بسم الله الرحمن الرحيم

 

KHUTBA JUMMAH

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

29 Mai 2009

 

(Résumé du Khutba Jummah)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:

 

 

Wa ‘adallaa-hullaziina ‘aamanuu minkum wa ‘amilus-saalihaati layastakh-lifanna-hum fil-‘arzi kamastakh lafal laziina min qablihim : wa la-yumakkinanna lahum diinahumullazir-tazaa lahum wa layubaddi-lannahum mim ba’di khawfihim amnaa : ya’-buduunanii laa yushrikuuna bii shay-‘aa. Wa man kafara ba’-da zaalika fa’ulaaa-ika humul faasiquun.

 

Allah fine promette bane parmi ou ki ena la foi et ki faire le bien, ki Li pou place zot lor la terre comme So GÉRANTS, couma Li ti faire avec bane ki ti vine avant zot; et ki Li va renforci zot religion ki Li fine content donne zot, et ki Li va transforme zot crainte en sécurité. “Zot adore Moi et pas associer nannié avec Moi.” Bane ki refuse gagne la foi après ça, zot vraiment suive chemin travers. (Chapitre 24 Verset 56)

 

Ça verset ki mo fine fék récité devant zot aujourd’hui li connu comme « Verset Istikhlâf », et li forme la baze du concepte du Quran Shareef concernant le Khilafat Islamique, et li inclure Khilafat ki vine de côté d’Allah (c’est-à-dire, Khalifatullah).

 

Ene Khalifatullah li gouverné parmi bane dimounes par séki Allah Tabaarak Wa Ta’ala fine révèle li, et li pas suive ça bane dimounes là zot Nafs (Zot désires extravagant ; zot égo). Le Khalifatullah li bizin prend so précaution attention ki l’ennemi embête li lor ene partie de bane révélations ki Allah déssane lor li.

 

Maintenant mo pou cite devant zot ene Hadith de Musnad Ahmad bin Hanbal ki fine prophétize deux périodes de Khilâfat (tous les deux bazé selon bane préceptes de Nabuwwat).

 

Hazrat Huzaifa (ra) fine rapporter ki le Messager d’Allah (saw) fine dire : « Nabuwwat pou reste parmi zot aussi longtemps ki Allah oulé. Après ça Khilâfat bazé lor précepte de Nabuwwat pou commencer, et pou rester aussi longtemps ki Allah oulé. Après ene monarchie corrompu pou prend place, et pou rester aussi longtemps ki Allah oulé. Après ça, pou ena règne de bane lérois tyrannique, et li pou rester aussi longtemps ki Allah oulé. Après Khilâfat pou ré-vini encore, ki pou bazé lor précepte de Nabuwwat. »

 

Dans ça Hadith là, premier période de Khilâfat li accepté par la plupart de bane Musulmans comme étant bane « Râshidûn ». Période après Hazrat Massih Ma’oud (as), ti ena bane Khalifatul-Massih, ene Khilâfat ki le Jamaat Ahmadiyya fine élire ki ti pou mette en action bane injonctions (du Quran et le Sunnah du Saint Prophète (saw)) du Jamaat Ahmadiyya, et ça fine rester aussi longtemps ki Allah fine oulé. Après ça, la corruption fine prend place et bane l’enseignements de l’Islam et celui de Hazrat Massih Ma’oud (as) fine piétiner en poussière, et bane Ahmadis fine donne Khilâfat plisse l’importance ki Quran, Sunnah et bane l’enseignements de Hazrat Massih Ma’oud (as). Et spécialement kan zot fine dire ki « Khilafat nous la vie », Allah fine enlève So la Lumière Divine, et So faveur de zot, et fine élève moi, So humble serviteur comme So Khalifa (Le Khalifatullah). Par la grâce d’Allah, mo pas fine élire par la main de l’homme, mais c’est Allah ki fine choisir So bien-aimé serviteur pour continuer travail de Hazrat Muhammad (saw) et Hazrat Massih Ma‘oud (as). L’arrivée d’ene Khalifatullah li bazé lor préceptes de Nabuwwat. Li bien important pour noter ki Nabuwwat li choisir par Allah, et non pas par l’homme, et ça dimoune choisi d’Allah là li travail seulement en accord avec bane instructions ki so Créateur donne li, et li recevoir bane inspirations, bane révélations et bane instructions ki vine d’Allah Tabaarak Wa Ta’ala. Et n’importe ki sanlà enlève so la main de la main du Khalifatullah kan li faire so proclamation et kan li donne le Bai’at (serment d’allégéance à Allah), alors li pou zoine Allah ene jour sans ki li ena ene preuve en so faveur, et celui ki mort sans ki li fine prend le Baiat avec le Khalifatullah, li pou mort ene la mort pareil couma dans bane l’époque de l’ignorance (Jâhilliya).

 

Dans ça l’époque présent là, li ene nécéssité, voire même ene obligation pour tous bane Musulmans et l’humanité en général accepté l’arrivée d’ene Khalifatullah, et ça Khalifatullah là li le pilier lor ki bane lézot piliers reposer. Bane Ahkam (la lois) du Khalifatullah zot vine en action à travers li, et péna aucaine utilités kan le Khalifatullah li là pou suive bane chefs habituels de l’Oummah, couma bane Uléma, bane savants, Mullahs etc. C’est-à-dire, ki kan le Khalifatullah li vini de côté d’Allah avec la révélation, c’est li, sous l’instructions d’Allah ki prend la barre pou amène bane Musulmans et l’humanité en général vers Allah, vers zot salut. A ce moment là, ça bane dimounes là au lieu ki zot écoute bane Ulémas etc., zot bizin obéir le Khalifatullah, car c’est li le Choisi d’Allah pour la réforme de l’Oummah et du monde en entier.

 

Bane frères musulmans et zot Ulémas fine dire, ki après Hazrat Muhammad (saw), pas pou ena aucaine prophète ki pou vini. Pou zot (pareil couma le sois-disant Mawlana Anas fine dire), la porte de Nabuwwat fine fermé (avec ene gros Cadna lor là). Ça bane sois-disant Mullahs là pas fine réalise bane consékances potentiels ki zot en fait zot fine perdi bane faveurs de Nabuwwat ; bane juges pou suspanne, Wilayaat (bane provinces) pou annuler, bane décrets de bane ki détenir l’autorité pas pou être exécuté et tous bane dimoune fine tombe dans bane zaffaires Haraam (illicites).

 

Alors, la venue d’ene Khalifatullah dans ça l’époque ki nous pé vivre là li ene de bane grand obligations de l’islam. En fait, péna aucaine établissement de Sahih Al Islam, excepté avec l’arrivée d’ene Khalifatullah.

 

Ene fois, Khilâfat – ki ti le sujet et raison de conflit et d’enemité parmi bane dirigeants Musulmans – fine reste appendant, sans aucaine utilité et personne pas fine réclame ça Khilâfat là pendant longtemps. Depuis récemment, l’intérêt de bane Musulmans pou unir zot internationalement fine pousse zot pou pense lors Khilâfat encore ene fois. Pour tous bane Musulmans ordinaires, zot trouve ça « ene bien » et ene « idéale » pou gagne ene calife comme ene dirigeant de la communauté de bane croyants, parce ki zot éna nostalgie de mémoire de bane califes au commencement de l’Islam. A ça l’époque là, bane Musulmans ti pé jouir d’ene supériorité scientifique, et militaire entier lé monde. Mais ça vision de Khilâfat ki zot ena là pas aussi urgent (pou zot) ­ki bane problèmes zot pé faire face tel que bane conflit entre Israel et Palestine.

 

Bane restrictions sévères concernant activités politique dans plusieurs de bane pays musulmans, ensam avec bane obstacles pou unir plisse ki 50 nations ou l’état sous bannière ene seul institution, fine empêche bane zefforts pou revivre Khilâfat encore ene fois. Bane mouvement islamiques ki populaire et ki péna aucaine l’intérêt pou politique couma bane lézot Jamaat zot manque la spiritualité et zot pas pratiques la religion. Ça au fait li la cause principale de bane problèmes ki le monde musulman pé faire face, et zot prétendre ki pas capave ré-établir Khilâfat tanque ki ça bane manquements là pas réparer, pas résolu.

 

La Fraternité Musulmane li prêche l’unité de l’Oummah et pou ki implémente bane la lois islamiques.  C’est le plus grand groupe islamique ki bien influent aussi dans le monde, et so bane branches forme partie de bane pli grands partie l’opposition dans la plupart de bane gouvernements Arabes. Ena fondateur dans bane gouvernements arabes ki responsable pou ré-établir le Khilâfat – mais ki officiellement sanctionne bane institutions islamiques dans le monde musulman – zot en générale pas considère Khilâfat comme ene priorité majeure, et alors zot fine plutôt concentrer zot zeffort lor bane lézot problèmes. Bane islamistes prétendre ki ça li coumsa ça parski zot attacher avec gouvernement musulman actuel ki au pouvoir.

 

Bane Sunni et bane lézot Musulmans croire ki fine ena zis après la mort de Hazrat Muhammad (saw), ene réunion secret à Saqifah, kot Ali, ki fine nommé par Hazrat Muhammad (saw) couma so succésseur à Ghadir Khumm, pas fine conné ki ena ene telle réunion pé déroulé là-bas (à Saqifah). Dans ça réunion là Abu Bakr fine élire comme Calife par bane chefs de bane clans arabes. Bane Sunni et bane les autres Musulmans fine développe ça croyance là ki le calife li ene dirigeant politique temporaire, ki fine choisir pou diriger dans bane limites du Shariah (la loi islamique), et ki li pas nécessairement qualifié et ena connaissance de la loi islamique.

 

Bane Mujtahids zot bane dimounes savants en matière de Shariah ; zot spécializé là-dans et zot couma bane avocats islamique pou décide d’ene zaffaire, et ça bane dimounes là, zot aussi connu sous le nom de Uléma. Bane premiers quatre califes zot fine être connu comme Râshidûn, c’est-à-dire, bane califes bien-guidés, parski bane musulmans ena ça croyance là ki ça quatre califes là zot fine suive le Quran et le Sunnah (l’exemple) de Hazrat Muhammad (saw) dans tous zaffaires concernant la religion.

 

Bane croyances de bane Shi’a – Bane musulmans Shi’a quand à zot, zot croire ça Imaamat de bane dimounes ki pou choisir dépi le Prophète (saw) so Ahlul Bayt. Zot croire ki avant so la mort, Hazrat Muhammad (saw) fine donne beaucoup indications, à Ghadir Khumm (ene l’endroit) en particulier, ki li considère Ali Ibn Abu Talib, so cousin et zanne, comme so successeur choisi (de façon divine). Zot dire ki Abu Bakr fine saizir pouvoir par bane menaces et ki fine servi la force contre Ali, et alors bane musulmans Shi’a considère bane trois califes avant Ali comme bane fraudeurs, c’est-à-dire, ki zot fine fraudé pou vine au pouvoir. Zot croyance, ki Ali et so bane descendants, bane 12 Imaams zot les seuls vrai leaders (dirigeants) de l’Oummah.

 

Alors, kan ou étudier chaque groupe musulmans zot point de vue lor Khilâfat, sakaine d’entre zot ena bane points de vue différents, et si ena ene élection d’ene calife dans group Sunni, alors bane Wahaabi, Hanafi, Shi’a etc. pas pou accepter li comme zot calife.

 

Et si bane musulmans Shi’a choisir ene calife dans zot group, bane Sunni et les autres musulmans pas pou croire dans li ; pou ena toujours bane conflits coumsa. Par example, ena bane Shi’a zot croire ki le système du gouvernement islamique bazé lor Vilayat-e-Faqih li suffit, kot ena ene juge islamique ou Faqih ki dirige bane musulmans. Mais ça l’idée là, ki fine développer et établir dans l’Iran li pas accepter par bane les autres Shi’a ki li dans l’Iran ou les autres pays.

 

Bane Sunni zot, zot croire ki ene dimoune ki ena la capacité pou dirige bane dimounes li préférable, au lieu ki ena ene dimounes incompétent ki li ene héritier d’ene calife précédent. Et ça zot croyance parski pas fine marquer aucaine part ki bane héritiers directes d’ene chef d’état bizin li tout seul diriger, et non pas bane les autres dimounes ki mérité.

 

Zot avance bane arguments encore ki ene calife li être choisi par ene élection ou ene l’entente de toute la communauté, malgré le fait ki zot conné ki ça Khilâfat là après pou vine Khaandaani, ou calife là li le résulta de bane votes de bane majorité et ki pli fort.

 

Alors, si sak groupe musulman ena zot propre califes, alors ça pou créer fitna (désordre). Mo propre l’opinion lor ça sujet là comme ene Khalifatullah, li bien défanne pou bane musulmans pou ena deux califes élu parski ça pou créer bane divergences dans zot bane zaffaires et conceptes. En plisse de ça zot unité pou diviser  et pou ena bane disputes entre zot. Alors bane dimounes pou abandonne le Shariah et la Sunnah, bidat (innovations) pou répanne, et fitna pou augmenter, et ça pas pou dans l’intérêt personne.

 

Alors, mo révine encore lor séki Massih Ma’oud Hazrat Mirza Ghulam Ahmad (as), le fondateur du Jamaat Ahmadiyya fine dire. Li fine explique à propos Qudraté Saaniyah – Ki été ça Qudraté Saaniyah (deuxième manifestation) ?

 

Dans so testament, Hazrat Mirza Ghulam Ahmad (as) fine dire ki après so la mort, pou ena dans so communauté ene deuxième manifestation du pouvoir et l’aide d’Allah, pareil couma ti ena ene première manifestation dans so vivant même. Bane frères Ahmadi fine interprète ça « deuxième manifestation de pouvoir » là comme référant à l’établissement de zot Khilâfat.

 

Mo réponse à ça, c’est ki Hazrat Massih Ma’oud (as) fine vini pou contigne travail de Hazrat Muhammad (saw) – ene travail ki fine piétiné par bane sois-disant savants musulmans ou sois-disant Ulémas. Alors, afin pou accompli ça travail là, la manifestation du pouvoir d’Allah prend place, pareil couma Allah dire dans Quran Shareef :

 

 

Al Yawma ak-maltu lakum Diina-kum wa at’mamtu ‘alaykum ni’matii…

 

« Aujourd’hui Mo fine rende ou religion parfait, et Mo fine complète Mo faveur lor ou... »

 

So manifestation fine prend place dans l’époque de Hazrat Muhammad (saw). Mais après li, ça fine continuer dans l’époque de so bane califes (al-Râshidûn), bane Muhyi-ud-Din ou Mujaddids. Zot tous ti représente la ‘deuxième manifestation de pouvoir’. La ‘deuxième manifestation de pouvoir’ pas capave limité seulement à ene seul forme. N’importe kan ene nation ou ene communauté vine faible, alors Allah Tabaarak Wa Ta’ala, de par So sagesse envoye ene  ‘deuxième manifestation de pouvoir’ pou renforci li.

 

Ça pas veut dire ki ena ene la chaîne de califes après Hazrat Mirza Ghulam Ahmad (as) dans le Mouvement Ahmadiyya ki zot représente la ‘deuxième manifestation de pouvoir’ et ki mo le premier de ça manifestation là. Mo pé cause ça dans ene façon général, parski ça c’est l’aide d’Allah ki Li apporter pour la cause de la vérité.

 

Alors, c’est ça support divine ki ça mouvement là recevoir dans plusieurs formes ki représente le Qudraté Saaniyah. Mo ti à content pou pose ene question à Hazrat Mirza Masroor Ahmad Saheb et à nous bane frères Ahmadi aussi :-

 

Eski zot croire ki ‘deuxième manifestation de pouvoir’ du Saint Prophète Muhammad (saw) li pé encore manifester et pou continué manifester pour toujours, ou eski zot croire ki li fine être remplacer et dépasser par ene nouvo  ‘deuxième manifestation de pouvoir’ ki fine vini après Hazrat Mirza Ghulam Ahmad (as) ? Ça c’est mo question pou zot. Mo espéré ki mo gagne ene réponse de zot le plus tôt possible lor là, Insha-Allah.

 

Ki été ene Khalifatullah ? Ene Khalifatullah li pas élire ni choisir par ene groupes de dimounes. Li le Calife d’Allah, kot zis Allah choisir li comme So Représentant, So Khalifa.

 

Khalifatullah veut dire Représentant d’Allah, et d’après bane préceptes de l’Islam, li vine de côté d’Allah pou guide l’humanité vers le Créateur, et alors par ça moyen là, li vine aussi le représentant de bane dimounes, et li occupe li de zot bane bien-être spirituels et mondaine aussi. Li le Vice-gérant d’Allah, kot c’est Allah Li-même ki délègue li bane pouvoirs ki vine de Li pou accompli so travail, et d’après bane limites ki Allah fine prescrire dans le Quran Shareef, et d’après bane l’enseignements du Saint Prophète Muhammad (saw). Le travail du Khalifatullah c’est ki li bizin exerce ene l’autorité ki vine de côté d’Allah. Li pas seulement ene dirigeant individuel, mais li vini de la part d’Allah pou représente le droit de bane dimounes, pou guide zot et réuni zot, surtout l’Oummah Mohammadiyya (saw) à travers bane instructions divines et à travers ene plan d’action politique ki prêche la paix.

 

Mo espéré ki par la grâce d’Allah, zot tous fine comprend mo message dans ça Khutba là, et ki Allah béni zot tous, et accorde zot bane bénédictions pou accepter la vérité dans ça siècle présent là. Ameen.