Text Box: بسم الله الرحمن الرحيم KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 31 Juillet 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: Dans ça le monde là, bane prophètes zot bane seuls dimounes avec ki Allah choisir pou communiqué et à travers ça bane prophètes là, bane les autres dimounes gagne accès avec bane commandements et bane volontés ki Allah fine décrété pour zot. Alors, li apparent ki pli bane dimounes ena ene lien avec le Prophète, pli zot pou ena ene lien avec Allah (swt). En d’autres mots, nous connection spirituel avec Allah, d’après Quran, li pou mesuré d’après nous proximité avec le Saint Prophet Muhammad (saw), d’après bane Hadith et Sunnah du prophète (saw). Bane commandements d’Allah ki touche bane dimounes à travers le Prophète Muhammad (saw) capave classifié en quatre : Premièrement c’est le commandement ki pas présent dans le Quran et ki pas ena aucaine lieu pou ena deux interprétation. Deuxièmement c’est le commandement d’Allah ki indiqué précisément dans Quran mais ki so explication fine faire de la bouche du Prophète (saw), par so bane paroles. Troisième commandement li pas fine spécifiquement mentionné dans le Quran, mais ki donne bane instructions dans ça bane paroles là :  « Prend séki le Prophète donne ou, et évite séki li empêche ou faire. » (59:8)  « Celui ki obéir le Prophète en fait obéir Allah. » (4:81) Allah fine rende obligatoire pou établir ene relation entre le Quran (la parole d’Allah), et le Sunnah du Saint Prophète (saw). Quatrièmement, ça inclure tous bane commandements et bane directives, ki li obligatoire pou conné, par Ijtihâd (le procès pou servi la raison ki bazé lor le Quran et Sunnah), et ça bizin faire dans ene l’esprit pou soumette complètement à la volonté d’Allah. En plisse de ça, ça procès de « ijma », li donne l’occasion pou faire ene assimilation finale de l’intelligence jde la loi et ça, tous l’Oummah (la Communauté Musulmane) accepté ça. En plisse de ça, pour ça réussi, pou bizin ena ene connaissance approfondi du Quran et Sunnah ensam avec l’intelligence de côté la loi. Le Fatwa de bane Sahaba ki plus connu comme « athar » li pas séparé du concept générale du Sunnah de Hazrat Muhammad (saw), et avec bane justification bien claire, le Sunnah de bane premiers quatre califes ti gagne plisse préférence et l’importance ki bane Sunnah (pratiques) de bane les autres Sahaba. Bane commandements ki mentionné dans bane deux premiers classification ki mo fine mentionné là-haut fine être révélé à Hazrat Muhammad (saw) en forme de paroles à travers Hazrat Jibreel (as). Quant à troisième classification là, li ene telle commandement ki généralement li révélé par « Ilqa » ou « Ilhâm » au Prophète, sans aucaine formulation de bane mots. Le premier forme li celui de Wahi Matlu (ene Révélation ki récité), c-à-d, le Quran, la parole d’Allah et l’autre forme c’est le Wahi Ghair Matlu (ene Révélation ki pas récité), c-à-d, bane Hadiths, bane paroles du Prophète (saw) li-même. Le Quran li le livre d’Allah et le Hadith et Sunnah, généralement parlant li ene interprétation et commentaire du Livre d’Allah ki faire dans ene façon pratique et orale, et ça interprétation li donne intonation à l’autorité ki trouve dans bane paroles d’Allah (à travers directives de So Rassool). Et ça Hadith et Sunnah contribuer pou donne vraie signification de bane paroles du Quran. En d’autres mots, dans ene façon ena ene forme de Quran ki préservé lors bane papiers et dans le cœur de bane dimounes, et l’autre façon, c’est dans forme du Sunnah, kot le Quran li vine en pratique. Le Quran contenir bane principes et bane vérités complète tandis ki Hadith et Sunnah du Saint Prophète (saw) li contenir so bane détails et bane informations spécifiques. Alors, tout le système du Shariah (la loi islamique) li bazé lors le Wahi Matlu (le Quran) et le Wahi Ghair Matlu (bane paroles et actions du Saint Prophète (saw)). Ene kikaine ki attrape fermement le Livre (Quran) tousel li pou perdi tous les deux : Sunnah et Quran. Ena ene bon nombres de commandements ki fine metté dans Quran et pareillement, ena beaucoup commandements ki fine détaiyé par le Prophète (saw). C’est pour ça ki n’importe ki verset kot le Quran pé commande so bane suivants pour obéir Allah, li aussi bizin commande bane dimounes là pou obéir le Prophète. Li alle pli loin encore pou déclarer ki l’obéissance au Prophète c’est l’obéissance à Allah Li-même. Allah dire : « Li pas causé selon so propre désir. Ça vraiment ene message révélé. » Le Quran mentionne certains provisions de la loi, mais vrai signification li présenter dans ene forme de bane mots et bane paroles définitif du Saint Prophète (saw). En plisse de ça, ene action ki le prophète faire, d’après so connaissance et vision, même si li pas gagne aucaine feu vert (de côté d’Allah), li aussi inclus dans définition Sunnah ; c-à-d, le Sunnah c’est bane pratiques du Saint Prophète (saw) à tout niveau de so la vie, ki li de côté spirituel et ki li de côté mondaines. Fine dire dans le Quran ki Allah fine envoye le Prophète (saw) avec objectif ki bane dimounes obéir li (le Prophète). En fait, le critère pour l’amour d’Allah c’est ki nous bizin ena l’amour pour So Prophète (saw) aussi. Dans Quran, Allah dire : « Dire : « Si ou content Allah, abé suive moi ; Allah pou content ou (en retour). » Le Quran dire à propos du Saint Prophète (saw) : « Allah fine accorde ene grand faveur à bane ki ena la foi, kan Li ti envoye ene parmi zot même comme So messager, pou récite zot So versets, pou purifier zot et pou enseigne zot So livre et la Sagesse, tandis ki avant ça, zot ti clairement dans l’erreur. » Li enseigne zot le Livre (Kitâb) et la Connaissance (Hikamat). La signification d’Al-Kitâb ki li représente le Quran li apparent. ‘Al-Hikamat’ li aussi inclure Hadith et Sunnah du Saint Prophète Muhammad (saw). Hadith et Sunnah dans ene sens li aussi ene révélation de côté Allah sans formation de bane mots (ki vine directement de côté d’Allah), parski le Quran dans plusieurs place fine servi le mot « envoyé (lors le prophète) » pour le hikmat aussi. Alors li pou irrationelle pou penser ki le Quran ti être enseigner sans ki li inclure le Sunnah du Prophète (saw), ki li ti l’instrument de bane messages d’Allah. 1. Le Livre d’Allah li besoin Sunnah plisse ki Sunnah bizin Quran. 2. Sans Sunnah, li pas pou ni possible pou ena la foi dans Quran, ni pou pratique l’Islam. Si, nous alors fail pou donne l’importance à Hadith et Sunnah couma zot ena droit pou ena, alors li pou bien difficile pou pratique l’Islam dans le vrai sens. Par example, le Quran donne ça commandement là : « Et reste constant dans la prière. » Zis à travers Hadith et Sunnah du Prophète (saw) ki nous capave conné couma et kan nous pou bizin faire la prière (Namaz). Bane dimounes ki cause à propos Quran et ki affirmé ki, pou comprend et pratique Islam le Quran tousel li suffit, alors mo invite zot pou montrer nous couma zot pou bizin faire Namaz zis à la lumière du Quran. Le Quran dire : « Pratique régulièrement la charité. » Maintenant classification et quantité de richesse et limite de kan bizin faire la charité et le taux de Zakaat capave zis être identifié à travers bane Hadiths. Le Quran dire : « Et complète le Hajj ou Umra au service d’Allah. » Personne pas conné couma Hajj et Umra pou bizin faire. Ça zis capave faire si ou conne le Sunnah du Saint Prophète (saw). Allah dire : « C’est Nous devoir pou ramasse li (le Quran) et faire toi récite li. » Plus devant Allah continié dire dans Quran : « Après ça, c’est Nous devoir pou explique li. » Couma la plupart de nous conné ki Bayan (descrption ou explication) veut dire pou rende clair bane choses ki caché, ki vague, ki bref ou ki li ene zaffaire ki nous pas conné vraiment. Ici, Bayan veut dire pou décrire, explique et rende claire la signification et vrai l’intention d’Allah ki fine reste pas claire à ene dimoune kan li lire Quran. Ça Bayan du Quran, kan li être récité par la langue du Prophète fine être connu comme Hadith et kan li vine en pratique, li connu comme Sunnah. So sujet ti révélé à li (le prophète) par la Connaissance Divine et bane paroles dans ki ça bane Hadith là fine être décrit, li vine du Prophète li-même. Allah dire : « Et Nous fine faire dessane lor toi message (Coran) afin ki to explique dimoune clairement qui kitchose fine dessane pou zot. Peut-être zot va réfléchi ! » Ça verset là prouvé clairement ki bane paroles et bane actions, c-à-d, Hadiths et Sunnah du Prophète (saw) zot bane manifestations de la volonté d’Allah couma indiqué dans le Quran, ki zis le Prophète (saw) capave comprend et décrire. Allah dire dans Quran : « Aujourd’hui Mo fine rende ou religion parfait, et Mo fine complète Mo faveur lor ou, et li faire Moi plaisir donne ou l’Islam comme religion. » Ça Nimat (Faveur) ki fine indiqué par le Quran dans ça verset là li en fait représente le Shariah en entier, li englobe tous le code de vie ki pendant 23 ans Hazrat Muhammad (saw) fine améné. Zamais fine arrivé ki bane Sahaba fine questionne l’autorité ki le Prophète en li-même représenté et fine améné. Ene Hadith ou Sunnah capave soit décrire le verset du Quran ou sois ajoute kitchose à So commandement. Dans premier catégorie, li pou ena ene deuxième position après Quran parski li bazé lor Quran tandis ki dans deuxième catégorie, même si li pas ena aucaine mention à propos ene commandement du Quran, malgré ça, ça Hadith ou Sunnah là pou ena ene l’autorité pou li, et li pou capave tenir diboute par li tousél. Dans littérature de la loi islamique alors, ene kikaine bizin considère avec ene la force égale le texte du Quran et Hadith et li bizin essaye pou amène ene réconciliation et uniformité entre les deux, si arrivé li paraîte ki ene pas concorder avec l’autre, ki en réalité, péna – tous les deux Hadith et Sunnah zot marche ensam, et zot complémente zot camarade. La question alors li soulevé à propos bane sujets ou bane situations ki le Quran dévoilé, si pas le Sunnah capave vine le seul baze de nous système de loi. Pou réponde ça question là, le Hadith et Sunnah zot capave encore plisse ki ça divisé en trois : (i) Hadith ki li en conformité avec Quran. (ii) Hadith ki élabore et élucide bane commandements du Quran. (iii) Hadith ki mette de l’avant bane nouveau la loi dans Shariah, là kot le Quran pas donne aucaine indication de ça bane sujets là, ou bien ki so commandements fine reste sans explications. Ena ene différence d’opinion parmi bane Uléma lors ça point là, mais la plupart de bane Uléma fine suive l’opinion ki le Sunnah capave vine le seul source du Shariah lors bane sujets ki Quran pas fine causer. Zot prend li couma ene hikmat (connaissance) ki vine d’Allah, ki connu comme ‘ilqa’. Personne pas capave dénié l’existence de bane tel Hadith. La question li concerne mette en pratique ça bane tel qualité Hadith là en pratique comme le seul source du Shariah dans ça bane matières là, c’est-à-dire, le Sunnah comme seul source. Le Quran dire : « Alors bane ki pas obéir le Messager so l’ordre bizin faire attention ki ene malheur ou ene punition douloureux pas tombe lors zot. » Ça verset là, malgré ki li pé pointe indirectement à bane tel commandements ki le Prophète (saw) fine donné par li tousél, et ki pas mentionné dans le Quran, et si toutefois ça commandement là ti trouve dans le Quran, li ti pou connu comme ene opposition au Quran et non pas ene opposition à bane commandements du prophète (saw). Le Quran commande nous : « Mais non, to Maître témoin, zot pas pou gagne vraiment la foi jusqu’à séki zot amène tout zot bane disputes divant toi pou juger, et jusqu’à séki zot pas trouve aucaine sentiment dans zot lé cœur ki empêche zot accepter to jugement. Lerlà zot va soumette complètement. » Bane Sunnah du Prophète (saw) alors ena ça pouvoir (droit) là pou inclure certain droits, permission ou restrictions, malgré le fait ki jamais li pou capave dépasse le Quran. Ki Allah aide nous pou mieux implimente bane commandements du Quran et le Sunnah du Saint Prophète (saw) dans nous la vie. Insha-Allah. Ameen.