Bismillah-ir-Rahman-ir-Rahim

 

DERNIER KHUTBA JUMMAH

DE L’ANNÉE DE 2008

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

26 Décembre 2008

 

(Résumé du Khutba Jummah lor Noël)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:

 

Mo Khutba Jummah aujourd’hui pou consacrer lor la fête de Noël.

 

Azordi jour, ki nous trouver dans le monde en entier ? C’est ki la fête de Noël fine vine ene fête tellement populaire, et ki tellement médiatizé, ki li lor télévision, ki li lor radio et journal, kot dimounes fine influencé par ça bane préoccupations excitant ki ça fête là améné tous les 25 Décembre pour bane Chrétiens en générale, et le 7 Janvier pour bane Orthodox.

 

Et même tellement ça fête là fine prend ene l’ampleur ki bane magasins, et bane bureaux et la caze zot décoré avec toutes sortes illuminations pour ça fête là.

 

Pendant ça l’époque de Noël là, ou pou trouve ça bane grands grands magasins là offert toute sorte kalité services pour Noël, et zot donne bane bél bél promotions pour attire l’attention de bane dimounes pour vine profite de ça bane grande baisse de prix là. Et zot attribué ça bane promotions là à cause la fête Noël pé vini. Et ça bane magasins là pé vende toute sorte kalité joujou, kot pé tire zot profit. Et pour faire ça bane tél profit là, zot faire zot bane publicité Noël 3 mois avant le 25 Décembre, ki supposément zot pran comme la date de naissance de Jésus (a.s).

 

Li malheureux pou dire ki ça fête là fine vine tellement extravagants ki ça fine vine ene fardeau lor tous bane parents, que ce soit so religion pendant ça l’époque là. Bane zenfants pé mette préssion lor zot bane parents pour ki zot asté encore plisse bane joujou sophistiquer et ki coûte cher. Et ça pé vine de plus en plus ene fardeau lor bane parents, kot zot pé bizin même alle pran loan pou satisfaire zot bane zenfants.

 

En plus de ça, pour bane Chrétiens ki pas pran ça fête Noël là comme ene badinage, et ki zot religieux, zot trouve ça ene catastrophe, ki dimounes pé pran ça fête Noël là pour faire bane gaspillage terrible en terme de l’argent. A kot nous pé aller azordi ? Milliards pé dépenser de par le monde lor bane dépenses initiles ki ça fête là améné, kot ça l’argent là ti capave servi pour nourri et habille bane dimounes pauvres et défavorizé. Ena beaucoup dimounes nék faire ça fête là, sans ki zot réalise philosophie derrière ça. Mais li ene vrai la honte pour bane musulmans, ki zot pé faire fête Noël sans ki zot pé réaliser ki li contre l’enseignements de l’Islam dans tous so l’aspects.

 

Si ou ene Musulman ki, ou sincère dans ou la foi et ou l’obéissance pour Allah et So prophète Hazrat Muhammad (s.a.w), alors ou pas gagne droit fête Noël ou donne cadeau à ça l’occasion-là.

 

Kan mo pé dire ou pas gagne droit, ça signifié ki li Haraam, parski par la fête Noël, nous imite bane Non-Musulmans. Kot bane chrétiens fine tire ça mot Noël là? Ki été Noël ? Ki so symbole ça ki ene bonhomme Noël en rouge, beret rouge lor so la tête et la barbe blanc ? Expliker ki été ça ? Mo addresse moi spécialement à bane prêtres chrétiens pour réponde ça question là. Et nous bane musulmans et surtout ene la honte pour bane Ahmadi pliss, sans ki zot conné, zot pé faire kitchose ki contre l’enseignement Allah et So Rassool (s.a.w) et ou pé apporte ene innovation non Islamique dans l’Islam.

 

Nous bien-aimé prophète (s.a.w) fine adopté ene l’attitude bien sévère à l’égard bane ki imite les autres communautés ; zot vine pareil couma ça bane-là. Vine pareil couma ene l’autre communauté veut dire li risqué passe pareil couma ça communauté là dans l’au-delà et zot, zot punition capave doublé ki l’autre là.

 

Islam pas fine défanne ou pour reste en bon terme avec les autres. Au contraire Islam fine enseigne nous pour reste en bon terme avec les autres communautés sans ki ou imite zot bane culture ou zot bane célébrations de fête ki à l’encontre de l’enseignement de l’Islam.

 

Li malheureux pour trouver dans l’intervalle Noël et l’année couma bane frères et sœurs musulmans et aussi bane Ahmadi couma pé faire shopping à gogo (en grande quantité), joujou pour zenfants, neveux, nièces, z’arbres sapin avec so bane décoration et avec so pétard aussi ; combien l’argent pé gaspiller inutilement, et pé faire extravagance !

 

Ou pé dépose z’arbre sapin dans ou la caze ; ou conné ki ou pé faire ? Ki li représenter ça ? C’est ene insulte pour l’Islam et ça ou pou suivre aveuglément. Séki pé faire ça péna boycott lor li, au contraire jour Noël capave alle faire li ene salaam et visité et faire échange bane cadeau pour zenfants.

 

Ça salaam là permette ; aller-vini péna problème. Et ou bane musulmans, ki prétendre être défenseur de l’Islam, ça ou toléré, ça bane là musulmans, et la porte pour alle faire Hajj ouvert pour ça bane qualité dimounes là ?!!!

 

Ena bane Mullahs, avec bél bél la barbe pour nannié, kot pé tolère ça bane kalité bidat (innovations) là dans l’Islam. Fou désordre partout, créer la haine dans lécoeur bane les autres frères et sœurs musulmans, juge la foi les zot, dire ki sanlà musulmans et ki sanlà pas musulmans, pas gagne droit alle faire Hajj ou sois boycott li, pas faire li salaam parski à cause li fine croire dans manifestation divine et dans l’arrivée d’ene messager, alors ça bane là fine vine infrékantable, pas capave frékante zot !

 

Mais bane ki pé faire fête Noël, sapin dans la caze avec so décoration, parent pé donne l’argent, pour acheter toute sorte kalité pétard pour sonné et ena même pé alle la messe minuit aussi, sans ki zot conné ki zot pé faire.

 

Mo addresse moi spécialement avec ça bane soi-disant chef et soi-disant Mullahs là.

 

Assizer ensemble, discuter couma pou faire tarbiyyat (l’éducation) de nous bane frères, sœurs, et jeunesses, et zenfants musulmans, pour faire zot comprend tous les l’années, li bizin vine ene MUST (obligatoire) deux mois avant Noël et l’année pour donne zot ene bon tarbiyyat lor là, pour ki ni ou pour responsable devant Allah, le jour ki ou pour présente ou devant Allah, et ou fine faire ou travail et en même temps ou fine gagne l’occasion pour donne ene bon tarbiyyat à tous frères, sœurs, jeunesses, et zenfants et ou fine faire ou devoir comme ene « Dai-Illallah » et ou fine amène zot lor le droit chemin, kot zot aussi zot fine sapé avec du feu de l’enfer et pas fine suivre le pas de Shaytane, couma Allah dire dans Quran Shariff : Shaytane clairement ene l’ennemi pour ou.

 

C’est nous devoir ça pour mette en pratique séki Allah et So Rassool (s.a.w) fine dire nous faire et c’est nous devoir aussi pour faire les autres respecter nous principe (religion). Et ça li possible kan ou même ou conne respecter ou propre principe Deen (religion), alors les autres aussi pou ena ene respect pour ou religion.

 

Mais, si ou même ou pas conne ou Deen et ou péna aucaine respect pour ou propre religion so l’enseignement, alors les autres, eski zot pour ena respect pour Deen-é-Islam ? Zot na pas pou ena respect nous religion l’Islam, et ni zot pour ena respect pou ou aussi.

 

Eski zot conné kot Jésus (a.s) fine né ? Eski ki vrai-même Jesus fine né le 25 Décembre ?

 

Le fait ki Jésus li le personnage centrale et l’âme même de la théologie Chrétienne li manifestement claire. Sans ene sorte de croyance dans so Chrétienneté dans n’importe ki façon ki bane théologiens (savants) capave définir li, la base même du christianisme pou complètement changer.

 

Dépi ça dernier deux milles ans là, des centaines de millions de Chrétiens fine soutenir zot croyance à travers zot la foi bien profond en la vie de Jésus.

 

Caractère miraculeux ki ti attribué à so naissance, bane z’histoires de bane miracles ki li ti faire, so bane face à face avec bane Romains, Israélites, et bane les autres dimounes, et finalement so crucification fine apporte bane ingrédients de base ki fine aide pou propulsé ça religion de l’occident là pas zis zordi mais à travers bane siècles avant.

 

Seulement, li bien étrange, et même ironique ki la plupart de bane évènements importants de so la vie fine toujours reste voilé dans le mystère. Eski li ti né d’ene maman vierge ? Kan eski li ti né ? Ki faire nous pas conne presque nannié de so la vie dépi so l’enfance ziska le moment ki li ti proclamé ki li ene Messager (d’Allah) ?

 

Pou commié létemps so devoir couma ene Messager fine durer ? Ki banes dimounes ki ti réellement responsable pou so crucification – Bane leaders Juifs ou bien bane Romains ?

 

Eski li ti vraiment mort pendant ça impé l’heure temps ki li ti reste lors la croix ou bien li ti seulement inconscient kan li ti libéré dépi la croix dans ene agitation pas normal ? Si ti ena ene résurrection, alors ki sanlà ti bane témoins occulaires, si ena ? Ki la signification de bane tâches de sang ki ti ena lors ça la toile ki ti temporairement enveloppé are li et ki maintenant li préservé dans Cathédral de Turin, en Italie ? Eski li ti quitte Palestine pour bane régions de l’Est pour accomplir so mission ki li ti vini pour bane tribus égaré d’Israël ? Ça et bane les autres questions et faits à propos de la vie de Jésus de Nazareth fine contigner reste ene challenge ki fine toujours évoke la curiosité de bane grand savants Chrétiens et non-Chrétiens.

 

Alors laisse nous commente brièvement lor zis ene aspé de so naissance. Dépi bien longtemps, bane Chrétiens fine célébré so l’anniversaire le 25 Décembre. Calendrier Chrétien faire nous assumé ki li ti né ça date là, près de 2000 ans de cela. De l’autre côté, bane savants Chrétiens jamais fine trouve la lumière à propos l’année ou la date de naissance de Jésus.

 

Bane savants dire ki péna aucaine preuve solide ki exister pou capave détermine date précis de la naissance de Jésus malgré ki astaire là la plupart de bane experts de la bible fine place so date de naissance 6 B.C (6 ans avant so supposé date de naissance).

 

La plupart de bane savants de la bible de nos jours pas nék zis conclure ki Jésus ti né 6 ans avant l’année ki ti supposément bien connu comme l’année de so naissance mais zot pas accepté aussi ça croyance ki bien populaire ki li ti né le 25 Décembre.

 

Ça pratique pou célébré Noël ça date là, ti commençé en réaction d’ene fête Romain, Saturnalia, pou célébrer la récolte ki marqué par le retour du soleil après l’hiver et ki à l’honneur de Saturne, le ‘dieu’ de la plantation. 

 

Après ki Christianisme fine vine la religion de l’état de l’Empire Romain, l’Empéreur Justinien fine faire Noël vine ene jour de congé civil et li fine défanne pou travail ça jour là. 

 

Depuis ça moment là, l’observance de Noël fine fermement établi, ki même Gouvernement Anglais ki ti faire de ça jour là ene jour normale, c’est-à-dire, li pas ti accorde ça jour là comme ene jour de congé (en l’an 1647), li ti bien forcé pou rétracte ça la loi là et li fine bizin ré-établir Noël sous bane préssions de bane dimounes, tellement ça fête là fine vine bien populaire.

 

Li distinctement claire ki bane croyances populaires concernant l’année et la date de naissance de Jésus zot totalement érroné (fausse) et ki bien différent de séki bane historiens, savants et bane experts Chrétiens fine découverts.

 

La question à posé c’est : Si ça même type de base imaginaire li entoure l’histoire de la « résurrection » (le retour de Jésus dépi léciel en so forme physique), eski li pas sakouye bane pilliers fondamentales de la théologie (croyance) Chrétienne couma l’atonement et la croyance dans Jésus comme étant le Sauveur ?

 

Maintenant concernant z’arbre Sapin ki bane Chrétiens métter dans zot la case, li pena ene source certain couma ça pié sapin là fine introduire dans la fête de Noël. Longtemps bane païens ti pé adore ça bane pié là, et doucement doucement bane dimounes à cause zot fine content ça pié là fine commence servi li et décore li à l’occasion de Noël, et zot fine illumine li. Nous bizin dire, ki li bien récent ki bane dimounes fine commence ça zaffaire pour prend ene sapin Noël et attribué li à la naissance de Jésus (a.s).

 

Ti ena même ene l’époque avant kot bane l’église ti pé condamne ça pratique pour prend ene pié et décore li pour Noël, dans l’époque longtemps, à cause de bane pratiques païens, kot zot ti pé adore ça bane pié là.

 

Fine même mentionné dans Ancien Testament, dans Jérémie, kot pé raconté ki Bondié fine condamne coupe ene pié et décore li, spécialement avec bane zaffaires ki brillé couma l’argent et l’or etc.

 

Mo pou lire ça verset de la Bible là pou zot. Alors Jérémie fine prévenir bane dimounes d’Israël à propos ki li défendu pou coupe ene pié et décore li :

 

Entende bien parole ki zot Seigneur pé dire zot, O la maison d’Israël: c’est ainsi ki zot Seigneur pé dire zot, pas copié bane façons d’agir de bane dimounes avant zot (ki pas croire), et pas découragé par bane signes ki vine du ciel; parski bane ki pas croire fine rejette ça bane signes ki vine du ciel (de Dieu). Alors bane coutumes de ça bane kalités dimounes là zot dans vide: parski ena ki coupe ene pié dépi la fôret, ki le travail ki vine de la main d’ene tel travailleur, ki avec ene hâche coupe ça pié là. Zot décore li avec l’argent et l’or; zot attache li avec clou et marteaux, pour ki li pas bougé… ça bane kalité dimounes là zot bane dimounes sauvages et ridicule : ça c’est en fait ene tas doctrines vaniteux (sans l’importance, sans valeur). (Jérémie 10:1-4, 8).

 

Astaire, anou guette séki Quran (Ch.19 Mariam) dire à propos façon ki Hazrat Issa (Jésus) fine né et circonstance de so naissance:

 

Douleur accouchement ti faire li alle vers tronc ene pied Tame (pas sapin), et li dire : « Mo souhaite la mort avant ça et qui dimoune oublier moi complètement. L’heure là-même, li tende ene la voix crier depuis en bas : « pas chagrin, to Maître fine déjà place côte toi ene la source et aussi secouer tronc pied tame là vers toi. To va faire bane tame frais et mûr tomber pour toi. Allah fine dire li : « manger et boire et rafraîchi to lizié ».

 

Ici, c’est Allah (Dieu), le Créateur de l’Univers, ki fine créer tout kitchose et même fine créer Jesus fils de Marie, et Li-même Li pé raconte nous comment la naissance de Jésus fine ena, et ça trouve dans Chapitre « Marie » (la maman de Jésus) même !

 

Alors, pour nous Musulmans Jamaat Ul Sahih Al Islam, ki nous point de view lor là ? Comme ene Sahih Al Islam, catégoriquement nous pas croire Jésus comme Garçon Bondié, ni Bondié et ki ni li pou révini physiquement du ciel pou contigne le travail de Hazrat Muhammad (s.a.w). Si vraiment bane les autres musulmans pé dire ki Jésus pou révini physiquement du ciel et en même temps zot pé célébrer Noël, alors tous les l’année 25 Décembre Jésus pé prend naissance, mais seulement li pas pé réussi grandi pou contigne le travail de Hazrat Muhammad (s.a.w), parski tous les l’année li pé réprend naissance, et dans Quran fine mentionner ki Hazrat Mariam, fine faire so l’accouchement enbas ene pié tame, et zot, zot fine bafoué l’enseignement séki ena dans Quran kot zot pé mette ene pié Sapin et ena pé participe dans la messe minuit, parski Jesus fine prend naissance.

 

Si ou ene vrai musulman ki sincère envers le Tauhid (l’unicité d’Allah), eski ou pou célébrer Noël et ou pou mette pié Sapin et so bane décorations dans ou la case ?

 

Azordi nous bane musulmans pé faire face ene tel situation, kot le monde Non-Musulmans pé guette nous avec ene lizié de méfiance, et dans plusieurs pays, bane musulmans pé être attaqué, physiquement ou physcologiquement, et pé blâme bane musulmans comme terroristes. Eski astaire là nous pou faire pareil couma ça bane dimounes là et participe dans zot bane croyances fausses, ki même bane versets bibliques couma mo fine cité en haut pé condamne zot actions ?

 

Alors Noël faudé pas vine ene la joie pour bane Musulmans, mais au contraire zot bizin plisse attacher avec bane l’enseignements Islamique, pour ki zot pas tombe dans ça bane innovations ki fine inventer par l’esprit de l’homme, kot la Noël li même pas ene fête catholique, ou christianisme et surtout pas Islamique !

 

Ça fête là fine prend naissance dans bane pratiques d’incroyance et de l’ignorance, alors couma bane ki dire ki zot croire dans Jésus pé offense so la venue par invente ene zistoire à propos so naissance ki pas vrai.

 

Alors, mo faire ene l’appel spéciale à tous groupe musulmans que soit zot divergences, et surtout bane grand défenseurs du Khilafat du Mouvement Ahmadiyya, et mo attire l’attention du Calife du Mouvement Ahmadiyya (parski mo conné Khalifa pas Alimoul Ghaib), et bane les autres Ahmadi de bane les autres pays lor là, couma bane Ahmadi de Maurice célébrer Noël, réveillon, sonne pétard, et fête l’année.  Alors réfléchi lor tous ça bane questions là, afin ki la vérité triomphé dans tous ça bane fausses croyances ki fine pénétrer dans le Christianisme à travers le temps, kot astaire là, li pé influence négativement toute la communauté musulmane et bane les autres communautés, et partout zot pé faire ça ene fête nationale, grandiose, sans ki zot conne so réalité.

 

Alors nous faire duah ki Allah sauve nous de ça bane kalité innovations fausse là, et sauve nous bane zenfants aussi de telles croyances ! Ameen.