Text Box: بسم الله الرحمن الرحيم Khutba Jummah HAZRAT AMIR’UL MOMENEEN MUHYI-UD-DIN AL KHALIFATULLAH Munir Ahmad Azim 25 Septembre 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  “Shadi-dallaahu anna-huu laa ilaaha illaa huwa wat malaaa-ikatu wa Ulul ilmi qaa-imam-bil-qist. Laa Ilaaha illah huwal Aziizul Hakim” Allah fine prouve nous ki na pas ena ene l’autre Dieu à part Li. Bane anges aussi et bane ki fine recevoir connaissance (Ulul Ilm) témoigne en toute véracité et justice, ki péna d’autre Bondieu apart Li. Li-même Grand, Li-même Sage. (Ch. 3 Al-Imraan V.19) A travers plusieurs les autres versets mentionné dans Quran; Allah pé faire l’homme comprend ki kantité la connaissance li important. La connaissance li ene la Lumière ki faire l’homme conne so Seigneur. Quoique l’homme péna la capacité totale pour conne so Créateur en entier, mais Allah (swt) fine enseigne li par plusieurs moyens couma pour percevoir Li (Allah) dans tous kitchoses. Et pour ki l’homme réussi dans so but pour conne Allah, Allah (swt) en retour fine donne li la faculté de l’esprit, kot l’homme li gagne bane connaissances; ki li matériel et spirituel pour ki li capave vivre lors la terre et en même temps augmente so rapprochement avec Allah. L’homme li ça être ki qualifié comme “Ulul-Ilmi”; celui ki fine recevoir la connaissance ou instruction. Allah dire dans Surah Al-Alaq Ch.96 V.2-6:  “Iqra bismi Rabbikallazii khalaq, khalaqal-insaana min ‘alaq. Iqra ‘wa Rabbukal-‘Akram, Allazii ‘allama bil Qalam; Allamal insaana maa lam ya’-lam.” (Lire, au nom de to Maître, le Créateur, qui fine créer l’homme à partir quelque chose ki coller. Lire! To Maître, c’est Li le plus Généreux, qui fine enseigne (l’homme) par la plume; fine enseigne l’homme séki li pas ti conné). Alors nous constater par ça bane versets là ki c’est Allah ki à l’origine de bane connaissances ki l’homme fine recevoir. C’est Lui seul ki fine donne l’homme ça faculté pour écrire, causer, apprendre et analysé. Allah fine donne li ene l’esprit pour différencier entre le bien et le mal. La connaissance du bien et du mal et la liberté pour choisir le chemin ki li (l’homme) oulé, fine place l’homme lors ene stage pli avancé ki le reste de bane z’animeaux. Quand nous analyse en profondeur le Quran Shareef, nous trouver ki chaque parole ki ene prophète li fine dire, li dire li par la volonté et la permission d’Allah. La connaissance du “Ghayb” (L’invisible) pénétrer dans zot (bane prophètes) par le moyen du Rouhil Qouddous ki vini pour illumine zot l’âme de bane connaissances ki nécessaires ki zot conné, afin pour prêche correctement la parole d’Allah. L’homme ordinaire li ena la capacité pour rapproche avec so Créateur par le moyen de bane dévotions envers le Créateur de l’Univers et chaque humain fine recevoir chakaine ene talent ki plus tard li développer afin ki li servi ça talent dans ene meilleur façon et pour le bien de l’humanité. Hadith: Le Messager d’Allah (s.a.w) fine dire: “Celui ki Allah content, Li donne li la connaissance de la religion et guide li lors le droit chemin.” (Ibn Majah) Kan ene dimoune li content so Créateur et faire beaucoup z’éffort pour vine proche de Li et pour gagne so l’amour, alors Allah déverse lors li ene connaissance extraordinaires ki vine de Li-même. Ça dimoune là capave commence gagne bane rêves véridiques, bane visions et même bane révélations car Allah dire dans Quran ki Li cause (envoye révélations) avec séki Li content. Et dans Surah An-Nahl V.3, Allah dire: “Li (Allah) envoye bane anges, qui amène So révélations, par So l’ordre, à certains parmi So serviteurs qui Li choisir, pou averti dimoune ...” Quand nous guette de côté mondaine, nous constater ki Allah fine élève niveau de connaissance même parmi bane dimounes ordinaires. Couma chakaine ena ene talent ou ene connaissances ki li développer, bane scientistes aussi fine recevoir bane connaissances dans diverses domaines (tel que l’espace, la médicine, la technologie, etc...) afin ki zot servi ça connaissances là pour reconnaitre l’existence d’Allah et pour aide l’humanité. Malheureusement pas tous scientistes ki croire dans l’existence d’Allah. Bane découvertes ki zot faire parfois laisse zot dans ene tel l’état de succès ki zot oublier ki c’est grâce à zot Créateur ki zot fine réussi faire ça l’exploit là; mais c’est le contraire ki arriver kot zot attribuer ça succès là à zot-même. De l’autre côté ena bane scientistes ki reconnaitre bane signes d’Allah et zot reconnaitre la vérité ki ena dans le Saint Coran. Si chaque musulman analyse le Quran, li pour trouver ki Allah fine fini dévoile li certains secrets de l’Univers et si li alle faire plus recherche lors là en analysant ça bane phénomènes là, alors li pas pou ena aucaine doute lors la véracité de l’existence d’Allah (swt). Hadith: Ena ene hadith ki dire ki si ena pour alle cherche connaissance, alors alle en Chine pour alle cherche connaissance. Ça hadith là pé montrer nous ki péna limites dans la recherche de la connaissance. Zamais nous pour assez conner. Dépi nous ene ti bébé ziska nous rentre dans Qabar, zamais nous pour capave dire, ki nous fine gagne la connaissance en entier. “Celui qui conne so moi, li conne so Seigneur”. La connaissance d’Allah li plus important ki tout le reste. Ça pas veut dire ki nous arête apprane de côté académique. Non! Mais seulement bizin ena ene balance et la connaissance de la spiritualité li plus essential pour nous l’état physique, morale et spirituel. Le degré de la foi (Imaan) li ene connaissance en li-même; car Imaan li amène vers Allah et ene l’obéissance parfait envers Allah. Alors le vrai Imaan, c’est celui qui ena ene obéissance parfait pour Allah. Nous trouve ça modèle là dans nous bien-aimé Aka, Hazrat Muhammad (s.a.w). Pour le monde, li ti ene Ummi (sans connaissance) et Allah de par So grâce immense fine faire li vine le plus grand professeur ki l’humanité fine déjà conné (à part Allah). Et Allah fine donne bane musulmans l’ordre pour envoye la salutation de paix lors li kan entendre so nom. Chaque commandements ki ena dans Quran, nous bizin estime nous (bane musulmans et l’humanité en entier) heureux parceki à travers la révélation du Quran et bane les autres livres sacrés avant l’avènement du Quran, Allah fine toujours là pour donne l’homme la connaissance approprié afin ki li vine près avec so Créateur. Et c’est ça nous but lors ça la terre là: ki nous gagne nous Rab (Créateur) dans ça le monde là-même avant nous rencontre le jour du jugement. Ena certains connaissances ki camouflé pour nous comme par example nous l’heure la mort et l’heure du jour du jugement. Personne pas fine gagne ça bane connaissances là parceki ça li juste dans la sagesse d’Allah; Sinon li ti pou trop beau: l’homme faire mauvais lors la terre et kan li conné ki li pé alle mort alors li vine pieux et li reste attacher avec la prière et bane les autres bons actions. Non! C’est pas coumsa ki Allah juge ça. Couma mo fine déjà dire au commencement ki l’homme fine recevoir la connaissance du bien et du mal et c’est à li de decider ki chemin li pou choisir parceki Allah fine fini mette li en garde contre le mal et fine montré li la sagesse et la beauté du droit chemin. Ch.16 An-Nahl V.29: “Bane qui, kan bane anges tire zot la vie, dans condition cot zot fine faire du tort à zot propre nâme, zot offert zot soumission (et dire): ‘Nous pas ti pé faire nannié mauvais. (Anges pou réponne): ‘bon, mais Allah conner ce ki ou ti pé faire ...” (et ça bane mauvais dimounes là gagne l’enfer). V.31 (An-Nahl) cause lors bane bon dimounes: “A dimounes qui ti amène ene bon la vie, pou dimander: ‘Qui quique chose ou Maître ti envoyer depuis là-haut?’ Zot pou dire: ‘ene bien bon quique chose.’ Bane ki bon, gagne du bien lors ça la terre là, mais zot la case dans l’autre monde (Aakhirat) pou meilleur encore ...” Allah pé enseigne moi aussi là devant moi ça hadith là et ki trouve dans Bukhari: “Bane dimounes ki possède la connaissance zot bane héritiers de bane prophètes.” Nous tous conné ki péna aucaine rang ki pli grand ki l’apostolat (le stage d’ene prophète), ou pli grand l’honneur ki so l’héritage. Le Saint Prophète (s.a.w) fine aussi dire: “Seki dans bane les ciels et la terre intercède en faveur de bane dimounes ki possède connaissances.” (Ibn Majah) Alors ene jour, le Saint Prophète (s.a.w) fine recevoir ene question (de so bane compagnons): “O Prophète d’Allah (s.a.w), ki sanla ki dimoune pli honorable?” Le Saint Prophète (s.a.w) fine réponne, “Le plus honorable parmi zot (bane dimounes) dans lizié d’Allah c’est celui qui ena le plus la crainte d’Allah.” Bane (compagnons) là fine dire: “C’est pas ça ki nous ti pé demande toi.” Alors le Prophète (s.a.w) fine dire: “Alors le plus honorable de bane dimounes c’est Yusuf – ene prophète d’Allah ki ti garçon d’ene prophète d’Allah, ki ti garçon d’ene prophète d’Allah, ki ti garçon de camarade (Khalil) d’Allah [Hazrat Ibrahim a.s].”Bane là fine réponne, ‘C’est pas ça ceki nous pé demande toi.’ Le Prophète (s.a.w) fine dire: “Alors zot pé demande moi à propos de bane Arabes. Bane ki ti meilleurs parmi zot avant l’Islam pour continuer reste meilleurs après (l’avènement de) l’Islam, si zot développe ene compréhension intense de la religion d’Allah”. Alors c’est mo duah ki nous vine parmi bane pli honorable dans lizié d’Allah pareil couma l’or li pli supérieur en valeur ki l’argent. Anou recite souvent ça duah là (et mo fine déjà recevoir ça duah là en révélation): “Ya Alim, Rabbi zidni ilma.” (O Allah, Celui ki ena la Connaissance parfait, augmente nous connaissance). Ki Allah donne nous tous les temps la faculté pour maintenir nous l’amour et nous Imaan (la foi) dans Li et Li ouvert pour nous la porte de So Miséricorde. Ameen, Soumma Allahoumma Ameen, Ya Rabboul Aalameen.