Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 26 Septembre 2008 RAMADHAN 2008 (Résumé du Khutba Jummah de plus de 1½ hrs) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire le Chapitre 97: Al-Qadr (La Nuit du Destin - Ene la Nuit qui laisse apercevoir le Pouvoir et la Majesté d’Allah Ta’ala) Bismillah-ir-Rahman-ir-Rahim 2. Innaaa ‘anzalnaahu fii Lailatil Qadr 3. Wa maaa adraaka maa Lailatul Qadr? 4. Lailatul Qadri khayrum min alfi Shahr. 5. Tanazzalul malaa-ikatiu war Ruuhu Fiihaa bi-izni Rabbihim min kulli amr’ 6. Salaamun Hiya hatta matla-‘il Fajr! Traduction: 2. En effet Nous fine révèle ça message là dans la Nuit de Pouvoir et de Majesté. 3. Et ki capave dire toi ki été la Nuit du Qadr? 4. La Nuit du Qadr li supérieur à ene milliers de mois. 5. Bane anges dessane ainsi ki l’Esprit (Ange Jibreel) pendant ça la Nuit là avec permission de zot Seigneur (et Créateur) et zot apporte le Message partout. 6. La paix partout: li persister ziska le lever du soleil. Sujet ki détayer dans sa surah là c’est la nuit extraordinaire ki laisse apercevoir la Majesté et le Pouvoir d’Allah; kot la Lumière de la Révélation fine dessane lors ene le monde plonzé dans l’obscurité. Ça le monde là aussi capave signifié lémonde spirituel ki encré dans le coeur de sak dimoune dans ene façon extraordinaire et ça la Lumière là li transforme confli entre le bien et le mal et la tendance pour faire le mal et li transforme ça en Paix et Harmonie - par intermédiaire de l’Ange Jibreel ki représente bane pouvoirs spirituels de la Grâce d’Allah. La Nuit du destin li certainement béni kan la grâce de la Révélation d’Allah brille à travers li et li chasse l’obscurité ki enveloppe l’âme de l’homme! Tous bane puissances ki trouve dans le monde d’Allah, kan Allah commande zot, zot tous presser pou rempli zot devoir et pou alle transmettre ça message extra exceptionnelle là et ki rempli avec la grâce d’Allah, dans bane coins et recoins du cœur de l’homme afin pou béni ça le cœur là avec ça la Lumière là. Alors tous bane disputes et bane la guerres arrêter et le cœur aussi trouve so trankilité et li vine complètement attaché avec so Seigneur et Créateur. Et kan la conscience de l’homme retrouve so trankilité et li regagne ene satisfaction spirituel, alors ça la nuit là laisse place à ene jour glorieux et ene le monde ki zamais mort; c-à-d, kot ça le monde spirituel là gagne ene la vie éternelle rempli de la paix et la satisfaction ki li recevoir d’Allah (swt). Quand nous analyse le premier verset après “Bismillah-ir-Rahman-ir-Rahim”, Allah (swt) dire: V.2: “ En effet Nous fine révèle ça message là dans la Nuit de Pouvoir et de Majesté”. Allah fine envoye le Quran-é-Majeed pendant le mois de Ramzane et Li [avec So bane anges] fine faire dessane ça livre sacré là pour l’humanité pendant ça la nuit ki caractérise So Pouvoir et So majesté Infini.. Ena beaucoup savant et commentataires fine déjà rode explik ça la nuit spéciale là et zot fine même essaye situé li dans ene calendrier mais zot pas sure de zot supposition. Ena bane lezot dire ki ça la nuit là trouve dans 10 dernier jours Ramzane et ki c’est devoir tous musulman pour alle rode ça Lumière divine là pendant ça bane jours là et certain savants fine suggéré ki li capave le 23ème, 25ème ou 27ème la nuit comme étant probable pour ça la nuit spéciale là. Mais ça la nuit de Qadr (Pouvoir et Majesté) là li métaforique aussi. Allah dans bane périodes de noirté, de l’obscurité, Li avoye quelqu’un pour illumine ça le monde là avec So la Lumière Eternel. Ça la Lumière là li briller dans sak le cœur ki assoiffé de ça la Lumière là et ki kan li apparaite, zot gagne ça bane bénédictions là pour forme partie de ça la Lumière là kot zot même Allah éclaire zot avec So Lumière et ensam avec ça messager là zot alle invite dimounes vers la source de l’existence, c-à-d, Allah et ça bane dimounes là tellement zot attacher avec la Vérité et zot ena ene désir pour faire ça Lumière là briller partout, ki zot sacrifié zot la vie pour le plaisir d’Allah afin ki ça message là, ça Lumière de la Révélation Divine là pénétré dans sak le cœur. Et kan dimounes prend conscience ki zot Maître Li ene sel et ki zot bizin adore selment Li-tousel, alors ça Lumière là pour intensifié (c-à-d, pou vine pli fort) ziska ki Allah décider. L’homme li ene créature faible. Après ene période de Lumière; c’est d’ordinaire li-même ki remette li dans noirté et kan li laisse l’obscurité pénétré so le cœur, alors tout l’univers perdi so Lumière et plongé dans noirté. La Nuit du Qadr li ene la nuit ki Allah fine choisir pou faire dessane le Message Universel de l’Islam dans sak le cœur et ça message là fine révélé à So Bien-Aimé Prophète Mohammad (s.a.w). Comme le Quran li ene livre pour tous les temps, Nu bizin expecte ki chaque Chapitre, chaque versets, chaque mot pou reste vivant ziska le Jour du Jugement. La nuit du Qadr kot Allah dessane So la Lumière et ça la Lumière là c’est la Lumière de la Révélation kot Allah Li élève So serviteur, ene Messager ki Li fine choisir pou faire dessane ça la Lumière là lors li. A chaque fois ki le monde pou plonger dans bane ténèbres (l’obscurité) et ki dimounes fine oublier Allah, Allah de par So grâce ki Li ena, Li pou faire dessane à sak l’époque bane messagers pou faire revivre l’enseignement divines de toutes religions. Le Quran est la preuve vivant ki Li englobe tous religions et ki l’Islam li la culmination de tous bane religions d’avant – c-à-d, l’Islam comme le dernier religion pour l’humanité li englobe tous bane l’enseignements fondamentales de bane religions d’avant, ki zot aussi ti pé prêche la soumission totale à ene Dieu unique au commencement. Kan ça messager là apparaitre, Allah envoye la Lumière de la révélation lors li à travers Hazrat Jibreel (l’Ange Jibreel) – a.s – et d’autres anges de la révélation pour ki Allah So Messager capave transmettre ça Lumière de connaissances divines là à tous bane dimounes; à tout l’humanité. Aussi le mois de Ramzane li ene mois kot l’homme li apprane contrôle so côté animal. Dans ça mois là, li abstenir li-même de ceki d’habitude halal (permette) pour li, mais ki dans ça mois là vine haraam pou li. Dans ça mois sacré là li lire et li analyse le Quran, li lire so Namaz pli régulièrement et li commence prend goût dans so Ibaadat (la prières). Dans ça mois là li rode vine pli près avec Allah parceki li conné ki récompense de ça mois de sacrifice là li vaut plisse ki tous bane les autres mois. Et arrive ensuite bane jours de “Laila-tul-Qadr” (dans bane 10 derniers jours de Ramzane) kot li consacrer li plisse ki avant afin ki li réussi gagne bénédictions de ça la nuit ki fine décrété par Allah, kot Allah envoye So la Lumière lors celui ki proche de Lui, celui ki pas capave sans passe so Seigneur, so Bien-Aimé Allah, Tabaarak wa Ta’ala. La Lumière ki ça dimoune là recevoir c’est aussi la Lumière de la Grâce d’Allah kot Allah dévoile li (ça dimoune là), la Lumière de So secret. Kan ça dimoune là recevoir ça Lumière spéciale là, so l’attachement avec Allah pli augmenté et par conséquent Allah doubler, voir même triblé bane épreuves lors li afin pou tester sincérité ki ça dimoune là ena lors Allah; pou guetter si vraimême bane zaffaires ki Li fine témoigner pour Allah li véridique ou soit li ti nek lors la lèvres. Kan ça dimoune là trouve ça la Lumière là, li apprécié ene satisfaction infini ki vine de la part d’Allah et Allah manifester So multiple (plusieurs) attributs lors li kan ça dimoune là reste ferme avec Li (Allah). Et alors ene la paix extraordinaire envahir ça dimoune là et arrive séki arrive, li pou obéir Allah et voir même, li pou prêt pou sacrifier so la vie entier pour So Maître, So Camarade, So Bien-Aimé Allah. La Nuit du Décret dans l’époque d’ene Messager d’Allah, c’est aussi tous bane l’année de so la vie ki li passé pour repandre le Message d’Allah, avec l’aide d’Allah. Zamais Allah, kan Li fine élève ene Messager ou kan Li pou élève ene Messager, arrive séki arrive Allah zamais pou abandonne ça Messager là. Li accompagne li (So Messager) tout au long de so la vie et révèle li So bane Merveilles extraordinaires. La vie du Messager d’Allah même li ene “Laila-tul-Qadr” kot tous séki accepter li, zot gagne ça bénédiction là et ça duré aussi longtemps ki zot autour du Messager d’Allah et ki zot réforme zot pour le Meilleur afin pour mieux servi Allah et So Messager et la religion de L’Islam. L’humanité li appeler à adore ene sel Dieu. Celui ki réussi gagne bénédiction de ça la nuit du Décret, la nuit de Pouvoir et de la Majesté d’Allah, alors li vraiment ene dimoune honoré kot so salut li trouve dans la Main d’Allah et kot Allah (swt) Li-même manifester Li-même dans ça dimoune là et montrer li bane signes ki vine de côté d’Allah afin ki ça dimoune là so Iman (la foi) capave augmenter et par consékan li accepter le décret d’Allah. Le Décret kot à sak fois ki l’obscurité pour envahir l’humanité, Li (Allah) pour envoye ene dimoune de parmi le peuple de la terre et pou enseigne li par l’intermédiaire de So bane anges de révélations afin ki li (ça messager là) illumine ça le monde là avec la Lumière d’ene soleil éternel – La Lumière de Imaan – La Lumière de L’Unicité d’Allah. V.3&4: “Et ki capave dire toi ki été la Nuit du Qadr? La Nuit du Qadr li supérieur à ene milliers de mois.” “Ene milliers” – bizin considère ça comme ene très longue période de temps. C’est pas tous les jours dans l’existence de l’homme ki li témoigne l’arrivée d’ene Messager de Dieu ki vini avec la Lumière de la révélation. Allah envoye So Lumière kan le monde basculer dans l’obscurité. Kan ene Messager vini, ene période létemps passer – li capave courte ou longue – après so la mort kot Allah élève d’autres Messagers dans bane les autres périodes d’obscurité ki pou vini après pour ki l’homme gagne à chaque fois ça avertissement et ça bonheur là afin ki li quitte le mauvais chemin et li suive le droit chemin. Alors l’homme bizin rode tous l’occasion afin ki li purifié li-même parceki kan bane signes vine claires et kot zot (bane signes là) démontrer ki le monde fine plonger dans l’obscurité kot ena l’immoralité et toutes sortes de crimes partout. Alors l’homme bizin prêt pou accepter ça dimoune ki dire li vine de côté d’Allah là et prend le baiat (serment d’allégeance) dans so la main. Ça l’époque là li supérieur à tous bane l’époque ordinaires (kot aucaine Messager pas fine paraitre). Ça l’époque de bénédictions là li doublé, et même triblé en bénédictions kan Allah envoye pas seulement ene sel Prophète mais envoye 2, 3, et même 4 prophètes pou faire revivre le monde mort de la spiritualité. C’est pour ça ki l’époque kot Allah envoye 1, 2, 3, 4 ou même plusieurs messagers dans ene l’espace létemps consécutive; c-à-dire, en présence de So Prophète Choisi, Li éleve ene lotte prophète ou après so la mort li éleve ene lotte prophète ki contigne la souveraineté de ça période de Lumière là. Alors ça bane l’époques là vine bane vrai “Laila-tul-Qadr” kot l’obscurité disparaîte pour laisse place à la Lumière de la volonté d’Allah. V.5&6: “Bane anges dessane ainsi ki l’Esprit (Ange Jibreel) pendant ça la Nuit là avec permission de zot Seigneur (et Créateur) et zot apporte le Message partout. La paix partout: li persister ziska le lever du soleil.” Dans ene perspective, la gloire de ça la nuit là c’est kot le croyant li réussi gagne la Lumière d’Allah ki pénétré dans li et kot li approfondir li-même plisse dans la vie spirituelle et li délaisse bane kitchoses négative de ça le monde là. C’est à travers ça Inspiration là ki l’âme gagne de la part d’Allah l’accès à ene la vie pli spirituelle et li ouvert li-même complètement à Allah et kot Allah Li aussi Li ouvert Li-même à So serviteur. Le serviteur li trouve Allah à travers so propre espérance. Couma li imagine Allah c’est dans ça façon là ki Allah pou manifester Li à ça dimoune là. Ene tel nœud solide consolide l’attachement ki ça croyant là ena envers Allah et ki Allah ena envers li. Kan le croyant li soumette li complètement à Allah, Allah transforme so la vie en ene clarté de jour spéciale kot tous so bane difficultés disparaitre et kot seulement ça la paix là apparaitre comme ene témoignage de la Présence d’Allah (swt) auprès de ça dimoune croyant là. La Nuit de Qadr (du destin) li aussi ça la nuite kot bane anges dessane ensam avec le Ruh-il-Qouddous (L’Ange Jibreel), le Chef parmi bane anges de la Révélation afin pour parfaire le Messager d’Allah avec la parole de so Seigneur. Bane anges dessane lors le Serviteur Choisi d’Allah comme ene bénédiction et Miséricorde d’Allah. Ça moment exceptionnelle là li couma le lever du soleil; kot l’obscurité pé disparaîte afin ki la Lumière d’Allah briller dans quatre coins du monde et dans chaque coins le cœur bane croyants ki fine témoigne de la Manifestation d’Allah. Allah nu Seigneur li ene Allah Généreux. Zamais Li pou laisse So bane “Banda” (serviteurs) longtemps dans noirté à moins ki ça bane dimounes là même mette zot-même dans noirté. Chaque fois ki le Quran pou piétiné par dimounes ignorants; Allah pou manifester ene tel splendeur dans la noirté de l’existence afin ki dans sak l’époque, la terre, l’univers en entier témoigne de l’arrivée de So Lumière exceptionnelle ki pou parfaire ça lémonde là de la Lumière d’Allah, de la Lumière du Quran – de la beauté de l’Islam et de la splendeur du Saint Prophète Muhammad (s.a.w). A sak fois ki l’humanité pour en danger, Allah pou à sak fois élève de parmi bane dimounes de la terre, ene de zot propre frère pour ramène l’Unicité d’Allah dans le cœur. C’est ça la lumière ki apparaître dans la nuit noir du destin, kot le destin ki Allah fine décrété pour So bane serviteurs, c’est ki zot gagne ene Imaan (la foi) sincère en Li et So bane Messagers. Et à sak fois ki ça bane Lumière là pou paraîte lors la terre, zot l’existence en entier lors ça la terre là pou à chaque instant, ene moment de “Laila-tul-Qadr”, kot Allah manifester Li en personne et envoye par milliers So bane bénédictions en forme de révélations divines qui Li envoyé lors So Serviteur(s) Choisi. Qui Allah guide nous tout le temps lors le droit chemin et ki nous faire de nous la vie quotidien ene moment de “Laila-tul-Qadr”. Insha-Allah. Ameen. *** *** *** ***