Text Box: بسم الله الرحمن الرحيم KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 26 Juin 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là: CH. 17 BANI ISRAEL V.32  Wa laa taqtuluuu awlaadakum khashayata ‘imlaaq: Nahnu narzuquhum wa ‘iyyaakum. Inna qatlahum kaana khit-‘ankabiiraa. « Pas touye ou zenfant, par peur de pauvreté. Nous pou donne zotte provision pareil couma Nous donne ou. Touye zot, ça ène grand péché. » (17:32) Alhamdolillah, par la grâce d’Allah, mo pé contigne mo Khutba Jummah ki mo ti faire Vendredi passé (le 19 Juin 2009). Ki l’enseignement de l’Islam fine enseigne nous concernant ene maman so la vie en danger, ki bizin faire pour sauve la vie maman là ? Si ene médecin concencieux fine trouvé si ene madame enceinte so la vie en danger et si so période de grossesse continué et avant quatre mois, alors dans ça circonstance exceptionel là madame là capave ena recours à l’avortement. Si arrivé aussi, ene madame enceinte so grossesse capave cause ene maladie dangereuse d’après ene médecin alors pour mettre en danger la vie ça madame là et cela avant quatre mois alors à ce moment là capave ena recours à l’avortement. Pense bien ki l’avortement faire sans aucaine raison valable ou l’avis du médecin, li amène beaucoup complication dans la santé ene madame ki avorté. Celui ki alle vers l’avortement c’est li pé alle joué avec so la vie. Li pé alle mette so la santé en jeu. Si la santé péna, ki valeur la vie ena ? Ene parmi bane conseil ki le Prophète Muhammad (saw) fine donne à so Ummah, c’est profite ou la santé avant ki la maladie atteindre ou, faire maximum Ibaadat tant ki ou en bonne santé. La santé li précieux. Maintenant si ou même ou alle détruire ou la santé. Ki sanlà responsable ? L’avortement capave cause problème lé rein. Et ou conné ene problème lé rein ki été ça ? Et à Maurice ces dernier temps beaucoup dimoune souffert problème lé rein. L’avortement capave cause pas gagne zenfant. Ki manière ? Séki la personne concerné pas capave alle jusqu’à la fin so période de grossesse. Ti baba là pas resté, li allé, li faire perte. L’avortement cause beaucoup du tort dans ou lé corps. Si seulement ou ti trouve ki kantité fracas ça kitchose là capave causer ? L’avortement légal ou illégal c’est l’avortement. Le nombre de mort à Maurice à la suite de l’avortement est très élévé. Bane complication ki développer après ene l’action de l’avortement dans beaucoup de cas c’est ene la mort certaine. Pas croire ki kan légalize l’avortement le taux de mortalité pour diminuer. Le risque reste pareil. Dans le monde chaque année par millier et des milliers madames mort à la suite de l’avortement. L’avortement pas ene solution pour sex en dehors mariage (l’Adultère). Si pé légalize avortement c’est pé encourage sex libre. Mais bien au contraire la loi Islamique bien sévère envers ça question l’adultère là. L’Islam condamne l’acte-là même. L’Islam alle à l’origine de ça mal là. Si l’adultère pas trouve so chemin dans ene société alors la question de zenfant né après ça l’acte là pas posé. Après l’adultère si ene zenfant pé né, l’Islam pas préconise l’avortement car ça c’est ene solution temporaire l’Islam condamne le racine de ça mal là. Bizin laisse zenfant prend naissance mais puni bane coupable de ça bane mauvaise action ki ça deux coupable là fine commette. Dans ça situation là, ça zenfant là, li ene innocent, li pas responsable mauvais action de ça bane coupable là fine commette. Si ena recours à l’avortement séki indirectement nous pé légalize l’adultère. A ce moment là couma pour appelle ça société kot moralité fine disparaite et dimoune pé vivre couma zanimaux. L’Islam fine condamne l’adultère et Allah fine dire dans Quran Shariff ki l’adultère c’est ene grand péché et so punition devant Allah bien grave. Là kot ou trouvé ki l’Islam ene grand religion, kot fine condamne l’adultère. Allah conne très bien ki l’homme li faible et surtout lors ça sujet là. Alors Allah fine ordonne bane z’hommes pour marier plisse ki ene madame, d’après zot capacité zot moyen pour traite zot tous égale, coumsa Allah pas oulé bane dimoune ki trouve dans So religion (l’Islam) ki Li même fine parfaire et fine donne ça religion là (l’Islam) so nom li-même, Allah (swt) pas oulé ki bane dimounes ki trouve dans So religion (l’Islam) commette l’Adultère. C’est pour ça raison là ene travail plus propre, honnête et sans péché, Allah (swt) fine donne l’ordre bane croyants pour marier pliss ki ene madame (li faire Nikah avec so 2ème, 3ème et 4ème) ça licite (halal) dans lizié d’Allah. Allah même donne ça l’instruction là dans Quran Shariff dans Surah An-Nisah Chapitre 4 Verset 4 : Kot Allah dire :  « Maa taaba lakum - minan - nisaaa - i. Masnaa wa sulaasa wa rubaa. » – Marier deux, trois ou quatre femmes ki faire ou plaisir.  Kan ou lire le Saint Coran, ou conne valeur parole Allah et So commandement. Quand Allah (swt) empêche ene mauvais kitchose et dire ki ça ene grand péché, toute suite nous Allah remplace ene bon kitchose dans ça mauvais kitchose là. Pour So (Allah) bane bon serviteurs Allah (swt) pas oulé ki So bane serviteurs sincère ou So bane prophètes tombe dans péché, faire le mal, pour pas commette l’adultère Allah ordonne So serviteurs croyants, So prophète pour faire Nikah, plisse ki ene madame. Li pli propre devant lizié d’Allah. Allah (swt) fine remplace ene grand péché par ene bonne action, ene action noble ki faire Allah (swt) plaisir et kot ça li gagne bane grand récompense de côté d’Allah. Dans Allah So guidance pour So bane serviteurs, c’est ene vrai guide couma fine mentioner dans Quran Shareef :  « Inna hudallaahi hu’wal hudaa » - Guide Allah, c’est ça le vrai guide. Nous Créateur (Allah Tabaarak Wa Ta’ala) oulé diminuer nous punition et pas faire kitchose ki haraam (ki faire péché) parski Allah (swt) conne très bien ki :  « Wa Khuliqal insaanu Zaiifa » - Dimoune fine créé faible. Si l’homme obéir séki Allah (swt) fine dire dans Quran Shareef et li mette en pratique, li pas pour commette l’adultère ni faire l’avortement et ni li fine commette ene grand péché, devant lizié d’Allah. Au contraire Allah (swt) pour content, pour trouve So bane croyants fine mette en pratique So commandement ki légal et pour ça Allah (swt) pour récompense li pour so bane bonne action. L’avortement, c’est ene crime, mais li malheureux de nos jours pour trouve bane docteur ki pratique l’avortement clandestinement. Nous bizin conné kan Allah (swt) fine condamne l’avortement, séki nous bane musulmans faudé pas nous encourage ça, ni nous pratique li. Pense bien l’avortement c’est ene crime et tous dimoune ki donne coup de main directement ou indirectement pour commette ene crime, li coupable. Pratique l’avortement en cachiette par certain docteurs, li pas bon du tout. Nous bizin ena ene conscience. Pas tous bane kitchose ki ou faire pour gagne l’argent ki bon. Ena l’argent ou gagne li honnêtement mais ena nous gagne li lors douleur les autres. Ki courage ça bane kalité docteurs là ena pour prend ça bane kalité l’argent haraam là kot pé faire ene CRIME. Ou accomplir ene crime et ou prend l’argent lor ou victime. Jusqu’à ki niveau ou capave abaisse ou. Selon rapport de l’OMS des millions pratique l’avortement annuellement. Mo rappelle nous bane frères musulmans ki pé exerce dans la médecine, ki pas jette zot dans ça business ki appelle l’avortement là. Pas oublier ki avant ki ou vine ene medecin ou ene musulman. Devoir ene croyant lor ça la terre là c’est ordonne le bien et empêche le mal. Comme ene Muhyi-ud-Din Khalifatullah, mo pas capave encourage dimoune pour faire le mal. Avec connaissance de cause ou conné ou pé joué avec la vie ça dimoune là et ou pé faire li souffert. Tout ça là à cause quelques roupie. Faire attention, faudé pas nous laisse nous Iman (la foi) bougé à cause richesse de ça dounya (lé monde) là. Mo faire ene l’appelle à mo bane frères médecins musulmans si jamais ena par ignorance (de la religion) ti pé pratique ça kitchose là, alors fine l’heure pour faire Tawbah (repentir) avec Allah (swt) et arrête ça kitchose là, avant ki trop tard. Maintenant ena ene question concernant bane madame ki pas gagne zenfant (stérile). De côté la médecine fine ena plusieurs raisons ki fine mette de l’avant pour prouvé ki faire ene madame li stérile ou bien même ene homme. Toujours de côté de la médecine beaucoup zeffort fine faire mais cela pas fine donne résultat ki attend. Allah donne zenfant à ki Li oulé. Mais la médecine fine alle un peu trop loin lor la question de stérilité là. L’Islam pas contre la médecine mais pas n’importe à quel point. Lor là question de stérilité, la médecine fine trouve le moyen pas islamique pour faire ene madame stérile porte ene zenfant. La médecine fine invente prend sperme ene l’autre dimoune (ene donneur) et place li dans le corps ene madame stérile et ainsi madame là pour vine enceinte. Ça méthode là li pas permette dans l’Islam, parce ki sperme ene étranger ki péna aucaine lieu de mariage avec ça madame là ki pé pénétrer dans le corps madame là. L’Islam pas permette la banque sperme. D’ailleurs moyen ki servi pour gagne ça sperme là, li pas islamique. Ene musulman péna droit être ene donneur dans ene telle la banque ni prend aussi. Ça kalité travail là en li-même li Haraam. Ça aussi li pas permette si ene musulman garde so sperme dans ene la banque sperme et après so la mort li dire servi so propre sperme pour faire so madame enceinte alors li pas permette. Couma Allah (swt) dire dans Quran (Chapitre 20 Verset 128) :  « Wa la’ azaabul-Aakhirati ashaddu wa abqaa » - Et sans doute, punition dans la vie future pour plus sévère et plus dure. Pense bien lors ça Verset Quran là et ça punition sévère et plus dure dans la vie après la mort. C’est pour ça ki Allah (swt) dans Quran Shariff fine dire :  « Wa laa taqrabuz-zinaaa innahuu kaana faahishah : wa saaa-a sabiilaa. » Pas approche avec l’adultère, ça ene zaffaire ki donne la honte. Qui mauvais chemin ça. (17:33) Dans ça verset là-même li claire kot Allah pé donne ou ene l’instruction, ene conseil divine ki pas approche avec l’adultère. Nous tous conné ça si ou approche avec l’adultère et la femme ki fine offert li librement tombe enceinte, li gagne tracas et ou gagne tracas ou aussi et ça même ki Allah (swt) dire dans ça verset là «  ki ça donne la honte ». Alors ki solution ki zot trouver ena c’est ki zot alle faire l’avortement, dépense l’argent, madame là mette so la santé en danger, et aussi kot zot pé faire ene CRIME. C’est pour ça ki Allah (swt) dire dans Quran Shariff :  « Pas tire la vie ki Allah fine rendre sacré. » Pense bien lors là, Allah fine explique nous en longueur dans le Quran Shariff, afin ki sakaine parmi nous réfléchi. Ena mari pé accepter ki zot femme servi sperme les autres hommes pour li tombe enceinte, sans ki li réaliser ça aussi ene act d’adultère, ou pé prend sperme ene l’autre z’homme dans la banque sperme, pour faire ça sperme d’ene z’homme étranger pénétrer dans le corps ou madame, kot péna aucaine lieu de mariage. Couma ene mari capave accepter ça et même couma ça madame là aussi capave accepter sperme d’ene étranger. Li pas permette dans l’Islam ditout, li pas Islamique, li Haraam et ou pensé ki ou pas pé commettre l’adultère, mais en vrai dire ou pé commette l’adultère. Li totalement Haraam (illicite). C’est li pas ene la honte ça si ou péna zenfant. Là ou alle trouve valeur Quran Shariff. Li pas seulement empêche ou pour faire ça et dire ou ki l’adultère ene grand péché, mais Allah donne ou la meilleure solution pour ene homme, ki pli propre devant lizié d’Allah et péna aucaine péché séki li faire ene l’autre Nikah sans ki li divorce so premier madame (si ça premier madame là li stérile – kot li pas capave gagne ene zenfant). Et maintenant c’est dans la nature d’ene madame ça pour li ena ene zenfant. Ça pas veut dire ki alle banque de sperme, prend sperme ene étranger pénétrer dans le corps femme là. Là aussi li ridicule, parceki ou pas ene papa biologique. Ça aussi Allah fine donne so solution pure et propre dans Quran Shariff et nous Aka Hazrat Muhammad (saw) aussi ti ene l’example pour ça. Ene z’homme ki pas pé produire la quantité de spermatozoïdes, définitivement so madame pas pou enceinte, so analyse de spermatozoïdes li low (tiguitte), à cause ça li accepter pour pénétrer sperme ene étranger dans le corps so femme et li satisfait avec ça, avec ça sperme là madame là tombe enceinte. Li pas réfléchi ki même zenfant là prend naissance li pas le papa biologique. Au lieu faire ene travail malpropre coumsa, et aussi devant lizié d’Allah, Li Haraam et ene péché ; pour tous problème Allah et So Rassool fine donne la solution. Alors cherche ene zenfant rejeté ou orphelin, adopter li, occupe li couma ou propre zenfant, donne li so l’éducation Deen, académique, et amène li dans le droit chemin. Ça action là ena plisse valeur dans lizié Allah et so récompense devant ou Créateur li énorme. Lire ça deux versets dans Quran Shariff là, Surah As-Shura V.50-51. Réfléchi lors là, ou pas pou capave objecter avec le décret d’Allah. Si Allah fine décréte ça coumsa, accepter li avec contentement et satisfaction. Dans ça deux versets là, Allah (swt) dire:  « Li donne ti fille à ce ki Li ouler, et garçon à ce ki Li ouler, ou bien Li jumeler garçon et fille. Li rende stérile ce qui Li ouler. C’est Li ki conne tout et ena pouvoir lors tout. » Allah fine fini réconforte ou kan Li (Allah) dire c’est « Li ki conne tout ». Alors Allah conne très bien aussi pour ki raison Li rende stérile ce ki Li ouler. Alors ou capave alle contre le décret d’Allah ou ? Et si faire ene tel travail malpropre ki Allah pas fine permettre, pense bien So consékances dans l’avenir, kitfois l’heure là ou pou dire plito mo pas ti gagne ça kalité zenfant là, ou la vie vine ene l’enfer et devant lizié d’Allah ou fine commette ene péché grave et so punition pour dure et sévère. Qui Allah aide sakaine parmi nous pour nous pas rentre dans ça piège de Shaytaan là. Ameen.