بسم الله الرحمن الرحيم

 

Khutba Jummah

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

Munir Ahmad Azim

 

 

30 Octobre 2009

 

(Résumé du Khutba Jummah)

 

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:

 

Nous considère l’homme dépi deux point de vue; si nous analyse nous-mêmes, ena deux point de vue ki nous guette la vie de l’homme :

 

Premier, so lécorps physique et deuxième, so lécorps spirituel. Dans l’apparence physique, tout plus ou moins pareil. Alors, d’après sa l’aspect, ene dimoune capave donne l’humanité banne la loi générales, par e.g, dans ene pays, ene dimoune capave guette la loi en générale; mais dans so lécorps spirituel, ki cachiette derrière so l’apparence, chaque dimoune différent. Alors banne la loi spécial ek privé appliqué pou li. L’homme, en accorité avec banne la loi générales, kan li suive certaines pas, li capave rétourne à so l’origine. Pou prend sa banne pas là, li bizin suive banne la loi de la religion couma ene guide; kan li suive sa, li avancé et li fer progrès. Quand so étape augmenté grade par grade (c-à-dire, stage par stage), li capave arrive à ene stage de sa chemin spirituel là, cot li gagne la sagesse. Sa ene stage bien haute. Le St Prophète, Hazrat Muhammad Mustapha (saw) fine fer éloges sa l’état là: Ena ene l’état dans ki tout zaffaires  pou réuni ensam, et sa li La sagesse Divine. Pou arrive sa stage la, ene dimoune bizin abandonne fausse l’apparence et l’hypocrisie cot ou pé fer actions zis pou lézot trouvé et tendé. Alors, ene dimoune bizin vise pou arrive à 3 buts. Sa 3 buts là, zot en vérité 3 paradis. Premier appelle ‘Ma’wa’ – Ene  Paradis ki représente  sécurité ki ou ressenti dans ou la caze. Sa li paradis mondaine. Deuxième paradis appelle, Na’im, Le Jardin (paradis) de délices de la grâce d’Allah lors So banne créatures, sa li le paradis dans le sense angélique. Troisième appelle Firdaws,- Le Paradis ki trouve dans l’Au-delà. Sa li le paradis ki inclure: 1) l’unité de l’esprit, 2) la caze de banne l’âmes et de banne noms divines et attributs. Sa, c’est banne récompense, banne beautés d’Allah ki sa l’homme lors la terre là pou goutté kan li mort (après so la mort ki li goute ça), d’après zéfforts ki li fer dans sa 3 stage consécutifs de la connaissance là. Ki ça 3 stages là? : 1) zéfforts dans suive banne la lois réligieux (bane commandements d’Allah), c.à.d, la Shariah; 2) zéffort pou élimine banne défauts ki li ena, pou la guerre contre so propre ego afin ki li capave arrive à sa l’état de l’unité là avec li même et sa fer li rapproche avec so Créateur (nous appelle ça, “tariqa”); 3) Finalement, dans zéfforts ki li fer pou arrive à sa l’état de sagesse ki vine de coté Divine (Allah) – c-à-d, le “Marifa”, kan li gagne sa, li pou conne so Créateur, so Rab, so Seigneur.

 

Alors nous Bien-Aimé Prophète, Le Saint Prophète Muhammad Mustapha (saw) fine dire: “ Ena ene l’état cot tout kitchoses zot rassemblé et sa l’état là li la sagesse Divine,” li continié dire, “Dans sa l’état là, ene dimoune apprane la vérité, sa vérité là li englobe dans li-même tout cause et tout bon kitchoses. Alors, ene dimoune bizin agir d’après sa vérité là. Ene dimoune, li bizin conné ki appelle mensonge pou li capave abandonne sa.” Et Hazrat Muhammad (saw) continié li dire (li faire ça duah là): “O nous Seigneur, montré nous la vérité et fer ki sa ene devoir pou nous suive li (ça vérité là), et enseigne nous ki kitchose ene mensonge et fer ki sa vine facile pou nous pou ki nous capave évite li (ça mensonge là).” Le St Prophète (saw) continié dire: “ Ene dimoune ki conne li même et ki li oppose so banne mauvais desires, alors la, vraiment li conne so Seigneur, so Créateur et li suive So commandements.

 

C’est ki mone mette devant zot là, zot banne règles générales ki appliqué lors lécorps physique de l’homme. Ena séki appelle l’être spirituel de l’homme, ou bien l’homme spirituel, appelle li l’homme pure. So but séki pou rapproche li totalement avec so Rab, Allah. Ena ene sèl moyen pou atteindre sa la fin là, c’est kan l’homme li gagne la connaissance de la vérité (“haqiqa”). Sa connaissance là appelle l’unité.

 

Ene dimoune capave espéré pou arrive ziska le but de sa chemin là, dans sa lémonde materiel là. Dans sa l’état là, péna aucaine differences entre, kan li dans ene l’état éveillé ou bien kan li pé dormi, parski dans sommeil l’ame capave trouve l’occasion pou échappé et li capave alle dans so vrai la caze, couma nous dire, dans royaume de banne l’ames, et li révini (l’ame là) et apporte bannes nouvelles. Sa appelle banne vrai rêves. Sa l’évènement là capave partiel, dans cas banne rêves; et aussi li capave en entier, dans cas ascension du St Prophète, Hazrat Muhammad Mustapha (saw). Allah confirme sa dans Surah Az- Zumar V.42 : ‘Allaahu yatawaffal-‘ anfusa hiina mawtihaa wallatii lam tamut fii manaamihaa: fa- yumsikul-latii qazaa ‘alayhalmawta wa yursilul-‘ukhraa ‘ilaa ‘ajalim- musammaa. ‘Inna fii zaalika la- ‘Aayaatil- li- qawminy- yatafakkaruun.

 

Allah enlève l’ame dimounes kan li mort et aussi, si li pas mort, dans so sommeil. Li retenir l’ame de celui qui Li fine décide so la mort, et rétourne à l’autre là (so l’âme) jusqu’à so terme fixé. Vraiment là- dans ena des signes pou dimoune qui réfléchi.

 

Alors Hazrat Muhammad Mustapha (saw) explique sa l’état là:” Sommeil de sa dimoune ki sage là li ena plisse valeur ki l’adoration d’ene ignorant.” Sa sage là, li ene dimoune kine gagne la connaissance de la vérité, ki sa li péna aucaine lettres, ni son. Ene dimoune li gagne sa connaissance là kan li continié répète, ki li repété? Li répète: “Laa-Ilaaha Illallah” avec ene la langue secret. Le sage, li sa dimoune ki so l’intérieur fine change en ene la Lumière divine et line arrive à sa stage là avec la Lumière du Tawheed (l’Unicité d’Allah).

 

Allah cause à travers So Prophète (saw) et dire:

 

L’homme li Mo secret et Mo so secret. La connaissance intérieur de sa l’essence spirituel là (“ilm al- baatin”), li ene secret de Mo ban secrets. Zis Moi (Allah) ki met sa dans leker de Mo bon serviteur, et personne pas capave conne so l’état à part Moi.

 

Mo (Allah) couma Mo serviteur conne Moi. Quand li rode Moi et rappelle Moi, Mo avec li avec Mo l’essence. Si li rappelle Moi et mentionne Moi dans bon compagnie (l’assemblé), Mo rapelle li et declare li coumma Mo bon serviteur, dans ene meilleur l’assemblée (meilleure compagnie).   

 

En tout, séki fine dire ici, le seul moyen pou satisfaire le désire pou gagne la connaissance d’ene dimoune, bizin faire la méditation- cot sa dimoune commun là li servi sa connaissance là souvent, cot li donne sa connaissance là aux autres aussi. C-à-d, kan li rentre dans l’état de zikr, ena bocou secret ki Allah enseigne et li, li transmette ça et li donne aux autres ça connaissances là.

 

La valeur de chaque action li cachiette dans l’essence de la vérité. Sa action cot ou assizé ene ti moment pou fer le Zikré Ilaahi; ici, li paraite ki li ena 3 valeurs différents:

 

Ki ça 3 valeurs différents là?

 

Kikaine ki faire le Zikr, par e.g li pé médite lors “La Ilaaha Illallah”, li continié, li concentrer li totalement kot li ferme so lizié (li pas lire li couma dire ene perroquet); Li dire: “La-Ilaaha-Illallah”; coumsa li lire li et rode so cause, kot li trouvé ki sakaine de so ban causes ena banne parties en li-même, et li trouvé ki sakaine de zot li la cause de bane lézot zaffaires. Alors ça Zikré Ilahi là, li ene adoration kot li tourné li nette dans l’amour d’Allah, kot li faire Allah so zikr et li vine ene amoureux d’Allah.

 

Ene Kikaine ki médite lors so dévotion et li rode so cause et raison et après li conne li, c-à-d, après zikré Ilaahi et so dévotion, et li rode conne so cause et finalement li alle conner ki li eté limême. Ki li été limême, c-à-d, li alle trouver ki li ene nennié ditout, li ene zero – c-à-d, tout ça ki ena lors ça la terre là et so lecorps so propre fonctionnement, c’est Allah ki faire tout sa là.

 

Ene kikaine ki médite lor la sagesse divine avec ene désires bien fort pou conne Allah le plus Haut, et sa c’est la vraie connaissance, kot ene dimoune li médite lors la sagesse Divine avec ene désir bien fort pou conne Allah Le Plus Haut et sa li la vrai connaissance; c’est ene dimoune ki faire le zikr et li tourné vers Allah et li conne Allah plus et pour li conner couma Allah récompense li et kan li dans bane difficultés, bane problèmes, kot Allah élimine ça bane problèmes là et ena bane dangers ki capave vini, mais la main divine, Allah éloigne ça bane dangers là.

 

Alors la vrai connaissance, li sa l’état de l’unité là. Par exemple: ene dimoune sage ki amoureux, li zouaine avec so Bien-aimé Allah. Ene dimoune ki fine arrive à ene stage, cot li satisfait avec banne bon actions ki li fine fer, zis pou gagne paradis; li pas pareil avec sa dimoune ki amoureux de so Bien- Aimé, cot li zis envie envolé pou alle cot so Rab, so Allah.

 

Sa envole là, li arrivé dans sa lémonde interne de sa sage là. Zot gagne sa l’honneur pou gagne le titre de ban vraie hommes, zot gagne le titre de bane bien-aimés d’Allah, ban ki bien proches avec Li, ban ‘Dulhin’ (nouvelle mariée). Sa banne serviteurs sage là, zot vine ban camarades intimes d’Allah, malgré zot bien joli (pareil couma ene ‘dulhin’), zot couvert avec l’apparence d’ene dimoune ordinnaire. Joli, ki veut dire? Joli dans zot bane actions, dans zot bane ibaadats, dans tout Allah content tout, comme si dirai, sa manifester ene beauté même dans zot, mais seulement zot amène zot la vie, zot couvert zot l’apparence couma ene dimoune ordinnaire.

 

Allah dire à travers So Prophète Hazrat Muhammad (saw): “Ban ki bien proches avec Moi zot cachiette en bas Mo toit ou sois Mo l’ombrage. (Alors) Personne pas reconnaite zot, sauf Moi (c-à-d, Allah. Li pé dire, sa kalité dimounes là personne pas reconnaitre zot. Mo l’ombrage lors zot et zot sous Mo toit – Seulement Allah reconnaitre zot).” Sa toit ki Allah cachiette So ban camarades, c’est zot l’apparence ordinaire. Quand ene dimoune guette ene ‘dulhin’ ki ena so voile lor li, ki li capave trouvé à part so voile? Mais coumsa même kan ene prophète d’Allah, bane serviteurs, bane sages, bane dimounes ki tourné vers Allah, sa l’ombrage ki Allah couvert sa bane dimounes là, zis Allah ki conne zot. C’est sa même ou trouver dans bane versets Quran, kan ene messager vini, kan ene prophète d’Allah vini, létan li faire so proclamation, létan li prêche l’Unicité d’Allah, bane dimounes dire, “Sa li fine vine fou sa!”. Ena dire: “Sa kalité dimoune là mo pou alle suive? Sa kalité dimoune là ki pé dire Allah pé cause avec li; li pé gagne révélation?” Ena beaucoup place dans Quran ki décrire sa bane paroles là.

 

Nous bane bien-aimé d’Allah; bane bien-aimés d’Allah, zot le parfum d’Allah dans sa lémonde là, mais zis ban vrai croyants purs et sincères ki ena néné pou senti sa parfum là et zot réconnait ki sa vine d’Allah. Zot senti sa parfum là; zot suive sa parfum là. Sa parfum là créer ene désire pou gagne zot Créateur, zot Seigneur dans zot leker.

 

Sa dimoune ki bien proche avec Allah là, li sa dimoune ki fine met li à ene rang de nanié ditout (ene zero), de la poussière. Seulement ler là li capave trouve l’existence de la vérité. Péna aucaine décret d’Allah, ki sa dimoune sage là pas accepter; au contraire li prend sa décret là comme ene faveur d’Allah. N’importe ki arrive li, li prend sa comme ene décret d’Allah. Péna nanié ki resté pou li (sa sage là), pou li ena zis l’existence d’Allah, Le Vrai (Al- Haqq). Allah manifesté toute sorte kalité miracles, plusieurs miracles lor so ban bon serviteurs choisies cot prouve l’existence d’Allah. Qui ban ki capave réconaite sa banne vrai miracles d’Allah là ? Ena des milliards dimounes lors la terre. Ena des millions ki lire Quran, faire Namaz, garde Roza etc... Mais ki sa bane dimounes ki capave reconnaitre sa bane miracles d’Allah là? Couma Quran dire c’est zis ban ‘ullul albaab’, sa bane dimounes ki servi zot l’intelligence, sa ban dimounes sage ki plonger dans l’amour d’Allah et tous zot ban actions ki zot faire, zot faire sa seulement pou gagne Allah So l’amour et Allah content ça banne kalités dimoune là kot Allah enseigne zot So ban secrets, ki ban les autres dimounes ki pas tourné vers Allah, pas pou comprend sa secret de divinité là, c.à.d, cot Allah faire desan sa ban secrets là à travers le Rouhil Qouddous. Alors ene dimoune ki pas tourné vers Allah et li pas prend en considération bane commandements d’Allah, définitivement li pas pou conne sa secret de divinité là et kot Allah faire dessane sa bane secrets là, c-à-d, à travers le Rouhil Qouddouss.

 

Quand Allah manifesté So miracles à travers So ban serviteurs et surtout avec l’arrivé d’ene messager d’Allah lors sa la terre là, banne ki péna Imaan(la Foi), zot pas pou trouve sa ban miracles ki vine de coté d’Allah, malgré combien signes et miracles Allah montré zot, comme si dirai zot prend sa comme ene zaffaires normal et ordinaire, tandis qui ban dimoune sage, ban Muttaqi, bane dimounes ki proche avec Allah, bane dimounes ki la nuite lizour zot tourné uniquement vers Allah, tous kitchoses ki arrivé, zot prend sa comme ene signes ou ene miracle ki vine de coté d’Allah, parski sa ban kalité dimounes sages là, zot faire ban voyages pou zot rapprocher plisse avec Allah (twa), pour zot c’est ene la porte de miracle d’Allah ki ouvert pou zot, zot prend sa miracle ki vine de coté de zot Rab à coeur et zot remercié Allah Ta’ala beaucoup et faire Allah So éloges beaucoup et zot pas nié aucaine miracles ki vine de coté d’Allah, c’est banne dimounes ki réfléchi beaucoup lor la création d’Allah, travail d’Allah (pour zis le plaisir d’Allah) et zot accepté le décret d’Allah sans même faire ene ‘ouf’, ou sois, zot pas même objecté avec le décret d’Allah, et sa ban dimounes là, combien la porte de difficultés vine lors zot, combine difé passe lors zot sa pas affecté zot du tout et pas cause zot aucaine la peine, parski zot l’amour pou Allah fine dépasse tout kitchoses, comme si dirai zot fine vende zot même complètement dans la main d’Allah et séki arrive zot, zot péna aucaine regret, ni chagrin, parski pou zot Allah avant tout.

 

Qui Allah (swt) donne nous aussi sa qualité Imaan là et nous cultive sa dans nous et ki Insha Allah nous plonger dans l’amour d’Allah et nous pas objecté avec le décret d’Allah arrive séki arrive Insha-Allah. Ameen.