Text Box: Bismillah-ir-Rahman-ir-Rahim 1er Khutba Jummah Hazrat Amir’ul Momeneen Muhyi-ud-Din Munir Ahmad Azim JAMAAT UL SAHIH AL ISLAM 21 Mars 2008 (12 Rabi-ul-Awwal 1429 A.H) Après ki Hazrat Muhyi-ud-Din fine souhaite zot tout le salaam, li fine lire Tashahhud, Ta’ouz et ensuite li fine lire Surah Al Fatiha du Quran Shareef et li fine dire: “Comme Khutba Jummah aujourd’hui le 12 Rabi-ul-Awwal du calendrier Islamique kot partout à l’île Maurice, surtout bane Musulmans zot pé célébré, ena pé dire Millaad-un-Nabi, ena pé appelle li Yawm-un-Nabi, ena appelle li le Seerat-un-Nabi (s.a.w). Pour le Jamaat Ul Sahih Al Islam, ça date de 12 Rabi-ul-Awwal, c’est ene date historique pour nous, kot nous Jamaat fine enregistrer officiellement; Alhamdollillah, Soumma Alhamdollillah, par la grâce d’Allah. Après ki nous Jamaat Ul Sahih Al Islam fine enregistrer, létemps zot fine signe le certificate c’était le 10 Mars 2008 et ti le 1er Rabi-ul-Awwal et nous nous fine recevoir ça hier par la poste le 11 Rabi-ul Awwal et aujourd’hui le 12 Rabi-ul-Awwal, kot tous pé célébrer, ena pé dire l’anniversaire de Hazrat Muhammad (s.a.w), kot ena pé capave raconte so la vie, ena pé faire bane fête, mais nous le Jamaat Ul Sahih Al Islam, Allah fine donne nous ça, c’est le 1er Jummah Historique kot officiellement Jamaat Ul Sahih Al Islam Vendredi le 12 Rabi-ul-Awwal 1429 du calendrier Islamique et le Vendredi le 21 Mars 2008. Ça c’est la grâce et la bénédiction d’Allah couma nous tous fine témoigner depuis le matin ene la pluie de grâce et de benedictions fine tomber avant et ena bane divent ki fine souffler dépi lor léciel kot Allah pé envoye ça bane grâce, ça bane benedictions là lor ça ti l’île ki appelle l’île Maurice. Beaucoup bane ti penser ki – ena avant kot fine humilier moi et zot fine humilier bane parmi nous tous ici, fine persécute nous, fine faire ene paké Ribat lor le mimbar de Hazrat Muhammad (s.a.w), fine dire ene paké mensonges, ene paké blames. Dépi 2001, zot fine continuer dans zot bassesses pour pretender ki zot bane grand défenseur de Khilafat et Ahmadiyyat. Et doucement doucement Allah ine faire So travail, ine éleve moi avec ene Jamaat ki ti appelle Jamaat Ahmadiyya Al Mouslemeen. Et coumsa même Jamaat Ahmadiyya Al Mouslemeen ti enregistrer officiellement le 8 Mai 2003, et après ça par la grâce d’Allah, nous fine faire bane travail marche sous l’instruction divine, sous le commandement d’Allah et après ça en 2007, mo pran li dépi 2005 même kot bane sujets de conversations sous tapis, bane reunions sous tapis et aussi bane lézot kitchoses ki fine faire contre moi et en même temps zot fine envoye bane lettres très blessant et kan même mo fine addresse zot pour faire bane travails de Deen sans blesse personne, là aussi zot montrer zot bassesses, kot zot fine mette lor journal, kot zot fine servi bane papiers de la loi mondaine contre moi mais Allah kan zot conné, kan li reste avec So serviteur, couma Allah ti dire, “Même si demain zot tous quitte toi aller, et Allah avec toi, c’est-à-dire, tout avec toi, mais si demain Allah quitte toi aller, le monde pou avec toi, personne pas pou avec toi”. Alle réfléchit ça, guette ça manifestation là, et guetter! Kan mo pé analyze ça maintenant toute suite ça vine dans mo la tête, ti dépose tout bane documents le 10 Décembre 2007 et le 10 Mars 2008, l’enregistrement officiellement fine tenir lieu et fine signe le certificat de l’enregistrement du Jamaat Ul Sahih Al Islam. Alors ça c’est ene introduction d’aujourd’hui parce ki li bizin reste dans l’Histoire, tout ça là c’est le travail d’Allah, nous pas pé manifester nous égoisme, pas pé manifester nous “moi”, mais tout ça là c’est bane signes pour faire bane dimounes compran, pour faire bane dimounes trouver, pour faire bane dimounes réfléchit, réalizer, et arête cause bane causer n’importe. Mais ki sanlà ki pou capave faire ça? C’est zis Allah ki conne lécoeur de chaque dimoune. Bane ki fine vine aveugle, ki fine ena ene voile lor zot lizié, et dans zot z’oreilles ena diplon, mais zot, zot pour toujours couma Allah fine mentionner dans Quran Shareef. Bane ki zot lécoeur malgré ki zot pas fine attacher avec la manifestation (divine) kan zot pou trouve tout ça là, bé seulement zot pou sincere dans zot la foi, Allah pou illumine ça lécoeur là avec So la Lumière et pour purifier zot, et c’est zot ki pou reconnaîte ça vérité là. Alors aujourd’hui, le fait ki Jamaat Ul Sahih Al Islam, et pé célébrer le Seerat-un-Nabi de Hazrat Muhammad (s.a.w). Et ki prophète ki Allah fine donne ça nom de l’Islam là kan li fine vini, c’est zis Hazrat Muhammad (s.a.w) ki Allah fine dire li ‘Mo fine parfaire ça religion là aujourd’hui, et Mo donne ça religion là comme nom l’Islam”. C’est pas ene coincidence aujourd’hui le 12 Rabi-ul-Awwal Jamaat Ul Sahih Al Islam, kot le ‘Islam’ ré-rétourner couma dans Surah Al-Jumu’a, ine dire, et guette ça aujourd’hui tous dimounes pé célébrer le Seerat-un-Nabi, Yawm-un-Nabi, Millaad-un-Nabi, ena pé faire fête, kan dans Surah Al-Jumu’a fine dire ki le Prophète (s.a.w) pou ré-vini et nous tous nous conné nous bien-aimé Aka Hazrat Muhammad (s.a.w) fine ‘intécale’ (décédé) et Allah bizin envoye toujours so réprésentant ki pour manifester so bane qualités, so bane caractéristiques et tous asspé de so la vie ki li fine amener. Alors, nous comme officiellement aujourd’hui, nous pas conné couma pou remercier Allah (TWA) ki couma Li fine révèle ça nom de JAMAAT UL SAHIH AL ISLAM là et guette ça religion de l’ISLAM là guette ki qualité religion li été! Sakaine dire, moi mo intel, moi mo ‘Tawheed’, lotte ‘Sunnat’ Jamaat, lotte ‘Wahaabi’, lotte ‘Ahmadi’, mais seulement tou ça là Allah pas fine mentionne ça couma Li fine mentionne L’ISLAM dans Quran et Li fine dire vine ene bon ‘Mouslémeen’. Alors ena ki dire, zot zot Mouslémeen zot! Bé Allah même ine dire dans Quran, ki, qui bane ki Mouslemeen? Zot zot bane Mouslemeen, bane ki soumette zot à Allah totalement. Zot pas soumette zot aux créatures. L’Islam ene religion parfait et le Prophète de l’Islam, Hazrat Muhammad (saw) so l’apostolat li pas de ene seul siècle ça. Li ene prophète vivant car bannes fruits de so l’apostolat paraître dans tous bannes l’époques et li pou continuer paraître dans bane l’époques à venir aussi. So fruits ene preuve irréfutable qui l’apostolat du Saint Prophète de l’Islam Hazrat Muhammad (saw) li pas fine fini. Dans le siècle qui fine passé, fine gagne Hazrat Massih Maoud (as). Hazrat Massih Maoud (a.s) même so venue ti donne encore ene preuve vivant (pérénité), plisse ki vivant même de l’apostolat de Hazrat Muhammad (saw) et aujourd’hui par la grâce d’Allah, ou ki chanceux, ou ki Allah fine mette ou là aujourd’hui, ou bizin conne ça valeur là. Aujourd’hui dans nous l’époque aussi l’apostolat de Hazrat Muhammad (saw) pé porte so fruit et bannes bénédictions divines pé descendre du ciel couma ene la pluie torrentiel. Bannes adversaires de l’Islam, zotte pensé qui zotte même formidables dans la science moderne que ce soit dans zotte bannes armes qui zotte fine fabriqué pour détruire l’Islam, couma nous pé trouver dans Palestine, dans l’Iran même zot pé faire bane frères Musulmans même la guerre entre zot. Mais à la fin, laisse mo dire ou, ça bane adversaires de l’Islam là, ki pé créer toute sortes kalité dézordres, et ki pé rode fini l’Islam, laisse mo dire ou azordi, zotte pour alle mange la poussière, Insha-Allah Ta’ala Al Aziz. Mo pé dire où ene vérité, qui Allah fine donne nous bannes connaissances des forces supérieurs de l’Islam et mo pé donne zotte ça certitude là qui l’Islam pas pour affecté avec zotte bannes philosophie nouvelles, au contraire nous pour démontrer l’ignorance de zotte enseignements. Insha-Allah. Ene signe de la foi qui bannes croyants bizin ena, qui chaque instant, zotte prêt pour sacrifier zotte la vie et zotte du biens au nom de la religion. Ki ça religion là ? C’est l’Islam ! Dans le Quran Shareef Allah dire : « En vérité Allah fine acheté bane croyants zotte du biens et zotte la vie comme échange zotte pour gagne Paradis ». Donc pour gagne le Paradis ena banne conditions sacrifice qui imposé, c’est pas ene zaffaire gagné dans plateau sans aukaine sacrifice. Nous la foi et nous sacrifice bizin gagne le dessus lors tous quitte choses. Sa récompense qui Allah pour donne nous pour ça fermeté qui nous ti placé dans Li là, ça récompense là li immense ça, comparé avec ça bannes du biens matériels là, li « Samanan Qalilan » (mentioner dans Quran Shareef), c'est-à-dire, des trivialités, des futilités, des bagatelles, qui ena très peu d’importance. La vie lors la terre, so récompense ici bas li narien du tout comparé avec la vie éternelle so récompense dans l’au-delà. Donc faudé pas nous tourne nous le dos avec sa bannes faveurs divines là et nous pas donne li tous so l’importance, c’est-à-dire, nous pas pé donne bane faveurs divines so l’importance ki bizin. Au contraire nous pé prend ça bane faveurs divines là couma ene zaffaire ordinaire. Si ou ti conné ki ça bane faveurs divines là, si ou ti conné ki ça bane grâces là, si ou ti conné kot nous ti été, si ou ti conné ena bane dimounes faire bouffon, rier, ki kalité messages zot pas fine envoyer zot fine faire bouffon, ki nous péna Jamaat, ki nous sans Jamaat ! Mais Allah dire Non ! Ça coup là, Mo donne zot ene Jamaat ki bane les autres pou reconnaite zot et ça bane là pou vine zot l’ennemi. Bane là pou vine zot bane plus grand l’ennemi. Pour zot, zot pas pou guette l’importance de séki Quran fine dire, couma Allah fine parfaire ça religion là, fine donne le nom de l’Islam à Hazrat Muhammad (s.a.w), et fine donne ça nom là ki l’Islam li Enn (1), et ki dimounes pou dire astère : ‘li pas ene Ahmadi, li fine renonce l’Ahmadiyyat, li pas croire dans Hazrat Massih Maoud (a.s)’. Tender bien, zot pou entendre ça bane l’esprit borné là, ça bane l’esprit cabossé là, toute sorte kalité commentaire pour ena. Mais zot oublier ça nom l’Islam là, ki l’Islam là ki pli important. Tous ça bane prophètes ki fine vini là, Hazrat Massih Maoud (a.s) li, kan li fine vini, so l’enseignement lor ki bazé ? Ki li fine faire dimounes comprend ? C’est ki pou faire dimounes comprend le vrai enseignement de l’Islam. C’est vrai donc, ki faudé pas nous tourne le dos avec ça bane faveurs divines là, et nous trouver vraiment ki sak faveur divine ki vini, kot ene ti moment nous manifester nous contentement après nous oubliyer, nous prend ça ene zaffaire ordinaire. Et nous donne « Samanan Qalilan » l’importance. Ça seulement banne dimoune qui ene ti l’esprit qui capave faire ene zaffaire pareil et banne dimoune qui pas conne reconnaître faveurs d’Allah. Faudé pas nous laisse nous tenté par bannes kitchoses ici-bas, car la vie dans l’autre monde li beaucoup plus meilleure et plus supérieure. Dans nous serment d’allégeance qui nous fine faire, nous fine dire qui nous pour garde nous la foi au dessus de tout. Maintenant nous bizin tenir nous promesse et nous bizin sacrifier tout pour gagne le plaisir d’Allah. Tous ce qui où trouvé lors ça la terre là, tous ça là pour disparaître ene jour, tous pou « fanna finna » fini. Seul Allah qui Eternel. Allah jamais pas marque So Promesse. Bannes récompenses qui Li fine promettre, sûrement et certainement Li pas pour marque So Promesse, pour séki Li fine promette nous, pour bane récompense séki nous pou gagner. Quand ene dimoune tombe malade li capave dépense beaucoup l’argent pour li gagne so guérison sans ki li prend compte combien l’argent li pé dépenser, dans seulement zis pour ki li gagne so la santé. Mais combien sacrifice, nous pé faire pour la vie éternelle? Pour ene la vie temporaire, de ça la vie là, ena dimounes pé dépense de millions de l’argent pour li gagne so la santé, kanmêm la santé là li pas totalement bien, mais li envie gagne so la santé, pour ki li continié vivre lor ça la terre là. Bé combien parmi nous, pé faire bane sacrifices maintenant, nous pé sacrifier nous, kot ça sacrifice là pé apporte nous ene récompense dans la vie éternelle, c’est-à-dire, nous la vie après la mort. Nous cherche ene plaisir durable, ene la vie éternelle, pour nous gagne ça, nous bizin pas hésité pour sacrifier tous ce qui Allah fine donne nous. Ki Allah fine donne nous ? Nous du biens, la vie, l’honneur, nous le temps, tous ça là pour Allah, nous fini nous même dans nous Rab. Ki ça veut dire ? Ki nous tourne vers nous Rab, et nous soumette nous à Li, et nous faire So Zikr, nous faire le salaat pour nous propre bien. Allah pas pé bizin nous salaat, Li pas pé bizin nous zikr tout ça là, mais kan nous pé faire li, nous faire li pour nous bien. C’est ça même ki nous dire ki nous fini nous même dans nous Rab ! Que ce soit nous l’honneur aller, que ce soit nous la vie, nous dibien aller pour la cause d’Allah, que ce soit nous perdi tout nous létemps dans le travail de Deen mais nous faire tout ça là pour Allah et nous fini nous-même ziska nous dernier souffle lor la terre nous fini nous-même dans nous Rab, dans bane l’instruction divines ki Li fine donne nous et d’après bane commandements ki Li fine donne nous dans le Quran Shareef. Nous bizin prêt pour faire des sacrifices, afin qui bannes promesses qui Allah fine faire pour établir la supériorité islamique lors la terre réalisé bien vite. Laisse mo dire zot ki la victoire de l’Islam pas pour tarder. Insha-Allah Ta’ala Al Aziz Allah-O-Akbar, la victoire de l’Islam pas pour tarder. Cependant pour mérite bannes faveurs d’Allah, bannes Musulmans bizin passe par trois genres d’épreuves, sinon nous pas dire qui nous ene Musulman (Mouslémeen). Seul bane ki pas pour capave dire ki zot pas Mouslémeen parce ki zot pas pou capave passe par ça trois épreuves là. Zis bane Mouslemeen, bane ki soumette zot totalement à Allah, c’est zot ki pou capave dire ki zot bane vrai Mouslemeen, bane vrai Musulmans. Ça même dire ou, la religion (Deen) bien vaste. Pas linge ki veut dire ki ça dimoune là li religieux ; pas par l’apparence, mais par lecoeur, par so taqwa, par la crainte d’Allah et so l’attachement envers so Créateur. Li passe so la nuite, lizour devant so Créateur, li faire zikr, li faire bane duahs, li lire le Quran Shareef – li étudier le Quran Shareef, lerla li pou alle compran ki veut dire ene Mouslemeen, ki veut dire ene Musulman et ki veut dire na pas ene Musulman, ene Mouslemeen aussi. Si li reussi alle compran ça, mais lerlà définitivement li capave faire ene analyse personellement, individuellement mais ki sanlà vraimême kan nous guetter li réflecter le Mouslemeen, li réflecter comme ene Musulman couma Allah ine dire ou soit ki sanlà vraimême li pas réflecter ene Mouslemeen (Musulman). Ça ki zot pas compran ki bane Musulmans (bane dimounes ki soumette zot couma Quran dire zot Mouslemeen – bane dimounes ki soumette zot completement à Allah) zot bizin passe par trois genres d’épreuves, sinon nous pas capave dire ki nous ene Mouslemeen. Bane ki pas capave passe par ça bane épreuves là, bé définitivement zot pas capave dire zot zot bane Mouslemeen. Bannes anciens (dans l’époque de Hazrat Muhammad (saw)) ti subir bannes épreuves avant qui la grâce divine tombe lors zotte, et de nos jours aussi li pareil. Bannes vrais croyants bizin passe par trois du feu avant qui zotte gagne zotte certificat d’éligibilité devant Allah. Si zotte ena ene le coeur pure et sincère, ça du feu là pour éteints, zotte pou pareil couma dans cas Hazrat Ibrahim (as), après qui li fine subir bannes épreuves li fine vine héritiers de la grâce divine et zotte aussi après qui zotte pour subir beaucoup des épreuves, zotte pour vine bannes héritiers de la grâce divine. Insha-Allah. Première Epreuve : Bannes enseignements qui le Saint Prophète (saw) fine apporté de la part d’Allah nous bizin mettre li en pratique et nous faire z’effort pour amène ene la lutte contre nous bannes désirs et nous bizin faire sacrifice nous du bien, nous l’honneur et nous prestige. Deuxième Epreuve : Ene second test lors zotte la foi, c’est qui zotte passe dans ene du feu (qui sa du feu là c’est les décrets divins), par ene décision qui prend par Allah li même – Allah kan dire ‘Moi ki fine décrete ça’, nous péna aucaine objection – nous pas objecter (pareil couma dans la semaine mo ti cause avec ene frère, ki fine arrange ene Masjeed li touseul personnellement. Alors, mo ti dire li ‘No one can object to the will of God’ (revelation). Ça parole là fine touche li, et li fine compran seki mo fine rode dire li. Li fine émotionné avec ça parole là. C’est-à-dire, bane dimounes ki pure, croyants, kan zot entende ene message ça reflecter dans zot lécoeur, zot compran ki nous pas capave la guerre contre le décret d’Allah ; parski c’est pas par nous ki nous pé faire tel kitchose, Allah pé pran nous, pé servi nous pareil couma ene maçon pé travail, li vini personellement mais c’est ça z’outil là ki li pé bizin. Li bizin tel z’outil pour li faire tel travail…ene lotte l’example, eski coumsa même ene cahier rempli avec l’écriture. Estce ki ou pas bizin pran plume là dans ou la main, ki ou écrire parce ki Allah fine faire ou compran? Estce ki mette ene cahier là et ene plume, et sans ki ou attrape plume là pour écrire, estce ki ou penser ki ou pou capave rempli ça cahier là, ou soit ou capave écrire ene livre ? C’est-à-dire, tous ça là c’est bane instruments pour ou, pour ou servi li. Coumsa même nous ene instrument dans la main d’Allah, ene z’outil dans la main d’Allah. Astère là faudé nous vine ene bon z’outil, ça aussi important. Nous trouver ki ena z’outil imitation aussi, ki pas bane bon z’outil et ki zot bon marché. Mais bane bon z’outil, zot duré lontan. Kot dimounes capave dire, dans l’époque mo dada, mo par-dada, ti pé servi ça z’outil là – Ça c’est bane vrai z’outil. C’est-à-dire, bane vrai croyants, bane dimounes ki ena Imaan, arrive séki arrive zot pou reste bon, et zot génération pou déssane pareil.) Alor kan ou accepter ça deuxième décret divin là, c’est-à-dire, par ene décision ki pran par Allah Li-même ça ; c’est pas l’homme ki pran ça décision là. Et Allah ki donne bane l’instructions pour ki bizin faire et Allah So révélation déssane et comme ene humain nous faible. Nous content nous pas content, mais si nous réussi arrive dans ça stage là, et nous trouver ki ça vine de côté d’Allah, ‘Non, mo pas pou objecter di tout. Li vine de côté d’Allah, Non mo pas pou objecter. Mo témoigne bane instructions & révélations, Non mo pas pou objecter attention Allah alle en colère avec moi.’ Et astère kan ou fine accepter ça décret divine là maintenant – compran ça bien – Mo pas pou capave objecter avec le décret divine. Et kan ou fine accepter ça décret divine là, penser ki Allah pour faire bane testes avec ou. Beaucoup de bane testes, bane épreuves pour vine lor ou pour guetter sipa vraimême ou solide, ou fine croire dans ça décret là, dans ça l’instruction ki fine vine de côté d’Allah. Et lerlà même, Li bien probable qui après qui où fine reconnaître le décret divine, ou la Manifestation d’Allah et ou fine accepté fine croire dans ene Muhyi-ud-Din de ça l’époque là, ki fine vini pour faire revivre les vrais enseignements de l’Islam. Et Allah fine éleve li avec ene Jamaat ki appelle Jamaat Ul Sahih Al Islam, abé penser – mo pé addresse ça à le monde en entier, ki bane les autres ki ti reconnaite moi comme le Muhyi-ud-Din (à l’extérieur) ki mo faire duah pour zot toujours, ki zot Imaan tenir toujours ferme avec le Tawheed (l’unicité d’Allah) et dans la main d’ene humble serviteur d’Allah (le Muhyi-ud-Din de çs l’époque là) – mais en fait, c’est pas dans mo la main mais c’est dans la main d’Allah – et après le Jamaat Ahmadiyya Al Mouslemeen c’est vrai ki zot pas fine tende de mo côté ziska maintenant et bientôt kan zot pou tender, et zot pour alle conner ki Allah fine éleve moi avec ene Jamaat, Allah faire sék’Il veut. Allah capave change n’importe quoi. Ou capave empêche Allah ou ? Gramatin ti ena la pluie, la brise couma dire cyclone, et ça faire moi penser ki gramatin mo fine faire ene rêve ki ena ene cyclone, ene la brise fort dans ene l’endroit et ça cyclone fine amène ene inondation kot bane la cazes et bane pié pé tomber. Kan mo fine lever et mo fine réfléchi lor ça rève là, ki pour ena ene catastrophe divine. Allah faire sék’Il veut ; gramatin ti ena la pluie et astère là ena ene gros soleil ; c’est-à-dire Allah capave tire ça gros soleil là et faire ene la pluie tomber. Estce ki ou pou capave empêche ça ? Abé coumsa même Allah fine éleve So humble serviteur ; ou content ou pas content, ou causer dans tous coins, ou faire ou bane cimagris, ou pou faire ou bane bouffon, ou pou moquer, ou que ce soit ki ou pou faire, mais Allah fine éleve ene Jamaat dans le mois de Rabi-ul-Awwal. Le 1er Rabi-ul-Awwal même Jamaat Ul Sahih Al Islam même ine enregistrer. Et comme officiellement la Jamaat Ul Sahih Al Islam, le 1er Khutba Jummah nous faire ça le 12 Rabi-ul-Awwal aujourd’hui. Ena pé dire le jour du prophete, ena dire l’anniversaire du prophete (s.a.w), mais nous dire, nous cause lor le caractère, comme ene prophete modèle ki le prophete Hazrat Muhammad (s.a.w) été. Mais penser couma le prophète (s.a.w) kan Allah ti éleve li avec ene religion du nom de l’ISLAM, Li (Allah) fine parfaire ça religion là, Li fine déssane bane révélations lor li (So prophète). L’instruction lor l’instruction, ki kalité blâme zot fine metté lor li ! Ena bane kitchoses extraordinnaires ki Allah ti révélé, mais nous pas ti présents ça moment là. Nous fine lire, et épreuves lor épreuves li fine passer. Commencer même, li ti passe bane épreuves avec bane dimounes ki ti autour de li, ki ti dire ki zot croire dans li. Li fine passe par bane épreuves avec so bane propres madames même. Pourtant zot ti so madames ; mais zot tout fine réuni kot zot pé rode ene compensation pli haute ki ça pour zot vivre ; lerlà même ça verset dans Chapitre Al-Ahzaab ki trouve dans Quran ki ça révélé. Allah dire : « O le prophète dire à to bane épouses : ‘Si vraiment ou désire bane zaffaires de ça lemonde là, abé dire zot Nous pou donne zot ; mais seulement gentiment, calmement, avec beaucoup de politesse Allah donne So Rassool ça l’instruction là ki to divorce avec zot. (commentaire de ça verset là) Mais kan bane là fine tende ça, réponses de so bane madames, kot zot fine dire ‘Non, nous nous oulé seulement Allah et so Rassool’. Et pas fini ! Hazrat Muhammad (s.a.w) fine gagne beaucoup de persécutions avec so familles, so lédents fine cassé, bane là fine envoye li coup de roches, ziska ki disang fine rempli dans so soulier. Li fine perdi so bane zenfants. So bane garçons même li fine perdi, et so bane familles. Bane membres de so propres familles même, couma so chacha Abu Lahab fine persécute li. Alors, si aujourd’hui, ou, bane membres ki ti bane dimounes ki Allah fine purifier zot lécoeur, zot ti reconnaite le Muhyi-ud-Din kan li ti faire so déclaration officielle le 6 Décembre 2003, et le 7 Décembre 2003 kot tous ti réuni et ça fine alle lor website et à travers le monde bane là fine cause le Muhyi-ud-Din ; ena fine accepter, ena fine faire toutes sorte kalité critiques. Mais après ça, zot pas fine tende le Muhyi-ud-Din de ça l’époque là, mais Allah fine éleve li avec ene Jamaat Ul Sahih Al Islam kot bane les autres fine hijack le Jamaat Ahmadiyya Al Mouslemeen. Allah conne mieux parce ki pareil couma dans commencement Khutba mo fine dire, Allah zamais Li pou manque So promesse. Si Li fine promette nous ki nous pou alle faire Hajj, c’est-à-dire, Li bizin donne nous ça titre de l’Islam là kot la victoire de l’Islam, nous pou rentre dans Makka et nous pou lève le drapeau de l’Islam. Insha-Allah. Mais seulement, tous ça là nous pas pou gagne lor plateau ça. O bane frères et sœurs ki pou lire ça, ki pou entende ça Khutba là à travers le monde, penser ki où capave perdi ene zenfant, kan ou pou croire dans le Muhyi-ud-Din de ça l’époque là, ou pou croire dans la Jamaat Ul Sahih Al Islam, ou capave perdi ene zenfant, ou ene membre de ou famille, ou sois où trouve où business pas pé faire aucaine profit, ou sois où gagne ene problème dans où travail, ou sois ene boycotte totale de où famille et de où bannes camarades et alors Satan souffler dans où zoreilles pour faire où croire, ‘voilà à cause to fine vine ici et ici ena « Fearful Destiny/End » et ça pé réaliser’. Et si où reste ferme dans ça décret divin là et où garde où la foi ferme, Allah pour béni où et pour ouvert pour où bannes la porte du ciel et So grâce pour tombe lors où couma la pluie. Insha-Allah. Ameen. Soumma Ameen. Troisième Epreuves : Troisième l’examen, c’est persécution par bannes adversaires. Si nous jette ene coup d’œil lors l’histoire de bannes prophètes, nous pour trouvé à chaque fois qui ene prophète vine dans le monde, dans ça l’univers là, so bannes adhérents zotte persécutés, parfois atrocement. Le Saint Prophète Hazrat Muhammad (saw), ti le plus grand Prophète parmi tous bannes prophètes qui fine envoyé par Allah, mais so bannes compagnons fine persécutés atrocement qui par milliers fine morts (zot fine verse zot disang dans le chemin d’Allah) avant qui l’Islam triomphé dans l’Arabie. Bannes premiers Musulmans fine souffert énormément (ça toulétemps fine arriver ça ki bane premiers zot fine toujours souffert énormément) tous zotte la vie à la Mecque et le Prophète (saw) aussi pas fine épargné avec sa bannes souffrances là. A la fin, zotte fine sortie victorieux – Zot pas fine reste toulétemps dans persécutions, dans souffrance. A la fin, « La Ghaliba Illallah » ; zot fine sorti victorieux mais ça victoire là, c’est Allah So victoire. O bane frères et sœurs ki pé écoute moi aujourd’hui le 12 Rabi-ul-Awwal 1429 du calendrier Islamique, & le 21 Mars 2008 dans le Nord, dans le Bait-ul-Zikr, et aussi bane ki pou lire et écoute ça Khutba là à travers le website Insha-Allah Ta’ala Al Aziz ; donc faudé pas ki nous la foi diminuer ou affecter quand bannes épreuves vine lors nous. Au contraire, nous bizin raffermir nous la foi plus car l’histoire li répéter dans chaque l’époque. Tous bannes croyants de bannes prophètes zotte fine passe par ça bane épreuves là même, l’histoire religieux fine montrer beaucoup l’exemples pour chaque individu. Ene vrai croyant jamais laisse li intimider (faudé pas li dire maintenant, ki non, li pas pou capave faire ça, ki li gagne peur, li gagne traque), au contraire, plus épreuves vini, plus li bizin montrer li brave et li montrer so courage ki Allah ine donne li, pour ki l’Islam gagne la victoire lor tous bane les autres religions. Bane croyants bizin cultive ça Neuf (9) excellences fondamentales là :- Ene l’Amour profond pour Allah. Ene l’Amour sincère pour nous bien-aimé Saint Prophète, Muhammad (saw). Ene soumission totale pour le prophète, et aussi à banne enseignements du Saint Prophète, Muhammad (saw). Développe ene l’esprit qui où éloigné avec tout bane mauvais kitchoses. Faire beaucoup de Zikr-é-Ilaahi – Apprane ça bane Zikr-é-Ilaahi là par cœur ; ki Allah et So Rassool fine montrer nous. Créer ene l’esprit compétitif (pas de côté mondaine), pour dépasse les autres dans banne bon travail et bonne action ki Allah content avec ou, applaudi pour ou, et non pas dimounes applaudi pour ou. Faudé kan ou pé sorti ou pou alle faire ene travail compétitif dans le chemin d’Allah, c’est pas pour lizié dimounes, mais seulement pour la cause d’Allah. Gagne ene sentiment ferme ki où pour faire où mieux dans n’importe quel façon pour répandre le message de l’Islam dans quatre coins de la terre. Ena ça l’esprit là qui où servi l’humanité n’importe qui race, couleur ou religion, d’après le moyen ou capacité qui Allah fine donne où. Ou pas vine ene raciste, ene communalist, ou pas vine ene dimoune ki guette zis so kalité, ou soit zis ou famille. Non ! Kan il s’agit d’Allah, ou guette tous pareil. Ou servi zot tous. Ça ki appelle l’esprit de sacrifice, et servi toute l’humanité en entier, en générale. Ou pas guetter ki intel ki ena pour faire ça. Non ! ou ou ena pou servi bane créatures d’Allah, le Créateur, n’importe ki religion li été. Ça c’est ene zaffaire très très important. Place ene confiance absolue dans Allah (TWA), n’importe ki arriver ki li Malheur ou même Bonheur. Laisse mo dire ou ki dans 25 ou 30 ans d’ici, ene grand changement spirituelle pour opérer lors la terre. Le monde fine arrive à so top dans l’immoralité ; et li pou pran ça létemps là avant ki ça changement là faire. Si Hazrat Muhammad (s.a.w) à travers la révélation fine pran 23 ans et pour ki li agir d’après ça bane révélation et commandements là ; li persécuter, ensam avec so bane adhérents kot des milliers fine verse zot disang. Mais d’ici dans 25 ou 30 and pour ena ene grand changement lor ça la terre là. Mo pé trouve ene l’avenir bien brillant pour l’Islam. Insha-Allah. Ene révolution spirituelle pé préparer à travers nous, qui Allah fine choisir et c’est nous qui pour faire flotte le drapeau de l’Islam qui so l’enseignement ti apporté par nous Bien-aimé Prophète, Hazrat Muhammad (saw). Insha-Allah. Mais mo pas capave dire ou ki peuple bienheureux qui pour accepter message de l’Islam entièrement ou en grande majorité, sinon li ti pou trop beau, avant 25 ans ou 30 ans ou fini dire ki ça peuple là. Mais mo capave dire avec ene full conviction absolue qui le jour li pas loin kan nous conné qui lors ça la terre là ena banne pays, banne régions kotte la majorité dimoune pé chercher qui sanla pour amène zotte vers ça Dieu Unique là et qui sanla pour faire revivre ça vrai enseignement de l’Islam qui fine bafoué par l’homme, par bane grands grands Mullah et fine donne ene mauvais l’Image de l’Islam et qui sanla pour faire revivre l’enseignement de Hazrat Massih Maoud (as) et qui so l’enseignement fine piétiner (« The teachings of the Promised Messiah have been trampled to dust »). Azordi ou trouve bane Ahmadi, mais ça aussi zot fine vine que de nom Ahmadi – zot pas pé capave distingue entre ene Mouslemeen et ene Ahmadi. Zot fine mette de côté bane paroles d’Allah. Ça même ça révélation là : « The teachings of the Promised Messiah have been trampled to dust ». Ena l’endroit zotte pé attendre et quand zotte trouve ça vrai l’enseignement de l’Islam là vine dans zotte la main, zotte et zotte gouvernement pour embrasse ça message de paix là (l’Islam) ; Insha-Allah, ça bane zaffaires là pour arriver. Avec ene full conviction mo pé dire ça. Ene appel à L’Union des Musulmans (Ittehadoul Mouslemine) Moi, par la grâce d’Allah avec beaucoup d’humilité, mo demande tous bannes sectes Musulmans à travers le monde – O bane frères & sœurs de la foi Islamique, de tout le monde en entier, nous oublier nous différences mineurs et nous concentré tous nous efforts dans le Propagande Islamique à travers le monde. Vini nous créer L’ Ittehadoul Mouslemine (L’Union des Musulmans). Si nous réussi créer L’ "Ittehadoul Mouslemine" nous tous, nous mette nous bane divergeances (différences) ene côté, nous rassembler nous sous ene seul crédo « Laa Ilaaha Illallah Muhammadur Rassoollullah » abé, nous pour réalise ene grand pas en avant vers l’expansion islamique. Tous bannes sectes mette zotte divergences de vues lors bannes questions secondaires et qui ena peu d’importance ene coté. Nous consacré nous efforts dans ene seul but, nous établir la Suprématie de L’Islam dans le Monde, Insha Allah ! Bannes sacrifice li nécessaire, c’est par bannes sacrifice qui fine donne victoire aux peuples. C’est par bannes sacrifices qui fine attire l’amour du ciel (d’Allah). Bannes jours kotte nous Jamaat Ul Sahih Al Islam pour atteindre le sommet des sacrifice, ça jour là pour ena couma ene zenfant bien-aimée qui pé assize lor Genoux d’Allah, Insha-Allah et tous nous la peine et misères pour disparaître. Chaqu’ene parmi nous bizin maziné qui la victoire de l’Islam pas pour vine coumsa même, sans bannes grands sacrifices de nous part. Si nous insouciants, nous oublier nous devoir qui Allah fine imposé lors nous, pas pour ena plus grand coupable ki nous kot nous oubliyer nous devoir envers Allah et nous pou responsable devant Allah. Pour redonne la vie à l’Islam, nous bizin faire tous nous efforts jusquà nous la fin lors ça la terre là. Nous bizin pas oublier qui le Saint Quran et le Sunnat du Saint Prophète (saw) ene bouclier qui nous bizin servi et mette en pratique pour la guerre contre nous « Nafs ». Même nous arrive au plus haut sommet de la gloire et du succès, nous bizin pas oublier ça parole de nous bien-aimé Saint Prophète Hazrat Muhammad (saw) – Faudé pas nous oubliyer ça parole ki li fine dire nous là : « Nous efforts individuels inspirés par nous propre l’esprit pas pour servi narien si nous pas pou reste derrière ene Chef de Croyants (Amir’ul Momeneen) et si nous pas suivre so bannes directives (conseils & l’instructions & si nous pas cherche so bane duahs) et sans ene Chef de Croyants (Amir’ul Momeneen), nous pas pour gagne la victoire lors bannes l’ennemis. Tant qui bannes messieurs, bannes madame et bannes enfants pas pour cultive ça l’esprit de sacrifice là, le jour de la victoire de l’Islam pas pour arriver. Kan nous pour cultive ça l’esprit de Sacrifice là, nous pour remporte bannes victoires (sur tous les fronts) et nous pour trouve le Triomphe de L’Islam. Insha-Allah. Ki Allah aide nous pour faire ça bannes sacrifices là. Ameen ! Soumma Ameen, Ya Rabboul Aalameen. C’est ainsi qui Allah finne enseigne moi et mo finne explique zotte  - le 12 Rabi-ul-Awwal 1429 A.H comme ene Hazrat Amir’ul Momeneen Muhyi-ud-Din cet fois-ci à la tête du Jamaat Ul Sahih Al Islam ki fine délivrer ça Khutba là. Insha-Allah. Ki Allah aide moi, et donne moi beaucoup de courage et de patience et mette beaucoup de la force et donne moi beaucoup de connaissances pour propage l’unicité d’Allah. C’est pas pour gagne valeur dans ça le monde là ; Et pour faire le travail de Deen seulement pour la cause d’Allah. Pareille couma nous faire ça duah là le soir, « O Allah pas faire moi faire ene kitchose pour montrer lizié dimounes, pour faire dimounes trouver ki mo pé faire pour intel intel. Si mo pé faire ça duah là, alors ça faudé pas li zis lor mo la lèvres seulement, O Allah, li bizin dans mo action, dans mo pratique. C’est-à-dire, kan mo pé faire ene kitchose, mo pé faire ça zis pour le plaisir d’Allah, et non pas pour lizié dimounes, et faire tapaze, sinon mo pou vine couma ene la mok ou drome vide ki faire nek tapaze ; tandis ki ene drome plein, zamais ou pou tende so son. Alors ki Allah donne nous le Tawfeek ki nous contemple ça message ki ena dans ça Khutba d’aujourd’hui là. Ki Allah béni nous, et donne nous ene longue la vie, et le Tawfeek, Insha-Allah. Ameen Soumma Ameen Ya Rabboul Aalameen.