Text Box: Bismillah-ir-Rahman-ir-Rahim KHUTBA JUMMAH HAZRAT MUHYI-UD-DIN AL-KHALIFATULLAH MUNIR AHMAD AZIM 21 November 2008 (Ene Résumé du Khutba) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire les versets suivants: Surah Al Mumtahana Ch.60 Versets 2&3  O bane croyants, pas prend Mo ennemi et ou ennemi comme alliés et pas offert zot ou l’amitié, tandis ki zot fine déjà rejette la vérité ki ou fine gagner. Zot fine répousse le prophète et ou même, parski ou gagne la foi en Allah, ou Maître. Si ou sorti pou faire la guerre pou Mo cause et pou cherche Mo satisfaction, (pas prend zot comme allié). Ou gagne de contacts secrets avec zot par amitié tandis ki Moi, Mo conner seki ou cassiette et seki ou laisse apercevoir. Celui parmi ou ki faire ça, li fine déjà égaré depuis dans chemin droite. Si zot vine plus fort ki ou, zot agir comme ou ennemi, et zot va étende zot la main et zot la langue contre ou, en mal. Zot va content ki ou aussi rejette (la vérité). Allah pas pé adresse ni bane Kafirs, ni bane hypocrites, ni bane ki faire Shirk. Allah pé adresse, bane croyants ki fine croire dans l’unicité d’Allah, et croire dans So prophète (s.a.w). C’est sa bane dimounes la, ki Allah pé dire, O bane croyants, pas prend Mo ennemi et ou ennemi comme alliés kan zot fine tourne le dos avec la vérité, avec Allah So bane signes et zot faire boufon, avec Allah So prophète, zot faire le prophète d’Allah vine zot cible. Zot fine présente le prophète d’Allah devant bane dimounes comme si dirait ene zéro, pou pas dire li faible. Zot présente le prophète d’Allah, comme ene adultère, ene menteur, ene dimoune ki entouré avec bane madames. Zot présente sa bane mauvais image la avec bane lézot, lerla bane lézot dire c’est vrai. Voila zot croire ki vrai même li ene menteur, et lerla zot faire sa, ene sujet de conversation. Lerla Allah dire, « O bane croyants, zot ki fine croire, ki fine trouve bane signes, pas dire ki ou fine gagne la foi, plutôt dire ki ou ene Islam. Ou accepter pou soumette ou complètement à Allah. » Imaan c’est ene zaffaire ki bien, bien difficile pou gagner. Pou faire Imaan solide ou bizin faire boucou z’effort. Mais pou perdi Imaan li bien facile. Ou capave renonce tout vérité et ou capave tourne sa bane vérité la en mensonge, ou dire non, jamais ti coumsa, li ki dire sa, pourtant Allah fine montrer zot boucou de signes, zot fine témoigner. Après ki zot faire ? Zot tourne zot le dos, zot faire sa vérité la vine mensonge. Sa même le pli grave ki ena, maintenant c’est à ou de décidé si pas ou pou reste dans sa vérité la, ou arrive saki arrive ou pas pou délaisse la vérité, parski sa li pas sorti kot créature sa. Sa li sorti dépi kot Allah (swt) – Al Haqq. Sa même Allah pé dire, O bane croyant ou fine gagne sa bane signes la, bane signes ki vine décoté d’Allah, pas prend Mo l’ennemi et ou l’ennemi comme allié. Bé couma zot fine vine l’ennemi d’Allah ? Couma ene dimoune vine ene l’ennemi d’Allah ? Couma li vine ene Kafir ? Couma li pas croire dans le signe d’Allah ? Pour conne sa bane kalité l’ennemi d’Allah la, faudrait Allah envoye So représentant lors la terre, Allah manifester et causer à travers li. Lerla bane la manifesté kan zot trouve bane événements arriver. Létemps sa bane signes la paraître, pou prouve la véracité de sa Messager la, alors li (le Messager) faire duah, kot li faire bane prophétie, li dire bane kitchose ki arriver. C’est pas li ki pé dire sa, entant ki l’homme, li pé vine directement dépi le Créateur, dépi lors le ciel, ki Allah envoye sa à travers li, pou ki li transmette sa à l’humanité en entier. Alors kan ou fine trouve sa bane signes la, ou fine reste attacher avec le Messager d’Allah, ou fine gagne le parfum. Mais lerla ou reste près avec le prophète d’Allah, ou fine gagne le parfum du Manifestation Divine, ou fine témoigne boucou de bane signes, définitivement ou Imaan vine solide. La aussi Allah mette ou en garde, Li dire ou « O bane croyants, faire bien attention, pas prend Mo l’ennemi et ou l’ennemi comme alliés. Couma li vine ou l’ennemi ? Jamais li fine pousse ou, jamais li fine batte ou. Li vine ou l’ennemi parski li vine l’ennemi d’Allah ; kan Allah fine manifesté So bane signes, fine envoye So bane message, et ou tourne le dos, et ou barre dimounes dans le chemin d’Allah. Kan Allah fine envoye So Nabi lors la terre, alors zot tourne le dos avec le Messager. Zot même zot ti pé gagne bel-bel messages lors sa Nabi la, après ou dire ki Nabi la péna façon causer, li péna manière, li nervé, li cause avec chaleur. Allah fine testé ou, Li guetter ki ou faire. Allah dire « Toi (le Messager d’Allah) to pas conne zot le cœur, kan zot vine devant toi, zot émerveille toi avec zot paroles, zot couma dire ene paquée di bois sec ki appuyer contre miraille. Zot la pou prépare n’importe quoi pou le prophète d’Allah. Mais zot même zot pou agir pli malhonnête, pli hypocrite, pli dangereuse pou le prophète d’Allah. Et zot même fine gagne boucou de signes, et zot fine écrire boucou signes après zot même zot tourne le dos avec le prophète d’Allah. Abé zot vine bane l’ennemi d’Allah. Aster couma zot vine ou l’ennemi ? Ou, ou ena ene croyance ferme lors Allah, So bane signes, et lors Allah So prophète et ou fine témoigne boucou de vérité. Définitivement kan bane la fine vine l’ennemi d’Allah et So prophète, ou pas capave pli royaliste ki léroi, ler ou dire ki « li fine faire sa avec Allah mais pas avec moi ; avec moi li correct, mo pas fine gagne nannié avec li ». Mais Allah dire, « Non, kan li fine vine l’ennemi avec ou Rab avec Celui ki fine crée ou, fine envoye ou lors la terre la, fine accorde ou tout ou bane zaffaire, ou la vie, ou nourriture trouve dans So la main. Celui ki fine envoye ou la, fine montré ou boucou de signes, fine montré ou dans sa l’époque la, chaque l’époque kan bane prophète fine vini couma zot fine persécuter et maintenant dans ou l’époque ou fine gagne sa faveur la, fine élève ene prophète, ou trouver couma zot pé ridiculise sa prophète la, ki qualité zot pé traite sa prophète la, ki qualité zot pé faire sujet de conversation contre le prophète, pareil couma tous létemps fine exister, et même dans l’époque du Saint Prophète (s.a.w). Mais kan zot faire tous sa la, ou ki ena Imaan lors Allah et So prophète, bé kan ou trouve bane la pé faire coumsa, bé pou ou ki pli priorité ? C’est Allah, parski demain ou ena pou alle rendre compte devant Allah, et même ou papa, ou maman, ou frère, ou sœur, ou belle sœur etc… n’importe ki li capave été. Si li faire ene zaffaire coumsa, ou pas guetter si pas li ou familles nannié la. Ou dire « Allah en priorité pou moi. Si mo pé respiré, mo encore pé vivre, mo pé manger et boire, mo pé capave causé, mo pé capave travail c’est par la grâce d’Allah. Mais si ene coup Li donne moi ene kitchose ki pas bon (par So colère) mo capave reste en place. Demain mo ena pou alle devant Li, mo ena ene conte pou alle render. » Bé si avec Allah zot pé faire coume sa, c’est Allah ki fine envoye So Rassool, bé si Allah pé dire bane la, c’est Mo l’ennemi et ou l’ennemi pas prend zot comme alliés. Premier l’instruction ki mo bizin obéir, mo bizin obéir Allah en premier, 2eme Allah So prophète, Allah So prophète li priorité lors tous sa bane la. Zot fine tourne zot lé dos, et guette ki Allah dire, « O bane croyants pas prend Mo l’ennemi et ou l’ennemi comme alliés ». Sa mo fine fini explique ou couma li, vine ou l’ennemi. (Ene Résumé d’ene longue explication) Allah dire, pas offert ou l’amitié, sa qualité dimoune la. Si ou ena sa qualité l’amitié la pou Allah, et So Rassool, si vraiment ou dire “Laa Ilaaha Illallaho Muhammadur Rassoollullah.”, après ou alle offert ou l’amitié avec celui ki fine tourne le dos avec Allah et pé cause tous sortes qualité causer et ou donne zot l’attention et ou porte ou zoreille à sa bane dimoune la, et Allah dire, pas offert ou l’amitié avec celui ki fine déjà rejette la vérité, zot fine trouve sa vérité la, zot ti parmi sa vérité la, zot aussi fine dire « Nous fine gagne boucou de signes voila cahier par cahier, Rêve lors rêve, Kashafs lors Kashafs, Allah fine montré moi, oui mo pas nié nannié la dans, mo péna nannié pou dire non la dans. » Mais seulment tous saki Allah fine montré ou, kot ou Imaan été, Allah fine montré ou tous sa vérité la, ou dire ki sa la vérité, bane dimoune fine vine vers ou, ou fine raconte tous sa vérité la, après ou même dimoune ou vire le dos avec sa bane faveur ki Allah fine donne ou. Alors li vine pli grave ki ene Kaafir. Celui ki reconnaître ene vérité, li même li dibouté li causer, li même li faire tout, et li même en dernier li tourne le dos, li rejette la vérité, li aller, li alle cause contre Allah So bane signes. Kan li alle cause contre le prophète d’Allah, sa veut dire, li pé cause contre Allah, parski Allah ki élève So prophète. Bé kot sa bane messages ki ou ti gagner la, ki Allah fine dire ou, « mo fine gagne message ki mo bizin écrire ou prépare sa avec mo la main, et faudrait pas personne touche sa. » Ou pé faire ene tel zaffaire ki ou pé envoye tous lors le dos Allah. Sa ce juste Allah ki conner (Nauzobillah min Zaalik), kot façon ki ou ti pé faire sa, li absolument ene Shirk totale. Tous le temps zot ti pé dire, ki moi comme ene humble serviteur d’Allah, c’est Allah même ki fine élève moi. Dans la cour d’Allah pas manque bane serviteurs honorables. Moi mo ene dimoune rempli de faiblesse. Péna personne ki pli faye ki moi dans sa le monde la. Si ou prend tous péchés dans sa le monde la ou mette dans ene balance ou pèse tous sa bane péchés ki sa le monde la contenir, la aussi mo traverse tous sa bane péchés la. Mo admettre ki mo ene Zéro, mo ene nannié ditout, mais Allah fine choisir moi, mais tous le temps mo fine dire, c’est Allah ki fine choisir moi. Seul zaffaire mo pas pou laisse passer et tolérer, c’est si ene dimoune faire Shirk avec moi, pareil couma le prophète (s.a.w) li pas ti tolère sa zaffaire faire Shirk avec Li la, kan même ki dimoune dire, pareil couma sa verse la dire, dans surah, (Al Munaafikun). Allah dire à propos bane hypocrites ; tous crier, ki zot tender zot prend sa pou zot même, zot dire « sa causer la, pé dire sa pou mo même, ki to croire ! ». Mais couma to capave dire sa message la pou toi kan mo pé dire, message la li en Generale, li pou zot tous. Khutba kan mo pé faire, kan message pé déssane li universel, pou zot tous. Pou tous religion ! Si li trouve li concerné, bé li pou applique lors li. Dans Quran dire, Allah dire, sa bane hypocrites la, « tous crier ki zot tender zot prend sa pou zot ». Alors Allah dire, « Pas offert zot ou l’amitié tandis ki sa bane la fine rejette la vérité ki ou fine gagner. Zot aussi zot fine trouve sa vérité la, sa bane signes la, mais zot fine tourne zot le dos zot fine aller. Alors ou, ou fine reste dans sa vérité la ; zot, zot fine tourne zot le dos zot fine aller. » Guette tout saki fine allé, dans nous l’époque. Nous fine lire dans bane livres ki tous le temps, kan bane prophètes (as), et surtout lors nous Aka Hazrat Muhammad (s.a.w) fine vini, c’est sa bane kalité dimounes ki ti autour de sa bane prophètes la, c’est zot même ki vire zot le dos zot aller, zot kitte bane prophètes. Après ki zot faire ? C’est zot même ki alle cause toute sorte kalité causer contre bane prophètes d’Allah. Mais azordi ki nous trouver ? Nous dire (Alhamdolillah Soumma Alhamdolillah), parski nous pé vivre sa bane situations la. Et pas tout bane dimounes ki Allah donne sa faveurs là (persécuter avec bane dimounes ki ti autour de zot même). Nous pé vivre sa situation la à la lettre. Tous saki fine vire le dos fine aller, mo pas pou dire ki zot fine aller tranquille, mo pas pou dire ki zot bane bon zenfants, bon tifille, parski kan zot fine tourne le dos avec Allah So signes, pas capave dire zot bon zenfant, bon ti fille. Au contraire si Allah fine montré ou ene signes, ene dimoune kan Allah fine montrer li ene ti signe, sa Imaan ki li gagner la, sa Mohabbat ki li gagner la, nous pas bizin alle loin, nous témoigner en 2005 kan nous ti alle l’Inde, guette sa bane dimoune la zot pas fine trouve aucaine signe, mais couma zot fine guetter même, zot fine gagne Imaan parski zot bane dimoune humble, et soif de vérité pareil couma Maulvi Hafiz Abdul Rahman Rahi Saheb, M. Masjid dans le sud de l’Inde. Pourtant mo pas conne zot, mo fine joindre zot pou quelques minutes, mais guette sa Mohabbat, sa Pyaar la. Sa tiguite rencontre ki li fine gagner la, li fine développe sa Mohabbat la. Mo faire duah ki li reste toujours sincère, et li travail honnête et li continuer reconnaître et propage sa vérité la couma li pé toujours faire actuellement. Mais par contre nous guette bane lézot ; gramatin, à soir, tous les semaines, signe par signe, révélation par révélation, l’instruction par l’instruction d’Allah, après zot même, guetter couma zot fine vire zot le dos zot fine aller. Zot fine rejette complètement la vérité, et astère ou, ou pou alle offert zot ou l’amitié ? Estce ki sa pas ene désobéissance envers Allah ? Allah dire, sa bane dimoune la ou pé offert zot ou l’amitié, zot même zot fine repousse le prophète, après ki zot dire, « zot fine tuite zot fine aller, zot fine sauver », mais zot pas dire, couma zot fine agir avec le prophète d’Allah, zot pas dire concernant zot sujet de conversation, couma zot fine commence faire de complot, ki qualité cause zot fine commence causer, et ene preuve encore, kot fine envoye zot ene lettre très poli. La aussi zot pas capave dire nannié, kot poliment fine dire zot bon, ok, nous récontigne tous nous bane activités, pareillement, et voila Allah So humble serviteur, nous contignié suivre bane l’instructions ki vine de côté d’Allah, nous écoute saki lézot pé dire, mais décision finale c’est l’instruction d’Allah, Khutba Jummah mo pou contigner faire comme d’habitude. Alors, ki résultat nous trouver ??? Et ki sanla au fait fine tuite et fine sauver ?? Mo espérer sa bane la ki fine cause sa bane kalité causer la, kan zot pou tende sa Khutba Jummah la et bane ki pou lire sa Khutba Jummah la lors website, faire zot analyse ki sanla fine tuite et fine sauver ?? Alors kan zot pé agir coume sa, ki mo Rab fine dire la, dans sa verset Quran de Chapitre Al-Mumtahana la :  « O bane croyants pas prend Mo l’ennemis et ou l’ennemis comme allier et pas offert zot ou l’amitié, tandis ki zot fine déjà rejette sa la vérité la ». Ki zot ti dire ? Nous ki fine tuite ?? Ki sanla fine avoye ene lettre pou dire ki ‘pou nous pas dire ki nous croyance en ou ene zéro, plito nous dire ki li bien faible. » (Couma bonnet blanc – blanc bonnet tout pareil) Zot jouer lor mots couma bane lâche kot en vérité zot prend le Messager d’Allah comme ene zéro. Ah ! aster ou dire « Manifestation ici (kot zot), zot ki fine tuite, manifestation encore exister, nous encore dans Jamaat Ahmadiyya Al Mouslemeen ». C’est-à-dire ki zot ti bien conner, kan Allah fine manifester Li par ene So serviteur, kan sa dimoune la ine dire ki zot fine hijack le Jamaat, c'est-à-dire ki zot ti bien conner ki zot, zot pou reste dans Jamaat Ahmadiyya Al Mouslemeen ; zot conne zot complot bien, astère ou alle offert ou l’amitié avec bane dimounes ki fine rejette la vérité, et lors la appelle sa ki zot fine repousse le prophète d’Allah et ou même. Kan zot fine dire bane mauvais kitchose, lor ou même kot zot fine mette la spiritualité ene cote, et zot cause bane grand grand causer, ki bizin offert ou l’amitié avec bane les autres ki fine tourne lédos avec bane signes d’Allah et ridiculise le prophète d’Allah, même si sa bane là ou propre famille, conseil ou alle kot ou proche famille, et létant ou aller, ou trouve li fine ramasse so figure, fine gonfler so figure et pas pé envie cause avec ou. Kan faire li salaam, couma dire li pas pé envie réponde, eski ou pou ena sa le cœur la pou reste assizé gramatin jusqu’à tantôt kot li, et kan pé cause avec li, li na pas pé envie réponde, ou soit li pou cause bane causer foutant et blessant. Eski ou pou ena courage pou ré-alle devant la porte sa dimoune la ene lotte jour ? Ou pou capave ré-alle cotte li ? Kitfois ler ou sorti la bas, ou pou dire, « Moi, ki pou rémette lipié la-bas ». Allah fine donne chaque dimoune so dignité, et fine honore sakaine. Alors, pas à cause sa bane kalité dimounes là, ou pou alle abaisse ou encore devant zot. Li pareil couma sa dilo ki aller la, kot li pas ré retourner. Alors, si sa bane dimounes la fine croire dans Allah, couma ou croire ki kan Allah fine envoye so Rasool. Li fine envoye So prophète ou trouve ki qualité zot fine faire avec le prophète d’Allah, ki qualité zouloum zot fine faire avec le prophète d’Allah, mo pé dire sa en générale, ki li applique pou l’Association Ahmadiyya, pou bane zouloum ki zot fine faire, et zot kan fine dire concernant révélations zot fine faire ene tas qualité propagande lors mimbar, ene paquet mensonges, ene paquet kitchoses zot fine dire, aster zot dire « Dire li vini ! Ene ti mama mo dresse tout bane zaffaire mo même. Pas gagne tracas ! Nek écrire ene ti lettre, demande ene ti pardon ; mo pou faire pardonne toi. » Ki to été toi ? Allah toi ? To pou dresse tout zaffaire, dresse to même avant ! Kan mo pou ena pou répliquer mo pou réplique sa bane dimounes la à travers mo website. D’après seki Quran dire, dresse to même avant, dresse to situation to même avant séki to fine faire. Du tort ki to fine faire pou L’Islam et pou Jamaat Hazrat Massih Maoud (as), ki Allah ti élève comme le Messie, bane magouille ki to fine faire, to bane dimoune ki to fine influencer à l’extérieur pou ki bane la dire « bravo, guette li, couma li fine vine chef, ene grand paquet, li fine casser, kot li fine faire zot deux aller, et envoler ». Et li fine commence dibouter et faire so bane qualités meeting, li avec so bane Mullahs. Bane Mullahs fine commence vomi zot la bile lors mimbar, absolument couma bane politiciens, couma bane lichiens, ki zot lapo, bien poli, c’est sa bane Mullahs la même ki fine gatte l’enseignement de l’Islam et fine zapper par tout. Bé ki ou pé faire ? Eski sa Islamique sa ? Eski sa c’est le travail de Deen sa ? Eski sa ki appelle l’unicité d’Allah ki ou pé propager ? Eski sa ki appelle le Tawheed ? Eski sa même sa bane qualité ki ou pé montrer ki demain ou pou dirige sa lémonde la ? Ou pé crée la haine dans lécoeur bane lézot avec ou bane propre dimoune ki ti dans le Jamaat. Ou fine servi le mimbar de Hazrat Muhammad (s.a.w) pou faire Ghibat, après ou pas pé conner couma ou pou couvert ou malpropre. Ou même lerla ou dire coumsa « Vini, tout zaffaire pou redresser ! », couma dire li ene grand Caro (fer à repasser) li ; si na pas ena électricité aussi li capave marcher avec charbon, et si pas ena charbon, li capave dresser, faire fine droite. Dresse to même avant, alle guette, alle faire istighfaar seki ou fine faire. Ou fine faire tu tort le Ummat de Hazrat Muhammad (s.a.w) ; ou ine faire du tort le Jamaat de Hazrat Massih Ma’oud (as), kan nu conner d’apres l’Islam et le Quran Shareef et nu fine apprendre ki la porte de l’apostolat pas fine fermer, et ki la porte de la révélation pou reste ouvert pou tout le temps, pas seulement zis kan Allah élève ene dimoune. Eski ene dimoune ordinaire si, mo pas dire ordinaire mais ene dimoune ki tourne vers Allah sincèrement Allah montrer li, beaucoup bane kitchose aussi, li aussi li gagne révélation, alors ou senti ou affecter ?!! Ou commence diboute lors mimbar, ou commence faire meeting, tellement ou fine faire meeting ou ti croire ki pou tombe dans ou zoli ti lipié la, pou vine demande ou pardon. Mais kan ou fine trouve Allah dire « Maintenant Mo élève toi (le Prophète) avec Mo Jamaat, Mo donne toi ene Jamaat », et voilà kan fine élevé avec ene lotte Jamaat, ene lotte ki fine manifester, tout sa la montrer la véracité de la venue d’ene prophète. Chaque prophète li passe dans plusieurs de bane étapes de bane épreuves, à la comment li sorti la-bas, Allah éleve li avec bane lézot dimounes, et ensuite sa bane la kan zot fine vini, zot fine calculer ki « Sanla li ok, li fine forme ene Jamaat. Jamaat la li la, mais c’est nous ki pou dirige li. » Ah ! Sanla tire dans la tête ! Mo pas fine vini pou etre diriger par personne moi, ni mo fine vini comme ene YES MAN. Oui mo fine vini pou écoute zot, si zot bane suggestion, zot bane paroles, zots bane kitchose ki zot pé faire, li tali avec seki Allah et So Rassool fine dire, saki Allah fine dire dans Quran Shareef, et nu Aka Hazrat Muhammad (s.a.w) fine dire nu faire, et d’après l’instruction ki mo Rab donne moi, si li tali, ki fer non ? Why not ? Of course ! Nu pou alle de l’avant, mais si sane coup là ou pé calcule pou vine commande le prophète d’Allah et ou mette li comme ene « ordinary member ». A sa l’épok la, guette sa, toujours kan ene prophète li vini li montrer sa humilité la, li pas soif aucaine pouvoir li, que ce soit bane dimounes dire li ; li ene berger, li ene illettré, lotte zot dire li li ene charpentier, mais lerla kan li fine kitte sa lémonde la, lerla lézot alle conne so valeur. Kan zot lire so livre kot Allah dire couma sa dimoune la ti été, alors kan zot forme zot bane Majlis-e-Amla, zot bane membres exécutif (Managing Committee), la personne concerné pas mentioné, couma fine gagne sa nom la, couma sa fine fonder. Pou tout zot conner ! Fondateur Jamaat Ahmadiyya c’est Hazrat Mirza Ghulam Ahmad (as), mais le fondateur du Jamaat Ahmadiyya Al Mouslemeen zot pas fine mette so nom, zot pas dire couma fine recevoir sa ! Après zot dire ki nu ki fine sauvé  et ki Manifestation kot zot ! Zot prend kitchoses ki pas pou zot et zot dire sa pou nous sa, pas pou ou sa, et lors la zot fine mette dans la constitution celui ki fine fonde le Jamaat Ahmadiyya Al Mouslemeen « as an ‘ordinary member’ ». Parski ki fer ? Mo pas fine vini pou gagne l’honneur, valeur lors sa la terre la. Mo fine vini seulement pou travail pou la cause d’Allah. Zordi mo pé diboute dans le Bait Ul Zikr, la case Allah, zis Allah ki conne mo le cœur, zis Allah conne mo bane travail, zis Allah conne ki quantité dimoune, combien et ki bane dimounes ki téléphone moi et couma mo pé faire bane travails ki zamais mo pas raconte personne ki zordi mo fine sorti ki mo alle faire, tel tel travail, parski mo conner mo fine vine pou faire sa bane travails la seulement pou la cause d’Allah. Mo fine vini pou faire sa bane travails la. Bane dimounes la téléphone moi, zot explique moi zot problème, mo conne zot problème, et li pas ene gloire, couma dire ene Taqabar pou moi ki mo pé raconte sa parski mo peur ki Allah alle rasse sa bane faveurs et bénédictions la avec moi. Ou capave trouve moi pé sorti gramatin avec mo sac mo pé aller, mo pé rentrér tantôt. Zis moi et Allah tout seul conner kot mo pé aller, ki mo pé causer, comment pé faire sa Dawa la, couma sa journée la fine passer. Zis bane bon nouvelles, donne ene petit résumé, zis ene ti aperçu mo dire zot, mais li pas dans mo l’habitude et mo pas gagne droit aussi dans mo travail vis-à-vis Allah (swt) So l’instruction ki mo bizin dire ki, mo fine alle kot tel ou tel dimoune, voila li coumsa - coumsa, ou soit mo alle raconte tout bane détails, mo fine alle kot ene dimoune nous fine causer, nu fine faire ene reunion – raconte A jusqu à Z etc., kot li pas concerne bane lézot dimounes, parski kan ene prophète vini, li vini comme ene guide, pareil couma kan ou alle kot ene docteur, ena si pas 100 patients ou même plis, ki passe avec li, bé couma li rentre lacase tantôt, li commence raconte ‘to conne premier patient fine vini li ti coumsa, so lécorps ti coumsa … li aller même!!!’ NON ! Sa mem ki appelle docteur en spiritualité ‘MSC’. Ena ki donne bel bel titre, zot même zot donne bel bel titre. Sa même dire kan ou pé faire ene travail de Deen, plusieurs fois ine dire dans Quran ki kan ou faire ene travail, ou faire li seulement pou la cause d’Allah. Alors sa bane dimounes la ki zot fine faire ? Et ki fer Allah fine dire ou ? Pas offert zot ou l’amitié ! Zot fine repousse le prophète d’Allah et ou même, parski ou fine gagne la foi dans Allah et ou Maître. Absolument zot ti bizin attrape le prophète d’Allah par so collet, et risse li, et entraine li mette li dans bureau, façon zot pou fer même, la façon ki zot pou agir même, pas bizin alle loin nannié, guette dernier Ijtema ki le Djawharat-oul-Kamal ti faire! Kot couma dire nous but c’est pou alle invite bane lezot dimounes, pou donne zot bane morales, bane bon l’éducation, faire bane étrangers écoute bane bon paroles, et ou fine guette sa qualité manifestation la, mais le temps ou, ou comme responsables, ou faire sa bane travails la, zot pas pou faire nannié zot et zot même zot pou zappe beaucoup et c’est zot même ki pou cause beaucoup, mais letemps ou, ou guette tous sa la, ou conner ki ou pas fine faire tous sa la pou zot, ou fine faire sa pou la cause d’Allah et mo même par la grâce d’Allah kot mo fine gagne l’occasion pou écouter, kot ena même fine dire « fine rente dans mo lacaze fine faire tel zaffaire tel zaffaire, bane dimounes ki na pas ena Hayya fine faire tel chose... » Mais dans lepok de Hazrat Muhammad (s.a.w) ti ena ene groupe de bane chrétiens ki ti sorti de Najran ti vini, zot condition ti pli dans pince ki sa ! Et Hazrat Muhammad (s.a.w) ti conne très bien ki sa bane la c’est bane ki faire Shirk et ki zot été, mais kan fine arrive l’heure pou zot la prière, Hazrat Muhammad (s.a.w) fine ouvert la porte Masjid, et fine dire zot aller, alle faire la priere, et ou, ou pé dire ki ou pou faire le monde vine musulman. Ki eski coumsa même ki ou pou faire lemonde vine musulman ? ki ou oulé !! Aller, sa façon ki zot fine manifester la absolument couma dire ti bizin prend ou la main, attrape ou la tête tou sa la, mette ou dehors ou soit par zot comportement ki zot fine faire, ine faire ou gagne ene dégout ki couma dire, bé plito couma dire, mo pas fer aucaine travail la-bas. Pou moi personnellement mo coumsa moi, si couma dire mo fine alle dans ene place, sa dimoune la couma fine agir, la prochain fois mo pas pou faire travail dans sa place, kot li la bas encore. Bé en d’autre mot c’est sa même zot fine fini vise le prophète d’Allah pou repousse le prophète d’Allah et ou aussi. Commencement nu pas ti pé tende bane causer ki ti pé circuler ki ena deux groupes dans sa Jamaat la, et tous sa la nu ti pé dire non menti sa ! Par humilité, ala zot pou temoin, Allah mo temoin zot pou trouver même le premier Safar Zikrullah même, kot ene dimoune dire : « Allah fine honore moi avec ene titre et moi mo pé faire duah, pou mo dédier sa titre la à ene l’autre pour ki li aussi li gagne pareil…’ » Nannié pas fine affecter moi ni troubler moi kan fine mette moi comme ene simple membre, parski moi mo travail, mo pas fine vini pou gagne l’honneur lors sa la terre la moi ! Mo fine vini seulement pou fer travail de Deen, pou amène dimoune vers Allah et couma mo ti pé habituer rier, badiner, avant même ki Allah fine élève moi comme ene Khalifatullah, n’importe ki sanla mo trouver, mo façon badiner et mo bane façon, pareil couma mo Aka Hazrat Muhammad (s.a.w). Le temps li fine vine prophète aussi li fine reste même style de la simplicité et content takiner, content badiner, même content faire bane jokes, et même le Saint Prophète (s.a.w) li ti pé jouer kot dans bane hadiths mentionner ki li ti pé jouer et faire la course avec Hazrat Aisha (r.a). Li ti toujours garde sa bane statuts la. Pas à cause Allah astère fine élève moi, Allah fine faire moi vine ene Imaam, couma dire ler ou guetter ou gagne peur pou approche sa dimoune la, ou envie demande li ene zaffaire « ki ou oulé ?? », « ki ou bizin ?! », « ki Zaffaire ?!! ». Eski Allah fine enseigne So bane serviteurs coumsa ? Sa zot pas pou dire sanla ; sa bane facon d’agir la, sa zot pas pou dire sa, eski ou gagne droit pou vine dire le prophète d’Allah « ki ou été ou ?.,. ou fine fini diboute pou commence faire le Khutba Jummah, et kan moi mo fine fini prépare mo Khutba Jummah, et ou fine gagne ene kalité Khutba Jummah ki alle à l’encontre de mo Khutba Jummah », abé ki sane coup la, alle zis sa boute la même, li fini donne ou ene l’impression ki maintenant « c’est moi (sa dimoune la) ki fine préparer pou faire le Khutba Jummah. Ou place c’est ki ou bizin ‘Tititte lor natte !’. » Alors sa même appelle repousse le prophète et ou même par ou bane façon ki ou fine comporte ou. Allah dire coumsa ki ou sorti pou faire la guerre pou Mo cause et ou cherche Mo satisfaction, Allah dire :  « O bane croyants si vrai même ou ena sa qualité Imaan la, ou ena sa pyaré Mohabbat pou Khuda Ta’ala, ou Rab, et si vrai même ou pé sorti ou pé alle faire la guerre, ou pé alle faire Jihad contre bane l’ennemis ki ti pé vine attack bane croyants, dans l’epok Hazrat Muhammad (s.a.w), et aussi ici pé dire faire la guerre c.à.d, alle fer Tabligh sa aussi kan ou dibouter , pou prêche l’unicité d’Allah, li considérer couma ene la guerre ki ou pé la guerre la ou pé la guerre contre ou propre nafs et bane nafs de bane lézot ki fine attacher avec le Shirk, l’idolâtrie. Pou casse sa maintenant c’est ene Jihaad ki ou pé alle fer maintenant, ou fer tabligh pou fer sa bane dimounes la comprend parski zot la tête fine fini vine roche même zot ; aster casse sa roche la, casse sa la tete la et fer sa fine ene la tete ene dimoune même, fer zot comprend ki saki to pé prier, sa roche la, sa li pas pou capave fer nannié pou toi, ena ene seul Allah. Ou bizin conne la guerre, ene Jihaad ou bizin faire, ene Dawa, ene Tabligh ou bizin faire. Ou bizin cause beaucoup, la même cotte la corde vocale tout amarrer, et kan ou pé faire Tabligh c’est ou la langue ki bizin causer, ou la main kot ou bizin expliquer, et sa dimoune la li pou cause zis ene ti boute li, et ou ou bizin cause ene paquet pou fer li comprend, ou croire li facile pou casse ene roche, ou croire ki ene seul coutte teti roche la pou casser en quatre ! Non ! Ou conner combien coutte teti bizin taper pou casse ene roche c.à.d mo pé rode dire combien argument ou bizin metter devant sa dimoune la pou li réussi comprend et pou ki roche la casser. Alors Allah pé dire si vraimeme ou pé sorti ou pé alle la guerre, pou Allah So cause et kot ou pé rode seulement satisfaction Allah, mo pas ouler ki ou prend sa bane la comme ou alliés, parce ki sa bane la, pou lizié Allah, Allah même ine fini avec zot, bé ou ki ou pé bizin prend zot comme alliés ?! Guette moi touletemps, Nasira pou témoigner, même dans l’Association kan mo ti pé alle lors bane l’île, mo ti pé alle fer Dawa, tous le temps mo ti content alle mo tout seul, mo pas ti content charier lotte, lotte, lotte…. et kan ti ena pou alle mayotte, Seychelles tout sa la kot lotte, lotte ti pé dire ki zot pou vine avec moi, sa pas ti fer moi plaisir ti tout. Parski mo conne mo travail, et kan mo fer mo travail mo fer li seulement pou le plaisir d’Allah, et sa bane la zot pas pou conne nannié, zot pou rode grandeur, et zot bane dimounes ki pas vraiment sincère dans fer le travail de Deen et c’est mo duah sa ki ‘O Allah laisse mo même alle faire mo travail, laisse mo tout seul’ mo fine vine seul lors sa la terre la, Allah li seul , et mo prier Allah seul, mo content (pyar et mohabbat) pou To tout seul, tout pou toi, Allah, ene jour mo pou retourne vers Toi seul, mo pou présenter moi devant toi tout seul, et to pou prend moi To pou mette moi tous seul dans ene place pou mo travail, et si mo pé alle fer ene travail pou Toi laisse mo alle fer mo travail mo tout seul », bé sa même ki Allah dire si ou pé alle fer ene travail pou Mo cause et pou Mo satisfaction alors pas prend sa bane qualité dimounes la comme alliés. Et ou gagne des contacts secrets avec zot, Allah pé adresse bane croyants, pé dire ki ou offer zot ou l’amitie ou gagne bane contactes secrets, en secret, ou montrer zot ou l’amitié. Ou cause avec zot comme si dirai ou pas ena aucaine distance avec zot malgré zot fine tourne ledos avec Allah. Allah et So prophète passe avant tout. Malgré tout séki zot fine fer avec Allah et So prophète, mais ou, ou garde ou l’amitié pli correcte avec zot, ou pli garde ou secret, ou pli secrètement créé l’amitié avec zot. Et Allah dire coumsa mo conner séki zot cachiette et séki ou laisse apercevoir. Allah dire coumsa, non ! Le créateur de l’univers, Celui ki fine créé ou, capave lézot pas pou conner, même ene prophète d’Allah pas pou conner, mais Allah dire « Moi mo conner, bane kitchose séki ou ou pé cachiette et séki ou pé laisse apercevoir, Moi ki conner !!! Et à la fin Allah dire kot Li pé adresse seulement bane croyants pas bane dimounes kine vire ledos, Allah dire « Alors celui parmi ou ki fine fer sa, li fer sa kalité la, ou fine alle fer ou l’amitié, comme si dirai, pou ou sa pas dire nannié sa parski pas fine passe lors ou sa !! « Laisse Allah et So prophète guette so zaffaire. » Allah dire celui parmi ou ki fine fer sa, alors penser ki li aussi li fine deja fini égarer depi dans chemin droite. Alle réfléchi lors sa verser la, O bane frères et sœurs à travers le monde en entier. Réfléchi lors sa verset la, pense bien lors sa verset la. Allah ine dire si ou offert ou l’amitié même en secret, avec sa bane qualité dimounes la, et kan ou fine offert ou l’amitié Allah et So prophète li couma dire ene nannié ditout pou ou, séki fine arriver, séki zot fine faire avec Allah et So prophète, zot fine ridiculise bane signes d’Allah et ridiculise le signe ki Allah fine envoyer lors So prophète. Tous sa ki zot fine faire, causer, dire ; tous bane complots et plans ki zot fine faire, et si ou ena encore l’amitié pou sa bane qualite dimounes la et Allah et So prophète ou fine mette dans ene coin ou pas fine donne préférence, Abé ! Penser ki Allah dire ou fine déjà égarer depi sa chemin droite la, parski ou fine offert ou l’amitié à bane la. Mo alle ene ti peu pli vite, mo alle lors verset trois, Allah dire coumsa, ou fine donne zot ou l’amitié, ou fine gagne bane conversation en secret, ou fine ena sympathie pou zot ; Allah dire coumsa, « penser ki sa bane la zot, zot na pas ena ene l’amitié sincère pou ou! Zot pé vini pou acheter ou, zot pé vini pou conne beaucoup bane kitchose pli profond, zot pou vini dans ki façon ? zot pou déguises en sadou, en bon dimoune, bien couvert rier !! « Arryo ! Non mo pas comme sa, mo ti dire sa !!! Zamais mo fine dire sa !! Sa ene tohmat pé mette lor moi, Tohmat veut dire ene blâme pé metter lors moi. Pé mette ene accusation lors moi, « to conne moi toi, ki qualité dimoune to conne moi, eh, non to croire sa  ki mo fine faire ene zaffaire comme sa ? » Ala couma zot été, Allah dire « Si zot vine pli fort ki ou, » kan zot fine fini gagne tout bane détails ki zot ti bizin gagner, zot vine plu fort ki ou, zot fine fini gagne tous bane argumentation, arguments pou sorte contre ou, zot senti zot vine pli fort ki ou et zot fine gagne ene corom ensam avec zot pou support zot, pou sorte contre ou, abé penser ler la zot pou agir comme ou l’ennemis, lerla couma ou pou ressenti sene coup la, le temps bane la vine agir couma ou l’ennemis même, sene coup la zot sorti contre ou même, zot dire boucoup bane kitechose contre ou, même bane menaces, couma ou pou ressenti ou même, kan zot pou agir comme ou ennemis. Surtout mo même mo fine passe la dans premier, par estimation, par affection, par l’amour, pé raconte tout, pareil, parski nous pas conne le cœur personne, nu pas dieu nous, nu pas Allah pou conne le cœur personne. Hazrat Muhammad (s.a.w) même pas ti conne personne so le cœur, zis Allah ki conne le cœur. Si nu Aka pas fine conne personne so le cœur, est ce ki nu nu pou capave conne so le cœur aster. Alors zot ti pé ramasse zot lezaile, mais ene seul coup kan zot fine gagne tout, zot etende zot lezaile, zot fine agir comme ou l’ennemis, et zot fine étende zot la main, sa aussi mo fine témoigner sa verset la, pas seulement zot vine comme ou l’ennemis, mais zot largue zot la main, guette sa verser Quran la !!!! Et zot servi zot la langue contre ou, en mal. Parski zot ti a content, letemps zot fer tous sa la avec le prophète d’Allah, coumsa ou fine tombe sec, péna personne ; pareil couma dire pena personne lors mo ledos, li fine oublier si pas Allah fine créé li, kan tandis ki ena Le Plus Puissant lors so ledos, nek ena pou tourne vers Li, mais au lieu du Créateur, zot, zot pé cause créatures. Alors bane la zot ti content ki ou aussi ou rejette sa la vérité la, et ou vine ensam avec zot. Alors batte li, matter, pousse li, zoure li, maltraite li ; zot fine penser kan zot fine fer tous sa la bé, dimoune la li fini, « Voilà cotte ena Jamaat ? Ou pas trouver ? » Nous fine tender tous sa bane causer la !! Voilà, mo encore ena bane messages lors mo portable, et mo fine garde li la, encadrer !! Ki mois, ki l’année, li la ki zot fine dire. Mais zot fine mal penser, tabligh ine marche plus bien, nous fine gagne nous Jamaat, Alhamdolillah, Soumma Alhamdolillah, le grand faveur d’Allah, Allah pas fine laisse So serviteur tombe tout seul. Le Jamaat Ul Sahih Al Islam fine être élever par Allah So grâce. Ene paquet zot fine causer, lors la gazette zot metter, astere la nous pou guetter ki sanla ki pou capave hijack sa Jamaat la encore. Ounne trouver couma Allah élève So messager, et étape par étape, kan zot ti rode repousse nous, Allah ici dire arrange ene Bait Ul Zikr, ene place pou faire Namaz et Ibaadat, cotte li bien tranquille, cotte nous tende z’oiseaux pé faire louange d’Allah, kot nu pas pé trouve aucaine figure, aucaine tapage, pas pé trouve lotte pé fer palabres, et la aussi kan Allah ine donne ene l’instruction ine dire alle arrange ene Bait Ul Zikr, pou faire Namaz, zot dire : « Ou pas fine alle arrange ou Masjid !!! » Au contraire si ti ene l’autre dimoune, ti pou dire « bien bon, nu Jamaat pé grandi,  nu gagne ene l’autre place pou alle fer nu bane programme. Alhamdolillah etc. » Mais zot fine agir avec l’arrogance, zot fine ena la haine ene chose dans zot le cœur, et Allah pas fine laisse nous commsa même Li, Allah fine élève nu. Et doucement doucement, Allah fine élève nu avec ene Jamaat, puis ene website. Sa c’est ene grand signe ! Et kot mo pé gagne bane rapports kot ena plusieurs pays pé rentre lor nous website. Nu bizin mette Tawaqal en Allah. Et Allah pé provide nous Alhamdolillah, kot azordi ene l’équipe pé faire le travail d’Allah avec l’amour et sincérité. Tout sa la c’est le faveur et signe d’Allah. Lotte signe encore c’est dans le centre de la ville, lors la construction même, si ena pou raconte même ena beaucoup. Et si ou pas pé trouver même kot Allah été, avec ki So serviteur Li été, et si vrai même ou fine croire dans la révélation, ou fine croire dans le prophète d’Allah, ou croire ki sa li ene vrai Jamaat (Jamaat Ul Sahih Al Islam), ou croire ki sa même dimoune ki pé diboute divant ou la li ene humble serviteur d’Allah, et ou croire ki li gagne révélation, non plus ou dire ou croire mais ou apporte sa comme ene sujet de discussion. Fer bien attention parski si ou fer coumsa ou pou égarer depi lor chemin droite. Alors nous bizin faire beaucoup duah, ki nous fine couma ene Abu Bakr Siddique (r.a), kan li fine tender ki le prophète (s.a.w_ fine proclamer ki li même le prophète d’Allah, li prend so cheval li fine alle direct cotte Hazrat Muhammad (s.a.w) sans ki li alle la case kot so madame, zenfant tout sa la, li fine vine direct. Ler li arrive li dire Hazrat Muhammad (s.a.w) ‘Eski Allah fine dire toi ki to le messager ?,’ Hazrat Muhammad (s.a.w) fine rode explique li, Abu Bakr Siddique (r.a) dire li ‘non’ ! ‘Eski Allah fine dire toi ki to le messager’, Hazrat Muhammad (s.a.w) fine reponde li dire ‘oui.’ Abu Bakr Siddique (r.a) dire « mo prend bai’at mo accepter toi comme le prophète d’Allah. » Alors faudé pas ki nous alle fauter nous aussi, (rêve de Hazrat Ummoul Momeneen Nasira Bibi), kot li ti rêve ki l’épée de Hazrat Massih Ma’oud (as) ti dans so la main et kot bane lézot, zot pé prend ene lotte chemin. C’est nous Insha-Allah ki pou leve sa flambeau de l’Islam la ! Vine pareil couma sa madame la kot la guerre fine fini, li pé rode Hazrat Muhammad (s.a.w), et lézot pé dire li « ou conner ou missié fine mort », li dire « mo Aka coté ? » Lotte vine dire li « ou conner ou neveu fine mort. » Li dire « mo Aka coté ? » lotte dire li « ou garcon fine mort, lotte fine mort, lotte fine mort. » Ler la enfin ene dimoune dire li Hazrat Muhammad (s.a.w) vivant !! Li dire « Alhamdolillah », Soumma Alhamdolillah. Pareil couma dans Surah Al Imraan, kot Hazrat Umar ki ti ene plus grand ennemis de l’Islam, mais kan Hazrat Muhammad (s.a.w) fine mort, li ti ene amoureux de Hazrat Muhammad (s.a.w), et li dire ki « si ene dimoune dire ki Hazrat Muhammad (s.a.w) fine mort mo pou coupe so licou en place. » Tout dimoune ti capituler, ler la Abu Bakr Siddique (r.a) fine vini li lire sa verset dans Surah Al Imraan, « Muhammad (s.a.w) li nek ene messager, tous bane messagers avant fine mort, et ler li mort eski zot pou tourne lor zot talons ? » Hazrat Umar tout sa dûr li ti dûr la, so l’épée sape dans so la main tomber. Alors mo terminer la même, ki Allah donne nous le Tawfeek, mo termine le Khutba Jummah la même, en faisant sa duah la couma Allah fine enseigner dans Quran Shareef même, dans le même chapitre Al-Mumtahana : Rabbana la taj’alna fitnatal lilladhina kafaru waghfir lana Rabbana innaka antal ‘Azizul-Hakim O nous Rab, pas faire nous vine ene victim de bane ki pas croire, et pardonne nous O nous Rab ! To Le Puissant, Le Sage. Ameen, Soumma Ameen, Ya Rabbul Aalameen!