Text Box: La Proclamation du Khalifatullah de ça l’Époque là (Le Khalifa d’Allah – Allah Ki Li-même Le Tout Puissant) « Mo fine vini, pou réveille zot tous ki pé dormi, Zot pé trop dormi entretemps ki banes pages de zot livre kot écrire zot bane action et pense pé accumuler en tas et sa pé faire zot reste loin de sa la terre béni la ; En sus de banes sommeil ena banes rêve, en sus de l’état éveillé, ena banes réalité d’ene paix reposant. Mo fine vini pou tire zot de zot difficulté, O zot ki pé vagabonder dans zot l’arrogance imbécile. Ki pé alle rode banes fantaisies dans bane buissons lizié voilés dans ene l’obscurité totale. Et ki zot pé tomber de naissance jusqu'à la mort, dans l’échouement, fracture, faction et sa du feu fanatique là. Mo fine vini pou guéri zot tous de zot banes tipti tipti stupidités ! Et de zot banes brins de cheveux d’anges temporels, sans importance. De zot ti l’amour et la haine ki pé barre ça la ligne de « moi » et de « toi » ! Banes frères-frères pé enveille zot camarades, Banes soeurs-sœurs pé crase zenfants zot camarades. Car ena ene mur de péché entre zot ! Mo fine vini pou montrer zot tous le chemin : ene forme, ene nom, le savoir vivre qui pou rafraichi et calmer ça l’esprit fiévreux là. Bizin calmer ça vagues, ki pé rempli et accompli, Ça même ki pou amène zot tous dans le chemin de Celui (qui zot tous fine oublier) ki zot ti pé voyager dedans, de ce ki zot sorti. Banes rayons soleil, pé faire sorti bane boutons de lotus, ki pé atane ça chaleur là ! Ki ça bane quelque mots du Khalifatullah de ça l’époque là, Hazrat Munir Ahmad Azim, de so chaleureux touché, ouvert ça banes pétales de zot le cœur lotus ! Munir Ahmad Azim Le Khalifatullah de ça l’époque là Reçevoir le 24 Mai 2008 18 Jamadal Ulah 1429 A.H   "Yaa-ayyu-han-naasu inni Al-Khalifatullah ilaykum anil Jamii-lazii lahuu mulkus saamaa waati wal arz" (O dimoune ! Mo vraiment ene Khalifatullah, ene Élu d’Allah pou zot tous…..) Proclamation Officielle Ene point ki mo envie faire ressortir à tous mo banes frères, et sœurs et zenfants ki présent aujourd’hui ki le nom du Jamaat Ul Sahih Al Islam li pas ene nouveau religion. Création de sa Jamaat la, Jamaat Ul Sahih Al Islam fine révéler par Allah et banes membres de sa Jamaat là zot bane vrais croyants musulmans et zot ena ene la foi purement Islamique. Quand même nous fine recevoir le nom du Jamaat Ul Sahih Al Islam, ene commandement d’Allah, sa veut pas dire ki ene l’autre religion fine former. « Al yawma akmalto la koum deenakum wa atmamto alaykum ne’amati wa raziito la koumoul Islama deena… » Aujourd’hui Mo fine rende ou religion parfait, et Mo fine complète Mo faveur lor ou, et li faire Moi plaisir donne ou l’Islam comme religion. Allah fine donne nous sa nom là pou distingue nous de banes les autres. Le meilleur nom ki Allah fine capave donne nous li englober dans le nom du Jamaat Ul Sahih Al Islam ; c’est à dire ISLAM. Ça nom là ena ene grand signification pou nous dans nous l’époque. Pou nous, c’est ki fine grand temps pou la propagation de l’Islam, le message universel du prophète (s.a.w) dans le monde entier. C’est le temps maintenant pou la diffusion d’éloges d’Allah et pou la propagation de So connaissance et So bienfaisance et de So beauté ; c’est le temps de faire revivre l’Islam, de la manifestation divine, à travers banes révélations ki Li envoyer à So humble serviteur, ene Homme de Dieu. Nous bane musulmans, bane vrais croyants de tout cœur et âme. Nous banes vrais croyants musulmans ki bizin obéir banes commandements et rejette banes kitchoseS ki bane vrai croyants bizin rejeter. Si quelqu’un traite nous d’incroyants, ou colle étiquette de « non-musulman » ou « non-ahmadi » et décrire nous comme bane innovateurs ou bane croyants d’ene l’autre nouveau religion autre ki l’Islam, malgré nous dévotion sincère envers l’Islam en toute conformité avec bane commandements d’Allah, sa banes dimounes là zot banes mécréants et cruels. C’est sur ki li pou obliger rendre so compte pou sa devant Allah. Mo continuer procéder pou énumère nous banes croyances ki nous ena dans la Jamaat Ul Sahih Al Islam, comme sa zot capave trouver si pas li contraire à l’enseignement Islamique. 1) Nous croire ki Allah exister, So l’existence affirme So vérité, c’est pas ene illusion ou ene superstition. 2) Nous croire ki Dieu Li Un. Li pas ena aucun partenaire ni d’ici-bas ni dans le ciel. Tout ce ki nous trouver c’est So création. Et tout dépend lors So aide et Li même ki soutenir sa l’univers là. 3) Nous croire ki Allah Li saint, Li sans défauts et Li rempli de perfections. So pouvoir li illimité. Li ena contrôle lors tout kitchose et pas ena narien ki Li pas ena connaissance. Li le premier et le dernier, Li Manifeste et Le Caché, le Créateur et Maitre de toute la création. 4) Nous croire dans bane Anges ki zot forme partie de la création d’Allah, zotte aussi suivre banes commandements ki ena dans Quran Sharrif. Zotte exécute tous l’ordre ki Allah demande zot pou faire. Zot aussi, tout comme l’homme et autre créature d’Allah, zot dépende totalement lors Allah (swt). Allah pas dépende lors banes Anges pou manifester So volonté et So Sagesse. 5) Nous croire ki Allah cause avec So banes serviteurs choisis et donne la révélation. La révélation descende en mots. Le récipient divine, c.à.d. le messager d’Allah, li ni donne la signification de sa banes mots révélé là ni donne les mots par li même. Tous les deux vine de coté d’Allah. C’est Allah ki donne li l’explication de la révélation après avoir fine révèle li sa. La révélation donne vraiment ene nourriture saint pou l’homme. L’homme vivre avec et à travers la révélation. C’est par la révélation divine même kot l’homme gagne ene contact direct avec Allah. Banes mots ki fini descende d’ene révélation divine, zot unique en zot pouvoir et majesté. Pas ena aucaine homme ki capave change ene mot ki vine de coté d’Allah. Les mots de la révélation ena ene trésor de connaissance et de sagesse. 6) Nous croire aussi ki quand le monde tombe dans l’obscurité et banes dimounes zot fine noyer dans bane profonds de péchés et zot fine envelopper avec banes force satanique, donc sans l’aide d’Allah, li impossible pou zot remonte à la surface pou libère zot de sa la chaine satanique là. Dieu, le Très Miséricordieux et Rempli de Bienfaits choisir So dimoune ki Li bien content et ki loyal pou vini pou guide sa banes dimounes là libérer de zot forces sataniques et d’immoralités sous l’instruction divine. Dieu donne li la révélation de So volonté et but couma pou sorti de sa l’obscurité la. Donc, celui ki tourne le dos avec banes messages ki Li donné, définitivement zot pé pli dégrade zot même. Mais banes ki tourne vers le message ki Dieu pé révéler à travers So messager, zot banes ki recevoir l’amour d’Allah. Bane la portes de So grâce et bénédictions grandes ouvertes pou sa banes dimounes la. Allah So grâce et So miséricorde descende lor zot. Zot aussi zot vine banes dimoune spirituelles pou banes future générations et zot atteindre ene grandeur extraordinaire lor sa la terre là même et dans l’autre monde. 7) Nous croire aussi dans tous banes messagers d’Allah, ki fine vini dans le passé pou tire l’homme de l’obscurité et de banes forces satanique et ki zot ti appartenir à différent grade de grandeur spirituel et ki zot ti accompli zot banes missions divine de différent degrés. Le plus grand parmi tous banes prophètes ki fine vini depuis création de sa l’univers là, c’est le Saint Prophète (s.a.w). Allah fine décrire li comme « le chef de tous les hommes, ene messager universel. » 8) Nous croire ki Allah écoute la prière de So banes serviteurs et tous banes ki implore le secours d’Allah. Allah retire tous banes difficultés de celui ki tourne vers Li avec ene le cœur sincère. Li ene Dieu vivant manifester lor tous kitchose et de tous temps. Ce ne pas vrai ki le Créateur fine crée sa le monde là et après li alle assise ene coté ; Li continuer faire So travail pour répandre bane bienfaits et avec gentillesse pou So banes serviteurs choisis et de So banes créatures. Quand l’homme senti li humble et faible, le Créateur vine à so secours. Si l’homme fine oublier Li, Li faire zot rappel Li. C’est sa l’homme de décider si pas li pou croire dans Dieu unique et pou prier li. Si zot banes vrai croyants, zot pou gagne la guidance ki vine d’Allah seul. 9) Nous croire aussi ki de temps en temps Dieu l’unique Li détermine et désigne la course des événements dans banes façon très spécial. Tous banes événements de sa le monde la zot pas déterminer entièrement par banes la loi ki nous appelle la loi de la nature. Appart sa banes la loi la, ena banes la loi spéciale kot Allah Li manifester So grandeur, So l’intérêt et So but. C’est sa banes la loi spéciale là ki continuer banes évidences de la volonté, pouvoir et l’amour de Dieu. Quoique la loi de la nature zot pou reste la loi de la nature, mais pas bane la lois de Dieu. La loi d’Allah, c’est banes la loi à travers quoi kot Allah aide So banes serviteurs choisis, banes ki Li content, et c’est à travers zot kot Li donne la disgrâce et détruire bane ennemies de So bien-aimé/s. 10) Nous croire aussi ki la mort li pas la fin de l’existence de bane humains. L’homme li survivre après so la mort et li ena pou rende so compte de so banes actions dans l’au-delà. Banes ki fine faire bonnes actions, zot pou hérite les meilleures récompenses. Banes ki fine commette boucou d’offense, fine désobéir banes enseignements et banes commandements d’Allah, zot pou joinde ene mauvais punition bien mériter. 11) Nous aussi croire ki banes incroyants et banes ennemies de So Guide à travers ki Li envoye la révélation zot pou passe banes moments extrêmement difficile dans le regret plus ki zot ti dans zot mauvais travail satanique. 12) Nous croire ki banes ki croire en l’unique Dieu, So banes prophètes, So banes Anges et dans So banes Livres Sacrés, banes ki affirme avec ene le cœur et l’esprit sincère le Guide ki vine de coté d’Allah, et ki marche avec humilité et ki abaisse li dans So présence, banes ki vivre couma banes pauvre même ki zot riches, banes ki servir l’humaniste et sacrifier zot confort pou les autres, banes ki subir des épreuves très très dur couma la haine, la cruauté et transgression, banes ki zot bane modèles de la bonté, sa banes qualité dimoune la zot pou alle dans ene place ki appelle le Paradis. La-bas nek juste pou ena la paix et le plaisir. La douleur pas exister dans sa place là. Chaque dimoune pou recevoir le plaisir et l’approbation d’Allah. Tous banes désires de l’homme pou les désires de Dieu. Zot pou jouir ene la vie éternelle, chacun pou être l’image de Dieu, de so Créateur. C’est sa nous bane croyances ; nous affirme tous croyances de Islam et nous tenir sa banes croyances là comme nous croyances. La venue d’ene Réformateur et Imam-e-Inquilaab : Ene croyance Islamique de Haute Importance La croyance de la venue d’un Réformateur fine ena lieu bien avant l’avènement de l’Islam. Sa exister bien avant la venue de Hazrat Mohammad (s.a.w), sa faire partie dans la tradition Mosaïque. Mais en Islam la venue d’ene Réformateur fine bien être enseigner dans ene façon systématique et déterminer ki nous obliger pou prend sa comme ene croyance de haute importance en Islam. Nous guette banes actions ki fine renforci et systématise sa croyance Islamique là. 1) L’avènement d’ene Réformateur fine être décrire dans les traditions musulmanes comme ene avènement d’ene nouveau siècle dans l’avancement de l’Islam. La conquête des autres la foi à l’Islam, c’est ki nous attane la venue d’ene Réformateur. Ça Réformateur là ki pou faire sa début la. 2) La venue d’ene Réformateur dans l’Islam li pou couma dire le Saint Prophète (s.a.w) li même ki fine vini. Banes premier croyants de sa Réformateur la zot pou couma banes premiers croyants de l’Islam, du prophète (s.a.w). 3) Le Réformateur li vini pou retire l’Islam de so grande difficulté. So l’époque fine être décrire dans banes hadiths dans ene façon très effrayant. Le temps banes catastrophes très aigus dans tous les sens kot Islam li bien secoué dans so fondation. Donc le Réformateur vini pou remettre l’Islam, en sécurité contre banes l’ennemies. La venue de banes Réformateurs et messagers fine décrire dans plusieurs livres religieux. Sa banes description la, zot métaphorique. Description littéral pena aucaine utilité pou la promotion de la spiritualité. Si banes signes d’ene Réformateur ti pou décrire minutieusement, dans tous so détails et chaque détail nous prend li littéral, pas ti pou ena aucaine distinction entre ene croyant et ene incroyant. La venue d’ene Khalifa ki vine de coté d’Allah (Khalifatullah) li pas ene l’événement ordinaire. C’est ene événement extraordinaire. Donc, tous les jours, nous le temps bien précieux, infiniment boucou pli précieux, ki autre chose de ça le monde là. Chanceux à bane ki fine reconnaître la valeur du présent et ki fine prend ene décision ferme pou rencontre le Khalifatullah de ça l’époque là. Et zot pé jouir banes manifestation divine et zot pé gagne plaisir dans la vie spirituelle. Sa qualité dimoune la, li pou atteindre le but de so la vie, et li pou saisir le secret d’être réellement ene humain. Quand ene messager de Dieu li vini et li fonde ene Jamaat, d’ordinairement c’est bane pauvres ki joindre. Mais sa Jamaat la jamais li pas reste pauvre tous les temps. Li commence épanouir et banes dimounes vine joinde li graduellement. Donc, personne pas bizin penser ki nous Jamaat pou reste pauvre tous les temps. Li pou grandi à grands pas. Insha Allah. La valeur des grands événements ou les bonnes actions dépende lors le temps choisi. Ene travail ki ou faire dans ene certain temps fine prouver couma grand sa travail la. Mais, par contre, dans ene autre temps, même travail pas ena rendement ditout. Banes ki le premier pou croire dans la venue du prophète (s.a.w) fine reste toujours jusqu'à azordi banes leaders spirituels du monde. Banes ki fine croire quand Islam fine prend le pouvoir dans le monde, zot fine atteindre moinse de popularité et d’honneur. Donc banes ki joine le Jamaat Sahih Al Islam maintenant, dans le temps kot zot tous pé penser ki li faible et sans signification, zot pou atteindre à l’honneur de banes premiers disciples. Zot pou gagne banes récompenses et bénédictions très spécial, Insha Allah. Boucou de temps fini traverser maintenant mais la porte de l’honneur li toujours grand ouvert, pou ou gagne le salut, li toujours encore possible. Mo invite zot mo banes frères et sœurs et mo banes enfants bien-aimes… Le but ki fine désigne moi le Khalifatullah, ki mo bizin retire tous banes obstacles ki fine établi entre l’homme et so Créateur, ré-établir l’amour de Dieu l’unique et la dévotion totale dans le cœur de chaque dimoune, et mo bizin manifester la vérité de Dieu l’unique, mo bizin mette ene fin à sa la guerre et animosité ki ena dans la religion. Et donc bizin établir et solidifier la fondation de la paix et bizin ramène dimoune vers la vérité spirituelle ki fine alle dans l’oubli et nous bizin faire banes dimoune, le monde reconnaître sa vrai la vie spirituelle ki fine déplacer de nous le cœur par le désire de sa le monde là. Et mo bizin manifester banes pouvoir divine ki Allah donne à l’homme, mais sa manifestation là arriver juste quand faire boucou de prière et dévotion. Allah fine donne moi la connaissance pou ki mo capave donne ene warning à bane ki fine prend ene mauvaise direction et ki pé reste dans l’obscurité au lieu dans la lumiere. Mo fine être envoyer pou établir la vérité et la foi et pou faire revivre l’amour et la crainte du Créateur dans le cœur de bane dimounes. Mo fine être envoyer pou attire bane dimounes vers ça la vérité kot tous kitchoses relier aux croyances, la moralité, la connaissance et le comportement. Premièrement, mo travail principal ce pou montrer la verite de l’Islam a toutes les nations et religions. Deuxièmement, pou ré-établir le vrai enseignement de l’Islam ki rempli de vérité et de spiritualité. Mo bizin libère l’Islam de banes fausses allégations et blâmes ki fine imposé. Troisièmes, pou établir la lumière de la foi à banes chercheurs de vérité. Mo pas bizin ni richesse ni pouvoir. Mo fine être designer par Allah comme ene avertisseur pou l’humanité, et mo bizin distribuer et propage So message à zot. Si zot croire et accepter sa message là, zot pou recevoir la félicité dans sa la vie là comme dans l’autre monde. Si zot rejette sa vérité là, la révélation divine, c’est sur et certain ki Allah pou décide tous entre ou et moi. A partir aujourd’hui le 26 Mai 2008, mo prend Allah comme mo témoin ki mo le Khalifatullah (Vice-Gérant d’Allah) et le Imaam-e-Inquilaab de ça l’époque là. Chaque nation pé attane quelqu’un pou vini de coté d’Allah, le Tout Puissant, pou faire revivre banes l’enseignement de zot prophètes ou avataars. Jamais Allah pas pou détruire ene peuple avant ki Li envoye ene avertisseur et ene porteur de bonnes nouvelles. Sa même montrer So l’amour intense ki Li ena pou So banes créatures. Sa banes avertissements là, c’est ki pou faire l’homme ressaisir et prend conscience et connaissance de zot actions et ki pou quitte tous banes mauvais actions et pensées, coumsa zot tous tourne vers ene seul Créateur avec ene le cœur sincère et pure. Banes ki accepter sa vérité la, la vérité d’ene seul Dieu unique et Tout Puissant, zot pou récolter plaisir énorme de coté de Dieu ki zot pou recevoir ici-bas et beauté de sa la vérité là dans l’au-delà. Wa ufaw-wizi amrii ilallah, innallaaha Basiirum bil ibaad Tant à moi, mo soumette mo destin à Allah, car c’est Lui ki Le Gardien de So serviteurs. Fatabaarakallaahu Rabbul Aalamiin « Tout remerciement pou Allah, le Maitre de l’univers » Wa makhtalaftum fiihi miin shay-in fahukmuhuuu ilallah Tout désagrément ki ou ena lor sa proclamation la, so décision vine de coté d’Allah, Allah Li mo Maitre. LE SERMENT D’ALLEGEANCE (Bai’at) Tous séki présent zordi, si zot ena kit question pou mette de l’avant, ou capave demande l’humble serviteur d’Allah lor n’importe ki question ki pas claire dans ou l’esprit à propos mo proclamation. Cinq minutes après, puisque pas fine ena aucaine question de l’assistance, le Khalifatullah de ça l’époque là fine continuer causer par la révélation divine ki li pé recevoir en place. Maintenant zot tous ki là, si vraiment ou croire sincèrement, ki ou péna doute dans ou l’esprit concernant mo proclamation divinement commander ; donc au nom d’Allah, le Très Gracieux et le Très Miséricordieux, mo humblement demande zot pou pose zot la main dans mo la main et répète après moi. « Mo témoigner ki pas ena aucaine Dieu pou adorer excepter Allah et ki Mohammad (s.a.w) li le messager d’Allah. Mo rentre dans le Jamaat Ul Sahih Al Islam dans la main de Hazrat Amir’ul Momeneen Muhyi-ud-Din, le Khalifatullah de ça l’époque là. Mo demande pardon pou tous mo banes péchés et ki dans le future mo pou protège moi contre n’importe ki actions sataniques. Mo pas pou associé personne égal à Allah et mo pou donne préférence à mo religion (Islam) à toute les autres choses mondaines. Mo pou faire de mo mieux pou obéir et observe tous les commandements de l’Islam et mo pou essaye étudier, apprendre et enseigne le Saint Quran et Hadiths du Saint Prophète (s.a.w). Mo considère Mohammad (s.a.w) comme le Seau de tous bane prophetes et mo prend conscience et connaissance de la proclamation du Messie Promis Hazrat Mirza Ghulam Ahmad (paix soit sur lui) et tout la proclamation du Khalifatullah de ça l’époque là, Hazrat Amir’ul Momeneen Muhyi-ud-Din Munir Ahmad Azim. Mo pou prend la propagation de l’Islam étant le premier de mo banes devoirs. Mo pou obéir le Muhyi-ud-Din dans toutes banes actions basées d’après le Quran Shareef, Hadiths et les enseignements du Messie Promis de Qadian et dans banes révélations ki Allah (swt) pé faire desane par le Ruhil Quddous à travers So Khalifatullah de ça l’époque là. Mo supplier Allah, mo Maitre pou pardonne moi pou tous mo banes péchés et mo tourne vers Allah, mo Maitre. « O mo Maitre ! Mo fine faire du tort à moi-même plusieurs fois et mo admettre tous mo banes péchés. Donc, pardonne moi car pas ena aucaine pardonneur appart Toi ! Ameen ! » Le Message du Khalifatullah de ça l’époque là, Hazrat Amir’ul Momeneen Muhyi-ud-Din Munir Ahmad Azim après la proclamation mondiale. Moi mo le Khalifatullah de sa l’époque là ; Allah avec moi et li pé déboute avec moi comme ene l’épée bien tranchant et Li fine révèle à moi ki Li pou humilier tous sa banes dimounes ki pé faire toutes sortes de complots et méchancetés contre moi. Guettez, c’est par commandement d’Allah ki mo pé donne zot ene avertissement. Sa li forme parti de mo responsabilités pou mo passe sa message divine là pou donne zot sa avertissement là. Ou capave boufonne moi autant ki ou capave, ou capave abuse lor moi autant ki ou content et ou capave comploter pou crée banes problèmes pou moi autant ki ou content, et ou capave essaye pou faire banes plans machiavélique pou détruire moi autant ki ou content, mais mazine bien ki Allah pou montrer zot ki Li même Li ena contrôle lor tous kitchoses. Aide décoté d’Allah jamais vine pou banes dimounes ki ena l’esprit malpropre et malsain. Jamais Li pou laisse kicaine pou détruire so Serviteur/s choisi. C’est seulment banes dévoués ki soumette zot à Allah. Banes arrogants pas ena aucaine place à cote Li, Allah. Seul recours ki nous ena, séki nous prier Li fermement coumsa nous capave reste bien près avec Li. Cherche seulment l’aide d’Allah et brûle tous banes l’échelle ki pou amène ou vers la perdition. Allah conne très bien ki jamais moi mo fine désire ou gagne l’envie d’être appeler le Khalifatullah de sa l’époque là  ou bien si pas mo fine envie être mieux ou plus grand ki Jésus, fils de Marie. Mo fine tous le temps isole moi dans mo la chambre et sa même ki tout le temps mo désire ki mo reste tout seul et ki mo gagne ene la mort dans sa condition là. Mais Allah, Le Tout Puissant, fine désire autrement et Li dire ki Li pou faire moi vine populaire dans le monde entier. Donc, demande Li ki faire Li fine faire sa ? Mo pas fine vini pou donne zot banes « cours » ki pas ena aucun sens car moi-même mo pas croire dans juste banes mots ki pas ena aucaine valeur ou ki insensé. Mo fine vini pou transmettre zot banes messages ki mo recevoir de mo Maitre et pou partage mo l’amour profond ki mo ena pou mo Créateur. Et mo invite zot tous pou prend part dans sa l’amour spécial la. C’est sa ki mo tenir à cœur. C’est sa le trésor réel. Mo fine vini pou faire ou rappel ou héritage spirituel. Banes vice-gérants vini de temps en temps, encore et encore pou proclame et réaffirme sa vérité la. Comme le Khalifatullah de sa l’époque là, mo travail c’est ki pou faire l’homme réaliser lor l’unicité essentiel de Dieu, ki la fondation li baser lor l’unicité de Dieu. Mo fine vini en chair et en os, en forme humaine couma ou, ki capave cause avec ou à travers le Saint Esprit dans ene langage ki ou comprend. Ça li déjà décider par Le Tout Puissant ki parmi banes musulmans, ki fine dissocier zot de moi, jamais zot pou sorti victorieux même si zot banes les rois ou autres. Ene avertisseur fine fini paraître dans sa le monde là. Mais malheureusement le monde pas pé écoute li mais avec grand force li pou révèle so véracité. Mo jurer au nom d’Allah ki ena le contrôle complet de mo la vie, ki Li fine élève moi et nomme moi comme l’excellence Amir’ul Momeneen Muhyi-ud-din Al-Khalifatullah de sa l’époque là. Donc, O banes dimounes du monde entier, na pas néglige le message ki pé vine de coté ou Maitre, car Li pou tous les temps, jusqu'au Jour du Jugement, Li pou envoye quelqu’un ki Li élever pou faire revivre les enseignement de l’Islam ki fine vine en poussière. Donc, à nous plonge nous ensemble comme ene seul le corps et ene seul l’âme dans l’adoration d’ene seul Dieu coumsa Li capave enlève tout banes mauvais. Et banes calamités ki le monde pé faire face. L’humanité en danger. Le chemin de l’Islam c’est le chemin ki mène vers l’unicité de Dieu, Le Tout Puissant. Pou ene vrai croyant c’est Allah ki li pou dévoue li complètement et ki li pou attache li à So l’unicité. Le monde fine être condamner pou disparaître ene jour mais na pas laisse nous la foi dans nous Créateur disparaître de la surface de l’existence. Pou ki sa pas arriver, Allah Li tous les temps pou envoye quelqu’un pou ramène tous dimounes du monde entier vers sa la lumiere ki pou illumine nous l’âme là. Mo fine vini de coté d’Allah comme ene lumière pou illumine sa l’âme la, coumsa tous séki croire dans moi, pou ne plus reste dans l’obscurité. Mo mission li comme suite : pou être ene témoin à la vérité de l’existence d’ene seul Dieu, et pou guide zot vers Li. Mo fine gagne sa travail là ki mo bizin retire zot de zot l’état de péchés et purifier zot avec l’amour du Tout Puissant. Depuis quelque semaines de cela, par la grâce d’Allah, mo pé recevoir continuellement banes révélations concernant l’état kot sa le monde là fine rentrer et la nécessité de mo venue comme ene Khalifatullah parmi zot. Révélations de Munir Ahmad Azim (A.T.B.A), Le Khalifatullah de sa l’époque là. Mardi le 18 March 2008 « Meilleur parmi banes dimounes celui ki fine reconnaître Mo banes signes quand Mo envoyer à travers Mo serviteur ; le meilleur parmi banes dimounes est celui ki reconnaître Mo l’unicité. Le meilleur de banes dimounes c’est celui ki accepter séki Mo envoyer sans aucaine protestation. » Révélation ki mo fine recevoir le Mercredi 14 mai 2008 après le Namaz Maghrib. Laa Ilaahaa ill-lal-laah Aamanaa bi Rasoolillah Révélation le samedi 17 mai 2008 après le Study Circle Jamaat Ul Sahih Al Islam anyyata khalafuu ar Khalifatullah wa laa yargahuu bi anfusihim an-nafsih. Banes membres du Jamaat Ul Sahih Al Islam zot pas faire bien quand zot refuse pou suivre le Khalifatullah et quand zot préfère zot la vie ki so la vie. Yaa ayyuhan-naasu Jamaat Ul Sahih Al Islam qaatilullaziina ya-luu-nakun minal zalimun wal yajuduu fiikum gilzah. O banes membres du Jamaat Ul Sahih Al Islam, la guerre contre banes malfaiteurs autour de ou et faire zot conner ki ou ferme dans ou la foi. Allaziina yalmi-zuunah muttawwi-iina minal Jamaat Ul Sahih Al Islam fis Dawati “Laa Ilaaha Illallah”, fis Tarbiyyati, fis Study Circle fa-yaskharuuna minhum sakhirrallaahu minhum wa lahum azaabun aliim. Zotte critique banes membres du Jamaat Sahih Al Islam ki pas hésiter pou faire le dawa. « Laa Ilaaha Illallah », Tarbiyat, et le Study Circle et zot pé moque de sa banes dimoune là. Mais c’est Allah Qui pou moque de zot et zot pou recevoir ene punition très sévère. Lundi 19 Mai 2008 avant Namaz Tahajjud Wa’izaa maaa un-zilat Rouhil Qoudouss nazaraa Khalifatullah wal zaalimiina, wal Munaafiqinaa bazahum ilaa baaz.   Fallahu quluu-bahum bi-annahum qawmul laa yafqahuun. Quand le Saint-Esprit dessane lor le Khalifatullah, banes malfaiteurs et banes hypocrites guette sakaine zot camarade. Allah dévier zot le cœur parseki zot banes dimoune sans comprend. (Sa révélation là fine répéter encore le Mardi 20 Mai 2008 après Namaz Tahajjud et Fajr) Mardi le 20 Mai 2008 (continue) “unzur kayfa zarabuu lakal amsaala fa-zallun falaa yastatii-uuna sabilaa” Guette ene coup ki kalité exemple zot pé donne toi, zot fine perdi le droit chemin et zot pas pou capave retourner par n’importe ki chemin. Révélation Jeudi le 22 Mai 2008 Tous les jours jusqu'à Lundi le 26 Mai 2008, boucou fois Allah pé donne moi sa révélation la. “Laqad jaaa-akum Khalifatullah min anfusikum” Parmi zot ene Khalifatullah élu par Allah fine vini, ene dimoune ki fine vini parmi zot même. Vendredi le 23 mai 2008 Avatar Munir Azim nadri bahrey kahai na pavai maan (sanskrit) Avatar Munir Azim, personne pas capave gagne l’honneur ou être acclamé sans la grâce de so Maitre. Yaa Khalifatullah Munir Ahmad Azim anta minni inni minka. O Khalifatullah Munir Azim, to vine de Moi (Allah), et Moi de toi. Jiinakum bil Haqqi bashiraw wa Naziira. Nous fine envoye toi avec la vérité, bonnes nouvelles et comme ene avertisseur. “The Khalifatullah Munir Ahmad Azim has come to turn an associated world to a universal word: “La Ilaaha Illallah” Le Khalifatullah Munir Ahmad Azim fine vini pou faire sa le monde associer la conne ene seul mot universel “La Ilaaha Illallah” (Pas ena aucaine dieu pou adorer excepter Allah). 24 Mai 2008   The Khalifa (Caliph) of Allah has come, The light of Allah has come to unite everyone to the religion of God, To bring the Unicity of Allah all over the universe, The Khalifatullah of this era has come to turn an associated world to a universal word that is “La’Ilaaha Illallah”, Come and join the word of God and let the truth be apparent. Le Khalifa d’Allah fine vini, La lumière d’Allah fine vini pou réunir tout le monde dans la religion de Dieu, Pou amène l’unicité d’Allah dans le monde entier, Le Khalifatullah de ça l’époque là fine vini pou change sa le monde associé là en ene seul mot universel : “La Ilaaha Illallah” (Pas ena aucaine dieu pou adorer excepter Allah). Vini et joine le mot de Dieu et laisse la vérité triompher. Fa-mayy-yuridillaahu ay-yahdi-yahuu yashrah sadrahuu lil Jamaat Ul Sahih Al ISLAM Celui ki Allah guider, Li pou ouvert so le cœur à Jamaat Ul Sahih Al Islam. You believe or not, it is the truth, the truth from Allah the great. Munir Ahmad Azim has been sent in this world, through My command to fulfill the prophecy of Hazrat Massih Maoud (a.s). The Khalifatullah is the guardian of the teaching of Islam, the teachings of the Holy Prophet Muhammad (s.a.w), the teachings of the Promised Messiah and all the precedent prophets (a.s).   The Promised Messiah (a.s) has defined the Holy Quran. Now the time has come, where I have sent My Khalifatullah in this era to teach the world about Me and My beloved Prophet Muhammad (s.a.w)  Ou croire, ou pas croire, c’est la vérité, la vérité ki vine de coté d’Allah, Le Très Grand. Allah fine envoye Munir Azim à travers commandement Allah pou accomplir sa prophétie de Hazrat Massih Maoud (as). Le Khalifatullah li ene gardien de banes enseignements de l’Islam, bane enseignements du prophète Muhammad (s.a.w) et bane enseignements du Messie Promis (as) et tous banes prophètes ki fine vini avant (as). Le Messie Promis (as) fine définir le Saint Quran. Maintenant le temps fine vini kot Moi Allah fine envoye Mo khalifatullah dans sa l’époque là pou enseigne au monde à propos Moi et Mo prophète bien-aimé Muhammad (s.a.w). LE KHALIFATULLAH MUNIR AHMAD AZIM LI AUSSI ENE AVATAR POU BANES HINDOUS. (Message reçu en Anglais le 27 Avril 2008) KI ÉTÉ ENE AVATAR ? Avatar veut dire celui ki vine du ciel. Kikaine ki sorti du haut et vine sur terre appelle ene Avatar. Dans le Puranas li connu par « AvriBhav ». Seulment Bon Dieu ki capave élève ene Avataar, pas l’homme. En d’autres mots, juste Bon Dieu ki désigne ene Avataar, pas l’homme. L’univers en entier ti unir ensemble par le Dharma. N’importe ki moment Dharma ti en danger, Allah envoye so Avataar ou messager pou so protection et so préservation. Banes Hindus zot pé attane la deuxième venue de Krisna, et banes Chrétiens pé attane Jésus dessane depuis lors le ciel. Banes Bouddhistes pé attane la deuxième venue de Buddha (as). Donc, tous sa banes messagers ou Avataar ki zot supposer pou vini, zot pou vini en ene seul personne ki pou enseigne zot le Dharma (le droit chemin) et pou guide zot vers le Dieu unique, le Créateur du ciel et de la terre. Tous prophètes ki fine vini sans exception, zot fine vini pou faire ene mission ki pou guide dimounes vers l’adoration d’un seul Dieu. Donc, sa même ki mo travail moi aussi, et mo fine vini dans ene ressemblance spirituel de sa banes prophètes là pou guide tous dimounes du monde entier, de toute religions vers ene seul Créateur, pou zot propre salut et félicité, si zot envie accepter Bon Dieu (Allah) So décret. “Zaalika Fazlullaahi yutiihi mayyashaa” Sa c’est ene faveur de coté d’Allah ki Li donné à n’importe ki sanlà Li envie. ENE MESSAGE DE COTÉ D’ALLAH KI FINE RECEVOIR PAR NOOR’UL HAQQ BARKAT ENE PROCHE COMPANION DU KHALIFATULLAH DE ÇA L’ÉPOQUE LA ~   Le titre “Khalifatullah” fine être donné à ene dimoune droite ki appelle Munir Ahmad Azim, ki so touché li béni par Bondié.   O Khalifatullah de ça l’époque là; O Khalifatullah de bane dimounes, maintenant c’est l’heure pour délivrer ça vrai message de to l’apparition dans ça le monde là. Lever et crée l’univers d’Allah et faire ça bane paroles là pénétrer dans zot lécoeur “La Ilaaha Illallah”. Bane ki zot gagne bane bonnes nouvelles dépi Bondié zot pas souffert dépi dégradation.   Lever O Khalifatullah et gagne le courage pour délivrer Mo message à toute l’humanité.   Tous bane membres du Jamaat Ul Sahih Al Islam bizin obéir bane l’instructions ki vine de Moi à travers Mo Khalifa et si zot pas obéir, alors zot pou perdi ça faveur là et les autres pour vini pour gagne ça bane bénédictions ki vine de Moi, zot Seigneur à travers la venue de Mo Khalifa. Alors, zot bizin mette tous bane instructions divine en pratique et obéir Mo bane commandements et bane (commandements) ki vine de Mo Khalifa.   Fine ena quelques instants de cela, le Muhyi-ud-Din Khalifatullah fine recevoir ene révélation: Bane Maladies pour répandre et dimounes pou mort. Bane Maladies pour répandre et bane la vie pour perdi. Ça bane maladies là pour transmettre sexuellement et zot pou pli mortel ki virus SIDA. Mo pou vini bientôt et Mo jour pou ene jour d’ene grand jugement. Pas bizin surpris de Mo décision. Allah fine oulé honore Munir Azim et protége li.   O Mo Khalifa, La Lune de bane prophètes pour vini et to pou atteindre to but. To pas parmi bane ki quitte Satan sans avant gagne victoire lor li. Zot envie teigne la lumière d’Allah et Allah li Suprême lor So décret, mais la plupart dimounes pas conné. Pour toi ena élévation (haut rang) et l’humiliation li pour to l’ennemi. Dans n’importe ki direction to tourné pour ena le visage d’Allah. Dire zot : La vérité fine vini et fausseté fine disparaître. Le Khalifatullah de ça l’époque là li possède bane qualities de Krishna et li pour être so refléction.   La Lune de bane prophètes pour vini et to pou atteindre to but. To pas parmi bane ki quitte Satan sans avant gagne victoire lor li. La Victoire li avec toi et défaite fine destiné pour to bane l’ennemies. Allah pas pou quitte toi ziska ki Li fine distingue le pur dépi bane impurs.   Nous fine envoye le Muhyi-ud-Din Khalifatullah à so peuple, mais zot fine tourne lédos et zot fine dire: ‘Li ene mauvais menteur.’ Zot fine commence emmène bane fausses témoignages contre li et zot fine tombe lor li couma bane de l’eau d’ene inondation. Mo l’aide pour vine vers li. Mo Celui ki Gracieux.   Mo Rassool pou recevoir bane bénédictions spirituel en grande quantité. Mo pour rassembler bane groups de chaque peuple et zot pou vine vers li en grand nombres Insha-Allah. Mo pou illumine so la caze. Ça c’est ene révélation dépi Allah, le Tout-Puissant, et Le Miséricordieux.   Dire li (O Noor’ul Haqq): O Muhyi-ud-Din et Khalifatullah de ça l’époque là, oû Allah So Grand Nom, et oû So Ibrahim.   Mo Khalifa, Munir Ahmad Azim li ene simple Avertisseur. Ça bane dimounes stupides là pour dire: ‘Ça dimoune là li ene imposteur et ça dimoune là pour ruine la foi. Dire li : La vérité fine vini et faussetés fine disparaître.   Dire zot O Mo Khalifa: ‘Si ça zaffaire là ti vine d’ene lotte ki Allah oû ti pou trouve bane bél contradictions là-dans. C’est Li ki fine envoye So Messenger avec guidance et la religion de la vérité et la réforme de bane morales. Ene titre d’honneur, ene titre d’honneur, ene titre d’honneur pour toi O Munir Ahmad Azim! Pour ena ene grand signe avec ça. Bondié fine décréter pour éleve to nom et pour illumine li dans l’univers.   O Mo Muhyi-ud-Din Khalifatullah, Mo pou illumine tous dimounes dans to la caze. Succès de côté d’Allah et ene la victoire claire. Succès et Victoire de côté d’Allah.   LA VENUE DE KHALIFATULLAH MOHYUDDIN LOR LA TERRE    Jamadal Ulah ko wo abré bahaaran Chaaé méré Munir Ahmad aaé Ae Momeen téré ghar aa kar Jibreel (a.s) payaam Yé laaé méré Khalifatullah aaé Door houwaa duniyaa sé Andhéraa Aaé Khalifatullah savéraa Azim ké ghar aangann khushyon ké baadal Chaaé méré Munir Ahmad aaé Soukhee thin gulshann mein kalian Oune ké qadam sé chaaron jaanib ho gaé Noor ké saaé méré Khalifatullah aaé Mushkil téri tal jaaégi Soukhi khéti phal jaaégi Jholi bharnaa kaam ké jinka aaj wo daataa aaé Méré Khalifatullah aaé Mujhko nidaa aayi ké Noor’ul Haqq Barkat Dunya ko batlaa dé Noor’ul Haqq Jo hé Khalifatullah ké chaahné waalé Apné ghar ko sajaaé, Méré Mohyuddin aaé Sanson mein jiss né naamé Mohyuddin bassaa liyaa Zulmatt mein ik chiraaghé hidaayat jalaa liyaa Jiss dil né ounn ki yaad ko dharkann banaa liyaa Wo jaané Mohyuddin ké wo jaanaané Mohyuddin.  Traduction: Nuage de la grâce d’Allah fine englobe Tout l’univers avec l’arrivée de Munir Ahmad lor la terre. O Momeen c’est Jibreel (a.s) li-même ki fine vini pour annonce toi la bonne nouvelle de la venue du Khalifatullah lor la terre. La noirté ki ti appendant là-haut la terre fine disparaître Le Khalifatullah fine vini comme ene la lumière ki illumine l’univers Contentement fine tappe lor la porte de Azim Avec l’arrivée de Munir Ahmad lor la terre Bane fleurs ti secs dans bane jardins Kan nek ene coup tout coins de la terre fine illuminer Kan le Khalifatullah fine mette so lipiés béni lor ça la terre là To bane difficultés pour disparaître bientôt Végétation ki ti secs fine ré-gagne so verdure Celui ki Généreux ki fine crée pour partage Bane bénédictions d’Allah fine vini Noor'ul Haqq Barkat fine fek recevoir ene message Important Ki li bizin dire tout dimounes. Celui ki content le Khalifatullah avec tout so lécoeur Alors embelli ou la caze comme ene signe de contentement de l’arrivée du Mohyuddin lor la terre Celui ki pense le Mohyuddin avec chaque souffle de so respiration Fine en fait, illumine noirté de so lécoeur avec la lumière de Imaan (la foi) Ça lécoeur ki pense le Mohyuddin avec chaque battement, Vine automatiquement le bien-aimé du Mohyuddin.     BISMILLAH-IR-RAHMAN-IR-RAHIM Ya Khuda Shak nahin iss mein ké gunehgaar houn mein O Allah, péna aucaine doute ki mo rempli de péché Par yé irshaad hé téra hi ké " ghaffaar houn mein " Mais eski pas Toi même ki fine dire: “Mo Celui ki Pardonner” Saath apné liyé taqseeron ké ambaar houn mein Mo sarryé lor mo lédos ene lourd fardeau de péchés Mujh pé rehmat ho khudaayaa ké khataakaar houn mein Gagne pitié lor moi, O mo Créateur parceki mo rempli de faiblesses Apnaa ghagheen banaa kar mujhé har gham sé bachaa Faire ki mo pense Toi à chaque moment, et sauve moi de bane mal de ça lémonde là Ya ilaahi ghamé duniya mein giraftaar houn mein Parce ki mo fine être piégé par bane attractions de ça lemonde là Ya qadeer ab to ho aasan méri har mushkil O Bondié Tout-Puissant! Faire ki mo bane problèmes li résoudre par To la grâce! Sakht majboor houn haïraan houn naachaar houn mein Parceki mo bien désolé, tracasser et sans l’espoir Sab ko ho méri naseehat ka assar ya mawla Faire ki zot tous pratique séki mo dire zot, O mo Créateur Ho a'mal aïsa ké bass shaamilé abraar houn mein Faire ki mo bane paroles réflecter bane conseils de bane dimounes droite et pieux Ya ghani hashr mein mehroom ha rakhnaa mujhko O mo Bondié Généreux! Pas déshérite moi de To bane faveurs le Jour du Jugement Dernier Houn Faqeer aur téra taalibé deedaar houn mein Parce ki mo ene pauvre mendiant ki envie zis contemplé Toi (kan bane bon dimoune pour rentre dans Paradis, kot zot pou capave finalement contempler Dieu le Tout-Puissant avec zot propre lizié).   MUNIR AHMAD AZIM LE CALIFE D’ALLAH (KHALIFATULLAH) ET CELUI QUI FAIRE REVIVRE LA FOI

PROCLAMATION AUSSI EN : ANGLAIS - ARABE - ALLEMAND - DANOIS - ESPAGNOL - ITALIEN - FRANÇAIS