Text Box: بسم الله الرحمن الرحيم KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 21 Août 2009 RAMADHAN MUBARAK (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  “Yaaa’-ayyu-hallaziina ‘aamanuu kutiba ‘alay-kumus-siyaamu kamaa kutiba ‘alallaziina min-qablikum la-‘alla-kum tatta-quun” O ou qui ena la foi, jeûner (roza) fine prescrire pou ou, couma li ti prescrire pou dimoune avant ou, afin qui ou marche dans chemin Allah. (Ch.2 Al-Baqara V.184) Avant tout, mo souhaite tous mo bane frères et soeurs ki présents et même bane ki absents, ene Ramadhan-ul-Mobarak parski le mois de jeûne pé enfin arriver afin ki nous délaisse tous nous bane routines et nous concentrer nous plisse lors ibaadat et multiplier nous bane bons actions. Tout d’abord ki été le jeûne (Roza)? Dans Quran et hadiths le mot ki définir le jêune c’est “sawm” ki veut dire “abstenir”. Dans nous langage courant, li veut dire ki nous bizin pas boire et manger, et abstenir de bane relations sexuelles depuis commencement l’aube ziska le coucher du soleil. Le jêune ti exister même avant l’avènement de l’Islam, car tout bane peuples avant l’Islam ti recevoir commandements divine pour garde le jeûne, kan même bane quantité et qualité jeûnes là pas ti pareil. Par exemple li bien evident dans Quran et bane livres hadiths compiler par Imam Bukhari et Muslim ki bane peuples d’avant et même bane prophètes par exemple Hazrat Musa (a.s) et so bane suivants ti pé garde le jeûne, surtout le jour d’As-Shura. Dans l’époque pré-Islamique, bane Qureishs ti pé garde ça jour roza là (jour Ash-Shura) et le Saint Prophète (s.a.w) aussi (ti pé garde roza ça jour là). Hazrat Aisha (r.a) mentionner ki “le Messager d’Allah (s.a.w) ti ordonne bane musulmans pou garde roza le jour d’Ash-Shura; Kan Allah fine prescrire le mois de Ramadhan comme le mois de jeûne, ça jour là fine vine optionnel pour garde roza (c-à-d, si kikaine envie li garde roza ça jour là ou pas. (Bukhari) Ena ene lotte version (Bukhari) rapporter par Ibn Abbas (r.a) ki dire ki kan Hazrat Muhammad (s.a.w) ti dans Madina, li ti trouve bane Juifs ki ti observe roza le jour d’Ash-Shura. Li fine demande zot ki faire zot pé garde roza et zot fine réponne ki ça ene bon jour parski c’est ça jour là ki Allah fine sape bane Bani Israel depuis zot bane l’ennemi. Alors Hazrat Musa (a.s) ti garde roza ça jour là. Alors li (Hazrat Muhammad – s.a.w – fine dire bane Juifs là: “Nous ena plisse droit lors Musa ki ou”. Alors le Saint Prophète (s.a.w) fine reste roza ça jour là et li fine ordonne bane musulmans pou garde roza ça jour là. (Bukhari, Muslim) Hazrat Suleiman (a.s) kan à li, li ti pé habitué garde roza, la moitié l’année à interval – c-à-d, li ti pé garde ene jour roza, li ti pé pose ene jour etc... (Bukhari) Dans Quran même Ch. 19 Mariam, Allah fine mentionne l’exemple de Hazrat Mariam ki ti gagne instructions avec Allah pour garde le jeûne et pas cause avec personne. Le jêune (‘roza’ ou ‘sawm’ couma Quran décrire) li ene de bane piliers fondamentales de l’Islam. Le premier li Kalima, deuxième Namaz (Salaat), troisième Roza (surtout dans le mois de Ramadan kot li obligatoire pour ene croyant à moins ki li malade, en voyage, et pour bane madames si zot dans zot périodes d’impureté physiques – zot menstruations), suivi de Zakaat et Hajj. Le jeûne li ene institution divine pour la purification d’ene dimoune. Li permette ene croyant pour li améliore li moralement et spirituellement, et définitivement li bon pour la santé. C’est Allah (swt) ki fine instituer le mois de Ramadhan comme etant sacré et fine ordonne tous bane fidèles pour zot participer dans garde roza. Allah dire dans Quran, dans V.186 de Ch.2 Al Baqara:  “Shahru Ramazaa-nallaziii ‘unzila fiihil-Qur’aanu hudal-linnaasi wa bayyinaatim-minal hudaa wal furqaan. Faman shahida min kumush Shahra fal yasumh. Wa man-kaana mariizan ‘aw ‘alaa safarin-fa-‘iddatum-min ‘ayyaamin ‘u-khar. Yuriidullaahu bikumul-yusra wa laa yuriidu bikumul ‘usr. Wa litukmilul ‘iddata wa litukabbirullaaha ‘alaa maa hadaakum wa la’-allakum tash-kuruun.” C’est dans mois Ramadhan ki Quran fine dessane pou guide l’humanité, en versets clairs, pou servi comme la loi. Bane ki reste chez zot pendant ça mois là bizin jeûner. Mais bane ki malade ou en voyage (bizin jeûner) même kantité de jours après. Allah oulé facilité pou ou. (Li oulé) ki ou complète le nombre de jours, et ki ou glorifier Allah parski Li ou guide, et aussi afin ki ou montrer reconnaissance. A travers ça verset là li bien clair ki Allah malgré ki Li nous Créateur, Li oulé ki nous garde le jeûne sans toutefois trouve ça comme ene fardeau pour sarryé pendant ene mois tout entier. Allah content bane ki soumette à So volonté. Celui ki soumette et suive So bane commandements tout le temps zamais pou dans noirté. Et exactement coume ça, Allah fine éclaire le mois de Ramadhan en envoyant le commandement pour garde roza (le jeûne) comme ene la Lumière pour ki nous bane croyants, so bane humbles creatures zamais rentre dans noirté. Allah fine mentionne mérite du mois de Ramadhan kot c’est dans ça mois béni là ki “Al-Quran” (le Saint Coran) fine révéler à nous Bien-Aimé Prophète Hazrat Muhammad (s.a.w). Malheureusement aujourd’hui nous bane jeunes zenfants dans le monde islamique pé souffert spirituellement parski zot pas fine conne saisir bane principes de l’Islam concernant le jeûne, specialement roza dans le mois de Ramadhan. Le jeûne dans le mois de Ramadhan bizin vine ene bon l’habitude ki le musulman bizin garder afin ki li garde li propre moralement et spirituellement et li détache li doucement doucement avec ça le monde là pour li alle à la recherche d’Allah, et recherche So plaisir (le plaisir d’Allah). La prescription du jeûne li pour nous propre bienfait. Allah préciser dans ça verset ki mo fine fek mentionner là, ki Li pas oulé difficultés pour nous. Ena bane hadiths ki rapporter par Ibn Abbas (r.a) et Abu Huraira (r.a) kot le Messager d’Allah (s.a.w) fine dire: “Pas pratique Al-Wisal (c-à-d, garde roza continuellement sans casse li dans la soirée ou sans manger avant l’aube prochain).” Bane dimounes fine dire le Prophète (s.a.w): “Mais ou, ou pratique Al-Wisal!” Le Prophète (s.a.w) fine alors réponne, “Mo pas pareil couma zot, parski (Allah) donne moi manger et boire pendant la nuite (dans mo sommeil).” (et dans version rapporter par Abu Huraira, li ajouter ki Hazrat Muhammad (s.a.w) fine dire: “Faire (zis) autant bane kitchoses (bane bons actions) ki dans zot capacité”. (Bukhari) C’est à dire, ça hadith là pé faire nous comprend, faudé ena ene limites dans bane kitchoses, même de bons ki ou faire attention ou alle fatiguer avec ça acte d’Ibaadat là et ou délaisse li complètement. Chaque chose ena so mesure, et Allah zamais fine mette ene fardeau lors ene kikaine même si li ene bon action; Par exemple laisse nous prend roza même. Ene kikaine faudé pas li garde roza tous les jours sans arrêter parski so lecorps aussi ena ene droit lors li. Pas zis so lecorps mais aussi so madame/s. Ene l’exemple d’ene cas pareil ti presente devant le Saint Prophète (s.a.w) et li fine conseille ça compagnon là pou garde roza dans ene façon raisonnable, et si li capave pareil couma Hazrat Suleiman (a.s) ki ti flexible dans façon li garde roza. (Bukhari, Muslim) Ena ene l’autre hadith ki rapporter par Anas bin Malik (r.a) kot le Prophète (s.a.w) fine dire: “Prend Suhur (Sehri) parski ena ene bénédiction là-dans”. (Bukhari) Nous bizin garde à l’esprit aussi ki nous bizin ena ene respect pour ça mois béni là et nous bizin respecter bane ki pé garde roza. Ena ene hadith ki rapporter par Hazrat Abu Huraira (r.a) kot le Saint Prophète (s.a.w) fine dire: Si ene parmi zot lever le matin dans l’état de roza, li bizin pas prononce bane langages grossier ni li bizin faire aucaine mauvais actions. Si ene kikaine zoure li ou laguerre avec li, li bizin dire: “Mo pé observe le jeûne, mo pé observe le jeûne”. (Bukhari, Muslim) Hadith: Abu Huraira (r.a) fine rapporter ki le Messager d’Allah Hazrat Muhammad (s.a.w) fine dire: Celui ki pas abandonne bane paroles de mensonges (ki li fine inventer) et bane mauvais actions, Allah pas bizin ki li quitte so manger et boire (c-à-d, ki Allah pas bizin ça kalité roza là). (Bukhari, Muslim) Roza li pour Allah et c’est Allah ki pour donne so récompense. Hadith: Hazrat Abu Huraira rapporter ki le Messager d’Allah (s.a.w) fine dire: “Allah, le Majestueux et l’Exalté fine dire: “Chaque action du fils d’Adam li pour li excepter Roza (le jeûne). Ça li faire pour Moi, et c’est Moi ki pou donne so récompense. – Par Allah, ki dans So la main trouve la vie de Muhammad [s.a.w], l’odeur (de la bouche) d’ene rozédaar (celui ki observe le jeûne) li pli doux à Allah ki parfum de Musk”. (Bukhari, Muslim) Alors chaque frère et sœurs, nous faire ene devoir pour nous accompli ça acte d’Ibaadat ki caractérizé par le roza. Le roza ena beaucoup bienfaits couma mo ti expliker au commencer. Allah content le meilleur pour nous, et nous pour gagne le meilleur si nous obéir Allah et nous suive Li car Li conner ki meilleur pour nous la santé physique, morale et spirituelle. Ramadhan Mobarak encore ene fois. Ki Allah faire nous tous Mobarak et éfface nous bane manquements et péchés et élève nous rang, car péna personne apart Li tout seul ki capave pardonner et gracier. Ene pensée spéciale à tous nous bane frères et sœurs et enfants musulmans ki pé traverse toutes sortes kalité calamités tel que le Virus A H1N1, et toute l’humanité. Nous tous ensam comme ene seul lécorps nous bizin tourne nous vers l’adoration d’ene seul Dieu, Allah et nous délaisse bane banalités de ça le monde temporaire là. Allah fine donne nous ene mois rempli de bénédictions et de faveurs kot nous capave rapproche nous d’avantage avec li. Alors, ki sakaine d’entre nous nous profite de ça mois béni ki derrière la porte afin ki nous gagne le pardon, l’amour, la miséricorde et la protection d’Allah contre So Colère, So Malédiction, contre le mal de Satan, contre bane afflictions de l’Enfer and contre Nous bane ennemies communs. Insha-Allah. Ameen Soumma Ameen.