Text Box: Au Nom d’Allah, le Très Gracieux, Le Très Miséricordieux KHUTBA JUMMAH HAZRAT AMIR’UL MOMENEEN MUHYI-UD-DIN MUNIR AHMAD AZIM BAIT-UL-ZIKR NORD DE MAURICE 16 Mai 2008 MESSAGE IMPORTANT POUR L’HUMANITÉ Aujourd’hui après ki le Muhyi-ud-Din fine souhaite zot tous le ‘Salaam’ (la Paix ki vine d’Allah), comme Khutba Jummah, après ki li fine lire Surah Al-Fatiha, Tashahhud et Taouz, Li fine lire : Surah Inshiqâq “La Coupure” Ch. 84 V.1-5 Izas-Samaaa-‘unshaqqat, Wa ‘azinat li-Rabbihaa wa huqqat ; Waz ‘izal’-arzu muddat, Wa ‘alqat maa fiihaa wa takhallat, 5.Wa ‘azinat li-Rabbihaa wa huqqat. Quand léciel pou couper, et li pou écoute l’ordre so Maître – couma li bizin ; quand la terre pou aplani, pou rejette ce qui ena en li et pou dévider, 5.li pou écoute l’ordre so Maître – couma li bizin. A la lumière de sa versets Quran ki mo fine lire dans sa surah là ; ene surah de 25 (vingt-cinq) versets ; mo fine lire 5 (cinq) premier versets, le 16 May 2008 dans le Bait-ul-Zikr dans le Nord. En même temps c’est ene message ki mo pé donne à tous bane frères, et sœurs et mo bane zenfants dans le Ummat de Hazrat Muhammad (s.a.w) et tous bane zenfants ki étudier le Quran. En place ki zot alle étudier les autres livres, si zot ti capave conner ki kitchose zot capave faire pour échapper avec la colère et punition d’Allah, alors zot ti pou reste toujours reste à l’étude du Quran et faire duah pour mette so bane commandements en pratique. Sa ti pou meilleur pour zot dans sa le monde là et dans l’autre la vie (Akhérat). Sa c’est ene conseil, à tous musulmans dans le monde en entier et ene message aussi à toute l’humanité en entier. Mo capave dire ki l’humanité en danger et mo répète sa encore, pareil en 2005 mo ti faire ene Khutba ki « l’humanité en danger », et après trois (3) ans mo revine lors la pour rappelle zotte ki l’humanité en danger. Tanque ki ou pas ou attrape la corde d’Allah ferme et ki ou pas pou tourne vers Allah et So prophète et So bane messagers ki Li envoyer pou montrer nous sa chemin ki amène nous vers Allah et non pas pou reste toujours attacher de côté mondaine et l’amusement comme-ci dirai nous pou vive éternellement lors sa la terre la. Et lerlà même nous pou délaisse l’enseignement de la spiritualité et nous pou délaisse banes chemins de nous bien aimée prophète Hazrat Muhammad (s.a.w), ki ti ene Rahmatul-lil-Aalameen (ene bénédiction pou l’univers) et ki fine vini pou tous les peuples en général et ki fine vini pou faire reforme de l’humanité et li pas fine vini seulement pou ene peuple ou bien zis pou peuple Arabe, Li fine vini pou l’humanité en entier et l’Islam li pas ene religion pou ene seul peuple, ni pou ene seul dimoune, ni pou ene secte ; mais li ene religion universelle ki pou prêche la paix et ene soumission totale ki ou bizin ena pou ou créateur. Alors nous vine lor sa verset du Quran la kotte Allah pé dire : « Quand le ciel pou couper, quand le ciel pou déchirer. » Ki ou comprend par, « le ciel pou déchirer ? » Aujourd’hui kan banne dimoune ki guette bannes kitchose dans le ciel zotte pé appelle sa bannes phénomènes naturelles ou soit ene zaffaire ki arriver sa !’. Allah (TWA) So parole sa - « Quand le ciel pou déchirer » et nous tous a l’île Maurice et surtout après avoir ki nous fine fini faire nous Daras Quran et nous Study Circle Mardi le 13 mai 2008 le soir vers 9 h 30 p.m et Allah faire mo lizié tape lor ene la lumière dans le ciel et mo pé guette bien et moi mo penser ki attention ena ene dimoune ki pé tape la lumière torche, ou bien ene malfaiteur. Mo fine bien observer et lerla mo fine appelle bane les autres membres ki ti présents pour trouve la Manifestation d’Allah dans le ciel. Et zotte ki la aujourd’hui, zot au courant de sa et zot fine trouve sa manifestation là, et dont télévision, la presse fine cause sa aussi. Mais zot tout quand zot attacher de cote mondaine mais définitivement zot pé débouté lor ene seul li pied, et quand ou marche lor ene seul li pied, ou pou marque l’équilibre. Allah fine donne ou deux li pied kot ou capave dibouté carrément. Sa veut dire ki ou bizin observe la nature parcequi tout sala fine créer par Allah sa. Sa le ciel la aussi fine créer par Allah. Alors ti ene signe pour l’humanité surtout pou le peuple de Maurice zot trouve sa signe la dans le ciel et couma Allah pé manifester li ici (Maurice) et en même temps Li pé projette So la lumière et Li pé annonce quelque choses aussi et nous pas pé prend compte. Et pas dire ki nous pas pé trouve sa la lumière la dans le nord, et sa aussi fine montrer zot dans le nord couma ene la lumière pé aller vini à peu près mo capave dire ene 15 mètres, li faire sa aller retour. Tous sala c’est bannes signes d’Allah. Qui banne ki pou réfléchi lor bannes signes d’Allah, c’est bannes, dimounes « Ulul Albab » - bannes ki réfléchi lor Allah So Grandeur, Bannes dimounes ki ena la crainte d’Allah dans zot le cœur et bannes dimounes ki ena beaucoup humilité et ki réfléchi lor la grandeur d’Allah et lors so création. Alors Allah dire « le ciel pou déchirer ». Quand fine entende tapage z’éclaire, tous dimounes fine tracasser et sa aussi fine donne nous ene l’idée ki nous l’homme quand sa manifester dans le ciel nous bizin ena la crainte d’Allah, et la frayeur d’Allah la dans nous le cœur. Et nous fine trouver le 13 May 2008 le soir couma sa fine manifester et couma nous fine dire Allaho Akbar, ene manifestation, dans tous so genre, ki bien grand, li pé montré So la lumière, ki Li (Allah) présent ki dimounes pé délaisse Li, So bannes messages, So bannes manifestation divines ki zot pé ridiculisé et zot pé délaisse la spiritualité aussi. Allah Li ‘Noor-é-élahi’, Allah li la lumière, li éclairer, li pas l’obscurité, li la pou illumine nous, li donne nous so la lumière pareil couma nous trouve le jour nous content ene la lumière pou nous sorti nous cherche faveur d’Allah lor la terre, le soir nous gagne la nuit pour nous reposer, sa aussi Allah fine faire faveur ki sane la ki pé réfléchi lor la ? Et quand fini travail, ena ki passe ene la nuit dans l’amusement, dans la boisson, dans danse, boite, disco, zot faire bannes travail ki alle à l’encontre de séki Allah pas content - parcequi Li même Li fine créer sa l’univers la pou Li envoye nous pure et Li envie ki nous retourner pure, pareil couma le matin ou prépare ene zenfant, ou envoye li l’école, ou donne li tous so besoin ; so du pain, so jus, so tiffin, so linges propre – ki ou expect kan ou fine donne li tous sa la? Quand ou avoye li l’école, ki li appranne, gagne ene bon l’éducation et kan ou pé trouve li pé lire, pé apprane, li conne kitchoses, li faire ou le cœur content, ou pas vine ene dimoune arrogant, ou montrer ou fierté, ou dire ki ‘si mo pousse li encore un ti peu, li pou vine ene lauréat, li pou vine ene top’. Sa l’arrogance la faudrait pas ki nous montrer, parcequi l’intelligence, connaissance ; c’est juste Allah ki donner. Au contraire nous bizin pareil couma sa pied la, kan li rapporte fruits, li montrer so humilité. Tant ki Allah fini donne nous bannes bons enfants, Li donne sa bannes enfants la bannes connaissances, ou pou bizin amène sa bannes zenfants dans bon chemin, et sa connaissances la pou servi pou le travail de Deen. Alors ki ou expect kan ou avoye sa zenfants la propre ? Kan li retourner, li vine devant ou tantôt, li pé retourner bien, sac pas déchirer, cahier pas déchirer, bouton pas fine casser, pas finne blesser ; couma dire kan li finne vine devant ou, ou satisfait, et premier question ki ou demande li : ‘ki to finne appranne l’école ?’. Coumsa même, Allah finne envoye nous lor sa la terre la. Nous bannes créatures d’Allah, Li fine donne nous tous nous bannes besoins, pareil couma nous finne envoye sa bannes zenfant la l’école. Allah finne envoye nous lor sa la terre la, fine donne nous manger, boire, ene shelter (la caze) - ene place pou nous rester, l’air pou nous respirer, ine donne nous bannes bon vêtements - vêtements matérielle et vêtements spirituelle. Et ki Allah attane de nous ? Allah attane ki kan Li envoye nous lor la terre, et kan Li envoye So bannes messagers comme bannes professeurs et aussi so bannes livres divines ki li fine révéler et ki bannes ki dimounes suivent So bannes codes et l’instructions divines et ki marche d’après ce ki Allah fine dire. Allah et So Rassool et So bannes Messagers ki finne vini dans le passé et bannes Messagers ki pou continuer vini dans le Ummaté Mohammadiyya (s.a.w) pou toujours préserve sa vrai l’enseignement de l’Islam kot Allah pas pou laisse sa bafouer dans la main de l’homme Alors c’est sa ki Allah expect de ou et li fine envoye ou la, dans un but. Li fine envoye ou la, oui, ou pou bizin travail, manger, boire, Li pou donne ou tous sa la, nek ou ena pou faire bane zéfforts. Pou bizin gagne place pou rester, tous sa la li important pou sa quelque jours lor sa la terre la. Séki nous donne plus l’importance c’est ki kan ou vine devant Allah, pareil couma ou envoye sa zenfant la ki li bizin gagne so break li pas assisé couma ene ‘ba’dha’ ou bien ene ‘ba’dhi’ (paresseux), li bizin jouer, li bizin galoper, li bizin faire bannes mouvements, li développe li même- coumme sa même kan Allah envoye nous lor la terre, nous développe nous le corps physique mais seulement dans ene meilleur façon et ou pas envoye ou zenfants l’école pou alle faire bannes qualité jouer ce ki li fine apprend la. Li pou faire li même du tort et tout bannes dimounes dans lacase du tort, avec sa bannes qualité jouer la. Par example, remplace zotte jouer boule ki sa pou profite zotte la santé, l’énergie, ou trouve avec zotte ena l’argent ki zotte gagner, zotte assizé dans ene ti coin, et zotte commence jouer lido, domino, avec zotte l’argent ki zotte gagner, zotte commence jouer dépi petit même, sa commence encré dans zot la tête. Couma zotte commence alle collège, zotte rentre dans bannes places, ou bien zotte commence rentre dans bannes casino, bannes places kot joué pou l’argent. Zotte mette l’argent et zotte commence joué avec sa, couma nous appelle sa, mo croire ‘baby foot’. Alors zotte joué, joué meme, finalement sa li grandi, grandi ziska sa alle dépi dans casino. Après li commence alle joué dans lecourse. Zotte pé penser ki zotte pé gagner meme zotte, cheval la pé aller meme. Et ler zotte pé alle lecourse. Zotte pé aller couma dire zotte fine fini gagner tous, pé cozer rier. Mais ler pé retourner, faudé guetter; ine fini perdi. Alors ou pas pou content ki ou zenfants rentre dans sa bannes qualité immoralité la; pareil couma aujourd’hui, ce matin la, kotte ena ene Missionaire Chrétien et ene madame ine vini, enfin pas ti capave coze trop longuement avec li, li appelle Mons. Kersley, mo fine donne li ene rendez-vous Mercredi, la kotte mo fine explique li pareil couma mo pé explique zotte la, ki voila, c’est ki la spiritualité et la religion fine disparaîte. Ki pou remplace sa vide la? C’est l’immoralité! Tous bannes kitchose de très mauvais! Si la justice, ine fini, dimoune pas conne faire la justice; c’est l’injustice ki rentré, alors lors parole, lors la lèvre, nous ki nous dire ? Ki nous croire dans ene seul Bondieu, et nous dire nous bizin faire la priere, nous dire ki nous bizin invite lézottes dimoune vers ene seul Dieu. En meme temps nous bizin consentise banne dimoune de séki pé passer, ki attention la colère de Dieu tombe lor nous; nous bizin faire la justice, be si zis lors la lèvre nous pé dire sa bannes dimoune là, et nous meme nous pas pé conne mette sa en pratique, nous pas pé conne faire la justice, nous pas pé conne juger, nous pas pé conne observe l’univers d’Allah, So creation, et So banne faveurs et So banne grâce ki li pé envoye lors nous, alors si nous meme nous pas pé conner couma nous bizin être reconnaissant envers Li, nous pas tourne vers Li, alors couma nous pou capave dire ça zis dans la bouche, zis couma ene routine. Fine vine ene routine pour bane Musulmans ki azordi Vendredi bizin alle Jummah, nek quitte travail vini, aller nek dibouter faire ene ti Namaz, imam nek dibouter dix quize minute, nek li lire Khutba en Arabic, personne pas comprend, khutba fini finalement pas fine comprend narien. Nek ine dire deux trois paroles en Urdu, routine fini, ler nek dire moi mo alle Jummah azordi, fini. Li bizin ene place ki kan ou pé vine Jummah, ki kan ou fine sortie, ou fine sortie avec quelque chose, de la spiritualité, ki apporte ene reforme, dans ou, càd séki ou fine apprane dans sa sermon la, li profite ou ziska lotte Vendredi. C’est coume sa meme, ki nous reformer doucement, doucement! Pareil couma ou fine mette ene linge propre et c’est doucement doucement ki li sale après ki ou fine mette li plusieurs fois. Et c’est sa même linge ki ou re-laver ou re-dresser et ou re-metter; Kant même ou pas pou laisse ene linge sale lors ou. Alors ici aussi li pareil ki chaque Vendredi nous re purifier nous l’âme et nous augmente nous connaissance spirituel. Allah pé dire: « Kan léciel pou couper ». Ki faire Allah pé dire kan léciel pou couper ? Allah fine créer sa et premier zaffaire ki Li fine créer, Li fine créer léciel et dans Quran, Li dire : « Guette sa création là ». Zot guette zis léciel tousél zot pou conné. Sa léciel là li pas tini avec aucaine colonne, aucaine bîme. Alor, kan ena ene l’orage, ena ene z’éclaire dans léciel, bane dimounes dire, « Sa, c’est bane zaffaire de la nature sa ! Naturel sa ! » Oui, dans ene sense nous pou dire, sa c’est naturel parski dans sa l’univers ki Allah fine crée, Li fine créer la Nature. Mais seulement ou bizin conne sa faveur là, conne analyse la nature, réfléchi lor la nature, et réfléchi couma sa la Nature là fine créer, et couma sa z’éclaire là aussi fine créer, si pas ti ena ene Créateur ! Zot dire ça z’éclaire là ene « tempête électrique » dans l’air, ki comme si dirai kan deux difiles courants zoine ensam, sa casse difé, alors zot pé prend sa coumsa. Bé, ki sanlà ki capave derrière sa, pou capave réconnaîte ki sa c’est z’éclaire. Ki sanlà fine créer sa ? Dans Quran Allah dire, « ene feuille na pas bouger sans Mo permission » - « Ene kitchose pas arriver sans Mo l’Ordre ». Et ou pou trouver là, ki dans sa verset ki mo fine lire là, kot Allah pé dire, « kan léciel pou déchiré et li pou écoute l’ordre so Maître couma bizin ». C’est-à-dire, kan ou pé entende ene tonnerre et trouve ene gros z’éclaire pé éclater, bé sa z’éclaire là li pé écoute l’ordre so Maître li, li pé écoute l’ordre d’Allah ! Abé, eski li pas ene manifestation ou soit ene catastrophe divine ki vine de côté d’Allah, ene signe ki vine de côté d’Allah pou annonce ou la pluie et aussi ki ou bizin prend ou précaution ? Ena so bon côté, kot li pé donne ou de l’eau, mais de l’autre côté, ki nous fine appranne ? Mo pou mette quelques hadiths devant ou, ki kalité Hazrat Muhammad Mustapha (s.a.w) ti ena la frayeur d’Allah dans so lécoeur. Aparte so bane l’esprit de sacrifices, bane Sahaba et so madame Hazrat Aisha (r.a) ti vraiment trouve lor so visage même, ki ti ena ene frayeur d’Allah dans so lécoeur, ki ti enraciné dans profondeur de so lécoeur. Et pas zis Hazrat Muhammad (s.a.w) ki ti gagne sa frayeur (Taqwa) là. Même bane Sahaba ki ti à côté li aussi, zot aussi zot ti ena sa frayeur d’Allah là. Alors, si nous, bane Musulmans, nous croyance li dans l’unicité d‘Allah et nous croire dans Allah et So Prophète, même si nous trouve ene ti étincelle pé arrivé ou bizin ena la crainte d’Allah dans ou le coeur. Alors, mo pou raconte couma Hazrat Muhammad (s.a.w), couma li ti pé tracasser, couma li ti ena la crainte d’Allah dans so lécoeur kan sa bane kitchoses là ti pé arrivé. C’est-à-dire, li comme le plus grand prophète. Le Chef de tous bane prophètes, li le « Khatam-an-Nabiyyiin » (le Sceau de tous bane prophètes – ki li bane prophètes du passé et aussi bane prophètes ki pou vini dans le future). Jamais à aucaine moment li (Hazrat Muhammad s.a.w) fine ferme la porte prophète. Zot dire ki li fine ferme la porte prophète, après zot pé déclare zot couma dire Mujjaddid de sa l’époque là. Alors li (le Saint Prophète s.a.w) li ti vini pou donne l’honneur à tous bane prophètes précédents et so l’honneur même. Et so l’example ti ene l’example parfait, ki ti englobe tous bane actions et bane l’examples parfait de tous bane les autres prophètes. Et aussi, li-même en li-même li ene l’example parfait, ene modèle parfait pour tous. Bane ki pou vine dans so Ummat (communité) comme le Messager pour contigne so travail, le même travail ki li ti apporté (ki li fine faire). Pas pou ena ene l’autre (Messager) ki pou vini ki pou révendique li comme le plus grand prophète ki Hazrat Muhammad (s.a.w) et ni li pou vini avec ene nouvo religion, ni li pou vini avec ene nouvo Livre de la Loi. NON ! Bane Messager ki pou vini après, zot pou vine seulement pour contigne so travail, et non pas pou amène ene nouvo code de loi. C’est-à-dire, si li ena pou vini, li bizin vine dans le Ummat de Hazrat Muhammad (s.a.w). Alors si nous Nabi Kareem Hazrat Muhammad (s.a.w) ti ena la crainte d’Allah lor tous bane kitchoses, alors nous ki faire nous prend tous sa bane zaffaires là à la légère et nous dire ki sa c’est bane zaffaires naturel ? Alors Hazrat Muhammad (s.a.w) li, kan li ti pé trouve ene la brise fort même li ti pé gagne beaucoup tracas. HADITHS : Hazrat Aisha (r.a) fine rapporté: « A chaque fois ki du vent vine fort avec ene nuage épais et sa du vent là li commence soufflé (et en même ene du vent fort fine commence soufflé pendant ki pé faire sa partie Khutba là ~ Sa aussi c’est ene Manifestation d’Allah), le Messager d’Allah (nous Nabi Kareem s.a.w) so figure ti pé vine pâle. » (Ki faire ? Li ti pé gagne beaucoup peur, li ti ena la frayeur d’Allah dans so lécoeur. Li pas ti pé capave reste en place, li ti pé agiter.) Hazrat Aisha (r.a) demande li : « Ya Rassoollullah (s.a.w), bé ki frayeur ou pé gagner, ki ou pé agiter ? » Hazrat Muhammad (s.a.w) pas dire li nennié. Hazrat Muhammad (s.a.w) faire sa duah là : « O mo Allah, mo demande Toi du bien ki sorti de sa du vent là, du bien ki ena dans sa du vent là, et du bien dans résultat de sa du vent là. Mo demande protection d’Allah contre le mal ki sorti de sa du vent là, le mal dans sa du vent là, et le mal dans résultat de sa du vent là. » (Ameen) Alors comprend bien sa duah ki Hazrat Muhammad (s.a.w) ti pé faire. Pourtant c’est ene du vent. Ene du vent ti pé souffler avec ene nuage épais. Hazrat Muhammad (s.a.w) pas ti pé capave rester ; li ti pé impatient, li ti pé agiter, li ti pé stresser. Et li ti pé faire sa duah là plusieurs fois. Hazrat Aisha (r.a) pé ajouté, li dire coumsa : « Et kan la pluie commence tombé, bane signe contentement paraître lor so figure Mubarak (béni) ». Hazrat Aisha (r.a) pé dire ki « ene fois mo fine dire li : ‘Ya Rassoollullah (s.a.w) – O Messager d’Allah (s.a.w) – Kan nuages paraître tous dimounes content parceki li annonce la pluie ; mais pour ki raison mo trouve ou figure tracasser dans sa moment là ?’ Lerlà Hazrat Muhammad (s.a.w) fine dire li : « O Aisha, couma mo capave sûre ki sa du vent là pas annonce la colère d’Allah ? Kan peuple Ad ti détruire par sa du vent là même, zot ti pé content kan zot fine trouve bane nuage épais pé rassembler. Zot fine penser ki la pluie pou tomber, mais en vérité sa bane nuages là pas fine amène aucaine la pluie, mais pluto ene destruction totale lor peuple Ad. » Sa même nuage fine détruire zot ! Zot, zot ti bien content pou trouve sa bane nuages là, mais en fait c’est la colère d’Allah ki fine tomber ! Lerlà Rassool-é-Karim (s.a.w) fine faire sa référence là dans Quran Shariff ki trouve dans Chapitre 46 (Al-Ahkàf) dans V. 24 – 25 kot Allah pé dire : « Alors kan bane Ad fine trouve ene nuage épais dans léciel, ti pé vine dans direction zot vallée, zot dire : ‘Ala ene nuage ki pé amène la pluie pour nous’. Allah dire : ‘Non ! Mais c’était bien sa punition ki zot ti pé demande pou trouver vite là. Ene du vent kot là dans ti ena ene punition sévère ki fine détruire tout par l’ordre de so Rab.’ Kan gramatin fine lévé, nennié pas fine rester, excepter zot la caze. Coumsa même Nous puni bane coupables. » Compran sa bien. Assizé, réfléchi, ouvert zot lizié et zot z’oreilles sinon si zot pas écoute sa, zot pou perdi sa bane messages là. (zot bizin prend bane bon positions kot zot capave écoute le Khutba Jummah) Alors guette la frayeur d’Allah dans lizié de celui ki meilleur parmi tous création. Guette la frayeur d’Allah de nous pyaré Nabi (s.a.w) Hazrat Muhammad (s.a.w). Guette sa frayeur ki li ti ena dans so lécoeur kan li-même li ti le plu meilleur parmi toute la création. Malgré ki sa verset Quran là li claire dans le Quran-é-Paak kot Allah (TWA) fine dire, ki Li pas pou puni l’homme aussi lontan ki ene prophète pas vine parmi zot, ene Messager pas vine parmi zot – Dans Ch.8 Surah An-Anfaal V. 34. Alors Hazrat Muhammad (s.a.w) ti ena tellement la frayeur d’Allah ki ene du vent impé fort ti pé faire li rappelle bane punitions de bane peuples d’avant. Tellement li ti ena ene frayeur ki kan li entende la brise soufflé impé fort, li commence gagne peur, li mazine sa bane peuples avant là couma zot fine détruire parceki zot pas fine prend compte avec bane paroles d’Allah. Astère là laisse nous jette ene coup d’œil au fond de nous lécoeur ! Malgré le fait ki nous pé noye dans tous bane péchés, aucaine sa bane catastrophes ‘naturel’ là, que ce soit tremblement de terre, inondations, cyclones, que ce soit z’éclaire, nennié pas pé réveille ene ti la frayeur dans nous lécoeur (l’humanité). Même ene ti la frayeur pas pé réveiller dans nous lécoeur. Au lieu nous faire Istigfaar (demande pardon) avec Allah (TWA), ou nous faire Namaz dans sa bane moments pareils là et nous cherche refuge avec Allah contre tous sa bane punitions ki capave vini lor nous là, au lieu nous tourne vers Allah, nous demande Li pardon, attention ene coup, pas conné ki arrivé, nous tous nous pour bizin quitte sa duniya (lémonde) là, attention arrive ene punition nous quitte sa duniya là. N’importe comment, nous tourne vers nous Allah, nous Créateur, propre pareil couma sa zenfant ki nous baigne li gramatin là, nous donne li so linge propre et ki li retourne la caze propre kot ou pas gagne colère et pas criyé nennié. Alors, coumsa même, kan nous trouve bane zaffaire coumsa, toujours nous bizin faire duah et istigfaar. Nous faire bane rakaats Namaz au lieu ki nous rentre dans toutes sorte kalité conversations ou soit bane explications inutiles ki li pas corborer avec séki Allah (TWA) fine révéle So pyaré Nabi Hazrat Muhammad (s.a.w) (dans le Quran) à propos So bane punitions divines et couma Li manifesté So bane colère et couma kan Li envoye So punition. Li pas envoye So punition aussi longtemps ki Li pas envoye ene Messager pou donne nous ene avertissement. Et kan ene Messager li vini, ena beaucoup bane signes ki paraître dans le monde en entier pour montrer ki voilà, le monde fine rentre dans ene décadence terrible, et fine rentre dans ene l’obscurité terrible. L’humanité fine arrive à la dérive, fine quitte la spiritualité nette. Zot fine fonce zot la tête nette dans l’immoralité. Alors, sa c’est bane hadiths ki bane paroles ki nous pyaré Nabi Hazrat Muhammad (s.a.w) ti ena dans so le cœur kan li ti pé trouve sa bane zaffaires là. Ena ene hadith kot Nadhir bin Abdullah (r.a), li rapporté, li dire: « Ene jour pendant ki Anas (r.a) ti encore present parmi nous (càd, ti encore vivre parmi nous), fine faire bien noire en plein lizour… » (Pareil couma nous fine fék témoigne sa, à peine 72 heures temps fine passer – Mercredi 14 Mai 2008 nous fine témoigne sa – Gramatin létemps bien bon, ene soleil radieux pé briller, zenfants tous pé alle l’école, tous pé alle travail gaillard. Ou capave empêche séki Allah faire ou ? Après ene ti moment ene nuage li vine noire dans léciel et panique partout – tout dimoune paniquer à Maurice. L’école tous commence larguer, pran dépi so ti l’école maternelle, so l’école primaire, so l’école sécondaire, so l’université, même bane dimounes ki pé travail dans bureau, zot commence guette zot la vie et la vie de zot zenfants. Nek zot fine trouve ene nuage noire et épais fine vini, et la pluie pé tombé fort. Tout dimounes fine tracasser, embouteillage partout. Tous bane parents pé attane zot bane zenfants lor chemin. Et guette couma Allah faire So travail. Li faire ce qu’Il veut. Ki bane ki pou capave comprend sa ? C’est bane dimounes ki ena la spiritualité et la crainte d’Allah dans zot le cœurs. Et sa hadith là continuer kot Nadhir bin Abdullah (r.a) pé dire coumsa : « … mo fine alle kot li (Anas) et mo fine dire li : ‘Eski zot fine trouve ene kitchose pareil dans l’époque de Rassool-é-Karim (s.a.w) ? Lerlà li fine réponne, li fine dire coumsa : ‘Mo rode protection Allah Ta’ala dans sa l’époque là (l’époque du Saint Prophète (s.a.w) ) si la brise ti vine ene tiguitte pli fort, nous ti pé galouper vers Masjeed attention Qayaamat (Jour du Jugement) pé approcher. » Alors dans l’époque de Hazrat Muhammad (s.a.w), si zot ti pé trouve sa bane signes là, zot ti pé galouper vers Masjeed pour faire duahs et demande pardon – Ici Nadhir bin Abdullah pé pran le nom d’Allah et rode So protection parski li faire comprend attention Qayaamat, attention destruction Allah pé approcher. Alors avec ene zaffaire pareil, lizour vine noir (létemps fine barré), l’homme pas prend tracas même ki ene seul coup guetter ki Allah capave faire ? Abu Darda (r.a) li rapporté à son tour : « A chaque fois ki ti ena ene tempête, Rassool-é-Karim (s.a.w) ti pé tracasser et li ti pé alle Masjeed et li ti pé faire beaucoup de duahs et li ti pé pleuré avec Allah (ki pas laisse sa tempête là vine lor nous) ‘Éloigne sa tempête là de nous’. Ene fois dans l’époque Hazrat Rassoollullah (s.a.w) ti ena l’éclipse soleil. Bane Sahaba (r.a) fine arrête zot travail. Même bane jeunes ki ti apprane tire coup de flèche fine galouper vers Masjeed kan zot fine trouve l’éclipse soleil, pour conner ki Rassool-é-Kareem (s.a.w) pour faire dans sa moment là. Alors kan zot fine rentre dans Masjeed zot trouve Rassool-é-Kareem (s.a.w) fine commence faire deux Rakaat Namaz Nafil. Sa Namaz là ti tellement longue ki certains personnes (fine rapporter dans Hadith) fine tombe sans connaissance. Juste deux Rakaat Namaz Hazrat Muhammad (s.a.w) ti pé faire. Tellement sa deux Rakaat Namaz ti longue kot Hazrat Muhammad (s.a.w) ti pé faire beaucoup de longue duahs là-dans avec Allah, ena dimounes pas fine capave tini, ki zot fine tombe sans connaissance. Et zot fine entende Hazrat Muhammad (s.a.w) ti pé pleuré dans so Namaz et fine dire Allah (li fine faire sa duah là) : « O mo Rab, To fine dire ki To pas pou puni zot aussi longtemps ki mo pou avec zot. » Alors nous trouver ki Hazrat Muhammad (s.a.w) ti pé gagne beaucoup tracas pour so peuple. Mo fine fek trouve ene verset Quran là, kot Allah pé dire : « Toi to pé gagne tracas pour zot, to pé faire duah pour zot, mais zot eski zot pé prend tracas pour sa bane messages ki to pé donne zot là ? Alors le Saint Prophète (s.a.w) dire Allah : « O mo Rab, To fine dire ki To pas pou puni zot aussi longtemps ki mo pou avec zot et ki zot pou rode To pardon. » Alors sa duah là li faire référence à ene Ayat Quran kot Allah Tabarak Wa Ta’ala dire : (Surah An Anfal V. 33-34) kot Allah dire coumsa : « Mais Allah pas pou puni zot kan ou pou avec zot, ni Li pou puni zot aussi longtemps ki zot faire Istigfaar (demande pardon). » Alors li (s.a.w) prend sa verset Quran là et li faire duah avec Allah. Alors Hazrat Muhammad (s.a.w) fine adresse bane Sahaba. Li dire zot coumsa (après ki li fine fini faire so bane duahs et Namaz dans Masjeed) : « Zot bizin presser pour faire Namaz à chaque fois ki zot trouve bane l’éclipse soleil et la lune. Si zot ti trouve bane signes pareil couma moi mo conné, alors certainement zot ti pou pleuré plisse et zot ti pou riyé moinse. » Surtout ena bane dimounes ki kan zot trouve la pluie zot alle dans la pluie pou mouille zot – oui la pluie c’est ene grâce d’Allah – mais ou bizin ena sa la crainte d’Allah, parski c’est par sa bane zaffaires là-même ki Allah Li détruire ene peuple ki pé faire du tort à So Messager, et pé tourne lédos avec bane instructions et bane versets divines. Et là ou pou trouve zot pé galouper dans la pluie, zot pou trempé dans la pluie. Surtout ena aussi bane garçons ki alle joué dehors, et bane filles aussi ki alle dans la pluie pour laisse zot mouiller. Li malheureux, ki fek là ene garçon ki alle collège (pour so l’étude) pé passe li lor télévision et pé demande li couma li pé trouve sa létemps là (le 14 Mai 2008). Li fine donne ene kalité réponse ki bien bien sans pudeur (haya) ; respect na pas ena, surtout kot ene camera pé braquer lor li. Bé ki l’image li pé projeter ? Et ici Hazrat Muhammad (s.a.w) pé donne so bane Sahaba conseils, ‘Kan ou trouve bane zaffaires coumsa, et surtout l’éclipse soleil et la lune, alor si zot ti conne bane signes du Qayaamat, pareil couma moi, bé certainement ou ti pou pleurer plisse ki ou riyé.’ La pluie pé tomber et ou trouve nuages fine vine épais, ou trouve z’éclaire dans l’air, ou entende l’orage faire tapaze, ou ti bizin arrête riyé, arrête tini bane sujets de conversations, pas allume ou télévision, pou guette bane dessins animés, bane filmes et teigne tous sa la; Ou ti bizin ena la crainte d’Allah là, et tourne vers Allah en supplication lor ou ‘Musalla’ pour ki Allah épargne ou de sa bane catastrophes divines ki bane là appelle sa ‘catastrophes naturels’. Dimounes gagne tracas attention television bruler kan l’orage faire tapage. Li pas gagne tracas punition d’Allah tombe lors li et ene sel nous tous fini. Li bizin gagne la crainte d’Allah, faire duah, faire istigfaar, couma Hazrat Muhammad (s.a.w) fine dire : « Si zot ti conner zot ti pou pleuré plisse, zot ti pou riyé moinse ». A chaque fois ki bane évènements pareil arriver, tourne vers Namaz, faire duah. Et aussi tire Sadqua, donne bane dimounes pauvres. Ena ene lotte hadith kot le Hazrat Muhammad (s.a.w) pas fine dormi tous longue la nuite, li fine récite sa ayat là ; Ch.5 Surah Al-Maida V. 118 ou 119. Ene la nuite li fine lire sa ayat là, li dire : « O Allah si To puni zot, zot To esclaves, et si To pardonne zot, To Celui Qui Puissant et Sage. » Allah fine révèle li sa et li pé lire sa verset Quran là, sa nuite là. Imam Abu Hanifa li aussi li fine pleuré tout la nuit, kan li fine récite sa ayat là, dans Namaz Tahajjud ; Surah yasin V. 59 ou 60 : « Avance ene côté aujourd’hui, O bane ki fine faire péchés. » Si le cœur arrête batté nous fini, si le cœur malade entier nous le corps malade. Surah Yasin c’est le cœur du Quran. Si ou pas lire le Quran, ou pas lire Surah Yasin, comme si dirai ou pas pé fonctionner. Donc, Jour Qayamat pou dire bane coupable séparé de bane qui ti obéir Moi (Allah) et obéir Mo prophète. Mo fine montrer zot l’obéissance, mais zot fine pluto montrer zot désobéissance envers Moi et Mo prophète. Zot pas pou capave reste ensemble azordi, pareil couma zot ti pé faire dans sa le monde ici-bas là. Pareil couma Nous dire gros-poids, li bizin reste dans place gros-poids, toi lentils to bizin reste dans to place, etc…  Toi to fine montrer to l’arrogance, to reste parmi bane Arrogants, toi to Hypocrite, to reste parmi bane Hypocrites, toi to Zaalim, to reste parmi bane zaalim – To ene dimoune qui fine obéir Allah et So prophète, to bizin alle parmi bane dimounes obéissants. Li pas pou pareil couma lor sa duniya là. Bane dimounes qui obéir Allah et So Rassool, accepter Manifestation (Allah), accepter persécutions, li pas pareil lor sa duniya là. Li ensemble avec bane les autres dimounes ki pas fine reconnaite Manifestation Allah, fine tourne le dos et ridiculizer. Par example, lor sa duniya là, ene dimoune hypocrite li pou ensemble avec ene dimoune ki ena Imaan, ki pas hypocrite. Ene dimoune Kaafir, li faire shirk, li pou ensemble avec sa dimoune dimoune ki adore ene seul Allah lor sa duniya là. Par example : Dans ene travail même kan ou travail ou ena plusieurs camarade, plusieurs religion, que ce soit li faire shirk, que ce soit li ene hypocrite, que ce soit li ene zaalim, li pé tire so lédent , après li pé morde ou dehors ; li pé tranche ou derrière ou lédos. Que ce soit li ene Munafique, que ce soit bane Kaafirs, que ce soit li pas content Islam, mais tous pé assize ensemble. Dans Akhirat, pas pou coumsa. Bane coupables pou séparé et bane bons dimounes qui obéir Allah et So prophète zot pou ene côté. Allah fine créer le ciel sans aucaine colonne, sans aucaine dalle, sans aucaine fondation. Le ciel là li tini sous commandement d’Allah, par So puissance. Le ciel pou écoute l’ordre so Maître. Premier création ki Allah ti créer, c’est le ciel avant, après deuxième Li fine créer la terre. Ena bane dimounes ki tappe l’estomac, ki dire « Moi mo ena par arpent la terre et village pour moi ». Allah dire : Village pour toi – Moi ki fine créer toussala. Si necque Allah aplati toussala ene sel coup – Eski kan ou trouve la terre pé tremblé pé aplati, eski ou pou capave dire « la terre pas faire sa ! Mo la là, mo pé nettoye toi, mo pé rasse tous l’herbe » ? Eski la terre pou écoute ou ? Non ! Au contraire la terre pou rejette tous, li pou dévide tous. Ki faire ? La terre pou écoute so Maître, li pas pou écoute personne d’autre. Dans Quran Allah dire « Mo fine créer le ciel après Mo fine faire la terre ». ‘Voilà ene la pluie fort pé dessane, alors dire le ciel pas envoye sa la pluie là attention li apporte inondations !’ Eski le ciel pou écoute ou li ? Azordi ou pé dire ki sa c’est bane phénomènes, bane zaffaires naturels. A cause sa même azordi la plupart bane scientistes zot bane athées ; parceki lor zot bane recherches ki zot faire zot dire tous kitchoses la nature. Zot dire : « Couma sa capave ene zaffaire ki vine de Dieu ? Impossible. » Et pourtant, c’est Allah qui fine révèle sa à So prophète, et Li pou préserve sa, jusqu’au Jour Qayamat. Quran fine faire pou ou lire et étudié, pas pou mette lor tablette. Allah envoye So prophète pou ki li relire sa bane versets là avec ou. Li bien triste azordi, ki sa semaine là nous fine trouve beaucoup zaffaires. Li bien chagrinant séki pé passer dans le monde. Kan ene zaffaire pé passer dans ene pays ou pas guette ki religion, ki aqeedah, parce ki azordi nous pé guette pou les autres ; demain nous pas conne pour nous. Mo ti gagne sa révélation là le 16 Avril 2008 kan mo pé lever pour Namaz Tahajjud, sa parole là en Urdu pé vini plusieurs fois : « Kyoun na aweh zalzalé taqwa kir ah goum ho gayi. Ek Musalman siraf Musalman kehlané ko hai. » (Ki faire tremblement de terre pas pour vini – Le chemin du taqwa fine perdu. Ene Musulman li Musulman seulement de nom) Sa révélation là li en Urdu. Malgré mo pas conne lire Urdu, Allah Li révèle à So Messager en créole, en Arabe, en Urdu – C’est sa ki montrer le pouvoir d’Allah, pour prouve la véracité de So Messager, kot Li capave révèle li en plusieurs langues. Qui faire ene Zalzala, ene calamité pas pou arriver, kan le chemin de Taqwa – la crainte d’Allah – fine disparaître dans zot le cœur. Zot népli ena frayeur dans zot le cœur. Ene Musulman li ene Musulman que de nom. Le Prophète d’Allah (s.a.w) li, li ti ena vrai la crainte d’Allah dans so le cœur, kot même kan ene la brise ti pé soufflé fort, li ti pé tracasser (attention sa ene manifestation de la colère d’Allah). Azordi nous trouve beaucoup dimounes pé alle Masjeed pé mette bel-bel bonnet, bel-bel bajou – personne pas parfait lor sa la terre là. Nous bane imparfait. Si nous prophète (s.a.w) ti ene modèle parfait, li pas fine prend li parfait, li toujours prend li-même comme imparfait, pour li capave vine ene modèle parfait pour l’humanité en entier. Et li donne nous ene guide couma pou prend sa chemin là, pour ki nous capave vine ene ‘ti parfait’, même pas 100 % (cent pourcent). Mais dans sa siècle là ou prend dépi 2001 ou vini, jusqu’à 2008 li faire 7 ans ; alle analyser combien destruction fine arriver ! Combien kitchoses fine arrive dans le monde entier, que ce soit au niveau fimiliale, pays, communauté, tous sa bane zaffaires là fine arriver. Ki faire ? Parce ki dimounes fine délaisse la spiritualité et lor là, punition pou vini plusse lor bane Musulmans, parce ki zot nom fine reste que le nom Musulman. Zot cause bane grand grand causer mais zot même pé faire pli grand dézordre lor sa la terre là. Zot même zot pé divisé et zot juge la foi zot camarade, zot dire lotte là ‘Kaafirs’, lotte là pas gagne droit faire Namaz derrière li – division lor division. Penser ki Allah fine envoye ou ene le plus grand prophète (s.a.w). Li fine donne ou ene grand religion, l’Islam. Li donne ou ene Livre complet (Quran). Ou ki ou faire ? Ou déclare pli conner ki lotte là ou ! Au lieu ou guette séki Allah fine dire dans le Quran, séki So prophète (s.a.w) fine dire, ou suivre sa bon example là pour ki ou capave purifier ou même. Non ! Ki ou faire ou ? Ou pas oulé purifier ou. Ou pou veille lotte là ki pé faire, ou tini bane sujets de conversation. Dans chaque la case ena sa, lerlà même la haine là li vini, bane division là li vini, ou commence cause contre ene dimoune ou commence cause contre lotte là là. Azordi, guette couma Islam fine reste que le nom, et sa ti fini prophétiser par le prophète (s.a.w) ki l’Islam pour reste que le nom. Zot poue ena zis nom Musulmans et le Quran pour reste que le Livre ; zot pou lire le Quran couma perroquet, sans ki zot comprend nennié. Pour ena grand grand Masjeed, joli, joli Masjeed – Nous pé trouver azordi jour. Kan ou pé rentrer ou pé émerveiller, mais combien Namazi ena ? Combien le cœur fine émerveiller avec création d’Allah, avec Manifestation d’Allah, avec signes d’Allah ? Allah Li Jamaal – Li Beau. Allah Li Azim – Li Grand. Allah Li Muhaymine – Li nous Protecteur. Alors combien parmi nous réfléchi lor là. Pareil couma ou garde ou la caze propre, ou bizin garde la caze d’Allah (Masjeed) aussi propre. Li bizin ene place respectable, ene place kot faire Zikr. Tous sa là ti fine être prophétiser par le Prophète (s.a.w) ki pou ena grand grand Masjeed, mais pas pou ena Taqwa dans le cœur. Pareil couma ti ena ene disciple ti là parmi nous (Seïd Ahmad ~ Qui Allah accorde li ene Joli place éternelle auprès de Li dans le Janaat-ul-Firdaus). Li ti dire « Longtemps Masjeed ti en la paille, mais Imaan (la foi) ti en béton ; azordi Masjeed en béton, mais Imaan fine vine la paille ». Sa c’est ene grand parole ki li fine dire kot li pou gravé dans l’histoire du Jamaat Ul Sahih Al Islam. Jour aller, mais causer rester ! Imaan fine disparaître fine alle lor ‘Surrayya’ – lor ene z’étoile ki bien haute (dans le ciel). Et li (le Saint Prophète Muhammad s.a.w) fine dire pour ena ene dimoune pou ré-amène sa lor la terre. Ena beaucoup travail pour faire. Kan ou écoute le Khutba, ou bizin transmettre le message. Ou pé trouver jour en jour le monde entier pé détruire et le monde pé noyé avec le péché. Li (Allah) donne ou bane ti étincelle de choc pou ki ou capave tourne vers Li, ou demande pardon. Mais dimounes encore faire mauvais lor la terre. Eski sa pas faire le cœur faire mal ou trouve Birmanie, kot 22,500 mille dimounes fine trouve la mort et 40,000 dimounes fine disparaître et 1 million dimounes sans l’abri. Penser ou-même, 1 million dimounes péna manger, la caze etc. Et bane ki fine disparaître, et ou conner sa ki kan le corps fine disparaître, lerlà commence gagne bane maladies. Sa même apporte bane virus dans l’air, parce ki à cause lerlà lecorps là décomposer et filtrer dans l’air. Guette aussi ki fine arrive dans la Chine kot ene tremblement de terre fine faire ravage kot plisse ki 50,000 dimounes fine perdi la vie et guette combien fine vine sans l’abri et nourriture et combien grand grand bâtiment fine vine en poussière ! Eski sa c’est ene phénomène naturel ? Ici à Maurice, le mois Mars pendant 1 jour ou soit pendant 48 heures temps, fine ena inondations, voilà kot 4 dimounes fine morts. Maurice fine vine enbas là-haut. Astère pense sa pays là kot 22,500 mille dimounes fine morts. Sa même deux semaines de cela, sa bane 1 million dimounes là ti encore vivants ! Pas oubliyer en 2001 dans Gujrat, tremblement de terre, dans l’Iran en 2002, tremblement de terre. Nous vrai Secoureur, nous vrai Protecteur, c’est Allah Tout-Puissant. Nennié nous pas posséder lor sa la terre là ! Astère penser bane dimounes ki pé faire mauvais lor la terre, pareil couma dans l’Inde, bane là fine mette bombe, fine éclate bane grand grand bâtiments, combien dimounes fine mort ! Zot pas réaliser, zot fine mette bombe – Ki zot fine gagner là-dans ? L’Islam fine dire la vie d’ene dimoune li sacrer. Au niveau mondiale ena en crise économique. Zot rappelle en 2001 – 2002 mo ti fini dire pour ena ene crise économique, kot zot bizin acheter zot bane rations, faire stock et commence rode dibois – charbon, parceki l’époque longtemps pou révini. Pour ena ene crise économique et crise alimentaires et voilà, mo redire sa encore azordi, pas faire des gaspillages. Combien de fois ou pou capave faire stock, ou pou ena capacité pou acheter nourriture garder pour 1 an. Sa aussi, li pou gâté ! Tous sa là c’est bane signes kot Allah montrer So colère. A l’époque 2002, kan mo ti pé dire bizin mette l’auto ene côté, bizin rode bicyclette, bizin, marcher. Bicyclette pou gagne so valeur, cheval pou gagne so valeur. Dans Maurice Charrette Bœuf pou gagne so valeur – pou vine pareil couma longtemps dimounes ti pé marier dans charrette bœuf. Astère dimounes pé marier dans bel-bel l’auto. Mercedes, toussala bizin ramasser astère. L’essence pou monter. Beaucoup zaffaire ou pas pou capave faire, beaucoup zaffaire roule avec pétrole. A sa l’époque là (2002) kan mo ti dire sa, petrole ti 30 dollars baril. Zot tous ti pé témoigner à chaque fois ki so prix ti pé monté. Azordi jour, ou conner combien ene baril pétrole fine vini ? Plisse ki 150 dollars. APPEL A L’HUMANITÉ Mo l’appel à toute l’humanité entier, séki sakaine parmi nous, bizin être concient de séki pé arriver à travers le monde et nous pas bizin détâche nous avec travail de Deen. Nous bizin reste attacher avec Allah. Chaque moment nous bizin demande pardon. En même temps mo faire l’appel précia à toute l’humanité en entier, si chacun ena ene ti boute la terre côte li, cultive sa la terre là et planter – pas dire ki mo pas pou mange sa, mo pas pou mange sa. Bizin commence plante patate, manioc, fruit-à-pain, toussala pou tini ou pou donne ou la force. Ena bane dimounes ti pé quitte manger la caze, pour alle l’hôtel alle manger. Kan bill vini – Rs.10,000 / Rs.15,000. Allah fine donne ou l’argent ; ou dépense couma ou gagner, ou pas fine contrôler. Kan ou commence gagne l’honneur lor sa la terre là, ou oubliyé Allah. Ou penser c’est ou ki dieu lor sa la terre là. Ou penser ou possède tous – richesses et zenfants. Là-même ena ene crise du riz. Pareil couma dans la Chine, eski li pou guette so propre peuple ou soi li pou guette les autres pays ? Séki fine arrive l’Inde, li dire li pou aidé, eski ou cone ki capave arrive l’Inde pli devant ki catastrophe pou arrive li, ki catastrophe pou arrive Pakistan ? Eski lerlà li pou guette so peuple, ou soi li pou vende diriz avec ou ? Alors chacun parmi nous bizin reflechi. Nous bizin conne faire économie, nous bizin économise nous l’argent. Nous bizin conner kot pou dépense l’argent là, couma pour dépense li, pas alle mette sa dans bane zaffaires ‘Haraam’ (défendu), et bizin cultive spiritualité dans nous. Couma nous les corps bizin manger pour vivre, pour li vine solide, nous l’âme aussi bizin solide. Alors c’est ene l’appel précis ki mo fine faire à zot tous dans sa Khutba là. Au lieu nous perdi nous létemps avec bane kitchose inutile, dans place nous pé guette bane filmes, kot pas gagne aucaine bénéfices. Li pé noye nous plisse dans le péché et pé montrer pluto couma faire crime, pé montrer couma coquin, couma faire malhonnête avec dimoune. Alors sa bane kalité filmes là ou bizin mette ene côté. Ou bizin attrape ou Quran Shariff, ou soi attrape la corde d’Allah. Ou bizin mette sa dans ou la tête, ou fine vine seul lor sa la terre là, ou pou retourne seul kot Allah. Ou ena ene compte pou rendé. Ou bizin faire Allah content, pas l’homme content. Beaucoup bane jeunes pé lever, l’habillement top, z’oreille piquer, l’ombril piquer. Kot bane parents été ? Kot tarbiyyat parents ? Si parents là dans la caze pé habille coumsa, eski li pou capave mette l’ordre avec so zenfants ? Astère zenfants zordi ou pas capave causer. Kan ou cause 1, zot cause 2. Dans l’époque longtemps zenfants ti pé respect grand dimoune, grand dimoune ti pé respect zenfants. Sa fine disparaître dans la société. Longtemps, kan ou pé reste dans ene l’endroit, ou pé reste couma ene seul famille, pas guette ki religion nennié. Azordi, toussala pé vine ene tabou, et nous pé vivre ene l’époque l’enfer. Zot pas pé interesse ni avec Deen (la religion), ni avec le Namaz, ni avec le Quran, ni avec le Zikr. C’est sa ki pou profite zot. Ou capave jeune, ou ene zenfant, eski ou conner talère ki pou arrive ou ? Kan ou tombe dans l’angoisse de la mort, lerlà ou pou criyé, ‘Ayo maman, ayo papa’, ou pou criyé l’autre ‘faire duah pour moi’. Kan nous guetter, nous trouver ki kan sa moment de l’angoisse de la mort là vini, lerlà zot dire prier pou zot, mais trop tard pou zot parce ki c’est à sa moment là ki zot pense Allah. Kan Allah ti donne zot tout zot letemps pou repentir et adore Li tousel et suive l’example de So Prophète et reste attacher avec So Livre (Quran Shareef), zot pas fine prend compte. Zot ti croire zot ti pou éternelle lor sa la terre là. Dans Quran Allah dire, chakaine pou rendre so compte. Ene maman pas pou rendre compte so zenfants, ene zenfant pas pou rendre compte so maman. C’est ene l’appel précis mo pé faire à tous bane jeunes à travers le monde entier et surtout à Maurice, ki arrêter imite bane idoles, arrête faire couma bane acteurs faire – pé fumer, joué dans casino – Pas imite sa bane acteurs et aussi actrices là séki zot pé faire. Tous sa là c’est contre Allah So l’enseignements. Alle imite ou prophète, lire la vie de tous bane prophètes. Guette couma Hazrat Issa (a.s) ti sacrifier li pour prêche l’unicité d’Allah. Bane là fine crucifier li lor la croix. Moïse, ki kalité fine passer ; Abraham ki kalité fine passer pour donne zot peuple sa message d’Allah là. Mais kan zot peuple fine montrer zot désobéissance envers sa bane prophètes d’Allah, là, Allah pas fine quitte zot ! Pense ki pou arrive ou ! Pas copié lor les autres (ki donne ene mauvais l’example). Pas faire pareil couma bane Européens, ou soi bane Asiatiques. Pareil couma dans Surah Al-Ahzaab, Allah pé dire bane madames du prophète (s.a.w), baisse lor zot, zot grand robe. Bane zhommes aussi zot bizin habille bien, montrer de respect. Coumsa bane les autres pou respect ou. Astère pé gagne transport gratuit. Necque sa bane étudiants là ou trouve zot partout, dans tous coins – lor la gare – dans bus zot pé gagne transport gratuit même zot ! Eski zot conne so conséquences transport gratuit ? Eski ou conner combien milliards l’argent sa coûter ? Astère couma pou tire sa ? Zot tire sa avec ou-même ! Tous kitchoses pé monté, ena kitchose parents pas pé capave acheter pour zot zenfants. Rs.2.65 ene dipain. Astère si sa parents ena 3 – 6 zenfants, combien sa faire tous les jours ? Ou pas pou capave donne zot dipain sec. Ou bizin du beurre, fromage. Dilait ou conné combien sa fine vini ? Lors là l’argent ou pas trouver - ki sa ? Zot prend l’argent pou faire kitchose inutile pour gagne grandeur. Guette l’avenir ou peuple. Après faire ou peuple gagne moralité et non pas immoralité. Encourage bane travail sociaux-religieux plisse, pour encourage sa bane jeunes là, pou tire zot de l’immoralité, et amène zot vers la spiritualité. Sa conseil là mo adresse li à tous dimounes et governments sans exception. Sa message là englobe tous bane jeunesses. Mo pé mette ene mise en garde, ki L’HUMANITÉ EN DANGER ! Dans tous pays – crise économique, crise financier, crise alimentaire – tous sa là pé arriver, parceki bane dimounes fine délaisse la religion. Lerlà zot pou dire « Kot sa Sauveur là été ? Kot sa dimoune ki bizin vini là, pour tire nous dans l’obscurité ? » Li devant zot, zot pé faire sourde oreille, zot pas pé écouter. Faudrait coup là vine lor zot-même. En général Khutba là azordi fine vine en plusieurs étape. Le Khutba fine prend plisse ki 1 heures temps 30 minutes ou 1 heures temps 45 minutes et là aussi mo pas encore fini mo explication. Prend ou précaution. Pas donne zot bane zenfants sa l’habitude de portable (mobile) là. Publicité pou faire même, pour zot gagne l’argent. Zenfants zot tenté parceki camarades ena portable, zot aussi zot bizin ena. Calculer conséquences après. Allah fine éleve nous, fine enseigne nous – nous conné nous ene zero, mais Allah fine faire nous vine bane héros par So bane connaissances. Li mette So ‘Ilm’ (connaissances) dans nous l’esprit. Maintenant c’est à zot, si pas zot pou marche d’après l’instruction là. Pas penser ki zot pé saye avec Munir Azim, le Muhyi-ud-Din de sa l’époque là. Zot tire sa dans zot la tête. Si zot faire sa li ene Shirk. Si zot suive sa bane conseil là, zot suive sa chemin droite, li très bien pou zot. La vie lor sa la terre là et dans Akhirat kot zot pou gagne ene récompense éternel. (Insha-Allah) Astère si ou rejette sa, ou tourne ou le dos, ou ridiculizer, bé li malheureux pou ou, et tous sa là ou ena ene compte pou render devant Allah. Essaye comprend sa Khutba Jummah là, étape par étape, avec la frayeur d’Allah (dans zot lécoeur). Kan ou trouve dimoune faire longue longue duah ? Kan zot dans problème. Couma sa problème là quitte li, li oubliyer tous, li pas faire Namaz. Faudrait pas ki nous vine coumsa. Nous bizin penser séki nous semer lor sa la terre là, nous pou récolté dans Akhirat. Nous bizin reconnaite bane Manifestation d’Allah comme ene signe divine. Nous pas dire sa ene zaffaire naturel. Si nous trouve ene la pluie pé tomber nous bizin dire ene grâce de côté d’Allah. Kan nous gagne chaud, nous ouvert la fenêtre nous gagne l’air. Nous dire Alhamdollillah. Tout kitchose ki ene croyant gagner li bizin dire c’est par la grâce d’Allah. Nous l’honneur, nous la vie tous trouve dans la main d’Allah. Ki Allah aide chakaine parmi nous pou comprend ki nous bizin ena la frayeur d’Allah. Nous bizin reconnaite tous signes ki manifester comme ene signe divine. Nous bizin comprend la colère d’Allah. Couma Hazrat Muhammad (s.a.w) ti pé entende tel zaffaire (ki capave lier avec la colère d’Allah), so figure ti pé pâli, li ti pé faire beaucoup de duah. Li dire Allah pas envoye So punition, tanque ki mo parmi zot et aussi mo pé apporte bane précision séki pé passer dans le monde en entier. Chacun bizin comprend séki pé passer dans Birmanie, la Chine. Azordi li dans ene pays, demain li dans l’autre pays. Pas penser ki l’autre pou saper avec la punition divine. Pena aucaine pays ou l’Ile pou saper. Si nous pas change nous, nous arrête faire mauvais et nous faire bon, et nous bizin éduque nous bane jeunes, ki zot bizin tourne vers Allah et lire le Quran et ki Allah pou toujours avec zot dans sa le monde là et dans Akhérat. Pense sa parole ki Hazrat Abu Bakr Siddique (r.a) ti dire là, kan li ti pé guette ene mouton pé broute ene l’herbe, li dire : « O Allah, ki faire mo pas ti ene l’herbe, attention dans ene fraction seconde mo capave perdi mo Imaan. » Tellement li ti pé peur attntion li perdi Imaan. Nous pas prier la mort mais tellement la crainte d’Allah dans lécoeur, ou dire ‘ki ou pou alle réponne kan ou alle devant Allah, ki chaque peuple, chaque humain en général. Sa Khutba ki mo fine faire là, zot reflchi lor là et pense beaucoup avant ki ou ridiculizer. Mo faire en l’appel ki li ene message tres impotant pour le monde en entier, ena crise international dans tous so l’aspect, de côté travail, developpement, etc. La Justice pena. Eski ou pas pou mette sa dans ou la tête ki Allah pou laisse sa coumsa même. Dans Quran Allah dire, li pas pou puni ene peuple, tanque ki Li pas envoye en prophete. Mo espéré ki zot prend sa message là en consideration. Le message li là. C’est à zot zot guetté si pas zot vire le dos ou pas. Ou bien ou change ou-même, et ou ena la crainte d’Allah dans ou le cœur. Ki Allah donne nous sa Tawfik là. Insha-Allah. Ameen.