Text Box: Bismillah-ir-Rahman-ir-Rahim. Khutba Jummah Hazrat Muhyi-ud-Din Munir Ahmad Azim (Bait ul Zikr dans le Nord de Maurice) Vendredi 23 Mai 2008 Aujourd’hui après ki le Muhyi-ud-Din fine souhaite zot tous le ‘Salaam’, comme Khutba Jummah, après ki li fine lire Surah Al-Fatiha, Tashahhud et Taouz, Li fine lire : Surah Al-Baqarah: Ch 2 Ruku 15, V. 129 ou 130 Alors couma zot tous conné éna beaucoup de bane duahs, ki trouve dans le Quran Shareef. C’est bane duahs ki Allah même fine révèle à So bane prophètes. Et bane prophètes ki ti pé faire sa bane duahs la, bane prophètes précédents. Pareil couma dans le Quran Shareef, Allah dire le prophète (saw), quand sa bane zaffaire la ti arriver, to pas ti présent là toi, to pas ti parmi zot, mais astère là, Moi (Allah), Mo pé donne toi sa message la par révélation, Mo pé informe toi. Et nous trouvé ena ene séries de bane duahs, ki bane prophètes ti faire, ki ti vini avant l’arrivée de nous bien-aimé prophète (saw), et aussi so bane duahs ki li fine faire, ki mentioné dans Quran Shareef et aussi la plupart de so bane duahs fine mentioné dans bane Hadiths. Alors kan nous guette bane duahs ki, enfin bane dimounes, bane frères musulmans ki fine tire bane duahs dans le Quran Shareef. C’est très bien! Comme si zot fine englobe tous sa bane duahs la, et zot fine mette sa dans ene forme de ene livret, pou faire bane frères et soeur musulmans à travers le monde en entier, pou lire sa bane duahs la et pou consentise zot lor la avec so traductions et c’est vraiment ene très bon travail, parcequi si ene dimoune li pou alle lire Quran, li pas pou conner kot sa bane duahs la été, et aussi ki l’importance de sa bane duahs la. Et sa c’est bane duahs ki bane prophètes avant fine lire et sa Rabbana ki mo fine lire la, li trouve dans verset 129 ou 130. Sa c’est éne duahs ki Hazrat Ibrahim (as) et so garçon Hazrat Ismaël (as) ti faire létemps zot ti pé monte fondation sa la caze sacrée là (Ka’aba Shareef), zot ti faire sa duahs la ki comme suite : “ Rabana taka bal minna’a Innaka Antas Sami-ul Alim.” O nous Maitre accepter sa action la de nous, Toi même ki entendre tous et conne tous. Nous trouvé ki bane frères musulmans à travers le monde, zot fine faire bane bons travail, ki ce soit bane ‘Awliya’, ki zot fine tire 40 Rabbana, ki trouve dans Quran Shareef. Mais seulement sa 40 Rabbana la li pas fini la même sa. Nous fine prend le Rabbana ki Hazrat Ibrahim (as) ti lire avec Allah, mais seulement ki fer sa Rabbana la (V.129 ou 130) li pas mentioné dans sa série de 40 Rabbana la ? Parce ki sa Rabbana ki mo fine lire la, li pas trouve dans ça série 40 Rabbana là. Alors ou pou trouver ki dans sa verset la, ki Hazrat Ibrahim (a.s) pé demande Allah: “O nous Maître envoye parmi zot ene de parmi zot même comme prophète ki pou lire avec zot To versets, ki pou enseigne zot to Livre et la sagesse, et ki pou purifié zot. Car c’est Toi ki Grand et Sage. Hazrat Ibrahim (as) ti ena ene grand l’amour pou Allah (TWA), ki voila Allah (TWA) ti donne li le titre de ‘Khalillullah’. Ki quantité sacrifice Hazrat Ibrahim (as) fine faire pou ki li gagne sa titre honorable la ? Surtout à l’occasion du Eid-ul-Adha, et en même temps nous tous lire le Darood Shariff (Darood Ibrahim). Dans le Darood Shareef ki nous lire comme suite, ki fine mentioné ? “Allâhoumma swalli’alaa sayyidinâ Muhammadinw wa’alaa aali sayyidinâ Muhammadinw kamaa swallaïta ’alaa sayyidinâ Ibrâheema wa’alaa aali sayyidinâ Ibrâheema innaka hameedoum Majeed. Allâhoumma baarik ’alaa sayyidinâ Muhammadin wa’alaa aali sayyidinâ Muhammadin kamaa baarakta ’alaa sayyidinâ Ibrâheema wa’alaa aali sayyidinâ Ibrâheema innaka hameedoum Majeed.” « O Allah, répande To bénédictions lor nous chef Muhammad (s.a.w) et lor la famille de nous chef Muhammad (s.a.w) pareil couma To fine répande To bénédictions lor nous chef Ibrahim (as) et lor la famille de nous chef Ibrahim (as). Assurément To la Gloire li infini. O Allah répande To bane faveurs lor nous chef Muhammad (s.a.w), et la famille de nous chef Muhammad (s.a.w) pareil couma To fine envoye To bane bénédictions et To grace lor nous chef Ibrahim (as), et lors so bane famille et vraiment To infiniment Glorieux et Sublime. » Ki sa bénédiction la sa? Ki sa faveur la sa? Ki sa grâce la sa? Est ce qui ti ene grâce, ene bénédiction, ene faveur mondaine? Pou gagne plis beaucoup l’argent, plis beaucoup richesses, plis beaucoup zenfants? Qui duah Hazrat Ibrahim (as) ti pé faire avec Allah? Qui bane tests Allah fine faire avec li? Et avec so deux madames (Hâjrah et Sarah), avec tous le deux sa duah la ti accepter, ti Qabool par grâce d’Allah (swt). Tous les deux madames fine gagne deux garçon (Ismaël et Isaac (as), et kot tous le deux fine vine prophètes. Et dans l’époque de Hazrat Ibrahim (as) ti déja ena ene prophète ki ti existé ; c’était Hazrat Lut (as). Et lors la li ti pé continuer faire duah là avec Allah et Allah fine accepter so duah, kot Allah fine donne li deux garçon et lors la zot fine vine prophètes. Non seulement zot fine vine prophètes, mais dans zot descendants aussi fine ena prophètes. Et surtout dans descendants de Hazrat Isaac (as), nous ti trouver combien de prophète ti ena, mais seulement guette couma zot fine agir, et ki qualité Allah ti content avec sa peuple la (Bani-Israel) – dans descendants de Hazrat Isaac (as) kot Li ti envoye plusieurs prophètes. A chaque fois fine envoye bane prophètes parmi zot; tel ki Hazrat Yacoob (as), Hazrat Yusuf (as), Hazrat Issa (as). Tellement zot fine torture sa bane prophète là, et zot fine ridiculise sa bane prophète là, bane messages ki zot fine apporter, Allah fine enlève sa faveur de l’apostolat là dans descendants de Hazrat Issac (as) et kot sa fine terminer avec le Messie Hazrat Issa (a.s). Finalement Allah fine envoye sa grâce et sa bénédiction la dans descendants de Hazrat Ismaël (as). Ki faire sa ? Parce ki sa duah ki Hazrat Ibrahim (as) fine faire là : « O nous Maître envoye parmi zot ene de parmi zot même comme prophète ki pou lire avec zot To versets, ki pou enseigne zot To Livre et la sagesse, et ki pou purifié zot. Car c’est Toi ki Grand et Sage. » Eski ki Hazrat Ibrahim (as) ti ene Musulman ou ene non-Musulman d’après Quran Shareef ? Ene Musulmann c’est celui ki tourne vers ene Seul Dieu, et nous tous conné ki Hazrat Ibrahim (as) ti tourne vers Allah tousel malgré bane épreuves et bane difficultés ki li fine passer, mais par la grâce d’Allah li fine passe tous so bane testes, kot Allah fine donne li le titre de « Khalillullah ». Et nous bane Musulmans, kan nous lire le Quran Shariff, et n’importe ki sanla pas capave dire ki Hazrat Ibrahim (as), li ti prophète d’ene l’autre religion. Non ! Dans Quran Shariff même fine mentioné ki Hazrat Ibrahim (as), ti pé tourne vers ene seul Créateur, tandis ki so papa ti ene quelqu’un ki ti pé adore idoles, et aussi ti pé arrange bane idoles ; bane roches pou prier et ki quantité problèmes li fine gagner avec so papa kan li fine faire so papa et so peuple comprend ki c’est bane idoles ki pena pouvoir et ki pas capave repousse ene mouche ki pose lor zot. Bon! Sa nous fine déja cozer lor la! Mais pou revine lor sa Rabbana ki fine mo fine mentionner là-haut là, sa même le Khutba principale d’aujourd’hui. Nous bien content ki ena 40 Rabbana, mais seulement ki faire kan arrive lor cène Rabbana la, zot ignore li. Ki fer zot passe lors sa verset la. Pareil couma Allah swt fine dire dans Quran Shareef, ki ena ene partie de bane dimounes, bane versets ki pas dans zot faveurs, ki pas dans zot l’intêret, zot pas pou cite sa verset la, zot pou lire zis bane verset ki zis dans zot l’intêret, pareil couma bane Juifs et Chrétiens, ene partie zot accepter ene partie zot rejetté. Et zot lire bane versets ki zis dans zot l’intêret. Ça c’est ene l’autre très grand duah ki Hazrat Ibrahim (as) fine faire. Par contre, guette kan li faire sa duah la ! C’est kan li fine fini gagne Hazrat Ismaël (as), et ensemble ti ena Hazrat Ismaël (as) et zot fine pose fondation Kaaba Shareef et sa ti ene l’instruction ki ti vine d’Allah (SWT). Hazrat Ibrahim (as) ti faire sa duah là avec Allah kan li ti pé pose fondation Kaaba Shareef. Ki sa duah là sa : « O nous Maître, faire sa vine ene la ville de sécurité et fourni bane ki parmi so population ki ena la foi en Toi et le dernier jour, zot provisions » Lerlà kan li fini faire sa duah là, Allah accepter So duah et dire li « Oui, mais celui ki refuge croire dans Moi et dans Mo bane signes, alors Mo pour laisse li jouir un peu et ensuite mo pou pousse vers ene difé et Allah dire ki kalité mauvais destination sa été. Ler la même Hazrat Ibrahim (as) et so garçon Hazrat Ismaël (as) faire sa duah là (V.129 ou 130). Ki faire pas ti Hazrat Isaac (as); ti Hazrat Ismaël ? Parski sa duah ki Hazrat Ibrahim (as) et Hazrat Ismaël (as) fine faire là, comme ene Khalilullah, li ti conner ki dans descendants Hazrat Ismael (as), sa faveur l’apostolat là pour continuer et pour gagne le plus grand prophète. Et kot dans descendants de Issac (as), l’apostolat pou terminer. Allah conne le passé, le présent et le futur et pour sa raison là ki Allah fine faire Hazrat Ismaël (as) ensam avec Hazrat Ibrahim (as) pose fondation de Kaaba Shareef. Sa duah la fine accepter dans ene façon extraordinaire kot dans descendants Hazrat Ismaël (as) fine gagne le plus grand prophète et aussi Allah fine béni sa la ville là et fine li ene telle l’honneur ki pour rester jusqu’au jour du Qayamat. Allah fine donne sa l’instruction la. Ou conné ki été sa, kot Allah dire ou faire ene travail et Li dire : « Mo avec ou ! ». Zot conner ki Allah avec zot, mais la aussi zot pas kitte zot Rab, zot continuer prier : “O nous Maître accepter sa responsabilité de ki To fine donne nous la (sa fondation sa la caze la). O nous Maitre nous bane dimounes ki faibles to fine donne nous sa responsabilité la, accepter sa. Attention ki nous alle faillir dans sa travail la, attention ki nous pas faire travail la couma To fine ordonne nous faire.” C’est à sa moment la ki zot ti fairer sa duah la, O nous Maitre accepter sa action la, To capave fine donne nous sa l’instruction la, attention par nous action, ene ti égoiste alle manifesté, ki nous alle perdi sa bon action et sa message et l’instruction ki To fine donne nous la et ki zot dire; c’est Toi même ki conne tous et tende tous. Hazrat Muhammad (saw), li pas ti encore la li pas ti pé conner ki ti passer, entre Hazrat Ibrahim (as), so garçon Ismaël (as) et Allah. Ici dans sa verset ki mo fine lire la, c’est Hazrat Ibrahim (as) et so garçon, zot duah ki pé continuer. Et guette tous les l’années pour commémore sa grand sacrifice ki Hazrat Ibrahim (as) et so garçon Hazrat Ismaël (as) fine faire, kot Allah ti donne zot sa l’instruction là, ki voila « Mo fine donne toi ene garçon, to bizin faire li ‘Zaba’ ». Couma zot tous conner, tous les l’années ena le Eid-ul-Adha’, kot nous raconte sa bane évènements ki vraiment touchant, emotionné par sa bane évènements ki ti arrive dans l’époque de Hazrat Ibrahim (as). Ou croire Hazrat Ibrahim (as) ti vine le camarade d’Allah coumsa même, li fine gagne le titre de ‘Khalillullah’ coumsa même ? Non ! Avant ki li vine le camarade d’Allah, li fine passe par boucoup de stages d’épreuves, de sacrifice, et so bane duahs ki li fine faire, fine exaucer. Sa duah la, li trouve dans le Quran Shareef et couma Hazrat Ibrahim as fine faire sa duah la avec Allah, prochain duah ki li faire; Li dire : “O nous Maitre faire nous soumette à Toi. Montré nous des rites, comme éne vrai Mouslemine (couma éne quelqu’un qui soumette li totalement à Allah.). Car c’est Toi ki pardonner et ena pitié.” Et sa duah la, par la grace d’Allah, li mentioné dans le livret Rabbana, mais kan Hazrat Ibrahim (as) pé dire : « O mo Maitre faire nous soumette à Toi seulement et pas faire nous soumette à éne l’autre ki Toi. C’est Toi ki possède le pouvoir et c’est Toi le Tout Puissant et faire nous descendant vine éne nation ki soumette à Toi. Kan Hazrat Ibrahim (as) ti pé faire sa duah la, ti ena so garçon ensemble avec li. Dans descendant de Hazrat Ismaël (as) même ti ena le plus grand prophète (Nabi). Ça prophète là kan li ti vini pour le peuple de l’humanité pour change zot la vie mondaine en spiritualité et faire tous Shirk disparaître et faire zot adore ene seul Dieu. Hazrat Ibrahim (as) dans so duah li continuer dire : « Et montré nous couma pou observe To bane rites. Banes zaffaires ki nous bizin soumette pareil couma ene Mouslemine, montré nous couma nous bizin mette sa en pratique et couma nous bizin alle d’après To bane l’instructions et obéir To bane l’instructions et commandements et kan To même To pardonner et Toi To ena pitié pour nous. Et pas ena personne ki ena pitié pou nous. » Nous lécorps même pas ena pitié pou nous propre lécorps. Parfois kan nous pé taille nous z’oncle, nous pé taille nous la chair. Li pas penser ki li dans même le corps sa. Péna personne ki ena pitié pou nous. ‘O mo Créateur couma ce fait-il ki sa bane grand Alim la zot fine faire ene grand travail, mais zot pas fine mette ça 41ème Rabbana là, attention sa verset la alle contre zot même car zot fine ferme la porte de l’apostolat. Zot dire ki après le prophète (saw), pas pou ena prophète ki pou vini. Azordi zot même zot pé plaigner ki la religion l’Islam dans problème, pé la guerre entre zot même et sakaine pé prend zot pli conner et pli bon ki zot camarade. Nek zot pé le Quran et zot pé piétine bane vrais l’enseignements du Quran Shareef et lor là zot pé donne fatwa ki les autres pas Musulmans. Pareil couma Hazrat Mohammad (saw) ti dire, ki pou ena ene l’époque pou vini kot pou ena bane grand grand et joli Masjid pou arranger, mais bane dimounes pas pou ena la crainte d’Allah. ki Le Saint prophète (saw) fine prophétisé, et sa même tracas li ti pé gagner pou so Oummat, et li ti conne bien ki pou arrive so Oummat dans l’avenir. Zot pou lire le Quran, pou coze grand grand parole, mais action zero (pas ena action ditout). La crainte d’Allah pou disparaître ; Iman pou disparaîte lors la terre, pou alle lors z’étoile la plus haute ki apelle, Surrayya. Bane Masjid pou vide de Namazi. Bane dimounes pou faire Namaz, Oui, mais la crainte d’Allah pas pou ena kan zot pou dibouté zot pou faire Namaz. Zot pou pense les zot travail et zot commerce. Tandis ki kan ou rentre dans Masjid ou assizé avec boucou de respect. C’est ene place kot ou concentré ou devant ou Rab, ou demande Li boucou de pardon et ou faire So éloges – ou pas vine ene dimoune ingrat. Alors si azordi jour l’Islam pé mauvais souffère, Hazrat Ibrahim (as) combien l’années li fine faire sa duah la et avec l’arrivé de nous bien aimé prophète Hazrat Mohammad (saw) Allah fine informe li sa bane duahs la et sa fine paraite dans le Quran Shareef, azordi nous fine trouve li en forme d’ene livre, et dans le surah Al-Baqarah (La Vache). Est-ce ki ou conné éne Vache, c’est quoi? Ene vache li donne du lait pou nourrit ou. C’est ene du lait très pure et nourrissant et nous faire beaucoup de choses avec du lait de vache. Voila dans sa même Surah (Al-Baqarah) là, le fait ki ou fine lire dans Surah (Al-Fatiha) ou pas oulé vine couma bane “Gayr et Magzuub”, dimoune ki fine attire la colère d’Allah ou bien bane ki fine égarer. Couma le Surah Al-Fatiha fini, nous vine lors le deuxième Surah du Quran :Al-Baqarah, le chapitre le plus long et plus nourrissant pour nous l’âme spirituelle. Ou pas oulé vine couma sa bane la. Mais Hazrat Mohammad (saw) fine fini prophétisé, ‘Mo Oummat pou vine plis pire ki bane la encore ; bane les autres la zot en 72 sectes, mo Oummat pou vine en 73 firqa (sectes). Et li fine dire ki là-dans pou ena ene seul ki pou meilleur. Ça ene seul là ki sanlà ça ? Celui ki pou ena la crainte d’Allah dans so le coeur, celui ki pou observe les commandements d’Allah. Celui ki pas pou lire le Quran Shareef coumsa, avec de belle voix, oui. Mais pour ena bane ki pou lire le Quran avec joli la voix, mais pas pou mette bane commandements d’Allah en pratique ; zot pou lire seulement lor la lèvres, li pas pé conner ki li pé lire. Pareil couma le prophète Hazrat Mohammad (saw) ti dire, pou ena bane dimounes pou lire le Quran Shareef couma ene perroquet, mais zot pas pou conner même ki ena dans le Quran. Hazrat Ibrahim (as) li pé faire sa duah la. Le camarade d’Allah, Hazrat Ibrahim (as) dire: “O nous Maitre envoye parmi zot (c.à.d, dans sa la ville la, dans sa peuple la, envoye parmi zot, ene parmi zot même comme prophète; ici le mots ‘zot’, sa veut dire ki li englobe tous sa, parce ki sa prophète la kan li vini li pou élève parmi zot. Li ene prophète pou tous l’humanité et pou tous l’univers en entier. Li pas fine vine juste pou le peuple Arabe, ni li ene Avertisseur pour le peuple arabe et le Quran Shareef malgré fine être révèlé en langue Arabe, mais li ene livre pas zis pou peuple Arabe, mais li l’humanité en entier. Alors bane frères Musulmans Arabes zot bizin comprend le Quran Shareef et la religion l’Islam plus bien. Kan entende ça verset Quran là, zot ti bizin comprend ki Allah fine dire pour le prophète (saw), li ene ‘Rahmatul-lil-Aalameen’ (li ene bénédiction pou tout l’univers en entier), et li le Sceau de tous bane prophètes (Surah Al-Ahzaab) et guette sa duah ki Hazrat Ibrahim (as) fine faire avec Allah et li dire: « O nous Maitre envoye parmi zot même ene prophète, ki pou lire avec zot To versets, ki pou enseigne zot To livre. » Ki sa livre la sa? C’est tous sa bane livres sacrés ki ti révéler avec la venue de bane prophètes précédents. Et Hazrat Muhammad (s.a.w) li même premier dimoune ki Allah fine englobe tous bane l’enseignements ki ti déjà révéler à So bane prophètes précédents, fine révèle li ça en forme de Quran Shareef ki Allah pou préserve li jusqu’au jour du Qayamat et pas pou laisse li bafoué dans la main de l’homme. Le prophète li vini, li donne sa vrai l’enseignement la, ki Allah fine envoye sa bane livres la et tous sa la englobé dans le Quran Shareef et li vini, li lire avec bane dimounes Allah So bane versets, ki pou enseigne zot So livre et la Sagesse, et ki purifié zot, car c’est Allah ki Le Grand. Alors ça duah, mais mo pas trouve li dans le série de 40 Rabbana. Nous dire ‘Alhamdolillah’ ; ene très bon et grand travail ki zot fine faire, mais ki faire zot fine passe lors sa Rabbana la, lors sa verset Quran la et lot côté zot pé envoye grand grand Darood lor le Siant Prophète (s.a.w). Dans Quran aussi fine dire bizin envoye Darood lors le Saint Prophète (saw). Allah même fine enseigne nous sa et nous conner ki sa Darood là pé dire, envoye sa bane grâce, faveurs et bénédictions lors le Saint Prophète (saw), pareil couma Li ti envoyé lors Hazrat Ibrahim (as). C’est-à-dire, nous envie ki sa faveur la li continuer, sa grâce la continuer, non plus ki sa grâce et faveurs la fini la même. Guette kan Hazrat Ibrahim (as) fine fini faire sa duah la, eski kan li fine fini faire sa duah la et kan so garçon fine vine prophète, eski après Hazrat Ismaël (as) pas ti ena encore prophète ? Eski l’apostolat fine fini la même ? Non ! Sa fine continuer, sa duah la, dans descendants de Hazrat Ismaël (as) jusqu’à fine arrive Hazrat Mohammad (saw). Et Allah révèle sa à Hazrat Muhammad (saw), Li descende sa comme ene révélation et ki Li mentionné dans le Quran comme ene duah, pou ki dans l’époque de Hazrat Mohammad (saw) et chaque l’époque, bane musulmans zot continuer lire sa Rabbana la, pou ki zot pas perdi sa faveur et sa grâce la. Parcequi bane lézot fine fini perdi sa. Zamais bane lézot religion pou re-gagne bane prophètes, sauf l’Islam ki Allah pou préserve sa bénédiction là jusqu’à le jour du Qayamat. Bane messagers pou vini seulement dans le Oummat de Hazrat Mohammad (saw), a cause sa même Allah fine re-révèle sa bane duahs de Hazrat Ibrahim (as) et sa fine re-mentioné dans le Quran Shareef. Pas penser li pou zis pou ene l’époque ; dans l’époque de Hazrat Mohammad (saw) ou à l’époque Hazrat Ibrahim (as) ti faire sa duah la. Pareil couma bane lézot Musulmans dire, ki voila Hazrat Mohammad (saw) fine vini, Sunnat, Quran sa même tout, la porte l’apostolat fermé. Azordi guette resultat bane Musulmans, nous pas pé dire ki ene lotte pli grand prophète bizin vini, ki pli grand ki Hazrat Mohammad (saw), non, après Hazrat Ibrahim (as) ti faire sa duah la, pas fine ena encore prophète fine vini fine continuer so l’enseignement, jusqu’à l’arrivé de Hazrat Mohammad (saw). Li ti ena deux garçon prophètes. Dans l’époque de Hazrat Issa (as), est-ce qui pas ti ena prophète après li? Et sa duah de Hazrat Ibrahim (as) fine exaucer ! Et sa bane prophètes la fine continuer vini même, li fine continuer donne sa bane peuple la l’enseignement divines, bane la fine continuer rejette sa bane l’enseignement divines la, zot tourne lédos avec bane prophètes, traite zot de menteur, persécute zot, zot mette tous sorte kalité blâmes, zot même crucifier le prophète lors la croix, et même dans le Quran fine mentioné ki le prophète Hazrat Issa (as), ti vini seulement pou le peuple Bani’Israil li pas fine vini pou le peuple en entier, sa duah la li pas applique pou le prophète Hazrat Issa (as) ki li bizin retourner, parce ki li pas ene « Rahmatul-lil-Aalameen ». Pareil couma lotte jour la, mo ti pé cause lors la vie de Hazrat Massih Maoud (as), couma ene so disciples fine accompagne li, li ti malade alors sa disciples la, pas fine dormi, li fine reste toujours reveillé, Hazrat Massih Maoud (as) dire li ‘alle reposé, si mo bien bizin toi, mo va réveille toi’. Disciple là pas fine dormi, li fine reste réveillé même. Lerla le lendemain Massih Maoud (as) li assisé li faire ene sourire, li dire couma mo chanceux, mo ti ena ene mo disciples à côté de moi, li pas pé dormi, li fine reste à côté de moi. Mais sa disciples la fine reste ene nuite blanche ki tandis ki Hazrat Issa as so bane disciples, bane la ti torture li, ti persécute li. Li (Issa as) ti dire zot, ene la nuite faire duah pour moi, mais tous disciples ti alle dormi. Ça c’est ene anecdote couma et aussi ça prouve la véracité de Hazrat Massih Maoud (as) comme ene Messie Universel après le Prophète Hazrat Muhammad (s.a.w), tout comme li (s.a.w) ti ene prophète de Loi et Universel. Dans le Quran fine mentioné ki le prophète Hazrat Issa (as), ti vini seulement pou le peuple Bani’Israël, li pas fine vini pou le monde en entier. Couma ene prophète ‘Rahmatulil Aalameen’ li capave le dernier prophète, et Hazrat Issa (as) le Messie Mosaïc (de l’apostolat de Hazrat Moosa (as) capave fine enlever au ciel ? Nous d’accord ki Allah ena tous pouvoir, mais Allah respecter So bane paroles ki Li fine mette dans le Quran pou ki l’homme pas vine contradire seki Allah fine metter clairement dans le Quran Shareef. Parmi zot, la aussi zot mette doute et blâmes lors Allah. Kisa bane doutes et blâmes ki zot fine metter lor Allah ? Alors bane Juifs dire ‘Uzair’ garçon Bondié et bane Chrétiens dire Jésus Le Messie garçon Bondié. Azordi bane nous bane Musulmans pé dire ki Hazrat Issa (as) Allah fine enlève li au ciel et li encore vivant et li pou vini à la dernière époque kan tandis ki le plus grand prophète ki l’univers fine conné, nous Aka Hazrat Muhammad (s.a.w) fine passe par la mort. Allah fine dire dans Quran ki tous dimoune ki ena l’âme bizin goûte la mort, pou li alle kot Allah. Allah pas pou contredire So bane paroles dans Quran; ki Li fine enlève juste Hazrat Issa (as), ki à la fin du 13eme siècle ou commencement 14ème siècle li pou bizin paraite. Nous fine rentre dans 15eme siècle ; jusqu’à azordi Hazrat Issa (as) pas encore paraite. Aller ! Disons Hazrat Issa (as) descende dépi lors le ciel li vini, mo dire ou, tous dimounes pou sauver, ou pou commence gagne peur. Ou soit kan li vini tous dimounes commence persécute li. Coumsa zot la guerre, zot même ferme la porte de l’apostolat. Zot même, zot dire, nous situation critique. Sa bane Moullahs la, zot pou pli pire créature et zot pou apporte boucoup division, et ki pé arrivé ? Ou trouve bane frères Musulmans pé la guerre. Abé, kot l’Islam apé aller? Kot Allah fine envoye so plis grand des prophètes? Alors ou kitte le pli grand Nabi, ou alle prend bane le zot comme pli grand. Ena fine faire zot proclamation ki zot même le Reformateur du 15ème siècle. Lor ki li fine base so révendication kan tandis ki li-même li fine ferme la porte de l’apostolat ? Allah dire sa même sa bane dimounes la, ena ene voile lors zot li yeux. Zot pas trouve narien et zot fine vine sourde et zot fine vine aveugle. Alors ki arriver, sa pas dire zot narien, zot dire tous musulmans bizin unir ensemble, ki la religion fine vine politique. Bé ki sanla zot pou mette zot chef. Ou pas trouver, kan l’homme choisir so chef, la même ena la guerre. Lotte la dire moi mo pou suive sa chef la, lotte faire group dire moi mo pou suive sa lotte chef la. Kan l’homme choisir so chef guette ki arriver lors la terre, ena décadences. Ou croire ki pou narien Hazrat Ibrahim (as) fine faire sa duah la ? Et sa duah la zot pas fine mentione li dans le livret de Rabbana. Alors ki fer zot pas fine vine lors 41ème Rabbana. Sa versets la fine être reveler dans l’époque de Hazrat Mohammad (saw). Et c’est ene duah cotte Hazrat Mohammad (saw) ti recevoir sa. Et li aussi fine lire sa duah la. Est-ce qui sa duah la li reste zis zoli dans le Quran Shareef? Chaque verset pou reste vivant, eski sa pas pou appliqué? Chaque verset Allah fine dire ki li pou préserve sa ziska le jour Qayamat. Et sa li pou bane dimounes ‘Muttakki’, bane pieux et ki ena la crainte d’Allah dans zot lécoeur. Parcontre bane ki pena la crainte d’Allah dans zot lécoeur, ki assoiffé du pouvoir mondaine, zot même ferme la porte de l’apostolat, zot même zot dire ki pas pou ena aucaine prophète pou vini. Mo pas pé dire ki pou ena ene l’autre prophète ki pou vini avec ene l’autre Quran Shareef, soit ene l’autre pli grand livre ki le Quran, ou soit li pou vine avec l’autre religion. Non ! Li pou vine dans même religion couma Hazrat Ibrahim (as) ti faire duah avec Allah, ki dans so descendants Allah fine envoye Hazrat Mohammad (saw) et sa descendants de Hazrat Mohammad (saw) la, bizin continuer ena prophète même ziska le jour du Qayamat. Et ki sa bane prophète pou vine faire ? Zot pou vini pour l’humanité en entier, pour re-amène sa vrai l’enseignement de l’Islam ki fine quitte la terre fine alle ziska Surrayya, et ki l’homme fine bafoué, et li pou vini, li pou mette zot lors raille, bane chemin ki fine casées, fine gagne trou, kan ou marcher ou lipié capave casées, kan ou pé rouler ou amortisseur capave casées, pou tous sa la le prophète li vini, ki li faire? Li pas construire ene lotte chemin, mais li vini pou, répare sa même chemin principal la. Pou faire bane dimounes roule bien lors sa chemin la, pou ki zot na pas gagne sécousse, la pluie tomber, dilo ramasser faire moustique, ler la li répare chemin la, pou ki li amène ou vers Allah, vers sa Allah ki Hazrat Muhammad (s.a.w) fine amène le peuple en entier. Plus devant Hazrat Ibrahim (as) ti faire sa duah la. “O nous Maître faire nous soumette à Toi, nous prier seulement To tous seul.” Azordi ki nous pé trouver, dans le Oummat de Hazrat Mohammad (saw), nous pé trouver ki pé passe par bane intermédiaire, pou alle lors bane tombe, alle lors bane Dargas, pé oublier Allah. Sa c’est purement SHIRK. Prend tel tel Waliullah, ou soit prend bane grand Mujjaddid et faire Urus lors zot noms. Et sa bane dimounes la, zamais zot fine dire faire Urus, lors zot noms. Sa bane dimounes la, zot fine vini pou amène dimounes vers Allah. Tous sa la c’est bane innovation ki fine rentre dans l’Islam. Pas besoin ene l’autre dimoune pou répare sa chemin la, parceki chemin la fine cassé. Faudé chemin fine cases, sa même macadame, sa même rocksand, sa même koltare ki ti ensam dans sa chemin la, fine fanné fine alle partout partout. Bé eski pas besoin ene dimoune pou nettoye tous sa la, pou mette chemin là propre. Chemin la ti déjà exister, li pas ene nouveau chemin sa ! Couma de côté mondaine, ou rode ene bon chemin pou ou marcher, pou ou roule loto, si li casser ou pas pou capave rouler, ou loto pou sale, si nous gagne ene bon chemin ou content pou rouler. Nous loto pou reste bon. Mais astere ki ou trouver ? Tant ki chemin la casser, personne pas pou prend ene pioche pou casse li plis encore, pou zot alle mette de l’eau. Kan ene chemin fine fini koltaré, lerla ou trouve zot commence fouille trous. Ki pé faire ou comprend, kan ene dimoune li vine de côté Allah ? C’est pour répare bane chemins ki fine casser en morceaux, pour re-dresse droit. En d’entre mots re-amène bane dimounes lor sa droit chemin ki fine vine boute boute par la main de l’homme. Pou li amène tous sa bane dimounes la, li pé donne zot tous sa bane l’instructions la, bane manifestations, ki fine de côté Allah, pou amène zot vers Allah. Abé définitivement, ena sa kalité dimounes la, li prend pioche li casse chemin la, li faire chemin la ena trous. Pourtant li même sa dimoune la, li prend pioche li casse chemin la, li faire chemin la ena trous, pour tant li même pé marche dans sa chemin la et kan zot casse li zot na pas répare li. C’est-à-dire, kan ene prophète li vini, li pé faire bane bon travail. Parmi sa bane dimounes la, ena ki lever et faire désordres, lerla ou bizin prend boucou précautions. L’enseignement la bon et malfaiteur là, li, li faire so désordre au milieu, li manifesté li. L’homme li faible, kan li trouve tout sa là, li commence ena doute, li commence penser attention ki ‘mo fine prend ene chemin ki na pas bon’. C’est l’homme ki fine casse sa, c’est pas bane ki fine arrange chemin la (bane prophètes) ki casse sa chemin la. Mais sa verset 129 ou 130 la, li claire devant nous, kot sa bane grand Alim la, kot zot pé cause grand grand causer, mais dépi création la terre, Allah li ti causer avec Hazrat Adam (as), astere ziska l’arrivé Hazrat Mohammad (saw), Li fine arête causer ? Li pas pou cause di tout ziska jour Qayamat ? Bé si Li arête causer, révélation pas existé, prophète arête vini, bé ki l’autorité ou ena, ki ou dire ki ou Réformateur de sa 15ème siècle la ? Couma Mawlana Shah Ahmad Noorani Siddiqui, li proclame li même Réformateur du 15ème siècle, maintenant so garçon Anas Siddiqui fine prend so palce. Eski li fine prend so place comme ene Reformateur 15ème siècle ? Dans l’époque Hazrat Muhammad (s.a.w), eski pas ti ena bane les autres ki ti déclare zot prophètes ? Normalement c’est Allah ki élève So dimoune ki Li choisirer cmême si l’homme pas content, comme So prophète. Dans l’époque de Hazrat Massih Maoud (as), commié ti déclare zot comme le Messie? Mais aucaine Musulman pas ti sorte contre zot proclamation, kan tandis ki pour Hazrat Massih Maoud (a.s), zot fine persécute li beaucoup et so bane croyants et zot fine faire toute sorte kalité caricatures, kan tandis ki li fine vini pour ré-amène ça vrai l’enseignement de l’Islam ki ti apporter par Hazrat Muhammad (s.a.w). Alors zot pas croire dans li, et zot ferme la porte l’apostolat, et après zot dire ki zot Réformateur ! Azordi l’Islam fine tombe dans ene situation terrible, decadence partout, zot prend tous bane zaffaires, littéralement et zot pé faire bane kitchose ki pé projette ene mauvais image lors sa vrai l’enseignement de l’Islam la ; lors Allah et so prophète (saw) et so livre Quran par zot façon ki zot pé faire kot sakaine pé envie vine chef. Ou pas alle loin; dans sa ti Maurice la, ou pé trouver, sakaine pé la guerre pou vine chef, après zot dire ki zot bizin unir ! Zot dire l’union faire la force. Après zot la guerre entre zot même, après ou traite ou camarade Kafir, ou dire les autres pas musulmans, et ou même ou pé juge ou propre la foi, ou pé juge la foi les zot. CHALLENGE Alors c’est ene challenge azordi avec sa verset Quran la, mo challenge le monde en entier, tous sa bane Moullahs, tous sa bane Alim la et même Mawlana Shah Ahmad Noorani Siddiqui, li proclame li même Réformateur. Li pas la mais ki so garçon Anas Siddiqui réponde moi lor sa verset Quran la et Surah Al-Fatiha et lor le Darood Ibrahim ki fine mentionner pli là-haut. La famille Siddiqui, couma dire zot aussi zot bane plus grand savants et zot ‘Khandani’ki bizin vine chef, malgré ki zot pé fané ! Zis Siddiqui aller même, ti ena Alim Siddiqui, Shah Siddiqui, Anas Siddiqui, zis zot même ki pou gérer, et zot même bane chefs de bane Musulmans ? Et bane ki pé faire fausse caricatures, et encore ki zot pé dire lors l’Islam, lors Allah. Lors So bane prophètes. Kot sa bane Alim la été, kot sa bane grand grand défenseur la été ? zis la guerre entre frères et frères zot conner ? ou pas capave dibouté et montrer bane arguments, ou montrer la véracité de Hazrat Mohammad (saw), ki Allah Li ene Allah vivant et ki le Quran Shareef li ene livre vivant ? Ou ti bizin unir, non plus pou vine diviser ici, et pou vine cause bane lézot causer ou bien ou vine sème bane causer de la haine, ou faire bane politiciens plaisir au lieu ki ou faire Allah plaisir ! Hazrat Ibrahim (as) so duah li pas ti coume sa li ! Pourtant Allah so Créateur donne li sa l’ordre la, pour monte sa fondation là. Pourtant Allah avec li et fine donne li sa l’instruction là, mais là aussi li continuer faire sa duah la. Alle réfléchit lors sa bane duahs la ! Fine tire livret Rabbana très bien ‘Alhamdollillah’. Sa aide boucou dimounes pou lire chaque Rabbana, ou bizin réfléchit ki ou pé demande Allah la dans, et couma sa fine révéler, et ki bane prophètes fine gagne sa et dans ki circonstances et couma bane zoli duah ki Allah fine enseigne so bane prophètes et ki Li ré-révèle li avec So bien-aimé prophète Hazrat Mohammad (saw), ki li trouve dans Quran Shareef. Pas guette zis dans ou faveur, bane zaffaires ki pou alle contre ou, ou rejette li ! Pareil couma Allah dire dans le Quran ; ou accepter ene partie et ou rejette ene l’autre partie et lors la, ou vini ou faire bane grand grand Mehfil, kot bane dimounes faire la procession. Ou pé oublier ça verset Quran là kot Hazrat Ibrahim (a.s) ti pé debouté avec so garçon Ismaël (as) et ti pé faire ça duah là avec so Rab « O mo Rab envoye parmi zot (parce ki li, li pé aller même), li ti pé prier pou so peuple, ki envoye parmi zot ene dimoune parmi zot même, comme ene prophète. Li pas fine dire ni comme ene Messie, ni Imam Mehdi ; li dire comme ene Nabi. O mo Rab envoye ene parmi zot même ene prophete. Ici kan ou dire prophete bizin vini, zot dire « Non ! Ou fine vine ene Kafir, ou pas ene Musulman ». Zot pé commence corrige Allah astère ! Allah pas fine corrige Hazrat Ibrahim (a.s) et Li pas fine dire li : « Non, Mo fine arrête envoye prophete astère. » Allah pou continuer envoye prophete. Li fine accepter ça duah là, et ça dans descendant Hazrat Ismaêl (a.s) fine gagne pli grand prophète et ou encore pé lire Darrod et ou pé demande Allah envoye ça grâce, ça faveur ki Ou ti envoye lor Hazrat Ibrahim (a.s), bé envoye ça grace là aussi lor Hazrat Muhammad (s.a.w), so famille et so bane suivants. Et après ou même ou ferme la porte l’apostolat ! Et ou dire ki Islam dans problème ! Pourtant nous pé tourne vers même Qibla, ki Nabi (s.a.w) ti pé tourné, nous pé lire même Quran, même Namaz, garde même Roza, donne même Azaan. Alors ki droit nous ena nous, ki nous la guerre entre nous même et nous juge Iman nous camarade ? Ena ene Hadith kot le prophete (s.a.w) dire ki, pense ou la mort, ou pas pou éternel. Li donne so Sahaba ene conseil, li dire li : arrête, riyé, pluto pleurer. Reste dans ou la case, pas circuler lor chemin, ou capave commette ene peché ki Allah encolère avec ou. Pluto reste dans ou la case, ou assizer ou faire duah. Et même Hazrat Muhammad (s.a.w) fine dire kan le Messie pou vini, envoye li mo salaam. Hazrat Muhammad (s.a.w) li conner ki après li, pour ena bane Imam pou vini. Pareil couma ou accepter ena bane Mujaddid fine vini, nous croire dans ça bane Mujaddid là et nous croire dans ça bane Imam là aussi ; Imam Hanbali, Imam Malik, Imam Shaafi, Imam Abu Hanafi. Ça bane Imam là, nous croire dans zot, nous pas rejette zot. Zot ti tini ferme le Flambeau de l’Islam. Et pour faire dimoune pas devier, et kan l’Islam ti pé alle rentre dans l’obscurité. Eski ou croire Allah pou laisse ça coumsa même ? Couma situation pé aller, ou croire Allah pas bizin envoye So prophète pou empêche l’Islam rentre dans l’obscurité kan tandis ki Allah fine parfaire ça religion là ? (Nawzobillah min Zaalik) couma dire en d’autres mots bane dimoune ki pé quitte l’Islam, couma dire l’Islam pas bon alors ! (Ki Allah préserve nous contre bane ki pé prend l’Islam comme ene badinage). Allah toujours bizin envoye ene quelqu’un, ene So représentant lor la terre, pou ki ou suivre sa chemin ki Li fine tracer pour ou là. Pareil couma l’Association Ahmadiyya pé célébrer centenaire Khilafat, et causer lor Radio, pé faire la marche de charité, tous ça l’argent ki zot ena, zot pé faire marche de charité, ki pou faire publicité. Allah dire tous bane actions ki ou faire, ou faire ça, pour Mo plaisir, pas faire show ! Tous ça l’année là pas ti ena fraîcheur (l’hiver), astère pé bizin dire tous bane dimounes vine Dar-us-Salaam donne zot contribution? Le Maire pou présent – pé faire politique avec la religion d’Allah. Eski ça ti l’enseignement de Hazrat Muhammad (s.a.w). Eski ça l’enseignement de Quran. Eski ça l’enseignement de Hazrat Massih Maoud (a.s) ? Après Hazrat Muhammad (s.a.w), le Messie fine vini. Li vrai nous bizin croire, nous pas nier ça. Nous croire, bé astère eski ou pas croire ki Allah encore envoye So révélation ? Eski ou pas croire ki kan Khalifa (Khalifat-ul-Massih) là, ene l’autre dimoune pas capave gagne révélation ? Kan Khalifa rêver, eski personne pas gagne droit rêver, kan nous conner ki le rêve li forme ene 46ème partie de la révélation ? Dans l’époque du Messie ti ena bane dimoune ki pé rêver, ti pé gagne révélations. Hazrat Musleh Maoud (r.a) ti dire Moulvi Razéki écrire to bane révélations, écrire ça bane anecdotes là. Li ti ena beaucoup humilité, ki li pas ti rode écrire so bane révélations. A l’époque du Messie, eski li pas ti dire, pas zis moi ki pou gagne révélations. Pour ena encore dimounes dans mo Jamaat ki pou gagne révélation ; zenfants, madames pou gagne révélations. Kot l’enseignements de Hazrat Muhammad (s.a.w) fine vini, kan ou guette tous ça là ou trouve l’obscurité partout. Ou trouver si ou fine construire ene bâtiment, aller aller ou pour bizin faire rénovations. Dans la vie mondaine li coumsa. La grain ki Hazrat Massih Maoud (a.s) fine planté ; c’était le Jamaat Ahmadiyya – Avec le temps ça fine gâté. Eski Allah pas bizin envoye ene l’autre dimoune encore ? Hazrat Massih Maoud (a.s) pas fine amène ene l’autre religion li ! Analyser ! Eski Ahmadiyyat ene Religion ou sois l’Islam ki ene Religion. C-à-dire, nous fine vine dans Ummat Muhammadiyya (s.a.w) et continuer le travail de Hazrat Muhammad (s.a.w). Azordi l’Association dire Khalifa li là ! Eski ou capave empêche Allah envoye So prophète, envoye ça faveur là à n’importe ki sanlà, eski c’est ou ki pou dirige Allah ? Alors, c’est bane choses ki pou faire ou réfléchi, lor ça Rabbana ki mo fine mette devant zot là ki trouve dans Surah Al-Baqara Ch.2, V.129 ou 130. Peut-être si zot ti mette ça dans le livret de 40 Rabbana, zordi li pou vine 41 Rabbana ; li ti pou non-paire. Allah Li ene Seul, et tous dimounes, tous bane Musulmans à travers le monde ti pou ene seul, regrouper ensemble. Couma li ti pou joli ça, pour la gloire de l’Islam. Nous tous nous base nous lor l’Unicité d’Allah, et lor l’ordre d’Allah, lor l’Instruction d’Allah à travers la Révélation. Ça ene là, Allah Li ene, et zot (l’union de bane Musulmans) zot vine non-paire. Mais Allah pour manifester So suprématie dans ça ene Rabbana ki zot fine négliger pou lire là. Pou alle cherche Laila-ul-Qadr, ou cherche non-pair. Rabbana, aussi Allah fine mette non-pair dans Quran, surtout bane Rabbana ki bane Mouslemeen bizin lire, et non pas bane Rabbana ki pas bane duahs et ki bane malfaiteurs pou addresses Allah le jour du Jugement. Alors ki faire nous bizin néglige ça 41ème Rabbana là. Aller, alle lire li et réfléchi parceki Quran li pou dure jusqu’à Qayamat et ça Rabbana là aussi pou bizin reste vivant. Alors, à la fin de mo Khutba, mo lance officiellement ene challenge à tous ça bane grand grand Aleem là ki ena dans le monde. Vine essaye refute tous seki mo fine dire dans ça verset Quran là, et dire tous seki mo fine dire li totalement fausses et ré-dire ki Hazrat Muhammad (s.a.w) li le dernier prophète et li prend le nom d’Allah. Ki Allah donne nous le Tawfeeq dans le Jamaat Ul Sahih Al Islam ki amène la religion de l’Islam, malgré nous ene groupe de bane croyants, mais Allah avec nous, alors nous amène le flambeau de l’Islam très haut, et nous continuer faire le travail ki Hazrat Muhammad (s.a.w) ti vini. Kan Allah ti parfaire ça religion là, kan ti donne ça nom de l’Islam là, à Hazrat Muhammad s.a.w), ki li ti amène à bon port. Ki Allah donne nous ça, et Li aide nous, Li donne nous ça Tawfeeq là, et ki nous amène ça dans le droit chemin et nous demande Allah accepter nous bane bonnes actions. Ameen.