Text Box: Bismillah – ir – Rahman – ir - Rahim. Khutba Jummah Hazrat Amir’ul Momeneen Muhyi-ud-Din Munir Ahmad Azim Bait-ul-Zikr dans le Nord de Maurice . [Dans le mois de Ramadhan 9ème Roza, 10ème Tarawee.] 21 Septembre 2007 Aujourd’hui comme Khutba Jummah, après le Salaam, Tashahhud, Taouz et Surah Al-Fatiha, le Muhyi-uddin fine lire Ch.2 Al-Baqarah, V.184: [Jeûner] pou éne nombre fixe de jours. Mais bannes parmi ou qui malades ou en voyage [besoin jeûner], même quantité de jours après sa. Pou bannes qui éna les moyen [mais le carême impossible à éne maladie grâve ou la vieillesse, par exemple] zotte l’amende c’est donne manger à éne pauvre. Celui qui par so propre volonté faire mieux qui sa, li pou meilleur encore pou li. Si ou garde Roza, li meilleur encore pou ou, si seulement ou ti conne la vérité. Surah Al Baqarah Ch 2, V 184. À la Lumière de sa verset là, Allah [swt] pé faire comprend ki Li fine prescrire pou bannes dimounes ki trouve dans le Oummat de Hazrat. Muhammad [S.A.W] et ki suive la religion de l’Islam; alors sa carême li pou ène nombre fixe de jours. Couma nous conné ki tous les l’années, Allah de par so grace et bénédictions immense ki li fine accorde à nous bannes musulmans ène mois dans chaque l’années; qui appelle le mois de ‘RAMADHAN’. Kotte dans sa mois là, nous garde le Roza [càd le carême]. Le Roza, li le troisième pillier de L’Islam, et aussi le Roza li obligatoire lors tous bannes musulmans [bannes dimounes ki fine dans Allah [swt] et So prophète [saw]. Le Roza li pas prescrire pou garde li, tous au long de l’années mais zis pou ène période fixer de temps, càd pou ene mois. Et Allah pas faire le nombre Roza dépasse 30 jours. Soit li 29 jours ou bien li 30 jours, c’est tous. Allah continuer Li dire ; pou bannes ki malades ou bien en voyage et ki zotte pas capave garde le Roza, alors li pas grâve; comme si Allah meme permette zotte pas garde le Roza parcequi zotte pas pé capave. Allah li comprend, li aussi rempli de sagesse. Mais Allah car meme li donne ène solution. Li dire, ki quand sa dimoune la li guéri ou fine rétourne dans so pays après so voyage; alors ki sa dimoune la li garde meme quantité jours ki li fine ratter pendant sa mois de carême la. Sa dimoune la, li remplace Roza ki li fine manqué. Si ou réfléchit bien, ou pou trouvé ki ena beaucoup de flexibilité dans la religion de l’Islam. Et li pas mette aucaine fardeau lors personne. Allah meme déconseille pou garde Roza dans ène condition maladif ou pendant ène voyage ki loin et bien fatiguant. Le Roza c’est ki ou bizin garde li bien kan ou en bonne santé et ou dans éne bon l’état. Sa faire moi rappelle ene anecdote dans l’époque de Hazrat Massih Maoud [AS], kotte ti éna trois dimounes ki ti vine dans Qadian. Zotte ti faire éne longue voyage et lors la zotte ti Roza, car ti dans mois Ramadhan. Zotte ti sortie très loin et zotte fine vine Qadian. Quand zotte fine joine le Messie, li fine demande zotte si pas zotte ti Roza, et zotte ti réponde: “oui”. Alors le Messie fin dire zotte case zotte Roza, parce qui li pas bon. En effet éna éne grand philosophie derrière sa. Et Allah dire ki Roza li zis pou certain létemps seulement. Càd si ou fine garde 29 Roza et a soir li pas trouve la Lune, alors li bizin garde encore 1 Roza, ki égal à 30 Roza. Mais si après le 30 Roza ou pas trouve la Lune, alors celebrer le Eid-ul-Fitr. Guette couma Allah li très grand! Li pas mette fardeau lors ou. Pou bannes malades maintenant, alors pou zotte si zotte malade zotte aller meme, zotte na pas guéri du tous et zotte na pas capave meme garde le Roza; alors pou zotte Allah dire ki faudé zotte donne l’argent pou paye le fidiyah. Sa c’est la loi ki applique pou banne malades. Maintenant ki été sa le fidiyah? C’est, si pendant le mois de Ramadhan, éne dimoune li pas capave garde le Roza, alors li bizin donne même quantité nourriture, qui li fine manger pendant sa mois la à éne pauvre. Et si arrivé ou pé donne sa à éne musulman qui pauvre, alors ou bizin donne li so sehri, et même so Iftaar, et aussi so dinner sans oublier. Et Allah dire ki sa li bon pou sa dimoune la même et ki sa pou profite li. Et Allah dire celui ki faire plis mieux ki sa; ki donne plis ki sa alors sa pou plis bon encore pou li. Dans dernier partie de sa verset la; Allah pé faire comprend ki , si ou malade mais seulement ou capave control li, comme si malade la li pas si tant grave, éne maladie légère; alors Allah dire ki li mieux ou garde le Roza. Et Allah dire: “si seulement ou ti conne la vérité.” Veut dire ki, si seulement zotte ti conné ki qualité récompense merveilleux ou pou gagner dans l’Au dela. Et pou banne dimounes ki rate le Roza, zotte pou bizin remplace zotte Roza après le Eid-ul-Fitr, mais seulement avant ki lotte Ramadhan vini. Ou capave remplace li ki ce soit dans l’étè ou bien dans l’hiver, mais ou bizin remplace li. Et li malheureux pou dire ki pou banne dimoune ki pas pé profite sa mois; pou banne ti zaffaire pé pas garde le Roza. Alors pou sa banne la, zotte banne perdants. Parcequi dans tous so l’aspect Le Roza li bénéfique. Li tous t’a fait comme éne ‘servicing’ de ou lécorps et de ou l’âme. Pou ou lé corps: - Ou contrôl ou mangé et ou boire. Ou dormi plis moins. Ou pou perdi poids. Pou ou l’âme: - Ou faire Namaz plis. Ou consacré ou létemps à faire plis Zikr. Ou pou rappel Allah plis souvent. Alors Allah li tous létemps faire, ou faire banne kitchose ki li bénéfique pou ou même. Li bon pou ou même dans tous façon. Pou ou lé corps, ou pou trouvé ki ou pé perdi poi et ou pou senti ou même plis légèr et en bonne santé, et ou pou arrête ou banne mauvais l’habitude couma fumer, par exemple. Pou ou l’âme, Allah va capave pardonne ou tous péché, si ou faire zéfforts [Insha ‘Allah]. Et ou pou trouvé ki dans Ramadhan, ou senti ou même ine changer; ki se soit de côté ou l’habillement, ou mentalité tous changer. Sa li appliqué surtout pou banne vrai croyants. Nous bizin prend compte ki cequi finne arriver pas pou révini sa. Alors depuis le commencement du Ramadhan jusqu’à so la fin nous bizin profite li dans tous so l’aspect. Parcequi nous pas sure si nous pou trouve le prochain Ramadhan. Alors chaque à minute, à second nous bizin continuer profite sa mois béni la et nous bizin attaché nous même fermement avec Allah et faire So Louange très souvent. Ki toujours nous reste, sur le droit chemin [Sirat’ ul Mustaqiim]. Ki Allah éloigné nous de tous nous banne difficulté et nous bannes dettes. Ki sa mois la vine éne source de bénédiction pou nous tous, pour chacun d’entre nous et ki nous profite li dans meilleur façon. Et kotte nous été Allah faire nous Mobarak et ki nous reste attaché avec Allah et So Prophète [Hazrat Mohammad SAW], et nous reste ferme dans So chemin {Insha-Allah, Ameen} . Ki Allah accepter nous Roza pardonne nous péché, donne nous ene bon place dans Paradis Insha-Allah. Ameen. ~Soubhan Allah~ ~Alhamdolillah~