffaire nous pas pou capave empêche sa arriver parceki sa c’est dans la main d’Allah sa et nous la vie c’est ene dépôt dans la main d’Allah ; à n’importe ki l’heure Li capave prend li. Toujours ena dimoune dire quand ene dimoune fine commettre l’adultere (zana), (cest ene grand péché), li pena droit faire Namaz pendant 40 jours ou bien même so Namaz pas pou accepter pendant sa période la. Li absolument faux. Bien au contraire, tout de suite sa personne la besoin faire Tawbah, li besoin pas laisse ene seconde passer. Allah pé dire dans Quran : « Pardon Allah, li seulement pou bane ki, kan par ignorance zot fine faire kitchose mauvais, repentir tout de suite après. Sa bane là, Allah pardonne zot. Allah conne tout et Li Sage. » (4 : 17-18). PENA TAWBAH AU MOMENT SACRATE Sauf Allah conne ki l’heure, ki l’endroit ki jour, ki mois, ki l’année ene dimoune pou mort. Puisque nous pas coner quand nous pou mort, li bien important ki nous vivre dans l’obéissance Allah et nous faire Tawbah de temps à autres, non pas nous dire : « Avant mo mort ou soi au moment de mo la mort mo pou faire Tawbah. » Pou trop tard puisque nous pas coner ki l’heure nous pé mort. Et si ene dimoune le temps li dans Sacrate (sur le point pou mort) li faire Tawbah, Allah pas accepter so Tawbah, tout sa le temps li fine vivre lors la terre la, li pas faire Tawbah, juste ler la mort présente devant li, lerla ki li pense Tawbah. Ler la vérité fine vine devant li, trop tard à ce moment là, couma Allah dire dans Saint Coran : « So pardon pas pou bane ki continuer faire mauvais ziska séki la mort paraître divant zot, et alors zot dire : ‘Maintenant mo répentir’. Et So pardon pas pou aussi bane ki mort sans la foi. Sa bane là, nous fine prépare pou zot ene punition ki faire bien du mal. » (4 :18) Dans ene hadith ki trouve dans Tirmidhi et Ibn Majah, Ibn Umar (r.a) pé raconte ki le Prophète d’Allah (s.a.w) fine dire : « Certes Allah accepter Tawbah ene serviteur aussi longtemps ki li pas lors point de la mort. » L’EXEMPLE DU PROPHET (S.A.W) Le Prophète Mohammad (s.a.w) c’est ene dimoune ki pas fine faire péché du tout. Li ene kikaine ki Allah fine garantie paradis pou li. Mais pourtant sa même dimoune guette commié fois li ti pé faire Tawbah par jour. Abu Hurairah (r.a) pé raconter ki le prophète d’Allah (s.a.w) fine dire : « Par Allah, certes mo cherche pardon Allah et mo faire Tawbah par jour plisse ki 70 fois. » (Sahih Bukhari). Insha-Allah Jummah prochain le 3ème partie de Khutba lor Taubah pour continuer...